Barcelona B Archives - Albeu.com

Manaj “heroi” i Barcelonës, dopiet për fitoren me përmbysje (VIDEO)

E S — Sun, 16 May 2021 12:49:32 +0000

Rei Manaj ka vendosur të marrë prej dore Barcelonën, teksa në ndeshjen e sotme të play-off të katalanasve ndaj Mursias në transfertë, bëri gjithçka vetë për suksesin e të tijve me rezultatin 1-2.

Katalanasit ishin në disavantazh, megjithatë, lushnjari nga pika e bardhë nuk në minutën e 47 nuk ka gabuar dhe ka barazuar rezultatin.Ky është goli i 13 për Manaj me Barcelonën B , mirëpo shfaqja nuk kishte përfunduar dhe në minutën e 65, Manaj niset nga mesfusha për ta mbyllur me gol aksionin e tij individual. Kështu, vjen edhe rrjeta e 14 me spanjollët.

Në këtë formë, sulmuesi kuqezi i dhuron një fitore të rëndësishme Barcelonës B në objektivat e saj për t’u ngjitur një kategori më lartë.

The post Manaj “heroi” i Barcelonës, dopiet për fitoren me përmbysje (VIDEO) appeared first on Albeu.com.

Rey Manaj nuk ka ndërmend të ndalet, shënon tjetër gol për Barcelonën

E S — Sun, 16 May 2021 11:51:40 +0000

Sulmuesi shqiptar, Rey Manaj po tregon klas të lartë me klubin e Barcelona B.

Ai ka shënuar golin e epërsisë për klubin e tij në ndeshjen ndaj UCAM Murcia që rezultatin aktual e vendosi në 1:2.

Por, nuk vonoi shumë dhe klubi UCAM Murcia ka barazuar rezultatin në 2:2 në minutën e 82’të të takimit.

Manaj shënoi gol të bukur nga distanca, duke dëshmuar aftësitë e veta sulmuese.

The post Rey Manaj nuk ka ndërmend të ndalet, shënon tjetër gol për Barcelonën appeared first on Albeu.com.

I pandalshëm Rey Manaj, tjetër gol vendimtar për Barcelona B (VIDEO)

E S — Sun, 09 May 2021 12:07:00 +0000

Sulmuesi shqiptar, Rei Manaj ka qenë protagonist në fitoren e Barcelona B 4-3 ndaj Villareal B.

Manaj realizoi golin e katër për katalanasit në minutën e 67’, duke i çuar shifrat në 4-1. Lushnjari goditi bukur nga brenda zonës, dhe me një diagonale mposhti portierin kundërshtarë.

“Nëndetësja e Verdhë” arriti të reagonte dhe shënoi edhe dy gola të tjerë, por për fat të mirë goli i 24 vjeçari shqiptar rezultoi vendimtar dhe Barcelona doli me tri pikë nga ky takim.

Ky ishte goli i 12 për Manajn, duke konfirmuar edhe një herë se po kalon një sezon të shkëlqyer me blaugranët.

The post I pandalshëm Rey Manaj, tjetër gol vendimtar për Barcelona B (VIDEO) appeared first on Albeu.com.

Rey Manaj shënon golin e 11, Barcelona B drejt ngjitjes (VIDEO)

E S — Sun, 02 May 2021 19:13:08 +0000

Rei Manaj vazhdon të shënojë dhe Barcelona B të ecë e pandalshme drejt ngjitjes në La Liga 2. Skuadra katalanase sot ka mundur Ibizën, ekipin që kryeson grupin e saj të ngjitjes, falë edhe sulmuesit shqiptar, i cili ka shënuar golin e 11 sezonal duke konfirmuar që po kalon një formë shumë të mirë.

Manaj ishte autori i golit të avantazhit të Barcelonës B në minutën e 22-të të ndeshjes me një goditje me kokë pas një këndoreje, që gjeti të papërgatitur portierin kundërshtar. Ai ishte një gol që tronditi Ibizan e cila pësoi edhe të dytin një minutë më vonë dhe nuk arriti të përmbyste shifrat edhe pse gjeti vetëm një gol në pjesën e dytë të sfidës.

Me fitoren 2-1, Barcelona B është në kuotën e 46 pikëve dhe duket se do të ecë drejt grupit të dytë të play-off për ngjitjen në La Liga 2 në edicionin e ardhshëm. Ndërsa Rei Manaj konfirmohet si një nga lojtarët më të rëndësishëm të katalanasve, pasi ka shënuar 11 nga 28 golat e shënuar nga ekipi i dytë i Barcelonës në atë që është sezoni më i mirë i karrierës së tij.

The post Rey Manaj shënon golin e 11, Barcelona B drejt ngjitjes (VIDEO) appeared first on Albeu.com.