38% e të anketuarve shqiptarë mendojnë se korrupsioni është një problem i rëndësishëm për ekonominë e vendit.

Ky perceptim është më i larti në rajon në 2023, me një diferencë prej 12 pikë përqindje në krahasim me shtetin e dytë pas nesh, Bosnjë Hercegovina me 26% dhe Maqedonia e Veriut po me 26%.

Për Malin e Zi dhe Serbinë treguesi është 25%, ndërsa shtetasit e Kosovës kanë perceptimin më të ulët të korrupsionit në Ballkanin Perëndimor, me 22%. Mesatarja e rajonit është 27%.

Përqindja e shqiptarëve që mendojnë se korrupsioni është shqetësim për ekonominë e vendit është rritur ndjeshëm në krahasim me një vit më parë, kur treguesi ishte 27% dhe vendi renditej i treti pas Bosnjë Hercegovinës (34%) dhe Serbisë (28%).

Ndryshe nga gjithë vendet e tjera të Ballkanit, vetëm Shqipëria ka pësuar një përkeqësim kaq të lartë të perceptimit të korrupsionit. Maqedonia e Veriut ka shënuar një rritje të lehtë me një pikë përqindje, ndërsa në shtetet e tjera perceptimi i qytetarëve për korrupsionin ka rënë, sidomos në Bosnjë Hercegovinë. (shiko grafikun: Cilat mendoni se janë problemet kryesore me të cilat përballet ekonomia?- KORRUPSIONI).

Shqetësimi më kryesor për shtetasit shqiptarë është ekonomia, me 50% të të anketuarve. Gjithsesi, ky nivel është i treti në rajon, pas Maqedonisë së Veriut (55%) e Malit të Zi (51%) dhe në nivele të ngjashme me Serbinë.

Një tjetër problem që është më shqetësues për shtetasit shqiptarë sesa për vendet e tera të rajonit është emigrimi i turrit.

41% e të anketuarve shqiptarë mendojnë se ikja e trurit dhe emigracionit janë problem i rëndësishëm, shumë më i lartë sesa në shtetet e tjera dhe mesatarja rajonale prej 26%.

Shtetasit shqiptarë nuk shqetësohen për krimin, me vetëm 10% të tyre që mendojnë se është problem, më i ulëti në rajon. Rekordin për këtë tregues e mban Mali i Zi me 17%.

Shtetasit e Kosovës kanë një perceptim interesant për problemet që ata kanë mendojnë se ka ekonomia e tyre.

Ndërsa për situatën ekonomike janë më pak të shqetësuarit në rajon (26%, përkundrejt 47% që është mesatarja rajonale), ata mendojnë se një problem shumë i rëndësishëm është sistemi i edukimit, me 34%, nga 11% që është mesatarja rajonale. Në kontrast, vetëm 3% e të anketuarve shqiptarë e shikojnë sistemin e edukimit si një problem kryesor për ekonominë e tyre.

Për të nëntën herë radhazi, Këshilli i Bashkëpunimit Rajonal publikon rezultatet e Barometrit Ballkanik – sondazhi vjetor i realizuar me gjashtë mijë qytetarë nga i gjithë Ballkani Perëndimor, duke dhënë një pasqyrë mbi opinionet e tyre rreth bashkëpunimit rajonal, integrimit në BE, besimit tek institucionet publike dhe media, shqetësimet e tyre më të mëdha, punësimi, ndryshimet klimatike, siguria, jeta digjitale, transporti, sundimi i ligjit, udhëtimet, etj./monitor

The post Barometri i Ballkanit: Shqipëria rekord në korrupsion në 2023; Indeksi përkeqësohet, ia kalojmë dhe Bosnjës appeared first on Albeu.com.

Siç shihet nga tabela bashkëngjitur rreth 64% e të anketurave në Shqipëri janë totalisht të pakënaqur me nivelin e çmimeve, pasi i konsiderojnë të larta dhe të papërballueshme me të ardhurat që kanë.

Shqipëria kishte përqindjen më të lartë të personave që ishin shumë të shqetësuar për çmimet rreth 64% në krahasim me mesataren rajonale (52%). Të dhënat nga tabelat tregojnë se 92 % e shqiptarëve janë të shqetësuar dhe të pakënaqur me nivelin e çmimeve, ndërkohë që 84% e boshnjakëve, 72% të serbëve, 59% e kosovarëve, 84 % e malazezëve, ndjehen ne ketë mënyrë.

Shqipëria nuk kishte asnjë qytetar që e konsideronte normal nivelin e çmimeve, ndërsa në vendet e tjera të Rajonit, kjo kategori zinte nga 1 deri në 10%.

Të dhënat e anketës tregojnë se shqiptarët e Kosovës kishin nivelet më të ulëta të pakënaqësisë për çmimet në raport me vendet e Rajonit, ndërsa shqiptarët e Shqipërisë me të lartat.

Të dhënët statistikore të shteteve tregojnë se, Shqipëria kishte nivelin më të ulët të rritjes së çmimeve këtë vit. Në muajin maj inflacioni në Shqipëri ishte 6.7%, ndërsa në Bosnjë 14.4%, në Serbi 10.4%, në Malin e zi 11.7%, Maqedonia 11.9 % dhe Kosova me 12.5%.

Banka Botërore vuri në dukje se fundmi se , Indeksi i Çmimeve të Konsumit (IQK) në Rajonin e Ballkanit nuk pasqyron domosdoshmërisht inflacionin që përjetojnë familjet më të varfra, pasi përbërja e tyre e shpenzimeve ndryshon nga ajo e familjeve mesatare dhe kjo është më e dukshme në Shqipëri.

Familjet e decilit më të varfër përjetojnë sistematikisht inflacion më të lartë se mesatarja dhe familjet më të pasura. Në rastin e Shqipërisë dhe Maqedonisë së Veriut, IÇK-ja pasqyron më afër përbërjen e konsumit të familjeve më të pasura sesa e familjeve mesatare.

Inflacioni më i lartë me të cilin përballen të varfrit reflekton pjesërisht peshën e më të lartë të shpenzimeve për ushqime. Për një familje mesatare në Ballkanin Perëndimor, ushqimi është kategoria më e madhe e shpenzimeve, të cilat variojnë ndërmjet 28 për qind të shpenzimeve totale në Serbi, në 44 për qind në Shqipëri dhe 52% në Kosovë.

Pesha e ushqimeve në shpenzimet mujore është më e lartë në mesin e familjeve më të varfra, të cilat i kushtojnë deri në 78 për qind të totalit të shpenzimeve të konsumit të tyre për ushqim.

Sipas IÇK zyrtare, në të gjithë rajonin, në vitin 2021 çmimet e ushqimeve u rritën më shpejt se, totali i shportës së mallrave gjurmuar nga inflacioni, përveç Maqedonisë së Veriut./Monitor

The post Barometri: Shqiptarët më të shqetësuarit në rajon për çmimet, 92% i konsiderojnë të larta appeared first on Albeu.com.

Fjalën hapëse për prezantimin e Barometrit Ballkanik 2021 e mbajti Sekretarja e Përgjithshmë e RCC, Majlinda Bregu dhe Alessandra Viezzer, Zëvëndës Drejtuese e njësisë për Bashkëpunim Rajonal dhe Programet të Ballkanit Përëndimor në Komisionin Europian (DG NEAR).

Përsa i përket Shqipërisë, në lidhje me shqyrtimin e temave të lartpërmendura, 84% e njerëzve besojnë se anëtarësimi në BE është një gjë e mirë dhe 40% e të pyeturve besojnë se brenda 2025 Shqipëria do të jetë anëtare e Bashkimit Europian.

Gjithashtu, 85% mendojnë se qeveria e tyre duhet të përmirësojë më shumë tregtinë dhe marrëdhëniet e investimeve me Bashkimin Evropian, dhe 49% e njerëzve janë pozitivë ndaj qytetarëve që vijnë nga vendet e tjera për të punuar në Shqipëri.

Në lidhje me çështjet mjedisore, 34% e të anketuarve në Shqipëri mendojnë se ulja e emetimit të CO2 dhe sjellja e tyre në nivelin afër zeros, e cila do të lejojë arritjen e neutralitetit të klimës në BB deri në vitin 2050, është një domosdoshmëri.

Referuar sondazhit vjetor, 56% e njerëzve përdorin shërbimet e qeverisjes elektronike për të marrë dokumentet e tyre personale në internet, të tilla si certifikata e lindjes, shtetësia, etj. Gjithashtu, 61% raportuan kalimin në shërbime online/digjitale gjatë pandemisë Covid-19.

Përveç koronavirusit (62%), më shumë se dy të tretat (69%) e shqiptarëve e shihnin papunësinë çështjen më shqetësuese. Ndërsa shqetësimi për kujdesin shëndetësor ishte 38%.

Përveç Majlina Bregut dhe Alessandra Viezzer, në panel gjithashtu ishin edhe: Jim O’Brien, Këshilltar i Lartë i Iniciativës për Ardhmërinë e Evropës në Këshillin Atlantik;  Corina Stratulat, Kryetare e Programit / Analiste në Qendrën e Politikave Evropiane; Branimir Jovanovic, Ekonomist në Institutin e Marrëdhënieve Ndërkombëtare të Vjenës; Gentian Elezi, Konsulent i RCC për edicionin Ballkan Barometer 2021 nga Qendra Shqiptare për Konkurrencën dhe Tregtinë Ndërkombëtare (ACIT).

Paneli diskutoi për mënyrën sesi njerëzit dhe bizneset në Shqipëri, Bonje Hercegovinë, Kosovë, Mal i Zi, Maqedoni të Veriut dhe Serbi, mendonin mbi situatën në rajonin tonë.

Qytetarët e Ballkanit Perëndimor mbështesin bashkëpunimin rajonal, 77% e tyre janë dakort se kjo mund të kontribuojë në një situatë më të mirë politike, ekonomike si dhe të sigurisë në ekonominë e tyre dhe 62% e konsiderojnë anëtarësimin në BE si diçka të mirë për ekonomitë e tyre. Ende 49% mendojnë se papunësia është problemi më i madh me të cilin përballet ekonomia e tyre, krahasuar me 45% në vitin të kaluar. Të rinjtë gjithashtu dakordësohen, ku 63% e tyre konsiderojnë se mundësitë e papërshtatshme të punësimit janë problemi më i madh. Sipas sipërmarrësve, 72% perceptojnë BE-në si bashkësinë më të preferuar për të bërë tregti dhe 48% thanë se marrëveshja e re e roaming i ndihmoi ata të kursenin para.

Barometri Ballkanik i përgatitur nga RCC dhe financuar nga Bashkimi Europian, zhvillohet që prej vitit 2014 nga një agjenci e pavaruar me të dhëna nga më tepër se 6,000 qytetarë dhe 1,200 sipërmarrje në të gjithë rajonin. Ndërsa ky është vitit i dytë radhazi ku përfshihen tema që lidhen me situatën e vështirë rajonale të shkaktuar nga COVID-19./albeu.com

The post Barometri Ballkanik 2021: 40% e shqiptarëve besojnë se do jemi pjesë e BE-së në 2025 appeared first on Albeu.com.