Kjo rritje vjen pasi norma vjetore e inflacionit është rritur në shtator në 5.5 për qind.

Banka Qendrore ka thënë se parashikon që shifra e inflacionit të arrijë në 6-7 për qind deri në fund të vitit.

“Presioni i inflacionit në ekonominë ruse është i lartë. Rreziqet prej inflacionit janë kristalizuar, rritja e kërkesës së brendshme e tejkalon kapacitetin për zgjerim të prodhimit, si dhe ka ndodhur zhvlerësimi i rublës në muajt e verës”, ka thënë bordi i Bankës Qendrore, përmes një deklarate.

“Prandaj duhet shtrënguar politikat monetare”.

Aktualisht një dollarë amerikan tregtohet për 95 rubla, shumë më dobët sesa një vit më parë, kur shifra ka arritur në 60.

Përmes rritjes së kostos për huadhënie, Banka Qendrore është duke tentuar që ta luftojë rritjen e çmimeve, meqë Rusia është duke importuar më shumë dhe duke eksportuar më pak, sidomos naftë dhe gaz natyror.

Për më shumë, shpenzimet në rritje ushtarake dhe sanksionet e Perëndimit, janë duke e luajtur rolin e tyre.

Sasia më e madhe e importit sesa e eksportit nënkupton suficit të vogël tregtar, situatë e cila zakonisht rëndon në valutën e një shteti./rel

The post Banka Qendrore e Rusisë rrit sërish normën e interesit appeared first on Albeu.com.

Të hënën, 101 rubla ruse janë treguar me 1 dollarë amerikan, çka nënkupton zhvlerësim të valutës për 25 për qind këtë vit dhe më të madhin në 17 muajt e fundit.

Maksim Oreshkin, këshilltar ekonomik i presidentit rus, Vladimir Putin, ka thënë se faji i zhvlerësimit të rublës qëndron te “politikat e lirshme tregtare”.

Sipas tij, forcimi i rublës është në interes të ekonomisë ruse dhe një rënie e vlerës së saj e “komplikon ristrukturimin ekonomik dhe ndikon negativisht në financat e popullsisë”.

Oreshkin ka thënë mes tjerash se Banka Qendrore e Rusisë “i ka të gjitha mjetet e nevojshme” për ta stabilizuar situatën dhe ka thënë se pret normalizim së shpejti.

Analistët besojnë se dobësimi i rublës është duke u nxitur nga rritja e shpenzimeve për mbrojtje – që ndikojnë në rritje të importit – dhe rënie të eksportit, sidomos në sektorin e naftës dhe gazit natyror.

Në mesin e masave që ka marrë Banka Qendrore e Rusisë, për ta luftuar këtë gjendje, është rritja e normës së interesit për 1 për qind muajin e kaluar.

Ajo ka thënë se normat mund të rriten sërish nëse rubla rrezikohet.

Të hënën, disa rusë në Moskë janë shfaqur të shqetësuar për dobësimin e valutës së tyre.

“Çmimet do të rriten, që nënkupton se standardi i jetesës do të bjerë. Veçse ka rënë, e do të bjerë edhe më shumë – ne definitivisht jemi njerëz të varfër”, ka thënë Vladimir Bessosedny, 63-vjeçar, mësues i pensionuar.

Të tjerë shpresojnë se kjo rënie është e përkohshme dhe që situata do të stabilizohet.

Në janar 66 rubla janë treguar me një dollarë amerikan, mirëpo valuta e ka humbur rreth një të tretën e vlerës në muajt pasues.

The post Rubla ruse pëson zhvlerësimin më të madh në 17 muaj appeared first on Albeu.com.