SPAK është duke intensifikuar punën në dosje të bujshme, siç ishte kjo e sterilizimit apo inceneratorët, të cilat i kanë kushtuar buxhetit të shtetit qindra miliona euro, ndërsa sëfundmi ka veprime konkrete edhe sa i përket tenderëvë në ushtri si edhe transferimin e pronave të ushtrisë për ndërtim portesh turistike, hotelesh shumëkatëshe apo për qëllime të tjera tregtare të privatëve.

Pak javë më parë, agjentët e BKH-së mësynë në Ministrinë e Mbrojtjes dhe Shtabin e Përgjithshëm të Forcave të Armatosura duke u sekuestruar celularët një numri të madh ushtarakësh dhe personeli civil të ministrisë, të cilët kanë marrë vendime për tenderët, por edhe për bazat detare.

Zhvatja e bazave detare në Sarandë dhe Porto Romano , si u cënua siguria kombëtare dhe ajo e NATO-s, a do të hetojë SPAK edhe në këtë drejtim?

Objekt i hetimeve të SPAK janë pikërisht baza detare e Limionit, e cila iu dha me koncension një kompanie private Concord Investments si edhe zona e ish-depos së minave detare në Porto Romano, e cila u zaptua pa asnjë vendim dhe leje nga kompania koncensionare Porti MBM. Në lidhje me këtë të fundit ka dy padi penale, njëra në Prokurorinë e Durrësit dhe tjetra në SPAK.

Shkelja është e dukshme në Porto Romano pasi koncenesionari është futur pa asnjë leje në zonën ushtarake duke zaptuar hektarë tokë që i përkasin ushtrisë shqiptare. Në kushte të tjera, kudo në botë, tashmë autorët dhe ata që dhanë leje me heshtje përballë këtyre aventurave, do të ishin pas hekurave, por gjërat bëhen ngadalë në Shqipëri.

Në lidhje me këto dy baza detare, ministrja Olta Xhaçka është paraqitur disa herë në SPAK për të dhënë llogari, për vendimet e marra kur ajo drejtonte Ministrinë e Mbrojtjes. Po ashtu, në SPAK janë paraqitur edhe ish-Shefi i Shtabit të Përgjithshëm, Bardhyl Kollçaku duke dhënë llogari për vendimet e marra bashkë me Xhaçkën dhe oligarkët që kanë futur duart në pronat e ushtrisë pa asnjë “letër”. Thjesht kanë pushtuar…!

Mbetet për t’u parë nëse Kryeministri Rama do të duhet të dalë në ndonjë konferencë për shtyp në ditët apo javët në vijim, për të thënë se një tjetër ministër i tij “ka ngrënë dardha pas shpine..”!

The post SPAK “mpreh” shpatën, kur do të bëhen arrestimet për zaptimin e pronave të ushtrisë? appeared first on Albeu.com.

Komentet ai i bëri teksa komentoi mundësinë e baze ushtarake të NATO-s në Porto Romano të Durrësit, ai tha se vendet me të cilat kufizohet Shqipëria kanë influencë ruse. Sipas tij, në Greqi dhe Bullgari ka asete dhe prezencë ruse dhe kjo është një arsyet që NATO kërkon baza në vendin tonë.

“Po të shikojmë në kufirin jugor ne kemi Greqinë, Baza e Pierut zotërohet 100% nga kinezët. Baza e Selanikut 70% nga asetet ruse, Portet e Varnës në Bullgari apo të Kostancës, që ka prezentë ruse, Durrësi plotëson jo vetëm sigurinë dhe aksesin tokësor më të shkurtër për të përforcuar me forca dhe mjete trupat në kufirin lindor të aleancës. Me vendimin e ri do të kemi shtim të vendeve”, u shpreh Kollçaku.

The post “Zbërthehet” ish-shefi i Shtabit të FA: Pse NATO është e interesuar për baza në Shqipëri appeared first on Albeu.com.