Raportohet se autori është futur me një çantë në filialin e “FiBank”, ku brenda saj kishte kallashin.

Sapo ka hyrë brenda, ka nxjerrë armën dhe ka qëlluar një herë në tokë.

Menjëherë te arka, Bardhyl Fusha, ka arritur që të marrë shumat e parave ndërkohë ka qenë një qytetar që ka lajmëruar policinë.

Patrulla ka qenë shumë afër dhe sapo ka mbërritur ka kapur autorin, duke dalë nga dera e bankës.

Menjëherë 58-vjeçarit i është sekuestruar çanta krahu, ku brenda saj janë gjetur lekët dhe një çantë ku u gjet arma e zjarrit.

Pas kontrolleve në çantën në fjalë, u gjetën 20 milionë lekë të vjetra.

The post Ky është 58-vjeçari që tentoi të grabiste me armë bankën në Tiranë, publikohen pamjet (VIDEO) appeared first on Albeu.com.

Ky ndryshim i rëndësishëm u vjen në ndihmë mijëra të moshuarve që, për vite me radhë, janë detyruar të presin në radhë pranë sporteleve të postës për të tërhequr pensionin mujor.

Tani, me një procedurë të thjeshtuar dhe transparente, ata mund ta marrin pensionin në mënyrë të rregullt, mujore, direkt në bankë, duke shmangur kontaktet e panevojshme, radhët dhe vonesat.

Për të përfituar nga kjo mundësi, çdo pensionist mund të paraqitet pranë një banke të nivelit të dytë, me të cilën ISSH ka marrëveshje bashkëpunimi dhe të hapë një llogari bankare pa komision, vetëm për qëllimin e marrjes së pensionit.

Ndryshe nga llogaritë e zakonshme bankare, kjo llogari nuk ka tarifa mirëmbajtjeje, nuk ka asnjë kosto për tërheqjet apo shërbimet bazë dhe nuk kërkon asnjë pagesë shtesë nga ana e pensionistit.

Sapo të hapet llogaria, banka e zgjedhur ndjek të gjitha procedurat e nevojshme për njoftimin e ISSHsë, duke vepruar si ndërmjetës për të realizuar transferimin e qendrës paguese.

Brenda tre ditëve pune, kërkesa për transferimin e pensionit përpunohet, ndërsa në pesë ditët në vijim përfundon dhe procesi elektronik i regjistrimit të të dhënave.

Kjo do të thotë se brenda pak ditësh nga momenti i aplikimit, pensioni fillon të hidhet rregullisht në llogari, zakonisht rreth datës 20 të çdo muaji.

Një element i rëndësishëm që duhet të kenë parasysh të gjithë pensionistët që zgjedhin këtë formë të tërheqjes së pensionit është edhe detyrimi, për të konfirmuar dy herë në vit që dëshirojnë të vazhdojnë marrjen e pensionit nëpërmjet bankës.

Ky konfirmim, i quajtur “deklaratë për vazhdimin e kreditimit”, mund të bëhet shumë lehtë nëpërmjet “e-Albania”, duke përdorur shërbimin “online” përkatës, ose fizikisht në sportelin e bankës ku është hapur llogaria.

Afatet për këtë deklarim janë në muajin mars dhe në muajin shtator të çdo viti.

Moskryerja e deklarimit në kohë, sjell ndërprerjen e përkohshme të transferimit bankar dhe rikthimin automatik të pagesës në pikën e mëparshme të tërheqjes.

Kjo skemë e re nuk është vetëm një përmirësim teknik, por një hap drejt trajtimit me dinjitet dhe lehtësirave të merituara për pensionistët, shumë prej të cilëve kanë kontribuar për dekada me punën e tyre në sistemin shtetëror e privat.

Ajo u kursen kohë, përpjekje fizike dhe mbi të gjitha, u garanton një mënyrë më të sigurt dhe të kontrolluar për të administruar të ardhurat mujore.

Të dhënat zyrtare tregojnë se mijëra pensionistë tashmë kanë zgjedhur këtë formë dhe numri i aplikimeve është në rritje të vazhdueshme.

Në një periudhë ku teknologjia po bëhet pjesë e pandashme e shërbimeve publike, kjo është një mundësi reale për pensionistët që të përfshihen në ritmin e ri të shërbimeve, duke ruajtur sigurinë dhe qetësinë që meritojnë në vitet e pleqërisë.

Për çdo paqartësi ose asistencë gjatë aplikimit, zyrat e ISSH-së dhe vetë bankat janë të gatshme të ndihmojnë, ndërsa portali “e-Albania” ofron një platformë të sigurt për aplikime “online” pa nevojë për të dalë nga shtëpia.

The post Lehtësohet shërbimi/ Si bëhet transferimi i pensionit në bankë, përfituesit duhet të plotësojnë çdo 6 muaj një… appeared first on Albeu.com.

Në pranga është vënë shtetasi Valter Xhelillari, 38-vjeç, banues në Korçë.

“Më datë 21 Dhjetorit, rreth orës 22:05, 38-vjeçari ka hyrë me forcë në ambientet e një banke të nivelit të dytë, ku ka qëndruar për disa sekonda dhe është larguar menjëherë sapo ka konstatuar shërbimet e Policisë, pa marrë asgjë”, – thuhet në njoftimin e Policisë.

I riu shfaqej në kamerat e sigurisë, vetëm me një kapele, i pamaskuar dhe i pa armatosur, teksa shfaqej me telefon në dorë dhe dyshohet se ishte “live” në rrjetin social TikTok.

Nuk dihet se cili ka qenë qëllimi i tij, teksa policia nuk bën me dije akuzën që është ngritur ndaj 38-vjeçarit.

Materialet procedurale i kaluan Prokurorisë së Korçës për veprime të mëtejshme.

The post Hyri me forcë në bankë, arrestohet 38-vjeçari në Korçë (EMRI) appeared first on Albeu.com.

Autori ka shtyrë me forcë derën e jashtme, por në momentin që ka rënë sinjali është larguar.

Shërbimet e Policisë janë vënë në ndjekje dhe kanë rrethuar zonën ku dyshohet se është fshehur autori.

Korçë/Informacion paraprak

Rreth orës 22:04, një shtetas ende i paidentifikuar ka hyrë me forcë brenda një banke të nivelit të dytë në lagjen nr.3 në qytetin e Korçës, i cili ka shtyrë me forcë derën e jashtme.

Në momentin që ka hyrë brenda ka rënë sinjali dhe menjëherë kanë shkuar shërbimet e Policisë.

Shtetasi që kishte hyrë në ambientet e bankës porsa ka konstatuar Policinë është larguar me shpejtësi pa marrë asnjë gjë nga brenda bankës.

Shërbimet e Policisë janë vënë në ndjekje dhe kanë rrethuar zonën ku dyshohet se është fshehur autori.

Grupi hetimor nën drejtimin e Prokurorisë vijon punën, për të bërë të mundur identifikimin e autorit.

The post Korçë, ky është personi që hyri me forcë në një bankë të nivelit të dytë appeared first on Albeu.com.

Në një komunikatë shtypi, blloku tha se veprimet e pabashkërenduara të njërës prej palëve vënë në rrezik zbatimin e marrëveshjes për normalizim si dhe “rrezikojnë bisedimet e vazhdueshme për një zgjidhje të përkohshme për personat e prekur negativisht nga rregullorja e Bankës Qendrore të Kosovës për pagesat me para në dorë”.

“Operacioni i së hënës dëshmon sërish se autoritetet e Kosovës u japin përparësi veprimeve të njëanshme dhe të pabashkërenduara më shumë sesa bashkëpunimit me miqtë dhe aleatët”, thuhet në njoftim, në të cilin theksohet se statusi i strukturave dhe shërbimeve të mbështetura nga Serbia “parashihet të zgjidhet në dialogun e lehtësuar nga BE-ja si dhe në ndërlidhje me themelimin e Asociacionit të komunave me shumicë serbe”.

Banka Postare Kursimore është institucion financiar që ka shpërndarë pagesat e Beogradit për qytetarët serbë në Kosovë. Policia tha se gjatë operacionit të djeshëm janë konfiskuar “rreth një milionë e 600 mijë euro, 74 milionë e 700 mijë dinar, 19 mijë e 500 franga, 13 mijë e 800 dollar amerikan, 40 dollar australian si dhe dokumente dhe prova tjera”.

Ministri i Financave i Kosovës, Hekuran Murati tha të martën se operacioni është kryer nën dyshimin e bazuar se degët e Bankës Postare Kursimore po vepronin pa licencë.

“Sa i përket shumave që janë sekuestruar gjatë bastisjes, konsideroj që ato i takojnë një procesi gjyqësor tanimë meqenëse prokurori ka dhënë urdhër për bastisje. Ato besoj fillimisht shërbejnë si prova e pastaj mund të derivohet se si të veprohet tutje nga një proces i mirëfilltë gjyqësor që tanimë prokurori është vënë besoj në lëvizje dhe gjyqësori do të duhej ta trajtoj si lëndë dhe t’i jap epilog përkatës në lidhje me shkeljet ligjore që janë gjetur”, tha ai.

Banka Postare Kursimore tha në një reagim se fondet personave që kanë llogari në këtë institucion janë të sigurta dhe se të gjithë punonjësit e Bankës qëndrojnë në marrëdhënie pune.

“Përkundër ndërprerjes së përkohshme të funksionimit të Qendrës Rajonale në Mitrovicë, klientët e Bankës mund t’i kryejnë të gjitha shërbimet bankare në degët më të afërta në vendkalimet kufitare… si dhe në pjesën tjetër të rrjetit të biznesit të bankës”, thuhet në njoftim.

Ky institucion nuk iu përgjigj kërkesës së Zërit të Amerikës për të komentuar akuzat për veprimtari të paligjshme.

Edhe Departamenti amerikan i Shtetit shprehu zhgënjimin për operacionin e djeshëm të policisë së Kosovës, duke thënë se “ky veprim nuk ishte i bashkërenduar me partnerët ndërkombëtarë” dhe se ai “përshkallëzon tensionet”.

Operacioni i djeshëm i policisë nxiti reagimin edhe të diplomatëve tjerë në Prishtinë si dhe të misionit në Kosovë të Organizatës për Siguri dhe Bashkëpunim në Evropë. Ky mision tha të martën se po përcjell me shqetëism të shtuar veprimet e policisë në veri duke nënvizuar se është thelbësore për të dyja palët të angazhohen në mënyrë konstruktive për ta zgjidhur këtë çështje në kuadër të dialogut si dhe të shmangin veprimet destabilizuese.

“Sa i përket reagimit, nuk jam në dijeni për hollësitë, megjithatë çdo veprim është i bazuar mbi ligjshmërinë dhe shtrirjen e ligjshmërisë në çdo cep të vendit”, tha zoti Murati.

Misioni paqeruajtës i NATO-s në Kosovë, tha në një komunikatë shtypi se ishte njoftuar të hënën pak përpara fillimit të operacionit në veri.

“KFOR-i pret konsultime me kohë për çdo veprim të policisë së Kosovës apo të Forcës së Sigurisë së Kosovës që mund të ndikojë në sigurinë rajonale”, thuhet në njoftim.

Operacioni i së hënës ndodh gati katër muaj pas hyrjes në fuqi të rregullores së Bankës Qendrore të Kosovës sipas së cilës euroja është valuta e vetme që mund të përdoret për pagesa me para në dorë në Kosovë.

Kosova dhe Serbia ishin pajtuar të bisedojnë në Bruksel me lehtësimin e Bashkimit Evropian për të gjetur një zgjidhje për çështjen e pagesave por pa sukses edhe pas shtatë takimesh.

Bashkimi Evropian u bëri thirrje sot të dyja palëve që të kthehen në tryezën e negociatave dhe të pajtohen me propozimin e fundit të kompromisit të paraqitur nga i dërguari evropian për bisedimet Miroslav Lajçak.VOA

The post BE: Mbyllja e degëve të bankës serbe në veri të Kosovës, përshkallëzuese dhe kundër frymës së normalizimit appeared first on Albeu.com.

Shqiptari kreu grabitjen në një filial banke dhe u largua me para, teksa punonjësit njoftuan policinë.

Në momentin që ai doli nga dega e bankës, një punonjës policie jashtë detyr3s dhe sigurimi i bankës kanë filluar ta ndjekin.

Ndërkohë, pasi kishin mbërrtur edhe fektivë të tjerë të policisë, shqiptari dyshohet se ka sulmuar me thikë një prej tyre. Ky i fundit përdori armën e shërbimit dhe e plagosi shqiptarin .

Mësohet se ai ka marr katër plumba, tre në bark dhe një në kofshë. 38-vjeçari u dërgua me urgjencë në spital ku u intubua dhe po i nënshtrohet operacionit.

The post Tre plumba në bark e një në kofshë, si është gjendja e shqiptarit që tentoi të grabiste bankën në Athinë dhe u plagos nga policia appeared first on Albeu.com.

Një 35-vjeçar ka ndërruar jetë në ambientet e një banke.

Viktima është identifikuar si Jonel Dushku, ndërsa mësohet se ka pësuar infarkt ndërsa ndodhej brenda bankës dhe ka ndërruar jetë.

35-vjeçari është nga fshati Leminot i Korçës./Albeu.com.

The post E rëndë në Pogradec, 35-vjeçari ndërron jetë në ambientet e një banke appeared first on Albeu.com.

Fiksojeni mirë datën dhe orarin! Autorët e ngjarjes arritën të merrnin 10.000 euro, 1000 dollarë dhe rreth 4 milionë lekë të vjetra. Ata përdorën 2 armë zjarri tip kallashnikov dhe automejtin “Golf 3” pa targa.

Policia e Shtetit në një kohë rekord arriti të zbardhte ngjarjen dhe u vuri prangat autorëve të dyshuar të krimit më date 5 qershor. U arrestuan Bekim Gurraj, Armir Shabaj dhe Admir Shabaj duke finalizuar operacionin policor të koduar “Syri i Sheganit”.

Kujtim Shabaj, babai i Admirit, 18-vjeçarit të arrestuar për grabitjen e bankës pretendon se djali i tij është i pafajshëm dhe akuzon direkt Bekim Gurrajn se mban djalin e tij kot në burg.

“Djali im është i pafajshëm. Nuk ka qenë fare në momentin që është grabitur banka. Ai mbahet peng nga Bekim mallkim Gurraj. Ky i fundit e ka future në burg për të mbrojtur vëllain e tij Klevisin. Fillimisht ka thënë se ka qenë pjesë e grabitjes brenda bankës, më pas se ka qenë në makinë kur ka rënë poshtë akuza e parë. Prokuroria nuk ka asnjë fakt”, thotë fillimisht Kujtim Shabaj.

Ai nxjerr në skenë dhe një dëshmitar tjetër, Ralfi Malajn. Shokun e Adimirit, ky i fundit pranon se Admiri ka qenë me të. “Ai ka qenë me mua ditën kur ka ndodhur ngjarja. I kam bërë dhe një video nga lokali ku ishim. Kemi qenë bashkë nga ora 12:30 deri në orën 15:00”.

Për të qenë të bindur me dëshminë e tij flasim dhe me Admirin vetë nga burgu. “Kam qenë me Ralfin nga ora 12:30 deri në 15:00. Nuk kam qenë në grabitje, vetë Bekimi më ka thënë do të të nxjerr se dua të mbroj villain. Nuk ia kam besën më, por unë jam krejtësisht i pafajshëm”.

Kujtim e çon në tjetër nivel bindjen e tij. Ai kap vëllain e Bekimit, Klevisin dhe e kupton mjaft qartë se Admiri nuk ka qenë. “Admiri nuk ka qenë në grabitje, po të flas hapur para Zotit. Bekimi ka bërë një budallallik të madh në këtë rast. Dua që Admiri të dal sa më parë jashtë sepse është i pafajshëm. Tutat që kanë qenë te grabitja janë marrë nga rafti im, e di unë se janë djegur”.

Për t’i vënë kapak kësaj historie është dhe telefonata e Bekimit me Kujtimin nga burgu i Reçit. “E kam rregulluar atë punë. Adi do të dalë i lire, nuk ka qenë pjesë e grabitjes”, thotë Bekimi me gojën e tij nga burgu i Reçit.

The post “Po e mbajnë peng në burg”, babai i djalit që akuzohet për grabitjen e bankës: Im bir është i pafajshëm (VIDEO) appeared first on Albeu.com.

Historia e vjedhjes së bankave në Shqipëri, për herë të parë fillon në vitin 1931. Ajo ka ndodhur në degën e Bankës Kombëtare në Durrës. Mënyra si ka ndodhur ngjason shumë me ditët e sotme.

Të shtunën e 12 shtatorit 1931, arkëtari Dhimitër Maksakuli nga fshati Korpodhit i Delvinës, pas përfundimit të punës u nis drejt Tiranës për të dëfryer në kabaret e kohës.

Në mbrëmje ai hipi në taksi për ty kthyer në Durrës. Rrugës i ndaloi një polic, i cili për t`i verifikuar i shoqëroi në zyrat qendrore. Pas marrjes në pyetje, oficerët e policisë i shtuan dyshimet dhe vendosën të ballafaqonin deklaratat e arkëtarit me ato të Drejtorit të degës së Bankës në Durrës. Ky i fundit i informoi ata, se depozitës bankare i mungonin 120.000 fr.ari. Kjo i shtoi dyshimet mbi arkëtarin.

Oficerët e policisë vendosën t`i kontrollonin banesën. Atje gjetën një shokun e tij, i cili deklaroi se arkëtari kishte shkuar në Tiranë.

Gjatë kontrollit fizik arkëtarit iu gjetën një sasi të hollash, që dyshohej se ishin vjedhur në Bankë. Policia e Durrësit arrestoi dhe disa persona, me të cilët arkëtari kishte lidhje gjaku e shoqëri, si: Jorgji Maksakulin dhe Vasil Keron. Gjithashtu, ata kërkuan dhe Harallamb Martopulin, por nuk e gjetën.

Nga frika, arkëtari u “zbërthye” dhe i deklaroi policisë se në Bankë kishte vjedhur 14.000 fr.ari, shumë të cilën e dispononte në momentin e ndalimit. Ai mohoi të kishte bashkëpunëtorë. Por gjatë marrjes në pyetje, ndryshoi qëndrim. Sipas tij, shuma e vjedhur ishte 50-60.000 fr.ari dhe se një pjesë të saj ia kishte dhënë personave të lartpërmendur.

Policia e Durrësit i kërkoi të arrestuarve të pranonin bashkëfajësinë dhe të tregonin se ku i kishin fshehur paratë. Jorgji Maksakulit iu gjetën 60.000 fr.ari, ndërsa Vasil Keros 1200 fr.ari së bashku me një zarf drejtuar Bankës për depozitë, i cili kishte 8.040 fr.ari. Harallamb Martopuli deklaroi se arkëtari i kishte dhënë 10.000 fr.ari, të cilat i kishte dërguar në Tiranë. Për të sjellë këtë shumë në Durrës, ai u shoqërua nga dy policë.

Por në mbrëmjen e së dielës, rreth orës 20:00, kur policia e Tiranës po transportonte me dy makina drejt Durrësit arkëtarin, dy shofera, Harallamb Martopulin dhe të zotin e shtëpisë ku ky kishte fshehur paratë, ndodhi diçka e rëndë.

Në afërsi të Rashbullit kur makinat po ecnin me 60 km në orë, arkëtari u hodh papritur. Autokolona ndaloi dhe policët filluan kërkimet. Por arkëtari u zhduk. Autoritetet dyshuan se ai kishte rënë në ndonjë gropë e kishte vdekur, ose ishte vetëvrarë. Kjo, sepse gjatë marrjes në pyetje, ai kishte tentuar të priste damarët.

Të hollat e mbledhura nga policia ishin 90.000 fr.ari, ndërkoh që dega e Bankës Kombëtare në Durrës, zyrtarisht deklaroi se ishin vjedhur 120.000 fr.ari.

Nga hetimet rezultoi se arkëtari, kishte paguar dy persona për një plan të detajuar. Pas kthimit nga Tirana, ai do të rihynte në Bankë për ta vjedhur totalisht. Meqenëse e diela ishte pushim, kjo do t`i jepte kohë që të arratiseshin drejt Jugosllavisë.

Edhe në këtë rast, ashtu si sot, policia nuk arriti që ta mblidhte të gjith shumën e vjedhur në bankë./Albeu.com/

The post Vjedhja e parë një banke në Shqipëri appeared first on Albeu.com.

Sinjali raporton se gjithçka ndodhi derisa Policia mori informacionin përmes një telefonate se po ndodh një grabitje. Sapo autorët u futën në bankë u lëshua sinjali i alarmit por që kjo nuk i frikësoi fare grabitësit. Ata arritën të vjedhin 5000 euro dhe 10 milionë dinarë (84947 euro). Tre të dyshuarit i drejtuan kallashnikovët zyrtarëve policorë, duke arritur të fitonin kohë që të largoheshin me një makinë të tipit Volksëagen Passat.

Automjeti me të cilën u larguan tre të dyshuarit, ishte me targa të Kosovës dhe kishte ngjyrë të kaltër. Policia ka nisur kërkimet për gjetjen e tyre, madje është aktivizuar edhe Unaza e Çeliktë e Planit Operativ.

The post Me maska dhe automatik! Grabitet banka në Mitrovicë, autorët vjedhin 90 mijë euro appeared first on Albeu.com.