BBC ende nuk i ka verifikuar këto pretendime – por më shumë dëshmi po dalin për ngjarje të tilla.

Një zyrtar, Pyotr Andryuschenko, i tha New York Times ndërmjet 4,000 dhe 4,500 banorë ishin zhvendosur në Tangarog, një qytet në rajonin e Rostovit që kufizohet me cepin juglindor të Ukrainës. Ai shtoi se ata ishin marrë pa pasaporta.

Një burrë ukrainas i tha gjithashtu gazetës se kishte qenë në kontakt me tre familje që ishin zhvendosur me forcë.

“Tani rusët po ecin nëpër bodrume dhe nëse ka njerëz që kanë mbetur atje, ata i çojnë me forcë në Taganrog,” tha Eduard Zarubin, një mjek që u largua nga qyteti në fillim të kësaj jave.

Rusia nuk e ka adresuar drejtpërdrejt pretendimin, por ministria e saj e mbrojtjes të premten pretendoi se mijëra ukrainas dëshironin të “iknin në Rusi” dhe qeveria e saj po i ndihmonte ata.

Mariupol është aktualisht skena e betejave intensive në rrugë midis trupave ruse dhe ukrainase. Qyteti është bombarduar vazhdimisht gjatë dy javëve të fundit dhe zyrtarët lokalë vlerësojnë se 2,400 njerëz kanë vdekur tashmë.

Komunikimi me qytetin është i vështirë pasi linjat telefonike janë të ndërprera. Banorët nuk kanë energji elektrike, gaz apo ujë të rrjedhshëm dhe po racionin furnizimet e tyre ushqimore. Ukraina thotë se Rusia gjithashtu ka ndaluar autokolonat e ndihmave humanitare që hyjnë në qytet.

The post Banorët e Mariupolit po dërgohen në Rusi appeared first on Albeu.com.