Në një postim në rrjetet sociale, Bardhi u shpreh se gjatë takimit u vlerësuan marrëdhëniet shumë të mira mes Shqipërisë dhe Spanjës, duke theksuar nevojën për forcimin e mëtejshëm të bashkëpunimit në disa fusha.

Ai falënderoi Spanjën për mbështetjen që i jep Shqipërisë në rrugën drejt anëtarësimit në Bashkimi Europian, por ngriti edhe shqetësimin e opozitës lidhur me standardet e sundimit të ligjit.

Sipas Bardhit, në themel të procesit të integrimit duhet të qëndrojë respektimi i shtetit ligjor dhe zbatimi i standardeve demokratike të qeverisjes.

Kreu i grupit parlamentar të PD-së rikonfirmoi gjithashtu mbështetjen për qëndrimin publik të kryetarit të Komisionit për Punët e Jashtme në Parlamentin Europian, David McAllister, i cili ka deklaruar se “çështja Balluku përbën një test kritik për Shqipërinë në respektimin e reformës në drejtësi dhe seriozitetin e luftës kundër korrupsionit”.

The post Imuniteti i Ballukut, Gazment Bardhi takon ambasadorin e Spanjës: Theksova shqetësimin e opozitës për respektimin e shtetit ligjor dhe standardeve demokratike appeared first on Albeu.com.