Në një intervistë për People, ajo thekson se gjëja më e rëndësishme në martesë është mënyra se si e kalon kohën.

“Jemi të martuar prej 32, 33 vitesh, gjithmonë harroj. Kush po numëron më. Kur të dy jemi të lumtur për një dalje në mbrëmje, jemi mirë. Nuk vishemi shumë bukur. Thjesht hamë një darkë të këndshme, ndezim qirinj, dëgjojmë muzikë dhe flasim”, tha ajo.
Michelle thekson se tani ata dalin për darkë në Washington dhe se është shumë ndryshe nga më parë kur ishin në Shtëpinë e Bardhë.

“Në ato evente, çdo herë ishte si dasma jonë. Ndihesha si mbretëresha e mbrëmjes së maturës”, theksoi tutje.

Michelle shpjegon se ajo gjithmonë vishej bukur për burrin e saj.

“Kishte një ritual të pathënë, ai nuk e dinte kurrë se çfarë kisha veshur derisa dola para tij. Është romanca, ato momente të vogla në këtë botë të çmendur”.

“Pas kësaj, ne zbrisnim shkallët dhe ishte sikur, ‘Thjesht qëndro në këtë moment. Ishim vetëm ne dhe ishte e bukur'”, pohon ajo.

The post Michelle Obama flet për momentet romantike me bashkëshortin appeared first on Albeu.com.

Ish-Zonja e Parë i adresoi këto spekulime gjatë episodit të së mërkurës në podcast-in “Work in Progress” të aktores Sophia Bush, ku foli për vendimin e saj për të qëndruar më larg vëmendjes publike kohët e fundit.

“Gjëja interesante është se kur them ‘jo’, shumica e njerëzve e kuptojnë dhe unë jam në rregull me këtë,” u shpreh Michelle, duke iu referuar mungesës së saj në disa ngjarje politike ku bashkëshorti i saj ka marrë pjesë i vetëm.

“Ajo që na sfidon si gra është ndjenja e fajit kur zhgënjejmë të tjerët,” shtoi ajo.

“Në një pikë të tillë, njerëzit nuk mund të pranojnë që kam marrë një vendim për veten time, ndaj menjëherë supozojnë se unë dhe Barack jemi duke u divorcuar.”

Michelle qeshi me idenë e përfundimit të martesës së saj dhe hodhi poshtë sugjerimin se nuk mund të jetë thjesht “një grua e rritur që merr një sërë vendimesh për jetën e saj personale.”

“Por kjo është ajo që shoqëria bën me ne,” tha ajo. “Kur më në fund fillojmë të pyesim veten ‘Çfarë po bëj?’ apo ‘Për kë po e bëj këtë?’, dhe nëse përgjigjja nuk përputhet me stereotipet që të tjerët kanë për ne, menjëherë etiketohet si diçka negative ose e tmerrshme”.

The post Michelle Obama hedh poshtë spekulimet për ndarjen nga Barack Obama appeared first on Albeu.com.

“Gëzuar ditëlindjen dashurisë së jetës sime, Barack Obama. Le të vazhdojmë të përballemi me stuhitë e jetës dhe të lëvizim malet së bashku”, ka shkruar ish-Zonja e Parë e SHBA-së në postimin e saj.

Për ta plotësuar mesazhin e saj ajo shtoi një foto të saj dhe ish-presidentit të SHBA duke shtyrë një gur gjigant.

Barack dhe Michelle Obama u takuan në një zyrë avokatore në Çikago përpara se të martoheshin në tetor 1992.

Vetë ajo, në një intervistë në dhjetor 2022, kishte treguar se në dekadën e parë të martesës së tyre, nuk e duronte dot Barack Obamën, sepse mendonte se mbante mbi supe barrat e jetës bashkëshortore në mënyrë të pabarabartë.

Megjithatë, në të njëjtën intervistë ajo tha se “martesa nuk është kurrë 50-50. Ndonjëherë është 70-30″.

View this post on Instagram

A post shared by Michelle Obama (@michelleobama)

The post FOTO-LAJMI/ Michelle Obama i uroi Barack Obamës ditëlindjen… duke shtyrë një gur appeared first on Albeu.com.

Në një deklaratë, familja njoftoi se Robinson u shua “në mënyrë paqësore” të premten në mëngjes. Robinson ishte një personazh i njohur në Shtëpinë e Bardhë gjatë tetë viteve të administratës së Barack Obamës.

Ajo kaloi pjesën më të madhe të asaj kohe duke u kujdesur për dy mbesat e saj, Malia dhe Sasha, vajzat e Michelle dhe Barack Obama.

The post Ndërron jetë vjehrra e ish-presidentit amerikan Barack Obama appeared first on Albeu.com.

Kjo nuk është e hera e parë që Obama bën një gjest bujar. Ai kaloi pak kohë duke lexuar “Santa’s Got to Go” përrallën e një familjeje që merr Babadimrin pasi slita e tij prishet dhe zbuloi se Babagjyshi nuk është mysafiri më i mirë i shtëpisë.

Po ashtu ai ka bërë edhe një foto me fëmijët. Si pjesë e fondacionit të tij Obama, ai po përpiqet të përfshihet me komunitetin që rrethon qendrën e tij presidenciale.

Rikujtojmë se në vitin 2018, i veshur si babagjysh dhe me një çantë dhuratash në shpinë u shpërndau dhurata fëmijëve të shtruar në spital, raportojnë mediat e huaja.

The post VIDEO/ Barack Obama befason fëmijët, vishet si babagjysh dhe u shpërndan atyre dhurata appeared first on Albeu.com.

Impressive remarks from @BarackObama today at @SNForg as he courageously draws a parallel between the media’s focus on the #TitanicSubmarine and the tragic loss of approximately 700 asylum seekers in a recent shipwreck near #Pylos | #RefugeeWeek #Titanic pic.twitter.com/6cIqqJ8XAk

— Makis Mylonas (@MylonasMakis) June 22, 2023

Ish-presidenti i bëri krahasimet teksa fliste në Fondacionin Stavros Niarchos në Athinë të enjten, disa orë përpara se Roja Bregdetare e SHBA-së të konfirmonte se nëndetësja kishte shpërthyer.

Ai tha se është “papërshtatshme” që ekspedita të ketë marrë më shumë vëmendje sesa qindra të vrarë kur një peshkaretë u përmbys 50 milje larg brigjeve të Greqisë.

Varka e mbipopulluar me qindra refugjatë pakistanezë, sirianë, egjiptianë dhe palestinezë u fundos më 14 qershor, dy ditë para se turneu i OceanGate me vlerë 250,000 dollarë për kokë në rrënojat e Titanikut të raportohej i zhdukur.

Tetëdhjetë e dy pasagjerë janë gjetur të vdekur, 104 nga më shumë se 750 në bord janë shpëtuar, dhe pjesa tjetër janë ende të zhdukur. Më shumë se 100 fëmijë janë në mesin e të zhdukurve.

“Ka një tragjedi që po shpaloset me nëndetësen që po merr mbulim minutë pas minutë në të gjithë botën. Kjo është e kuptueshme sepse ne të gjithë duam dhe lutemi që këta njerëz të shpëtohen. Por, fakti që kjo ka marrë shumë më tepër vëmendje sesa 700 njerëz u mbytën është një situatë e papërshtatshm”, tha Obama.

Organizata Ndërkombëtare për Migracionin e quajti atë një nga “tragjeditë më të këqija detare në dekadën e fundit”.

Ai përmendi gjithashtu paralelet në një intervistë me CNN më herët të enjten.

Kur fliste se si demokracitë nuk mund të lulëzojnë me nivele të larta pabarazie, ai përdori tragjedinë e Titanit si shembull.

“Në disa mënyra, është tregues i shkallës në të cilën shanset për jetë të njerëzve janë rritur kaq të ndryshme”.

Obama e drejtoi bisedën dhe intervistën ndërsa ishte në Athinë me gruan Michelle dhe dy vajzat Malia dhe Sasha. Të mërkurën ata vizituan Akropolin për të shijuar pak pushim.

Të enjten u zbulua se pesë personat brenda Titanit humbën jetën menjëherë kur nëndetësja pësoi një ‘shpërthim katastrofik’ vetëm 1600 metra nga harku i Titanikut.

Udhëtimi i çoi ata 12,500 metra nën ujë, ku pak anije shpëtimi do të ishin në gjendje ta gjenin atë.

Viktimat janë CEO i OceanGate Stockton Rush, eksperti francez i Titanikut Paul-Henri Nargeolet, miliarderi britanik Hamish Harding, biznesmeni pakistanez Shahzada Daëood dhe djali i tij Suleman, i cili ishte vetëm 19 vjeç.

Një nëndetëse e drejtuar nga distanca nga një anije kanadeze gjeti mbeturina në dyshemenë e oqeanit./albeu.com

The post Barack Obama leksion botës: Për 5 viktimat e “Titanit” mediat raportuan minutë pas minute, asnjë fjalë për 700 emigrantët e mbytur në Greqi appeared first on Albeu.com.

I ftuar në  “Top Story”, Berisha u shpreh se në kohën që ishte në pushtet kishte urdhëruar që asnjë ambasador i vendeve të NATO-s të mos përgjohej.

Berisha: Më vjen një herë një ambasador. I kam thënë po të regjistruam ne ty do të thonë po të regjistron një vend armik se urdhri im ishte të mos përgjohej asnjë ambasador i NATO-s. ndërkohë unë jam përgjuar nga Obama. Kanë dalë listat. Mes tyre ishte edhe emri im. Obama kishte kërkuar dhe regjistrimin tim./Albeu.com/

The post Berisha: Jam përgjuar nga Obama, emri im ishte në listë appeared first on Albeu.com.

Ish-Zonja e Parë e SHBA-ve ka folur për “REVORT Studios” duke thënë se për 10 vite nuk e duronte dot bashkëshortin e saj. Michelle rrëfen se pas ardhjes në jetë të dy vajzave të tyre, Sasha dhe Malia, marrëdhëniet në çift u tensionuan. “Për dhjetë vjet nuk e durova dot burrin tim”, tha ajo.

Ndërsa ajo kujdesej për vajzat, Barack Obama shijonte kohën e tij në palestër ose duke luajtur golf.

 “Martesa nuk është kurrë 50/50. Zakonisht është 70/30, ndonjëherë është 60/40 ”, tha ajo pasi kujtoi periudhën kur burri i saj ishte fokusuar në karrierën e tij politike në fillim të viteve 2000 dhe mungonte vazhdimisht në shtëpinë e tyre.

Michelle Obama cuenta las crisis matrimoniales que ha tenido con Barack Obama https://t.co/mnih5PJdgI

— El Nacional (@ElNacionalWeb) December 23, 2022

Në lidhje me fëmijët e tyre dhe nëse i plotësonte nevojat e tyre, ajo shpjegoi: “Fëmijët janë si terroristë. Kanë kërkesa, nuk flasin, nuk merren vesh, qajnë gjatë gjithë kohës.  Kështu, domosdoshmërisht detyroheshim të ktheheshim kundër njëri-tjetrit”.

Së fundi, Michelle e mbylli me një mesazh për çiftet e reja: Mos u dorëzoni kurrë, ndjenjat ndryshojnë dhe duhet të jeni të duruar.

The post “10 vitet e para të martesës nuk e duroja dot burrin tim”, Michelle Obama “befason” në intervistën e fundit appeared first on Albeu.com.

Obama do të nisë të premten në Georgia një udhëtim në shtetet e fushëbetejës ku pritet më shumë përplasje me republikanët, e më pas do të udhëtojë të shtunën në Michigan dhe Wisconsin. Më pas, priten ndalesa javën e ardhshme në Nevada dhe Pensilvani.

Itinerari, i cili përfshin mitingje me kandidatët demokratë për zyrat federale dhe shtetërore, pasi demokratët po përpiqen të mbajnë një shumicë të ngushtë në Dhomën e Përfaqësuesve, si dhe në Senat ku kanë 50 vende. Vlerësimi i miratimit të Biden është i ulët, rreth 40 përqind, dhe në kohë inflacioni, strategët politikë demokratë besojnë se Obama mund të arrijë më shumë votues.

Kur u largua nga detyra në vitin 2017, vlerësimi i miratimit të Obamës ishte 59 për qind dhe një sondazh i Gallup tregoi se pas një viti ishte rritur në 63 për qind. Kjo është shumë më e lartë se vlerësimet e tij në vitin 2010, kur demokratët humbën shumicën e tyre në dhomën e ulët të Kongresit dhe më pas republikanët morën Senatin.

The post Barack Obama po ndihmon demokratët në fushatën para 8 nëntorit appeared first on Albeu.com.

Rishi Sunak është britaniku i parë me prejardhje nga vendet e Azisë që merr drejtimin e vendit, një arritje kjo që u mirëprit nga të gjitha grupet politike në parlament.

“Është një kujtesë se megjithë sfidat që përballemi si vend, Britania është një vend ku të gjitha racat dhe besimet mund të realizojnë ëndrrat e tyre”, tha udhëheqësi i Partisë Laburiste, Keir Starmer.

Disa e kanë përshkruar këtë si “momentin Obama” të Britanisë. Analisti Anand Menon, i cili është gjithashtu me origjinë indiane, e hedh poshtë këtë krahasim.

“Për shkak të mënyrës se si u zgjodh Sunaku… Ai u zgjodh nga deputetët për drejtues partie. Barack Obama fitoi një mandat personal nga populli amerikan duke u zgjedhur president”, thotë zoti Menon.

Është sidoqoftë një moment domethënës.

“Të shikosh dikë që është me origjinë nga Azia jugore, që është besimtar i hinduizmit, të ketë postin më të lartë të vendin – kjo ka rëndësi”, thotë zoti Menon.

Popullsia e besimit hindu po feston këto ditë Diwalin. Shumë në komunitetin e madh hindu të qytetit britanik Leicester e mirëpritën emërimin e zotit Sunak.

“Deri në momentin e fundit, mendoja se ‘jo, nuk do t’ia arrijë dot; nuk do t’ia arrijë dot’. Por, kur ia doli, më habiti”, thotë një banor në Leicester.

Të tjerë thonë se nuk ndjejnë ndonjë lidhje me kryeministrin e ri.

“Ka njerëz që vërtet mezi po ia dalin mbanë, dhe ai është e qartë se ka patur një stil jetese disi të privilegjuar. Mendoj se duhet ulet paksa me këmbë në tokë”, thotë Rita Patel, banore në Leicester.

Zoti Sunak mendohet se është ligjvënësi më i pasur i Britanisë. Ai ndoqi një shkollë private ekskluzive; studioi në Universitetin e Oksfordit dhe ishte menaxher investimesh përpara se të bëhej anëtar parlamenti. Bashkëshortja e tij është trashëgimtarja e një manjati indian. Pasuria e tyre mendohet se është në vlerën 830 milionë dollarë.

“Qeveritë nuk japin rezultate të mire për sa i përket diversitetit shoqëror dhe ekonomik. Ka gjithnjë e më pak anëtarë parlamenti që vijnë nga klasa punonjëse, gjithnjë e më pak anëtarë parlamenti që nuk kanë ndjekur shkolla private”, thotë profesor Menon.

Rishi Sunak lindi në Anglinë jugore, nga prindër me origjinë indiane që u zhvendosën në Britani nga Kenia në vitet 1960-të.

Këtë vit, India shënon 75 vite pavarësi nga Britania. Për disa, emërimi i zotit Sunak ka domethënie.

“Nëse një person me prejardhje indiane bëhet kryeministër i Britanisë, i po asaj Britanie që na sundoi për aq shumë vite, atëherë është një moment krenarie për të gjithë Indinë”, thotë Manoj Garg, banor në Delhi.

“Britanikët na sunduan për 200 vjet dhe tani kam ndjesinë se indianët do ta sundojnë Britaninë për 200 vitet e ardhshme”, thotë Manpreet Singh.

Sidoqoftë, mandati i zotit Sunak nuk do të jetë kaq i zgjatur. Anketimet që nga emërimi i tij tregojnë se Partia Konservatore në pushtet radhitet pas Partisë Laburiste në opozitë, ndërkohë që zgjedhjet pritet të mbahen vetëm pas dy vitesh./VOA

The post A përfaqëson Rishi Sunak “momentin Obama” të Britanisë? appeared first on Albeu.com.