Takimi shënon nisjen e procesit të koordinimit ndërinstitucional për hartimin dhe zbatimin e planit të veprimit në funksion të zbatimit të ligjit të ri për Barazinë Gjinore, duke synuar ndërtimin e një qasjeje të unifikuar dhe efektive në nivel institucional.

45 vjet nga vr*sja e Jusuf e Bardhosh Gërvallës, presidentja: Ishte sakrifica e tij që e trasoi rrugën përpara të popullit tonë
Gjatë fjalës së saj, zëvendësministrja e Shëndetësisë dhe Mirëqenies Sociale, Denada Seferi, theksoi se Strategjia Kombëtare për Barazinë Gjinore 2021–2030 përbën dokumentin themelor të politikave publike në këtë fushë dhe një instrument ndërsektorial që kërkon angazhim të përbashkët, koordinim të vazhdueshëm dhe përgjegjësi të qarta nga të gjitha institucionet përgjegjëse dhe mbështetëse.

Zv.ministrja Seferi nënvizoi rëndësinë e bashkëpunimit të ngushtë me nëpunësit e barazisë gjinore, si aktorë kyç në zbatimin e ligjit, duke theksuar se Ligji i ri për Barazinë Gjinore synon vendosjen e barazisë gjinore në qendër të politikave ndërsektoriale dhe garanton mbrojtjen nga diskriminimi për të gjithë qytetarët.

“Ne si Ministri e Shëndetesisë dhe Mirëqenies Sociale, dhe nëpërmjet rolit tuaj si nënpunës të barazizë gjinore duhet që së bashku të advokojmë zbatimin e këtij ligji. Ligji i barazizë gjinore, i miratuar është ajo çfarë parashikon e zeza mbi të bardhë, nuk ka lidhje me çështjet që janë diskutuar në publik, mbi gjininë etj, por mbron dhe gjen të gjitha hapësirat ligjore për të vënë barazinë gjinore në qendër të politikave ndërsektoriale. Mbrojtja nga diskriminimi është për të gjithë qytetarët e vendit. Ky proces do të kontribuojë në forcimin e mëtejshëm të politikave për barazinë gjinore por dhe në rritjen e ndikimit konkret në jetën e grave”, u shpreh ajo.

Ligji i ri për Barazinë Gjinore përfaqëson një hap cilësor në konsolidimin e kuadrit ligjor dhe institucional për barazinë gjinore në Shqipëri. Ligji reflekton angazhimet kushtetuese të vendit, detyrimet ndërkombëtare dhe standardet më të avancuara evropiane, duke forcuar integrimin e perspektivës gjinore në politikat publike dhe duke krijuar një bazë më të qartë dhe funksionale për veprimin institucional në praktikë.

Në këtë drejtim, Ministria e Shëndetësisë dhe Mirëqenies Sociale, në bashkëpunim me partnerët dhe aktorët relevantë, do të vijojë mbështetjen për organizimin e takimeve tematike dhe trajnimeve të posaçme, me qëllim forcimin e kapaciteteve institucionale dhe zbatimin efektiv të Ligjit të ri për Barazinë Gjinore.

The post Nis puna për zbatimin e ligjit për Barazinë Gjinore, Seferi: Qasje e unifikuar dhe efektive appeared first on Albeu.com.

Të pranishëm në takim ishin dhe përfaqësues të Klerit Orthodoks dhe atij Katolik.
Në një mesazh në facebook, Bozdo shkruan se gjatë takimit, theksoi nevojën e tërheqjes nga Kuvendi të P-Ligjit “Për Barazinë Gjiore”, i cili në thelb, siç është paraqitur nga qeveria dhe që zhbën traditën familjare, duke zhbërë gjinitë e vetme që ne njohim, burrin dhe gruan si thelbi i familjes dhe shoqërisë, dhe duke ndërtuar gjini imagjinare!

“Përkufizimet e këtij P-Ligji hapin një rrugë të rrezikshme dhe të papranueshme për ne si deputetë të Partisë Demokratike. Edhe amendimet nga halli të PS, nuk zgjidhin asgjë!

Ne kemi kërkuar tërheqjen e plotë të P-Ligjit dhe mosparaqitjen e tij më!”, shkruan Bozdo.

The post Berat, krerët fetarë dhe deputetë diskutojnë draftin për “Barazinë Gjinore”, Bozdo: Kemi kërkuar tërheqjen e plotë të pr.ligjit appeared first on Albeu.com.

Realiteti i pabarazisë ekonomike është i qartë: gratë zakonisht kanë paga më të ulëta, integrim të kufizuar ose të pabarabartë në tregun e punës dhe janë të nënpërfaqësuara në pozitat e përgjegjësisë, ndërsa në të njëjtën kohë kanë një ngarkesë më të madhe pune në shtëpi.

Me rastin e ditës së sotme ndërkombëtare të gruas dhe sipas gjetjeve të Raportit Evropian të Pagesave të Konsumatorëve të Intrum – i cili përfshin rezultatet e një sondazhi të vitit 2022 me 24,000 konsumatorë në të gjithë Evropën – hendeku gjinor në çështjet e barazisë ekonomike mbetet i lartë. Gratë tregojnë vetëbesim më të ulët në krahasim me burrat për sa i përket njohurive të tyre për njohuritë financiare.

Në përmbledhje sipas Raportit Intrum:

• Gratë arrijnë të kursejnë më pak para, në baza mujore, sesa burrat. Konkretisht, pothuajse një e treta e grave (32% krahasuar me 24% e meshkujve) kanë kursime më pak se një muaj për të mbuluar një shpenzim të papritur.

• Tregues është fakti se gratë, meqenëse e perceptojnë se pabarazia ekonomike është një çështje serioze për pavarësinë dhe mirëqenien e tyre, thonë me 67% krahasuar me 60% të meshkujve se tashmë kanë planifikuar ose po planifikojnë të përmirësojnë mënyrën se si menaxhojnë financat e tyre.

• Duke parë pabarazinë financiare në terma afatgjatë, pothuajse dy të tretat e të anketuarve femra (66%) shqetësohen se nuk do të jenë në gjendje të kenë një pension të rehatshëm krahasuar me 57% të të anketuarve meshkuj.

Gratë kanë më pak gjasa se burrat që të kërkojnë rritje page

Megjithatë, pavarësisht shqetësimeve më të mëdha për të ardhmen e tyre financiare, gratë kanë më pak gjasa të kërkojnë një rritje të konsiderueshme të pagave. Në mënyrë indikative, vetëm 26% e grave në krahasim me 35% e burrave synojnë të kërkojnë një rritje page vitin e ardhshëm.

Sipas rezultateve të Raportit Intrum, meshkujt janë përgjithësisht më të sigurt për njohuritë e tyre financiare.

Megjithëse të dyja gjinitë thonë në mënyrë të barabartë se kanë njohuritë për të menaxhuar financat e tyre personale (duke përjashtuar investimet në bursë dhe planifikimin e daljes në pension), 30% e meshkujve krahasuar me 22% e femrave besojnë se mund të përballojnë çështje komplekse financiare.

Hendeku gjinor është përmirësuar pak gjatë dekadës së fundit në Evropë. Të dhënat tregojnë se rruga drejt barazisë ekonomike midis grave dhe burrave mbetet e gjatë dhe e vështirë. Edukimi financiar, pavarësisht gjinisë, është padyshim një faktor shumë i rëndësishëm që do të ndihmojë në kapërcimin e hendekut ekonomik mes gjinive. /albeu.com

The post Pabarazia ekonomike: Gratë me paga më të ulëta dhe me ngarkesë më të madhe pune në shtëpi appeared first on Albeu.com.