Ne tremujorin e fundit të vitit të shkuar normat e interesit shënuan sërish rritje, edhe pse sipas bankës së Shqipërisë në një nivel jo shqetësues. Sipas të dhënave të fundit për blerjen e apartamentit huaja u rrit me 0.3 për qind duke shkuar në 4.4.

Shtrenjtimi nuk ka sjellë ulje të kërkesës. Përkundrazi në dokumenti thuhet se kërkesa dhe miratimi I tyre vazhdon të jetë me ritme të larta, duke treguar një situatë optimiste. Ndryshe nga më parë një tren rënës ka treguar huadhënia në euro, duke rënë me po me 0.3 për qind.

Edhe bizneset kanë vazhduar të kërkojnë financime për investime apo për blerje të reja. Banka e Shqipërisë thotë se në këtë rast norma e interesit është rritur për shumat e mëdha nga mbi 35 milionë lekë.

Por bankat nuk kanë ndryshuar politikat sa i përket huave të kërkuara nga bizneset e vogla dhe të mesme.

Në këtë rast stimulimi i ekonomisë sipas bankës së Shqipërisë vazhdon të jetë në rritje duke ndikuar edhe në ekonominë shqiptare. Përballë kësaj situate Banka shton se ka vendosur te mbaje te pandryshuar edhe kriteret e kreditimit.

The post Normat e interesit vijojn të rriten, bankat shtrenjtuan me 0.3 për qind normën e huadhënies appeared first on Albeu.com.

Sipas Raportit të Politikës Monetare për tremujorin e parë të 2024, kjo rritje do të përkthehet në rritje të mëtejshme të punësimit e të pagave, si dhe të mirëqenies së familjeve shqiptare.

Ndërsa inflacioni parashikohet të ulet gradualisht dhe të kthehet në objektivin tonë prej 3% në gjysmën e dytë të vitit.

Sipas Bankës së Shqipërisë, gjendja ciklike e ekonomisë vijon të mbetet pozitive.

Punësimi ka vazhduar të rritet dhe norma e papunësisë ka rënë, ndërsa hendekët e prodhimit, të punës dhe të shfrytëzimit të kapaciteteve mbeten në kahun pozitiv. Tregu i shtrënguar i punës ka vijuar të nxisë rritjen e pagave në sektorin privat.

Ndërsa treguesit kryesorë të shëndetit ekonomik dhe financiar të ekonomisë: borxhi publik, borxhi i huaj dhe treguesi i kredive me probleme, shënuan përmirësim.

Në pasqyrim të tyre, kredia për sektorin privat ka ardhur në rritje, duke furnizuar ekonominë me fondet e nevojshme për zgjerimin e aktivitetit dhe për mbulimin e nevojave me likuiditet.

BSH-ja konstaton se, ekonomia shqiptare ka përfituar edhe nga rritja e shpejtë e të ardhurave nga turizmi, të cilat kanë kompensuar rënien e eksporteve të mallrave dhe kanë sjellë një përmirësim të dukshëm të bilancit të shkëmbimeve tregtare me jashtë.

Gjithashtu edhe politika monetare e Bankës së Shqipërisë ka pasur një kontribut të rëndësishëm në këtë tablo zhvillimesh.

Forcimi i kursit të këmbimit, si dhe reagimi i politikës sonë monetare kanë ndihmuar në rënien e inflacionit nga niveli 7.4% në nivelin 4.0% në harkun kohor të vitit 2023, duke sjellë normalizim gradual të treguesve dhe reduktimin e pasigurive për të ardhmen.

Banka e Shqipërisë shprehet se, do të vijojë të ndjekë me vëmendje zhvillimet ekonomike dhe do të kujdeset që nëpërmjet politikës së saj monetare të krijojë kushtet e përshtatshme për respektimin e objektivit tonë të stabilitetit të çmimeve.

“Qëndrimi ynë i politikës monetare i shprehur nëpërmjet nivelit të normës bazë të interesit

do të synojë të garantojë kthimin e inflacionit në objektiv, në një kohë sa më të shkurtër dhe me kosto sa më të ulëta mbi aktivitetin ekonomik.

Gjithashtu, ky qëndrim do të jetë konsistent me balancën e presioneve të përgjithshme inflacioniste, me politikën fiskale dhe me ecurinë e kursit të këmbimit, si faktorë me ndikim parësor në ecurinë e inflacionit”, thekson raporti i BSH-së.

The post BSH:Ekonomia do të vijojë të rritet gjatë viteve në vijim appeared first on Albeu.com.

Por institucionet financiare kanë zgjedhur të mbështesin më shumë biznesin e vogël dhe të mesëm se sa të drejtohen nga investitorët e mëdhenj. Por kriteret e shtuara, siç thuhet në dokument, kanë bërë që të ketë një rritje të lehtë të refuzimit të kërkesave.

Historiku i kreditimeve dhe shlyerja korrekte ose jo në të shkuarën, marrëdhënia me bankën dhe punësimi për individët dhe rezultatet e fitimit për bizneset kanë qenë vendimtare në shqyrtimin e kërkesave prej bankave.

Megjithatë konkurrenca e lartë bën që institucionet financiare të krijojnë edhe lehtësira për subjektet që u drejtohen për të siguruar fonde, sidomos në rastet kur sigurojnë kolateralin.

Sa i takon parashikimit për 3 muajt e parë të këtij viti Banka vlerëson se kërkesa për kredi nga bizneset pritet të qëndrojë në nivele të larta.

The post BSH: Rritja e normave të interesit për kreditë nuk jep ndikim te kërkesat e individëve dhe bizneseve appeared first on Albeu.com.

Sejko tha se konflikti mes Ukrainës dhe Rusisë kishte sjellë ngadalësim të rritjes ekonomike në Shqipëri, ndryshe nga sa pritej.

Ndër të tjera, guvernatori ka theksuar se inflacioni do të jetë i lartë në muajt në vijim, duke përmendur se gjatë 3 mujorit të parë kishte qenë në shifrat 4.4%. Përjashtim bënte muaji mars, ku inflacioni ishte në masën prej 5.5%.

Guvernatori i Bankës Kombëtare Shqiptare, Gent Sejko: Rritja e çmimeve ka shkaktuar pasiguri të agjentëve ekonomike. Inflacioni është në RRItje të konsiderueshme ndërsa rritja ekonomike është ngadalësuar.

Këshilli Mbikëqyrës vëren se ekonomia shqiptare do të ruajë stabilitetin, gjithmonë duke u bazuar në mos-përshkallëzimin e luftës në Ukrainë. Në përfundim të mbledhjes së sotme, Këshilli Mbikëqyrës vendosi të mos ndryshojë politikat monetare.

Sanksionet e vendosura nda Rusisë, sollën deficite të reja dhe rritën pasiguritë për të ardhurat. Inflacioni në vend u rrit gjatë 3 mujorit të parë të vitit duke shkuar në 4.4%. Rritja e inflacionit në muajin mars ka qenë më e madhe deri në 5.5%. Kjo rritja u shkaktua nga ulja e ofertës, si pasojë e mungesës së produkteve ushqimore./albeu.com

The post Ngadalësim i ekonomisë, Sejko: Këtë muaj inflacioni ka shënuar shifra rekord appeared first on Albeu.com.