Siç shihet edhe nga pamjet, qytetarët kanë arritur ta rrëzojnë në tokë gardhin thuajse nga të gjitha anët dhe të futën në kantier, ku ka nisur ndërtimi.

Më herët, qytetarët arritën të rrëzonin edhe gardhin prej hekuri pavarësisht tentativave të policisë për t’i ndaluar.

Kujtojmë se prej afro një viti, banorët e zonës kanë ngritur akuza se një ish-zyrtar i Kadastrës së Shkodrës ka ndryshuar dokumentacionin e pronësisë, duke tjetërsuar certifikatat dhe më pas duke ia kaluar truallin investitorit që po zhvillon projektin për resort në vijën bregdetare të Velipojës.

Ata thonë se kërkojnë të drejtën e tyre, ndërsa duke iu bashkuar refrenit të protestave në Tiranë, në kor bënë thirrje “Rama në burg, Berisha në Burg”, apo “Edi Rama jepe dorëheqjen”.

The post VIDEO/ Pas rrethimit prej hekuri, banorët e Rrjollit shembin edhe gardhin me tela me gjemba appeared first on Albeu.com.

Në shenjë proteste, ata janë mbledhur në tokat që pretendojnë se u përkasin dhe kanë ngrënë drekë së bashku, duke e cilësuar këtë si një mënyrë për të treguar lidhjen e tyre me pronën dhe territorin.

Banorët shprehen se ndërtimi po bëhet në toka që sipas tyre janë marrë përmes dokumenteve të falsifikuara.

Ata thonë se kanë protestuar disa herë që nga muaji shkurt, por ende nuk është gjetur një zgjidhje për problemin.

Kush i financon grataçelat në Tiranë? “Real Estate”, mekanizmi kryesor i pastrimit të parave
Ndërkohë, çështja e pretendimeve për tjetërsim pronash po hetohet nga Prokuroria e Shkodrës.

The post Banorët e Rrjollit rikthehen në tokat e të parëve, protestë me drekë simbolike pranë zonës së ndërtimit appeared first on Albeu.com.

Tre prej banorëve janë parë të ulur në sallën e Kuvendit, të shoqëruar edhe nga deputeti i Partisë Mundësia, Erald Kapri.

Ndërkohë, në të njëjtën kohë, deputeti i Partisë Mundësia, Agron Shehaj po zhvillonte një interpelancë me zv.kryeministren Albana Koçiu lidhur me çështjen e banorëve dhe pretendimet e tyre për tjetërsimin e pronave.

Sipas banorëve, projekti turistik në zonën e Rrjollit po ndërtohet mbi tokat e tyre, të cilat pretendojnë se janë tjetërsuar përmes dokumenteve të falsifikuara dhe më pas i janë shitur investitorit strategjik.

Projekti ka nisur në shkurt të këtij viti dhe parashikon ndërtimin e 33 strukturave akomoduese dhe shërbimi, me godina nga 3 deri në 10 kate mbi tokë, si dhe një kat nëntokë, nga shoqëria ABA Blue Borgo.

The post Prej muajsh protestojnë për vjedhjen e pronave, banorët e Rrjollit marrin pjesë në seancën plenare në Kuvend appeared first on Albeu.com.

Protestuesit deklaruan se kanë depozituar një kallëzim pranë Prokurorisë së Posaçme dhe kërkojnë ndërhyrjen e saj për të verifikuar dokumentacionin e pronësisë, ndërsa kërkuan edhe pezullimin e punimeve deri në sqarimin e plotë të çështjes.

Njëri prej banorëve paralajmëroi në një komunikim për mediat se situata “po shkon drejt gjakderdhjes”.

“Kemi bërë kallëzimin edhe në SPAK dhe presim përgjigje nga SPAK. Ne kërkojmë që të bllokohen punimet derisa të zbardhet e vërteta. Ne po kërkojmë të vërtetën. Nëse i ka dokumentet e vërteta le të vazhdojë, nëse del që toka është e jona le ta trashëgojmë ne. Nuk kam shpresë nga Prokuroria e Shkodrës. Ne po presim prej një viti dhe nuk kemi asnjë shpresë, situata po shkon drejt gjakderdhjes, po e them me plot gojë. Kjo prokurori e Shkodrës nuk ka marrë asnjë veprim dhe asaj që ne kemi bërë në kallëzim”, tha një prej banorëve të Rrjollit.

The post Kundër ndërtimit të resortit, banorët e Rrjollit paralajmërojnë para SPAK: Situata po shkon drejt gjakderdhjes appeared first on Albeu.com.

Ata janë konfrontuar dhe kanë lëshuar akuza në drejtim të policisë, madje janë shtyrë me ta.

Një turmë banorësh kanë zbarkuar në kantier ku tentojnë që të bllokojnë punën e një skrepi që punon. “Nuk ka shanse që të na merrni tokën”, dëgjohen teksa brohorasin banorët.

Ndërkohë një i moshuar tha; “Policia po na dhunon. Këtu nuk ka as shtet, të gjithë janë hajdutë. Vinë më kapin gruan ma përdhunojnë, ma kapin prej zhelesh. Këta duhet t’u dalësh me pushkë”.

The post Përplasje mes banorëve të Rrjollit dhe policisë, protestuesit: S’ka shtet, por hajdutë (VIDEO) appeared first on Albeu.com.

Sipas tyre po bëhet një padrejtësi në çështjet e pronësisë. Në lidhje me këtë, ata kërkojnë zgjidhje të menjëhershme nga institucionet përgjegjëse. Gjatë një prononcimi për mediat, njëri prej protestuesve është shprehur se do t’i drejtohen gjykatave, dhe SPAK-ut.

“Na arrestojnë te toka, shkojnë atje sikur ua kemi zënë ne. Ne do të vijmë nesër, e pasnesër, pasi jemi në të drejtën tonë. Këta kriminelë na trajtojnë se u kemi zënë ne tokat. Na bllokojnë makinat, kanë falsifikuar dokumentet. Nuk do të ndalemi, dhe do ta mbrojmë me çdo mënyrë. Do t’i drejtohemi gjykatave, SPAK-ut. I kapin prej leckash, nuk pyesin nëse janë pleq apo të rinj. Nuk është shteti që kemi ne, por ata që kanë paguar.”, tha një prej protestuesve.

The post Shoqërimi i protestuesve nga policia/ Banorët e Rrjollit kërkojnë lirimin e tyre: Po na marrin tokat padrejtësisht dhe po na dhunojnë appeared first on Albeu.com.

Banori thekson se Berisha nuk ka dërguar përfaqësues në protestë dhe nuk ka shprehur një qëndrim mbështetës në publik, duke lënë të hapur dyshimin nëse ka ndikim edhe nga vetë Berisha në këtë çështje.

Ai i kërkon Berishës që të mos i mbështesë vetëm kur ka interesa personale, por të tregojë solidaritet edhe me kërkesat e komunitetit të Rrjollit.

“Nuk dërgoi një përfaqësues të vetin dhe nuk erdhi të na mbështes në grevën tonë. A mos vallë ka dorë edhe Berisha në këtë mes. Nuk e kemi dëgjuar as në lajme që të na dalë zot. I lutem, mos na thirr kur ke interesat e tua, por na mbështet edhe në interesat tona”, ka thënë ai ndër të tjera.

The post Banorët e Rrjollit kundër ndërtimit të resortit, kërkojnë përgjigje nga Sali Berisha: Mos na thirr vetëm kur ke interesat e tua appeared first on Albeu.com.