bar Archives - Albeu.com

Himarë/ Po ndërtonte një beach-bar pa leje në plazhin e Borshit, nis hetimi për 45-vjeçarin

D Marku — Mon, 03 Jun 2024 14:15:24 +0000

HIMARË – Një rast i ndërtimeve pa leje është goditur nga policia falë kontrolleve të shtuara në prag të sezonit në Himarë.

Në plazhin e Borshit, në vijën bregdetar është evidentuar një beach-bar e cila ishte ndërtuar pa lejen e organeve kompetente.

Sakaq, ka nisur hetimi në gjendje të lirë për A.F., 45 vjeç i cili po ndërtonte strukturën e beach-bar pa leje.

‘Për këtë rast, specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi penal për shtetasin A. F., 45 vjeç, i cili po ndërtonte një beach bar, pa lejen e organeve kompetente.’, thuhet në njoftimin e policisë.

Materialet i janë kaluar Prokurorisë për veprimet të mëtejshëm, teksa 45-vjeçari do hetohet për veprën penale “Ndërtimi i paligjshëm”.

The post Himarë/ Po ndërtonte një beach-bar pa leje në plazhin e Borshit, nis hetimi për 45-vjeçarin appeared first on Albeu.com.

Reagime pas mbirjes së barit në asfalt

Xh — Sat, 29 Apr 2023 05:30:56 +0000

Nga Lutfi Dervishi

Reagime pas mbirjes së barit në asfalt

Lajmi se mbi rrugën e sapo asfaltuar në një qytet të Shqipërisë ka mbirë bari, fillimisht u raportua në mediat lokale e më pas bëri xhiron e botës duke ngjallur reagimin e personaliteteve në rang global.

Shtrimi i rrugëve në nisje të fushatave zgjedhore është një traditë shqiptare e konsoliduar tashmë po aq sa traditat e tjera.

Madje-madje, ashtu si festat e tjera ku Dita e Verës ka karakteristikë aromën e ballokumeve, Dita e Ashures ka karakteristikë aromën e kanellës, edhe Dita e Votimeve ka aromën e ziftit.

Megjithatë këto sa për histori sepse një tjetër çudi ngjalli interes të shtuar te vendimmarrësit si nga politika ashtu edhe nga biznesi: Mbirja e barit mbi asfalt!

Para se të ndaj me ju reagimet, të jemi të qartë, bëhet fjalë për bar të zakonshëm, nga ai që hanë gomerët…

Elon Musk: “Natyra sfidon edhe infrastrukturën më të keqe. Por të mos harrojmë se nëse do të kishim më shumë makina Tesla në rrugë, nuk do të kishim nevojë fare për asfalt”.

Donald Trump: “Unë gjithmonë kam thënë se jam një adhurues i madh i gjelbërimit. Great! Por kjo është qesharake. Ne duhet të fokusohemi që rrugët tona t’i bëjmë përsëri të shkëlqyera, t’i bëjmë great me asfalt të cilësisë së lartë dhe nuk duhet të vihemi në këtë pozicion qesharak të komentojmë cilësinë e barit mbi asfalt. Ne duhet të komentojmë cilësinë e asfaltit mbi bar”.

Joe Biden: “Më lejoni t’iu them, ky bar që rritet nga asfalti është vetëm një shenjë më shumë e nevojës urgjente për të adresuar ndryshimet klimatike. Ne duhet të investojmë në infrastrukturën e gjelbër dhe zhvillimin e qëndrueshëm, në mënyrë që të sigurojmë që këtë planet të bukur t’ia lëmë trashegim brezave që do të vijnë. Pas shpalljes së kandidaturës sime, jam në kontakt me Kryeministrin e Shqipërisë, vend aleat i yni në NATO, dhe një grup ekspertësh janë gati të nisen në Shqipëri për të marrë këtë formulë magjike që i jep zgjidhje të qendrueshme ngrohjes globale”.

Sekretari i Përgjithshëm i OKB-së: “Më duhet të them, se ky është një shembull frymëzues i fuqisë së natyrës për t’u përshtatur dhe lulëzuar edhe në rrethanat në dukje të pa mundura. Por le të mos harrojmë tablonë më të gjerë. Ndryshimi i klimës është një krizë globale që kërkon veprim urgjent dhe ambicioz nga të gjithë ne. Fakti që bari po rritet nga asfalti është një kujtesë se ne duhet t’i japim përparësi qëndrueshmërisë, ruajtjes dhe restaurimit të ekosistemit. Së bashku, me Shqipërinë mund të krijojmë një botë që është më e gjelbër, më e bukur dhe më elastike.”

Vladimir Putin: “Ah, mrekullitë e natyrës. Bari mbi asfalt thjesht tregon se Rusia nuk është i vetmi vend i befasive. Dhe më vjen mirë që kjo shpikje nuk vjen nga Perëndimi. Sot mblodha ekspertët më të mire dhe i pyeta se si mund ta përdorim këtë bar për të forcuar ekonominë? Ka ndonjë mundësi ta përdorim edhe për t’i dhënë vodkës një shije tjetër?”.

Volodymyr Zelensky: “Ky është me të vërtetë një fenomen i jashtëzakonshëm. Kush do ta kishte menduar se asfalti mund të jetë edhe një tokë pjellore për barin? Falënderoj mikun tim Edi për këtë dhuratë që i ka bërë njerëzimit. Si President i Ukrainës, unë e shoh këtë si shenjë shprese për vendin tonë. Kjo tregon se edhe kur rruga që ke përpara është e vështirë, ka gjithmonë një mënyrë që jeta të lulëzojë”.

Kancelari gjerman Scholz: “Për ne ky lajm është sigurisht i papritur. Më duhet të them, se qeveria gjermane ka qenë gjithmonë e përkushtuar për të promovuar zhvillimin e qëndrueshëm urban dhe infrastrukturën e gjelbër. Por kurrë nuk e kam imagjinuar që bari do të rritet nga asfalti. Edhe shkencëtarët gjermanë janë befasuar. Ndoshta ne mund ta përdorim këtë si një mundësi për të nisur një iniciativë të re kërkimore mbi përfitimet dhe rreziqet e mundshme të përdorimit të barit natyror në ndërtimin e rrugëve. Ne do të punojmë ngushtë me partnerët tanë në BE për të siguruar që çdo standard ose rregullore në të ardhmen të jetë në përputhje me standardet e reja që do të vendosen së shpejti. Angazhimi ynë për mbrojtjen e klimës dhe ruajtjen e biodiversitetit, ka marrë një mbështetje të fortë nga miqtë tanë shqiptarë”.

Kryeministri i Shqipërisë Edi Rama : “Ky është një moment krenarie për vendin tonë. Fakti që nga rrugët tona të asfaltuara po del bar, tregon se ne jemi një tokë me pjellori dhe qëndrueshmëri të madhe. Kjo dëshmon gjithashtu se investimi i qeverisë sonë për rrugë, në dukje, me cilësi të ulët ka qenë i mirëmenduar. Vulëhumburit e opozitës u tallën kur thamë se paratë e fushatës do ja kushtojmë vetëm gjelbërimit. Unë u bëj thirrje të gjithë shqiptarëve të përqafojnë këtë realitet të ri dhe të fillojnë të mbjellin kopshtet e tyre në mes të rrugëve. Nuk di t’ju them sot nëse pas legalizimit të kanabisit do të lejohet mbjella e mariuanës në rrugë, por ju garantoj se edhe kjo do jetë pjesë e konsultimit kombëtar. Së bashku kemi bërë shumë, por mund të bëjmë akoma edhe më shumë për ta bërë Shqipërinë vendin më të gjelbër në botë nëse shohim #VetëmPërpara”./Albeu.com/

The post Reagime pas mbirjes së barit në asfalt appeared first on Albeu.com.

“Bar” me foton e yllit të PSG-së, në pranga shqiptari dhe marokeni në Milano

E S — Wed, 05 Oct 2022 13:57:54 +0000

Karabinierët kanë sekuestruar 30 kilogramë hashash të ndarë në blloqe me figurën e lojtarit të PSG-së, Achraf Hakimi dhe arrestuan një 31-vjeçar maroken në rrugën Taccioli, në zonën Comasina, në periferinë veriore të Milanos. Policët vunë re një makinë të dyshimtë të parkuar me një burrë që priste.

Menjëherë pas kësaj, mbërriti një makinë e dytë dhe hetuesit vunë re se dy burrat shkëmbyen një pako. Rezultoi se shoferi i njërës prej makinave, një shqiptar, kishte një kile hashash të sapo blerë. Kur u ndalua edhe marokeni, policët gjetën në një çantë mbi 11.500 euro para cash.

Kontrolli i shtëpisë së tij në zonën Isola të Milanos bëri të mundur gjetjen e mbi 30 kilogramëve hashash me imazhin e futbollistit. Burri, i dënuar për drogë, u arrestua dhe tani ndodhet në burgun e San Vittore. 43-vjeçari shqiptar u hetua për veprën penale të trafikimit të drogës.

The post “Bar” me foton e yllit të PSG-së, në pranga shqiptari dhe marokeni në Milano appeared first on Albeu.com.

Vrasja e Madrid Ulqinakut, zbardhet dëshmia e 18-vjeçarit: Nga konsumimi i birrave dhe “barit”, ja si përfunduam tek masakra

E S — Fri, 19 Aug 2022 10:31:21 +0000

Zbardhet dëshmia e Eiden Dimos, 18 vjeçarit të arrestuar për vrasjen e Madrid Ulqinakut mbrëmjen e 17 gushtit 2022 pranë stadiumit “Elbasan Arena” në Elbasan.

Për këtë vrasje është shpallur në kërkim Klaudjan Sallufi,33 vjeç, Horgito Peqini, 18 vjeç.

Sipas policisë ka qenë Horgito Peqini që akuzohet se ka qëlluar me armë zjarri pistoletë në drejtim të Madrid Ulqinakut i cili si pasojë e plagëve të marra, ka humbur jetën në vendngjarje.

Përmes dëshmisë zbulohen dhe detaje nga dinamika e këtij krimi të rëndë që i mori jetën babait të një vajze të vogël. Eiden Dimo, i cili ka pranuar në polici se ka qënë në vendin e krimit dhe në shoqërinë e autorit të krimit.

Dëshmia

Pasditen e 17 gushtit, Klaudjan Sallufi dhe Eiden Dimo, janë takuar në banesën e Ord Peqinit, i cili rezulton të jetë vëllai i Horgito Peqinit.

Atje ka gjetur edhe Horgiton dhe Klaudjan Sallufin të cilët kishte 1 vit që i njihte. Me vete kishte marrë dhe një dorezë hekuri të cilën e kishte blerë online.

Në banesë sipas dëshmisë së tij është konsumuar birrë dhe lëndë narkotike.

“Pasi kemi pirë disa birra, Klaudio dhe Horgito, të dy kanë konsumuar disa viza kokainë mesa mbaj mend tre katër viza secili. Unë vetë kam pirë vetëm birra dhe nuk kam konsumuar lëndë narkotike kokainë. Kur unë vajta tek shtëpia, pashë që Klaudjani kishte pistoletë mbi divan.

Pasi pimë birrat dhe kokainën që konsumoi Horgito dhe Klaudjani, unë kam bërë një “video live” në rrjetim tim social “Instagram” ku kam adresën.

Pas videos qëndruam edhe pak në shtëpi edhe më pas dolëm. Kur dolëm Horgito mori pistoletën dhe e futi në marsupin që kishte apo në brez kurse Klaudjani mori një thikë në dorë dhe me pyeti: “…kë do mbash në çantë thikën apo mos e do ti pistoletën…? “…unë i thashë që do mbaj thikën se pistoletë, nuk kam mbajtur ndonjëherë. Futa thikën në çantën marsup që kisha me vete, e cila është e zezë..…”, ka treguar në polici Eiden Dimo, informon Ora News.

Vrasja

Më pas tre të rinjtë kanë dalë dhe kanë marrë rrugën drejt bulevardit.

“Kur ishim në rrugën sapo kalon stadiumin, unë po ecja para me Horgiton kurse pas nesh, në më pak se 1 metër po ecte Klaudjani. Në një moment unë shikoj që 2 persona kishin kapur nga duart Klaudjanin dhe po bënin llafe me atë. Unë dhe Horgito, u afruam direkt. Këto shtetas i njoh sepse i kam në lagje dhe quhen Madrit Ulqinaku dhe tjetri Herion Hamzallari. Madritin e njoh sepse vëllai i tij ka punuar në bahçen e babait tim kurse Herionin e njoh sepse ka punuar më parë tek lokali i babait tim “. Sapo i pashë që po konfliktoheshin me Klaudjanin, u afrova për ti ndarë sepse i njihja të dyja palët. Kur më pa Madriti, mu afrua dhe më tha: “…Ti je çuni i Kelit, ç’do ti me këta…”. Unë thashë: “…jo nuk kam punë me ta por çfarë keni që ziheni…”. Horgito, ndërkohë po i bërtiste Madritit dhe i tha: “Ta q…. r….” dhe sapo tha këtë Horgito, nxorri pistoletën nga çanta e zezë, ia drejtoi armën Madritit dhe i qëlloi me armë një herë dhe Madriti u rrëzua në tokë.”

Më pas të tre ne u larguam me vrap nga aty. Dhe Horgito iku me pistoletë në dorë. Klaudjani ishte veshur me një bluzë blu, kurse Horgito kishte kapele të zezë në kokë, bluzë të bardhë, me një marsup të zi dhe pantallonat nuk ia mbaj mend. Unë shkova drejt farmacisë që ka mami im dhe aty i lashë mamit celularin, varësen dhe unazën time. Më pas më kapi një Polic dhe më shoqëroi në Komisariat. Dua të them që nuk e di ku shkoi Klaudjani me Horgiton, sepse nuk i pashë ngaqë vrapova direkt…”.

Arratisja

Menjëherë pas krimit të tre personat u larguan, në drejtim të rrugicave të pallatit. Policia arriti të arrestojë Dimon ndërsa Klaudjan Sallufi dhe Horgito Peqini mbeten në kërkim.

Eiden Dimo është arrestuar për veprën penale “Prodhimi, mbajtja, blerja apo shitja pa leje e armëve të ftohta”, “pasi gjatë kontrollit fizik të ushtruar nga shërbimet e Policisë, iu gjetën dhe sekuestruan në cilësinë e provës materiale, një thikë dhe një dorezë metalike”

Prokuroria e qytetit pritet të kërkojë në gjykatë caktimin e masës së sigurisë “arrest në burg” për Horgito Peqinin dhe Klaudjan Sellufin, të cilët tashmë janë shpallur në kërkim nga policia.

The post Vrasja e Madrid Ulqinakut, zbardhet dëshmia e 18-vjeçarit: Nga konsumimi i birrave dhe “barit”, ja si përfunduam tek masakra appeared first on Albeu.com.

I bllokojnë rrugën lopët, Blendi Fevziu ka një mesazh: Bariu nuk ka ndryshim nga një vrasës

E B — Sat, 23 Jul 2022 10:25:19 +0000

Moderatori Blendi Fevziu ka hasur një problem teksa ishte duke shkuar rrugës për jug. Në aksin Vlorë-Orikum disa lopë i kanë bllokuar rrugën dhe këtë moment Fevziu e ka publikuar me video në rrjetet sociale.

Fevziu shprehet se bariu që i ka lënë lopët në rrugën e re Vlorë-Orikum, nuk ka asnjë ndryshim nga një vrasës nga pakujdesia.

Sipas gazetarit rruga është e pandriçuar, duke përbërë rrezik për shoferët që kalojnë në këtë aks.

“Nje kope lopesh ne mes te rruges interurbane Vlore – Orikun (rruga e re), kur shpejtesia e lejuar eshte 80 km/ore dhe pa asnje lloj ndricimi eshte po aq e rrezikshme sa cdo makine qe te vjen perballe ne autostrade. Ky bari qe i ka vendosur aty per minuta te tera nuk ka ndryshim nga nje vrases nga pakujdesia”, shkruan Fevziu.

The post I bllokojnë rrugën lopët, Blendi Fevziu ka një mesazh: Bariu nuk ka ndryshim nga një vrasës appeared first on Albeu.com.