Banorët e Lumasit në Kuçovë, një ditë pas përplasjeve me policinë dhe punonjësit e firmës që po ndërton ujësjellësin, kanë hyrë në greve urie.
5 banorë janë mbyllur në katin e dytë të një banese private në qendër të Lumasit.
Ata kërkojnë pezullim të punimeve për ndërtimin e ujësjellësit, shkarkimin e drejtorit të Policisë së Shtetit Ardi Veliu, dhe kërkojnë që ujin e Sinecit të mos e prekin, duke shtuar se me atë ujë jetojnë.
“Kemi nisur këtë grevë urie, sepse jemi futur në muajin e katërt të protestave dhe nuk u morën parasysh. Gjatë protestave kemi pasur dhe ndëshkime të rënda, ndërsa ne vetëm lule u kemi dhuruar punonjësve të policisë, sepse nuk kemi as shkop gome, asgjë prej gjëje, vetëm duart me kallo nga puna. Prandaj ne, e rimarrim këtë iniciativë të dytë me qëllim që të plotësohen kërkesat tona. Kërkesa e parë është të ndërprehen dhe t’i njihen vlerat burimit të Sinecit. Zona nuk vuan për ujë të pijshëm. Si komunë i nevojiten vetëm 4 metër kub ujë”, tha një banor./albeu.com
