Duke iu referuar operacionit të djeshmë të SPaK, i cili goditi një grup kriminal të trafikut të kokainës dhe sekestroi 12 milionë euro pasuri, nuk është rasti i izoluar. Sipas tij ky është modeli mbi të cilin Edi Rama ka ndërtuar dhe mban pushtetin.

Bardhi tha se me Edi Ramën në krye të qeverisë, paratë e pista nuk fshihen, ato legalizohen edhe që t’i shërbejnë atij për të qëndruar në pushtet, përmes blerjes, shantazhimit dhe frikësimit të votuesve.

Reagimi i plotë i Gazment Bardhit:

‘KRIMI, KRIMI-DROGA DROGA’

7.5 ton kokainë e trafikuar.

50 tendera publikë nga pushteti i Edi Ramës.

Mbi 69 milionë euro kontrata.

232 pasuri (rreth 12 milionë euro) të sekuestruara nga SPAK. Kjo është një skedë e shkurtër e aktivitetit kriminal dhe ekonomik të vetëm një karteli shqiptar që përdorte shtetin për të pastruar paratë e drogës.

Si Jetmir Pepa në Shqipëri ka shumë grupe kriminale që trafikojnë kokainë dhe që pushteti i pajis me leje ndërtimi apo me statusin e investitorit strategjik. Ky rast i fundit i çuar para drejtësisë nuk është i izoluar. Ky është modeli mbi të cilin Edi Rama ka ndërtuar dhe mban pushtetin.

Kjo është arsyeja pse Edi Rama refuzon të vijë në parlament dhe të përgjigjet për ndikimin e krimit të organizuar në ndërtim, për pastrimin e parave përmes lejeve të ndërtimit.

Me Edi Ramën në krye të qeverisë, paratë e pista nuk fshihen, ato legalizohen edhe që t’i shërbejnë atij për të qëndruar në pushtet, përmes blerjes, shantazhimit dhe frikësimit të votuesve.

Riciklimi i parave të pista në ndërtim, në projekte dhe kontrata shtetërore është arsyeja pse Edi Rama i fshihet debatit për raportin e fundit të Departamentit të Shtetit për Shqipërinë.

Raporti thotë e zeza mbi të bardhë: ndërtimi është një nga kanalet kryesore të pastrimit të parave në Shqipëri. Edi Rama mund të fshihet sot, mund të heshtë sërish nesër, por dita kur do të përgjigjet pse e bëri shtetin njësh me krimin është e pashmangshme.

The post “Me Ramën në krye të qeverisë, paratë e pista nuk fshihen, por legalizohen” Bardhi: Rama mban pushtetin përmes krimit dhe drogës appeared first on Albeu.com.

Në një reagim në rrjete sociale, Bardhi shprehet se kryeministri Edi Rama po gënjen dhe tallet me qytetarët për integrimin, ndërsa shton se ishte vota e qeverisë së tij në mbrojtje të Ballukut dhe kundër SPAK-ut që bllokoi negociatat. Sipas tij, Shqipërisë po i shtohen kushtet për anëtarësim në BE sepse kryeministri, që e cilëson si avokat të Belinda Ballukut dhe ortak të Ergys Agasit, ka thyer besimin e partnerëve për sundimin e shtetit të së drejtës dhe ligjit.

“Sot jemi në kushtet kur Shqipërisë po i shtohen kushtet në negociatat për anëtarësim, sepse, kryeministri/avokat i Belinda Ballukut dhe kryeministri/ortak i Ergys Agasit ka thyer në mes besimin e partnerëve për sundimin e shtetit të së drejtës dhe barazinë para ligjit.”, ka shkruar Bardhi.

Ai i kujton kryeministrit se ishte një zyrtar evropian që tha se çështja Balluku ishte një test për Shqipërinë, dhe jo opozita. Po ashtu Bardhi i drejtohet me një pyetje ku i kërkon që të bëjë transparencë për këtë fazë të negociatave si dhe të shpjegojë se në mbledhjen e fundit të datës 9 prill, 7 vende anëtare kanë deklaruar se do të bëjnë propozime të tjera për vendin.

“Pse nuk u tregon shqiptarëve se në mbledhjen e fundit të datës 9 Prill, 7 shtete anëtare kanë deklaruar se do të dërgojnë propozime të tjera shtesë për Shqipërinë? Pse nuk u thotë Edi Rama shqiptarëve se 4 shtete anëtare, me shqetësim të shtuar pas votës së tij në mbrojtje të Ballukut, kanë deklaruar se do t’i miratojnë piketat e ndërmjetme, (detyrat që duhen bërë gjatë negociatave), por vetëm me kusht që tek piketat mbyllëse (kriteret finale për të mbyllur një kapitull) të vendosen kushte të përforcuara dhe më të gjera për Shqipërinë?”, thotë ai.

Reagimi i plote:
RAMA, OPOZITA DHE KUSHTET SHTESË TË BE-së. PSE PO VONOHEN NEGOCIATAT?

Edi Rama mjaft i gënjeve dhe u talle me shqiptarët!

Po të mos ishte vota jote kundër SPAK-ut dhe pro Belinda Ballukut, Shqipëria sot do të kishte nisur mbylljen e kapitujve për negociatat e anëtarësimit. Kjo s’po ndodh, jo për faj të opozitës, por se nuk ua shet dot sapunin për djathë vendeve anëtare të BE-së. Sot jemi në kushtet kur Shqipërisë po i shtohen kushtet në negociatat për anëtarësim, sepse, kryeministri/avokat i Belinda Ballukut dhe kryeministri/ortak i Ergys Agasit ka thyer në mes besimin e partnervëe për sundimin e shtetit të së drejtës dhe barazinë para ligjit.

Që çështja “Balluku” ishte një test për Shqipërinë në rrugën e integrimit, nuk e tha opozita në Tiranë. E tha Europa! Dhe sot, jemi me të paktën 4 muaj vonesë me negociatat, jo për faj të opozitës, siç mashtron paturpësisht Edi Rama, por se ai zgjodhi Belindën, pra karrigen e tij, para integrimit europian dhe interesit të shqiptarëve.

Për dy çështje kryesore kanë interes vendet anëtare:

Korrupsionin e Belinda Ballukut.
Skandalin e AKSHI-t.
Për të dyja këto, deri tani, janë dërguar 49 pyetje dhe përgjigjet e dhëna nga Komisioni Europian akoma nuk i kanë bindur vendet anëtare që të hapin dritën jeshile.

Pse nuk bën transparencë Edi Rama për këtë fazë delikate të procesit të negociatave, por vazhdon me retorikën e zakonshme, të mbushur me urrejtje dhe shpifje ndaj opozitës?

Pse nuk u tregon shqiptarëve se në mbledhjen e fundit të datës 9 Prill, 7 shtete anëtare kanë deklaruar se do të dërgojnë propozime të tjera shtesë për Shqipërinë?

Pse nuk u thotë Edi Rama shqiptarëve se 4 shtete anëtare, me shqetësim të shtuar pas votës së tij në mbrojtje të Ballukut, kanë deklaruar se do t’i miratojnë piketat e ndërmjetme, (detyrat që duhen bërë gjatë negociatave), por vetëm me kusht që tek piketat mbyllëse (kriteret finale për të mbyllur një kapitull) të vendosen kushte të përforcuara dhe më të gjera për Shqipërinë?

Besoj që kujtdo i kujtohet qendrimi i Edi Ramës në fushatë se “nuk mund të humbim as edhe një ditë kohë me negociatat, sepse dera e BE-së mund të mbyllet”. Sot, ka vetëm një përgjegjës për vonesën e negociatave: Edi Rama. Sot, ka vetëm 1 të vërtetë për integrimin: Me votën kundër SPAK-ut për rastin “Balluku”, Edi Rama, do t’i kushtojë Shqipërisë jo një ditë e dy, por të paktën 6 muaj vonesë me integrimin!

The post “Mjaft i talle shqiptarët për integrimin”, Bardhi i përgjigjet Ramës: Avokati i Ballukut dhe ortak i Agasit ka thyer besimin e partnerëve appeared first on Albeu.com.

Pas fjalës së deputetes Jorida Tabaku, e cila u shpreh kundër projektligjit për procedurën e ndërtimit të porteve publike, ministrja Ibrahimaj tha se është kjo qeveri që ka rritur të ardhurat në vend e ka zhvilluar sektorin e turizmit.

Ibrahimaj: Filozofia e qeverisjes që ju shani, është ajo që ka mbështetur sektorin e turizmit që të shumëfishojë numrin e turistëve dhe numrin e të ardhurave, vendet e punës dhe bizneset turistike. Është ajo filozofi që kur ka marrë mandatin ka performuar me rritje ekonomike. Është ajo filozofi që ka bërë që borxhi të reduktohet nga viti në vit. Është ajo filozofi që e sjell dhe këtë ligj që bën, redukton kohën e ofrimit të një shërbimi për biznesin. E pse një bizës ka interes që të zhvillojë një projekt që kategorizohet si investohet si investim strategjik ,duhet ta refuzojmë se duhet të bëjë një tjetër procedurë për marinë e një tjetër për investimin strategjik.

Tabaku iu përgjigj duke thënë se ligjet e ardhura nga mazhoranca favorizojnë oligarkët.

Tabaku: Ajo që unë thashë është që ky model ekonomik ka sjellë atë që filozofi qeverisë i ka bërë ekonomisë. Filozofia qeverisëse ka ulur bujqësinë më të ulët të mundshëm. Ka zhvlerësuar euron, ka kriminalizuar ekonominë. Miraton për 10 orë 17 VKM për inverenatorët e për 10 orë sjell ligje që mbrojnë interesat e oligarkëve. Ministrja të na thotë interesat e kujt mbron sot me ligjin e porteve turistike. Këto përrallat që vijnë me mesazhe jemi mësuar, kanë ikur e kanë ardhur të tjerë me radhë, siç do iki ministrja për tu mos u kthyer më kurrë.

Ibrahimaj: Unë në nder të pozicionit që mbaj, nuk angazhohem në debate që prekin personalisht një deputet, ministër apo individ në seancë. Më vjen zor që një deputete me një eksperiencë kaq të gjatë, bën aludime që janë të pavend. Ajo filozofi qeverisëse që ne kemi lënë pa punë mijëra njerëz, nuk janë të bazuara në fakte. Faktet tregojnë që papunësia ka rënë. Struktura e ekonomisë ka ndikuar që apo vende pune që janë me kosto të ulëta po transformohet në vend pune me paga më të larta.

Pas kesaj, nga vendi ndërhyu kreu i grupit të PD, Gazment Bardhi, i cili hodhi akuza ndaj Ibrahimajt, duke i thënë se është e korruptuar dhe se duhet të mbyllë gojën.

Bardhi: Mbylle gojën. Je korruptuar, mos ofendo koleget deputete.

Ibrahimaj: Ti nuk guxon te me thuash mua, mbylle gojen. Nuk guxon.

The post Tensione në Kuvend, përplasje mes Bardhit dhe Ibrahimajt: Mbylle gojën je e korruptuar! appeared first on Albeu.com.

Teska mori fjalën në Kuvend, Bardhi u shpreh se opozita ende nuk është informuar se cila është lista e nevojshme me ligjet për t’u përafruar me legjislacionin e BE, edhe pse është kërkuar disa herë.

Ai theksoi se maxhoranca s’mund të akuzojë opozitën që s’i ka votuar ligjet për sa kohë janë ata që i kanë mbajtur të fshehta.

“Për kërkesën që sapo hodhët në votim ( mocionin për raportin e DASH) është në shkelje të rregullores së kuvendit, rregullorja e kuvendit, pika 2 e nenit 98, ju detyron që të propozoni kur nuk ka mirëkuptim një datë që nuk mund të jetë kurrë më vonë se 30 ditë nga data e paraqitjes së mocionit. Se di me matematikën tuaj e llogarisni 30 ditë 5 muaj, sepse kërkesa jonë është e datës 5 nëntor. Ju vini me propozim që mocioni të zhvillohet në javën e parë apo të dytë të majit, në shkelje të rregullores.

Për të vijuar me listën që tundi kolegu, grupi i PD ka kërkuar listën e draftligjeve që ky kuvend duhet të miratojë në kuadër të integrimit. Ka kaluar në 6 muaj, se kush është lista e ligjeve të nevojshme në kuadër të procesit. E kemi kërkuar më shumë se 10 herë. Dhe vini këtu e tundni një listë ju nuk keni votuar ligjet. Nga ta dimë se kush janë ligjet ku jemi të përjashtuar nga procesi. Na i jepni t’i dimë se kush janë ligjet, ne nuk jemi këtu fasadë e juaj”, u shpreh Bardhi.

The post Bardhi në Kuvend: Vini këtu e tundni listën e ligjeve dhe na thoni s’i keni votuar, nga t’i dimë ne kur na keni përjashtuar nga procesi i integrimit appeared first on Albeu.com.

Bardhi theksoi se i janë drejtuar me një raport Kryetarit të Kuvendit, si dhe ambasadave në vend lidhur me këtë situatë, duke theksuar se maxhoranca ka një strategji të qartë për ta kthyer Parlamentin në një institucion njëpartiak.

“Një raport i kemi drejtuar kryetarit të kuvendit dhe selive të ambasadave mbi rolin që ka luajtur opozita në kuvend gjatë këtyre muajve të legjislaturës së re dhe se si nga ana e maxhorancës po bëhet gjithçka për të pamundësuar rolin në kuvend. Maxhoranca me veprimet dhe mosveprimet e saj po synon asgjesimin e rolit të opozitës në parlament. Raporti për Shqipërinë i KE thekson ndër të tjera se parlamenti mundi të ushtrojë kompetencat e tij në mënyrë pjesërisht efektive”, theksoi Bardhi.

Sipas tij, mazhoranca ka ndërmarrë sulm të hapur ndaj deputetëve të opozitës për t’i mbyllur gojën, dhe se 15 kolegë janë përjashtuar në vetëm 6 muaj funksionimi të kësaj legjislature të Kuvendit.

“Në 6 muaj të funksionimit të kuvendit të kësaj legjislature, maxhoranca ka refuzuar ka refuzuar ngritjen e 5 Komisioneve Hetimore, ka refuzuar 7 kërkesa për interpelancë me kryeministrin, 2 kërkesa për interpelancë me zv kryeministren dhe tre me ministrin të shëndetësisë. Ka refuzuar 7 ksrkesa për mocion me debat.

Ka refuzuar pa asnjë argument asnjë arsyetim 63 iniciativa ligjore të deputetëve të opozitës, 10 projektligje dhe 53 amendamente. Ka refuzuar të drejtën e lirisë së shprehjes së deputetëve”, tha mes të tjerash Gazment Bardhi, duke shtuar se, ‘kanë urrejtje për deputetët e opozitës dhe amnisti për deputetët e mazhorancës’.

The post Refuzimi i kërkesave për interpelanca dhe Komisione Hetimore, Bardhi: Maxhoranca po synon të asgjesojë rolin e opozitës në Kuvend appeared first on Albeu.com.

Bardhi shprehet se, armiqësia ndaj opozitës nuk është rastësi, por është strategji politike, që nuk fokusohet vetëm tek dy emra, por tek objektivi për ta bërë opozitën të heshtë. Më tej, Bardhi nënvizon se mazhoranca po reflekton hapur qëndrimin armiqësor të kryeministrit kundër opozitës.

Postimi i Bardhit:

OPOZITA NË SHËNJESTËR!

Përjashtimi disajavor i deputetëve Flamur Noka dhe Elda Hoti nga punimet e Parlamentit është një vendim që nuk ka lidhje as me etikën, as me rregulloren. Është thjesht një akt armiqësor ndaj opozitës. Të gjithë janë dëshmitarë se, veçanërisht në seancën e 2 prillit, mazhoranca krijoi qëllimisht një klimë tensioni, që vetëm sa dëmton më tej besueshmërinë dhe reputacionin e parlamentit.

Armiqësia ndaj opozitës nuk është rastësi. Është strategji politike, që nuk fokusohet vetëm tek dy emra, por tek objektivi për ta bërë opozitën të heshtë. Në 6 muajt e fundit PS ka përjashtuar 15 deputetë të opozitës nga Kuvendi, me 295 ditë në total. Një jpraktikë që, haptazi, po ngushton çdo ditë hapësirën e opozitës në Kuvend

Mazhoranca nuk po përpiqet më as të duket sikur respekton rregullat. Ajo reflekton hapur qëndrimin armiqësor të kryeministrit kundër opozitës.

Përjashtimet e deputetëve, refuzimi i kërkesave për komisione hetimore, refuzimi i interpelancave nga kryeministri, zvarritja e llogaridhënies së ministrave dhe refuzimi i institucioneve për t’iu përgjigjur pyetjeve të deputetëve të opozitës kanë vetëm një objektiv: të zhbëjnë rolin kryesor të opozitës: kontrollin e pushtetit.

Kur pushteti sundon përmes korrupsionit dhe në aleancë me krimin e organizuar, kur qeveria mbron të kërkuarit nga drejtësia, kur kryeministri shndërrohet në zëdhënës të tyre, opozita ka vetëm një rrugë: të qëndrojë.

The post Kuvendi përjashtoi 2 deputetët e PD, Bardhi: Mazhoranca reflekton hapur qëndrimin armiqësor të kryeministrit kundër opozitës appeared first on Albeu.com.

Bardhi i është drejtuar Kryetarit të Kuvendit, Niko Peleshi, duke i thënë se e ka hedhur në erë Kushtetutën dhe për këtë iu dha të drejtë edhe Kushtetuesja me vendimin për ndryshimet në rregullore.

Sipas tij, duhet të pritet vendimi i zbardhur i gjykatës, ndërsa u shpreh se parlamenti nuk mund të jetë një tekë e maxhorancës.

“Me vetëdije ju e keni shkelur Kushtetutën. Dhe jo një herë, por dy herë. Me 8 me 0, Gjykata Kushtetuese ka thënë se Kryetari i Kuvendit e ka hedhur në erë Kushtetutën. Pra, Gjykata Kushtetuese na dha të drejtë për shkarkimin tuaj, por ju e keni rrëzuar atë me votë politike.

Prandaj, ndryshimet e rregullores nuk janë emergjente, sepse Gjykata Kushtetuese nuk e ka zbardhur ende vendimin. Pra, nuk ka çështje urgjente për ta trajtuar.

Po ju them: Gjykata Kushtetuese nuk e ka zbardhur vendimin. Prandaj, jua kërkoj me mirësjellje të bëheni garant i Kushtetutës. Parlamenti nuk mund të jetë tekë”, ka thënë Bardhi.

The post Debat për rregulloren e Kuvendit te Konferenca e Kryetarëve/ Bardhi: E keni hedhur në erë Kushtetutën, ndryshimet nuk janë emergjente appeared first on Albeu.com.

Deputete femra të opozitës u kërcënuan nga një njeri që për shkak të frikës që ka, nuk ka guximin të merret me burrat në Kuvend dhe është e disata seancë që merret me gratë.

Çfarë përfaqëson Taulant Balla e kanë të qartë të gjithë, por mungesa e kurajës nga kryetari i Kuvendit është shqetësuese. Duhet të nxjerrë përjashta një njeri që nuk njeh etikë dhe norma në atë seancë.

Miratuan 7-8 projektligje pa asnjë diskutim, pa kuptuar çfarë po voton Kuvendi. Në mënyrën si po e katandis parlamentin Niko Peleshi, nuk do jetë e largët dita kur Kuvendi të mos funksionojë më.

The post “Miratuan 7-8 projektligje pa asnjë diskutim”, Bardhi jashtë Kuvendit: Deputetet gra u kërcënuan, Balla s’ka guxim të merret me burrat appeared first on Albeu.com.

Tensionet mes deputetëve ndodhën gjatë procedurës për fjalën e ligjvënësve, ku iu dha fjala deputetes Bora Muzhaqi dhe Elda Hoti i hoqi kartën elektronike.

Bardhi akuzoi edhe Peleshin për shkeljen e procedurave dhe çuarjen e seancës në përplasje fizike.

“Për shkak të shkeljes së rregullores nga ju po e çoni Kuvendin në konflikt fizik. T’ia heqësh fjalën kolegëve dhe t’ia japësh tjetrit kjo e çon Kuvendin vetëm në përplasje fizike. Po pamundësoni bashkëjetesën në Kuvend. Kryetari i grupit të PS u ngrit dhe bëri pis familjet e 4 dëshmorëve të dmeokracisë, të vrarë në Shkodër, të vrarë nga ish-sekretari i përgjithshëm i partisë tuaj Gramoz Ruçi, vjen e tallet këtu. Në sallë 10 deputetë, ai thotë të mbajmë 1 minutë heshtje, për çfarë e bënë për t’u tallur. Caktohet një orar kur mbahet heshtja, nëse s’e ke për t’u tallur. Ka një rregullore për minutën e heshtjes dhe procedurë”, akuzoi Bardhi.

Më tej, ai e akuzoi Ballën edhe për ofendimet dhe kërcënimet e deputeteve të opozitës në mënyrë të vazhdueshme.

“Ngrihet në mënyrë të përsëritur kërcënon dhe ofendon gratë e opozitës. A keni bashkëjetesë në parlament, provokoni dhe ofendoni në çdo moment. Ndaj që seanca të vazhdoj normalisht kryetari i grupit të PS do duhet të dalë përjashta, që seanca të vijojë në normalitet”, vijoi ligjvënësi opozitar.

Në fund, Bardhi u kërkoi edhe deputeteve socialiste që të mos qeshnin në sallë pas një lapsusi të tij.

“Shikoj zonjat e mazhorancës që zgërdhihen, nuk ka këtu për t’u zgërdhirë në mënyrë të përsëritur, një herë në foltore, një herë me zë e një herë pa zë. Nuk ju kemi fyer ne kurrë ju, as t’ju ofendojmë as t’ju kërcënojmë. Në vend që ta dënoni, zgërdhiheni”, u shpreh ai.

Peleshi reagoi dhe shpjegoi se nuk e kishte lejuar mbajtjen e minutës së heshtjes, pasi ishte dakord me ankimin e PD-së se kishte procedurë dhe rregullore, por kërkoi qetësi mes dy kampeve politike dhe vijimin e seancës normale në Kuvend.

“Keni të drejtë, jam dakord zoti Bardhi, nuk e lejova heshtjen solemne. Na thoni kur e doni le ta caktojmë dhe ta mbajmë seancën e ardhshme…”, tha Peleshi.

The post U tall me dëshmorët e 2 prillit, ofendoi deputetet e opozitës/ Tensionet në Kuvend, Bardhi-Peleshit: Balla të nxirret jashtë, po e çoni seancën në konflikt fizik, zonjat e mazhorancës zgërdhihen… appeared first on Albeu.com.

Sipas tij, kontrolli parlamentar është i domosdoshëm për garantimin e funksionimit demokratik të institucioneve dhe mbrojtjen e interesit publik. Në fund, ai i kërkoi mazhorancën të tregohet e përgjegjshme dhe të mos pengojë ushtrimin e kësaj përgjegjësie.

Postimi i Gazment Bardhit

Mbledhja e Grupit Parlamentar të Partisë Demokratike

Sot Grupi Parlamentar ndër të tjera vendosi që të kërkojë ngritjen e Komisionit Hetimor për kontrollin e ligjshmërisë në funksionimin e Agjencisë Kombëtare të Shoqërisë së Informacionit (AKSHI), si dhe për vlerësimin e sigurisë kibernetike dhe mbrojtjes së të dhënave të qytetarëve, përfshirë analizimin e rreziqeve për sigurinë kombëtare dhe detyrimet e Shqipërisë si vend anëtar i NATO-s.

Kontrolli parlamentar është i domosdoshëm për garantimin e funksionimit demokratik të institucioneve dhe mbrojtjen e interesit publik. Si një e drejtë kushtetuese e opozitës, apelojmë mazhorancën të tregohet e përgjegjshme dhe të mos pengojë ushtrimin e kësaj përgjegjësie.

The post Mbledhja e Grupit Parlamentar të PD-së, Bardhi: Do kërkojmë ngritjen e Komisionit Hetimor për kontrollin e AKSHI-it appeared first on Albeu.com.