banka ruse Archives - Albeu.com

Banka e madhe ruse raporton humbje prej 7.7 miliardë dollarësh për shkak të sanksioneve

Xh — Wed, 05 Apr 2023 09:29:22 +0000

Banka e dytë më e madhe ruse VTB, një nga bankat e para që u përjashtua nga sistemi global i pagesave SËIFT për shkak të pushtimit të Ukrainës nga Moska, raportoi të mërkurën një humbje prej 612.6 miliardë rubla (7.7 miliardë dollarë) për vitin 2022.

“Në vitin 2022, grupi VTB u përball me vështirësi dhe sfida të paprecedentë. Ne ishim objektivi i parë për sanksionet maksimale të mundshme, të cilat çuan në humbje të konsiderueshme,” tha në një deklaratë shefi financiar i bankës Dmitry Pianov.

CEO Andrei Kostin ka fajësuar për humbjet e bankës sanksionet perëndimore kundër sektorit financiar të Rusisë. VTB, shumë e ekspozuar ndaj tregjeve ndërkombëtare dhe me më shumë se 20% të portofolit të saj të kredisë në valuta të huaja, u godit veçanërisht rëndë në fazat e hershme të konfliktit në Ukrainë.

Rezultatet e së mërkurës, të publikuara sipas standardeve ndërkombëtare të raportimit për herë të parë në më shumë se një vit, zbulojnë humbje të mëdha në operacionet e këmbimit valutor dhe metaleve të çmuara./Albeu.com/

The post Banka e madhe ruse raporton humbje prej 7.7 miliardë dollarësh për shkak të sanksioneve appeared first on Albeu.com.

“Do të publikojmë mijëra dosje sekrete”, Anonymos hakon Bankën Ruse

E S — Thu, 24 Mar 2022 08:55:24 +0000

Kolektivi ndërkombëtar i hakerëve Anonymous pretendon se ka hakuar Bankën Qendrore të Federatës Ruse. Anonymous shkroi se ka hakuar Bankën Qendrore të Rusisë dhe se do të publikojë mbi 35,000 skedarë brenda 48 orëve të ardhshme me disa dokumente të marrëveshjeve sekrete.

JUST IN: The #Anonymous collective has hacked the Central Bank of Russia. More than 35.000 files will be released within 48 hours with secret agreements. #OpRussia pic.twitter.com/lop140ytcp

— Anonymous TV ?? (@YourAnonTV) March 23, 2022

“Më shumë se 35,000 dosje me marrëveshje sekrete do të publikohen brenda 48 orëve”, shkruan aktivistët në Twitter. Ditët e fundit, Anonymous ka hequr nga linja faqet e internetit të disa kompanive që vazhdojnë të operojnë në Rusi, përfshirë Nestlé e cila nën presion ka vendosur të reduktojë aktivitetet e saj në Moskë

The post “Do të publikojmë mijëra dosje sekrete”, Anonymos hakon Bankën Ruse appeared first on Albeu.com.

Banka ruse do të largohet nga tregu evropian

E B — Wed, 02 Mar 2022 06:51:15 +0000

Huadhënësi më i madh rus, Sberbank, ka njoftuar se po largohet nga tregu evropian pasi filialet e tij atje përballen me dalje të mëdha parash.

Banka tha se nuk ishte më në gjendje të furnizonte likuiditet për bankat e saj degë evropiane, por se niveli i saj i kapitalit dhe cilësia e aseteve ishin të mjaftueshme për të bërë pagesa për të gjithë depozituesit.

Të martën, dega evropiane e Sberbank u urdhërua të mbyllej nga Banka Qendrore Evropiane, e cila kishte paralajmëruar se do të përballej me dështimin për shkak të rrjedhjes së depozitave pasi Rusia pushtoi Ukrainën.

The post Banka ruse do të largohet nga tregu evropian appeared first on Albeu.com.