Ndryshimi në projekt për restaurimin e objekteve të kultit (kisha katolike), që më parë ishin klasifikuar për prishje i ka detyruar banorët të kërkojnë informacion dhe transparencë, në lidhje me vijimësinë e tij.

Me një kërkesë të firmosur nga 20 familje i janë drejtuar autoritetit vendor, duke kërkuar transparencë dhe duke nënvizuar se do të vazhdojnë të kundërshtojnë prishjen e banesave të tyre.

Një projekt që mbivendoset mbi historinë, për t’u zëvendësuar me kulla deklarojnë banorët.

Përfaqësia e banorëve i është drejtuar Bashkisë së Durrësit për të kërkuar takim me kryebashkiaken, por edhe këtë herë kanë gjetur dyert e mbyllura.

“Është më e thjeshtë të takosh përfaqësues të institucioneve ndërkombëtare se kryebashkiaken Sako”, deklarojnë banorët mes të tjerash të revoltuar, teksa theksojnë se “do të kundërshtojnë prishjet e banesave”.

Ndërkohë, në mbledhjen e fundit të këshillit bashkiak, nënkryetari i bashkisë së Durrësit, Gentian Kallmi, deklaroi se TID është në proces dhe do të verifikohet çdo rast, si në lidhje me vlerën, ashtu edhe procedurën e ndjekur.

“Po të duan të prishin bashkinë dhe jo shtëpitë. I kanë bërë lulishtet me pallate, të gjitha lulishtet i kanë bërë betona, pallate, ja tek i ke…”, shprehet një nga banoret e prekura nga projekti.

Kurse përfaqësuesja e grupit të këtyre banorëve u shpreh se Bashkia e mban informacionin në terr dhe po veprohet në mënyrë të paligjshme, teksa procesi gjyqësor vijon.

“Kemi çuar një kërkesë për informacion një grup prej 20 personash, por Bashkia po bën veprime jo transparente, flitet për VKM të re pa konsultim me ne, flitet për prishje, me çfarë vendimi është bërë kjo, ne jemi në proces gjyqësor për shfuqizimin e VKM dhe projektit TID, teksa ata ndërmarrin hapa sikur këto kanë ndryshuar. Nuk ka transparencë. Bashkia dhe institucionet janë në terr informativ. Ne nuk jemi as për shpronësim dhe as për prishje. Po presim të bëjmë takim, nuk kemi përgjigje zyrtare. Nëse nuk na presin ne do vijmë përsëri, derisa të na japin përgjigje, edhe në mënyrë institucionale. Projekti është abuziv”, tha ajo.

Një banore e vjetër shpjegon se ky projekt antiligjor ka marrë edhe firmën e Ballukut dhe të Ramës dhe po shkatërrojnë Durrësin e vjetër.

Ajo theksoi se nuk do tërhiqen nga kundërshtimi i tyre për mosprishjen e banesave dhe nuk do dalë nga shtëpia deri në fund.

“Jemi këtu para Bashkisë dhe askush nuk na pret. Projekti TID po shkatërron Durrësin e vjetër, ëhstë me firmë të Ballukut, Ramës dhe institucioneve, po prishet teatri i vjetër me këtë projekt. Si në kohën e Enverit edhe tani, se ky e ka me instikt dhe do ta bëjë këtë gjë, si atëhere. Ajo pika e voçkël Elva Margariti e ka bërë pa arkeologji dhe me asgjë tjetër, duan thjesht ta prishin dhe të ndërtojnë gjë tjetër. Thjesht duan t’i shembin, si mund të prishet shtëpia apo dyqani im. Ne nuk pranojmë prishjen, nuk pranojmë lekë, asgjë, unë nuk lëviz nga shtëpia ime. Po të jetë autostradë dakord, ra autostrada, por pse të prishet shtëpia ime për një lulishte tre metra e më pas të ndërtohet pallat. Ne do veprojmë deri në fund”, deklaroi banorja.

Ndërsa një tjetër banor përfaqësues, tha se më lehtë kanë takuar përfaqësues ndërkombëtarë se sa kryebashkiaken Emiriana Sako.

“Edhe pas kërkesave personale që kemi bërë, si dhe të tjerët e grupit, nuk gjejmë mundësi komunikimi, kemi arritur të komunikojmë me OLAF, me bashkësi ndërkombëtare, por ama me Bashkinë e Durrësit nuk kemi ende mundësi, me taku një nga këto këtu, kryetaren, edhe pse kam ardhur shumë herë dhe kam dëshirë ta takoj. Edhe këtu ende nuk i kemi takuar, po vijnë zgjedhjet e tjera por ende nuk i kam takuar. Është shumë revoltuese për në, na trajtojnë kështu, duke u trajtuar në këtë formë. Por ne nuk do ndalojmë, i themi të gjithëve. Unë nuk dua të prishet, kush do le të prishet, unë s’dua, i qëndroj kësaj. Nuk kemi njoftim të fundit, nuk kemi. Na bëhet goxha dëm, shqetësohemi, kanë kaluar 300 lloj qeverish dhe kjo që ishte si më në favorin tonë po na e prish komplet”, u shpreh ai.

The post VIDEO/ Banorët “zënë” derën e Bashkisë të revoltuar për projektin TID: Më lehtë takon ndërkombëtarët se Emiriana Sakon, po prishet qyteti me firmë të Ballukut e Ramës appeared first on Albeu.com.

5 banorë, Miri, Rogerti, Mateo, Brikena dhe Shëndriti, do të përballen për 3 vende në finale e madhe.

The post Hapet zyrtarisht televotimi, kush do jenë 3 banorët që do t’i bashkohen Selin në finale? appeared first on Albeu.com.

Në nominim këtë herë janë përfshirë tre emra që kanë qenë shpesh në qendër të vëmendjes gjatë ditëve të fundit: Juela, Shëndriti dhe Edisа.

Gjatë kësaj periudhe, publiku ka qenë tepër aktiv në rrjete sociale dhe në votime, duke dhënë mendimet e tyre dhe duke mbështetur banorin e preferuar.

Komentet, debatet dhe analizat kanë qenë të shumta, çka tregon se kjo përballje ka zgjuar interes të madh.

Sipas rezultateve të një sondazhi jozyrtar, renditja aktuale paraqitet si më poshtë: Edisа kryeson me 58% të votave, e ndjekur nga Juela me 27%, ndërsa Shëndriti renditet i fundit me 15%.

Këto shifra sugjerojnë qartë një diferencë të konsiderueshme mes banorëve, duke e vendosur Edisën në një pozitë të rrezikuar.

Bazuar në këto të dhëna, Edisа shihet si kandidatja kryesore për t’u larguar nga shtëpia në spektaklin e mbrëmjes.

Megjithatë, është e rëndësishme të theksohet se këto rezultate nuk janë zyrtare dhe gjithçka mund të ndryshojë deri në momentin e fundit.

Publiku shpesh ka surprizuar me vendimet e tij, ndaj mbetet për t’u parë nëse ky trend do të konfirmohet apo nëse do të ketë një kthesë të papritur. A do të largohet vërtet Edisа, apo një tjetër banor do të lërë shtëpinë? Gjithçka do të zbulohet gjatë spektaklit të sotëm.

The post Publikohet rezultati/ Ja kush largohet sonte nga Big Brother VIP Albania appeared first on Albeu.com.

E për këtë arsye, Vëllai i Madh ka menduar që t’i surprizojë. Ditën e sotme ka hyrë një zarf i bardhë në shtëpi, në të cilën shkruhej se katër banorët do të dalin një xhiro me makinë.

“Banorë, kanë kaluar 100 ditë që nga momenti që shtëpia e ‘Big Brother VIP 5’ ndezi dritat për herë të parë. Për katër prej jush që janë bërë pjesë e shtëpisë që nga dita 1, kanë qenë 100 ditë me përballje, lot, të qeshura, kujtime dhe do mbeten gjatë.

Brikena, Mal, Miri, Selin, duke qenë se jeni banorët më të vjetër të shtëpisë, mbrëmja e sotme për ju do të jetë ndryshe. Vëllai i Madh iu njofton se do të dilni për herë të parë jashtë shtëpisë. Ju pret një xhiro me makinë”, shkruhej në zarfin e bardhë.

The post KATËR BANORË DO DALIN NGA SHTËPIA! Zbuloni çfarë do ndodh në BBV appeared first on Albeu.com.

Në ekranin qendror të shtëpisë është shfaqur një numërues mbrapsht (countdown), i cili do të mbetet aktiv për katër ditët në vijim.

Përveç surprizës që pritet të zbulohet të shtunën, banorët do të duhet të kalojnë me sukses sfidën e njohur të mosreagimit për të fituar shpërblimet përkatëse.

Kjo do të thotë se ata nuk duhet të bëjnë asnjë lëvizje apo të shprehin emocione, pavarësisht se kush apo çfarë mund të futet në ambientet e shtëpisë gjatë këtyre ditëve.

Në letrën drejtuar atyre nga produksioni, shkruhej saktësisht:

“Banorë sot në ekranin e shtëpisë do të shfaqet një countdown, ky countdown do të jetë aktiv për 4 ditë me radhë, duke nisur nga sot deri në prime e së shtunës. Vëllai i madh ju bën me dije se fundi i këtij countdown do të sjellë një risi për të gjithë por edhe disa benefite për ju si banorë të këtij eficioni. për t’i fituar këto benefite ju do të përballeni me sfidën e mosreagimeve, çfarë do që të hyjë këtu, nuk duhet të reagoni. Nëse e përmbushni me sukses secili prej jush do të fitojë një çmim. Countdown fillon tani. Suksese,”

Kujtojmë se prova e mosreagimit, aplikohet shpesh në këtë format televiziv për të testuar vetëkontrollin e banorëve, duke u shoqëruar zakonisht me hyrje të papritura dhe momente të forta për garuesit.

The post Vëllai i madh trazon shtëpinë: Duke filluar nga sot deri të shtunën… appeared first on Albeu.com.

Ashtu si edhe herë të tjera, protestuesit janë përplasur me policinë, ndërsa kanë deklaruar se nuk do të lejojnë ndërtimin në tokat e tyre.

Për pasojë disa nga protestuesit janë shoqëruar në komisariat.

The post Banorët e Rrjollit sërish në protestë, përplasen me policinë appeared first on Albeu.com.

Zinxhiri vijoi në këtë mënyrë: Miri-Edisa-Juela-Brikena-Mateo-Shëndrit-Mal-Stenaldo-Nikol-Selin-Artani.

Katër të fundit, Stenaldo, Nikol, Selin dhe Artani, i janë bashkuar në televotim Rogertit, i cili ndodhet në nominim të përhershëm.

Me pyetjen “Kë doni të shpëtoni”?- njëri prej tyre do të lërë përfundimisht shtëpinë të shtunën.

The post Rikthehet zinxhiri i shpëtimit, cilët janë katër banorët që shkojnë në televotim appeared first on Albeu.com.

Ajo që ra në sy ishin gafat e banores, Selin Bollati, e cila kishte shumë paqartësi duke bërë gafa të shumta në gjetjen e përgjigjeve.

Siç ishte emri i Nënë Terezës, apo sa vite ka një shekull.

Banorët e “Big Brother Vip Albanaia” u vunë përballë disa pyetjeve, ku mes tyre ishte edhe se kur u shpall pavarësia e Kosovës. Dj Gimbo, ishte ai që dha një përgjigje të gabuar…

Për më shuë ndiqni videon e mëposhtme:

The post Banorët e “Big Brother Vip Albania” përballë Testit të inteligjencës, Selin thyen rekordin e gafave (VIDEO) appeared first on Albeu.com.

Në televotim të përhershëm është Rogerti. Si lider i shtëpisë, Stenaldo është imun.

Njëri prej banorëve të nominuar, do të lërë përfundimisht garën ditën e martë dhe pyetja është “kë doni të shpëtoni”.

Ju mund të votoni nga Shqipëria duke dërguar mesazh në numrin 56666, nga Kosova në numrin 55099, e po ashtu të votoni online në faqen e Top Channel.

The post “Big Brother”/ Si votuan banorët, kush shkon në televotim të martën appeared first on Albeu.com.

Mes pirgjeve të inerteve dhe baltës pranë Urës së Dajlanit në Durrësit, tre baraka të mbuluara me plastmasë u shfaqën si kërpudha njëra pas tjetrës.

Të mbetur mes katër rrugëve, banorët u rikthyen aty vetëm një muaj pasi Inspektoriati i Mbrojtjes së Territorit u prishi shtëpitë.

“Na mbajtën vetëm shtatë ditë te Konvaleshenca ku na çoi bashkia dhe pastaj na nxorën. Nuk kishim ku të shkonim”, thotë Erma Zerellari, baba i pesë fëmijëve. “Nuk kishim asnjë vend ku të fusnim kokën”.

Çatia mbi barakën e improvizuar mbahet nga dërrasa dhe llamarina, ndërkohë që hapësira e vogël mbushet nga sendet e pakëta që familja Zerellari arriti të shpëtonte nga shembja.

Ngjashëm me ta, edhe Xhina Hysenaj u detyrua që të rikthehej në barakë.

“Nuk kemi mundësi tjetër. Këtu u kthyem, sepse nuk kishim ku të shkonim”, tha ajo me dëshpërim.

Pas përmbytjeve masive në fillim të janarit, Bashkia e Durrësit urdhëroi më 26 janar shembjen e 16 banesave përgjatë kanalit kullues në Urën e Dajlanit, të banuara kryesisht nga familje të komunitetit rom.

Sipas Bashkisë Durrës, ndërtimet pranë Urës së Dajlanit pengonin qarkullimin e ujit dhe përbënin rrezik për përmbytje të përsëritura, ndërsa banorët protestuan pasi aksioni u krye pa u garantuar më parë një zgjidhje strehimi.

Brenda një muaji, tre familje u rikthyen aty në kushte shumë herë më të këqija, pasi nuk gjetën asnjë alternativë tjetër.

Por kriza e strehimit prek të gjithë banorët e e zonës, të cilët janë shpërndarë përkohësisht tek të afërmit dhe miqtë, duke jetuar në pasiguri për të ardhmen.

Të vendosur në këtë zonë prej rreth 30 vitesh, familjet kishin ndërtuar banesat pranë kanalit kullues, ndërsa disa prej tyre kishin nisur procesin e legalizimit që në vitin 2015. Zona sot nuk ka energji elektrike dhe as furnizim me ujë. Banorët mbijetojnë duke mbledhur kanaçe dhe mbetje hekuri për riciklim.

Shembjet e banesave të familjeve rome u denoncuan nga organizata “Drejtësia Sociale”, e cila po përgatit një padi kundër Inspektoratit të Mbrojtjes së Territorit dhe Bashkisë Durrës.

“Në zonën e Urës së Dajlanit janë shembur në mënyrë të paligjshme disa banesa, ndonëse prej vitesh ndodheshin në proces legalizimi. Banorët janë nxjerrë me forcë dhe janë lënë në mes të katër rrugëve nga Bashkia Durrës, në kundërshtim të drejtpërdrejtë me ligjin për strehimin social”, deklaroi organizata.

“Me banorët, deri në vendosjen e drejtësisë”, shkruhet në përfundim të reagimit.

Bashkia e Durrësit pretendon se aksioni u krye për lirimin e infrastrukturës së ujitjes dhe kullimit nga ndërtimet pa leje, që pengonin funksionimin e kanalit dhe rrisnin rrezikun e përmbytjeve.

Sipas Bashkisë, familjet do të trajtohen me bonus qeraje në kuadër të programeve të strehimit social deri në ndarjen e banesave sociale sipas sistemit të pikëzimit.

Në terren, shumë familje thonë se ende nuk kanë një zgjidhje konkrete.

“Na thanë prisni, por ne nuk kishim ku të prisnim”, tha Zerellari për BIRN.

Disa familje jetojnë tashmë në shtëpitë e të afërmve, të tjerë kërkojnë ende një zgjidhje, ndërkohë që tre familjet që nuk patën askënd ku të shkonin janë rikthyer mbi rrënojat e shtëpive të tyre.

Lagjja prej vitesh është lënë jashtë çdo projekti urban, ku infrastruktura rrugore është problematike në të gjithë gjatësinë.

Në mbrëmje, ndërsa pallatet përreth ndriçohen nga dritat, barakat pranë kanalit mbeten në errësirë./BIRN

The post BIRN: Të lënë mes katër rrugëve, banorët rikthehen me baraka te Ura e Dajlanit appeared first on Albeu.com.