Slavisa Jokanoviq pritet të jetë trajneri i ri i Baselit, pasi klubi zviceran ka vendosur që drejtimin e ekipit t’ia besojë teknikut serb.

Mediumi zviceran “Blick” raporton se 58-vjeçari nga Novi Sadi do të zëvendësojë Stephan Lichtsteinerin, i cili u shkarkua ditë më parë për shkak të rezultateve të dobëta në startin e sezonit.

Baseli po punon për përgatitjen e ardhjes së Jokanoviqit, ndërsa marrja e detyrës së re pritet të ndodhë gjatë ditëve në vijim.

Angazhimi i fundit i trajnerit serb ishte te Al-Nasri në Emiratet e Bashkuara Arabe. Gjatë karrierës së tij, ai ka drejtuar gjithashtu skuadra në Angli, Rusi dhe vende të tjera.

Pas largimit të Lichtsteinerit, Baseli shpreson që ndryshimi në pankinë të ndihmojë ekipin të rikthehet te stabiliteti dhe rezultatet pozitive.

Në rast se marrëveshja konfirmohet zyrtarisht, Jokanoviq do të marrë drejtimin e skuadrës ku luan Shaqiri, duke u bërë trajneri i ri i tij te Baseli.

The post Baseli ia beson stolin Slavisa Jokanoviqit, serbi pritet të drejtojë Shaqirin appeared first on Albeu.com.

Paraqitja e jashtëzakonshme kundër Luzernit i ka siguruar Xherdan Shaqirit vlerësimin më të lartë të javës.

Baseli triumfoi 2-4 në këtë përballje, ndërsa ylli shqiptar kontribuoi drejtpërdrejt me dy gola dhe një asistim.

Për këtë paraqitje, SofaScore e vlerësoi Shaqirin me notën 9.9, rezultati më i lartë, duke e përfshirë në formacionin më të mirë të javës.

Formacioni më i mirë i javës:

Përveç Shaqirit, në këtë 11-she nuk u përfshi këtë herë asnjë futbollist tjetër shqiptar, siç ka ndodhur rrallë më parë./

The post Xherdan Shaqiri shpërthen ndaj Luzernit dhe përfshihet në formacionin ideal të javës në Zvicër appeared first on Albeu.com.

Baseli triumfoi 2-4 në transfertën ndaj Luzernit, në një ndeshje ku protagonisti kryesor ishte Xherdan Shaqiri.

Futbollisti nga Gjilani realizoi dy gola dhe kontribuoi edhe me një asistim, duke udhëhequr ekipin e tij drejt një fitoreje të rëndësishme.

Shaqiri fillimisht shërbeu për Otele, i cili përmbysi avantazhin e Luzernit dhe e kaloi rezultatin nga 1-0 në 1-2.

Në pjesën e dytë, ylli nga Kosova e rriti edhe më shumë ndikimin e tij në lojë. Pas dy asistimeve të Olaigbe, ai mposhti portierin vendas me dy goditje të bukura, në minutat 56’ dhe 66’.

Paraqitja e tij u vlerësua me notën 9.9 nga SofaScore, rezultati më i lartë i regjistruar në këtë sfidë.

Pas kësaj fitoreje, Baseli ngjitet në kuotën e 13 pikëve, ndërsa Luzerni mbetet në vendin e shtatë me nëntë pikë.

The post Shaqiri shkëlqen me dy gola dhe një asistim në fitoren e Baselit ndaj Luzernit appeared first on Albeu.com.

Sulmuesi shqiptar Albian Ajeti do ta vazhdojë karrierën në një tjetër klub të elitës së futbollit zviceran, pasi është transferuar nga Baseli te Lugano.

29-vjeçari i është bashkuar skuadrës së re në formë huazimi deri në përfundim të sezonit. Marrëveshja përfshin edhe të drejtën e Luganos për ta blerë përfundimisht futbollistin pas mbylljes së huazimit.

Ajeti është formuar në akademinë e Baselit. Përgjatë karrierës, ai ka luajtur gjithashtu për Augsburgun, St. Gallenin, West Hamin, Celticun dhe Sturm Grazin.

Gjatë vitit 2024, sulmuesi u rikthye për herë të tretë te Baseli dhe me këtë klub ka fituar edhe titullin.

Në arenën ndërkombëtare, Ajeti ka zhvilluar 11 ndeshje me Zvicrën, ku ka shënuar një gol.

The post Zyrtare: Albian Ajeti largohet nga Baseli dhe huazohet te Lugano appeared first on Albeu.com.

Lindrit Kamberi, mbrojtësi kosovar dhe kapiteni i FC Zürichut, ka pësuar një dëmtim serioz në përballjen me Basel.

Sipas njoftimit të klubit zviceran, goditja me bërryl nga Ludwig Malachowski i ka shkaktuar Kamberit thyerje të katërfishtë të ashtit të hundës.

Ngjarja u regjistrua gjatë ndeshjes së së shtunës. Futbollisti pati gjakderdhje të madhe nga hunda, ndaj loja u ndërpre për disa minuta që ai të merrte ndihmën e nevojshme mjekësore.

Zürich reagoi me pakënaqësi ndaj vendimit të gjyqtarit, duke vlerësuar se ndërhyrja përbënte një akt të qartë dhune. Megjithatë, Malachowski mori vetëm karton të verdhë dhe VAR-i nuk ndërhyri.

Ende nuk është e qartë nëse Kamberi do të mund të vihet në dispozicion të trajnerit për ndeshjen e fundjavës. Gjendja e tij pas dëmtimit do të përcaktojë vendimin përfundimtar.

Kamberi konsiderohet një nga lojtarët e rëndësishëm të Zürichut dhe mban gjithashtu shiritin e kapitenit të skuadrës./Telegrafi/

The post Katër fraktura në hundë për Kamberin pas goditjes me bërryl appeared first on Albeu.com.

Në një konferencë për shtyp, në nisje të përgatitjeve për sezonin e ri, mesfushori ofensiv u shpreh se nuk është në gjendje të premtojë se do të mbetet pjesë e klubit zviceran edhe pas kësaj vere.

“Është e mundur që të largohem nga Baseli gjatë këtij afati kalimtar”, deklaroi Shaqiri para mediave.

Sidoqoftë, 34-vjeçari sqaroi se një transferim nuk është përparësia e tij kryesore, ndërsa nënvizoi se ndihet mirë te klubi me të cilin ka edhe një vit kontratë.

“Në futboll, ashtu si në jetë, gjithçka është e mundur. Nuk ka kurrë siguri”.

Ai tha se do të vëzhgojë me kujdes zhvillimet te Baseli dhe mënyrën se si po formohet skuadra, duke theksuar se dëshiron një ekip cilësor që ta udhëheqë.

“Do të shoh me kujdes se çfarë po ndodh te Baseli. Do t’i kushtoj vëmendje mënyrës se si po ndërtohet ekipi. Dua një skuadër të mirë për ta udhëhequr”.

Fjalët e tij po interpretohen si një sinjal i qartë për drejtuesit e klubit, pas një edicioni zhgënjyes në krahasim me sezonin e kaluar, kur Baseli fitoi dy trofe.

“Po përpiqem të arrij rezultatet më të mira të mundshme. Edhe unë duhet të performoj, por për këtë më duhen edhe bashkëlojtarët”.

Në fund, Shaqiri tha se aktualisht është i qetë, i kënaqur te Baseli dhe se kontrata e tij me klubin vazhdon edhe për një vit.

“Jam shumë i relaksuar për momentin. Jam shumë i lumtur te Baseli dhe kam ende një vit kontratë këtu”, përfundoi ai.

Këto deklarata pritet të rrisin vëmendjen ndaj të ardhmes së tij, ndërsa mbetet për t’u parë nëse drejtuesit e Baselit do t’i përgjigjen kërkesës për një skuadër më konkurruese, apo nëse veterani do të vendosë të nisë një aventurë të re.

The post “Mund të ndodhë”, Xherdan Shaqiri lë të hapur mundësinë e largimit nga Baseli appeared first on Albeu.com.

Me 66 për qind të votave të tifozëve, ylli i Baselit u shpall më i miri në një edicion të suksesshëm ku klubi fitoi dy trofetë e mundshëm: kampionatin dhe Kupën e Zvicrës.

Për të festuar këtë sukses dhe për të falënderuar tifozët pjesëmarrës në sondazh, klubi ka dhuruar 25 fanella të veçanta të vendosura në kornizë, me ngjyrë ari dhe të nënshkruara nga vetë Shaqiri.

👑 𝑪𝒂𝒑𝒕𝒊𝒐𝒏❓𝑪𝑨𝑷𝑻𝑨𝑰𝑵❗️❤️💙

Die unglaubliche Saison von unserem Top Scorer, Xherdan Shaqiri, in Zahlen 📊#FCBasel1893 #AlliZämme #BrennefürdrFCB #rotblaulive @XS_11official pic.twitter.com/eXfeIyabwX

— FC Basel 1893 (@FCBasel1893) June 11, 2025

Këto fanella ishin krijuar për të shënuar 131-vjetorin e themelimit të klubit dhe u shitën menjëherë.

Shaqiri, i cili u rikthye te Baseli në gusht të vitit 2024, udhëhoqi skuadrën drejt një sezoni historik. Ai e përfundoi edicionin me statistika mbresëlënëse: 21 gola dhe 22 asistime në 39 ndeshje në Superligë dhe Kupë.

Lojtari 33-vjeçar ka kontratë me klubin deri në qershor të vitit 2027, dhe është tashmë një ikonë.

🔴🏆 𝙐𝙣𝙨𝙚𝙧 𝙁𝘾𝘽-𝙎𝙥𝙞𝙚𝙡𝙚𝙧 𝙙𝙚𝙧 𝙎𝙖𝙞𝙨𝙤𝙣 𝟮𝟬𝟮𝟰/𝟮𝟱 𝙞𝙨𝙩 … 𝗫𝗛𝗘𝗥𝗗𝗔𝗡 𝗦𝗛𝗔𝗤𝗜𝗥𝗜 🏆🔵

Ihr habt gewählt! Xherdan Shaqiri ist mit 66% aller Stimmen unser Spieler der vergangenen Saison. Um seine Wahl gebührend zu feiern, haben wir etwas ganz… pic.twitter.com/3cheB2grvA

— FC Basel 1893 (@FCBasel1893) June 19, 2025

The post Nuk kishte dyshime, Xherdan Shaqiri më i miri i Baselit, klubi befason 25 tifozë dhe dhuratë speciale appeared first on Albeu.com.

Vendimtar në këtë triumf të madh të gjigantit zviceran ishte ylli shqiptar Xherdan Shaqiri.

Shaqiri kontribuoi në këtë takim duke shënuar golin që i dha epërsinë Baselit në minutën e 67-të për 2-1.

Për golin e shënuar dhe paraqitjen e tij në këtë sfidë, Shaqiri u vlerësua si lojtari më i mirë i ndeshjes nga Sofascore me notën 8.7.

33-vjeçari pati dy goditje në drejtim të portës, dy driblime të suksesshme si dhe një shans të madh për gol të krijuar.

Ai gjithashtu kompletoi 45 pasime si dhe pati tre topa të gjatë të kompletuar.

❤️🏆 𝑪𝑼𝑷𝑺𝑰𝑬𝑮𝑬𝑹 𝟐𝟎𝟐𝟒/𝟐𝟎𝟐𝟓 🏆💙#FCBasel1893 #AlliZämme #BrennefürdrFCB #rotblaulive pic.twitter.com/6vQtYD246t

— FC Basel 1893 (@FCBasel1893) June 1, 2025

Kjo ishte hera e parë për Baselin që shpallet kampion i Kupës pas plotë gjashtë vitesh, teksa për herë të fundit e kishin fituar gjatë sezonit 2018/2019.

Në këtë ndeshje për Baselin u aktivizuan gjithashtu edhe dyshja Albian Ajeti dhe Leon Avdullahu, ndërsa Yll Avdyli ishte në bankën rezervë tek ekipi kundërshtar./Telegrafi/

The post Baseli shpallet kampion i Kupës së Zvicrës – Xherdan Shaqiri lojtari i ndeshjes appeared first on Albeu.com.

Stafi i skuadrës dhe shokët e tij janë rreshtuar për hyrjen e Taulantit. Tifozëria i ka kushtuar një koreografi spektakolare. Me shkronja të mëdha shkruan “Tauli”.

Në stadium janë të pranishëm dhe emra si Breel Embolo, Beni Huggel, Valentin Stocker dhe Marco Streller. Të gjithë përqafohen sërish me Xhakën në mes të fushës në St. Jakob-Park. Edhe vëllai, Graniti ka ardhur dhe menjëherë lëshon bombën: “Një Xhaka po ikën, por së shpejti tjetri kthehet”.

Taulant Xhaka i bie shkurt sepse në të kundërt bëhet “shumë emocional”, siç thotë ai vetë. E mbyll fjalimin e tij me: “Mund të shikohem në pasqyrë dhe të them: ‘Kam dhënë gjithçka për këtë fanellë’.

The post FOTO/ Spektakël në stadium, Taulant Xhaka i jep lamtumirën futbollit appeared first on Albeu.com.

Pas kësaj arritje, Shaqiri ka folur për 20min.ch duke shfaqur emocionet për titullin e kampionit, derisa tha se për titullin është rikthyer.

“Kjo është arsyeja pse u ktheva. Erdha me ambicie dhe qëllime të qarta. Kur u largova nga Bazeli, klubi gjithmonë luftonte për tituj. Nuk do ta kisha menduar se do të ndodhte që në vitin e parë, por kjo e bën gjithçka edhe më të bukur. Tani kemi ende një shans për të fituar dy trofe”, vazhdoi tutje Shaqiri.

Bazel ka tri ndeshje të mbetura përpara finales së Kupës së Zvicrës më 1 qershor kundër FC Biel. /panoramasport

The post VIDEO/ Tifozët e Bazelit brohorasin emrin e Shaqirit, festë e jashtëzakonshme pas fitimit të titullit kampion appeared first on Albeu.com.