Një prej tyre, ka deklaruar për mediat se nuk largohen për shkak se aty kanë mallin e gjallë.

“Për ne që kemi bagëti është situatë shumë e keqe, nuk kemi ku vemi. Ja mallin do ta heqim, po silazhin ku ta çojmë, plus tokat që kemi marrë me qira. Ku do vete unë?

Deri tan s’na ka zënë, por po doli mua më zë 30 hektarë tokë. Kam ardhur me 2 nipërit, po e gdhijmë këtu. Me çfarë do i ushqejë djali këta? Këtu do ta kaloj natën, pastaj do iki të heq ato lopët nga stalla, t’i nxjerr në rrugë që të mos i zërë uji” tha ai për Euronews Albania.

The post Vjosa del nga shtrati, banorët refuzojnë të largohen: Do qëndrojmë këtu, kemi mallin appeared first on Albeu.com.

Lajmi konfirmohet për News24 dhe BalkanWeb nga gazetarja Klodiana Lala. Kontrollet janë ushtruar në banesat e dy zonjave, bashkëpunëtorëve të ngushta të Ballukut, si dhe në një zyrë.

Njëra prej këtyre bashkëpunëtorëve, nuk është më në detyrë.

Nga informacionet e deritanishme, çështja ka derivuar ndaj ish-kreut të ARRSH, Evis Berberi, që është pas hekurave nën akuzë zyrtare për ‘korrupsion’, shkelje të barazisë në tendera dhe akuza për pasurinë e tij.

Kanë derivuar dhe disa çështje të tjera, që kanë të bëjnë me kryebashkiakun e Shkodrës Benet Beci dhe disa zyrtarë të lartë të tjerë, si Gentian Gjyli, që lidhen me detyra në OSHEE dhe KESH.

Fakti që i është bërë me dije zonjës Balluku se po hetohet për tendera, është e paqartë se për çfarë po hetohet. Ajo ka statusin e personit nën hetim.

Fakti që është ftuar në SPAK ditën e hënë, të jetë e shoqëruar nga një avokat, nënkupton se mund t’i komunikohet apo bëhet me dije një akuzë penale.

Sipas Lalës, me gjasë mund t’i komunikohet akuza e shkeljes së barazisë në tendera, kryer në bashkëpunim.

FLETETHIRRJA

Në fletëthirrje, Ballukut i bëhet me dije se në momentin e paraqitjes në Prokurorinë e Posaçme duhet të jetë e shoqëruar nga një avokat, çka në raste të tilla lajmëron se mund t’i komunikohet akuzë penale. Kjo nënkupton ndërkohë që me gjasë SPAK do ta ushtrojë ndjekjen penale ndaj numrit dy të mazhorancës pa masë sigurie e në këtë mënyrë prokurorët e posaçëm shmangin edhe kërkesën për autorizim në Kuvendin e Shqipërisë. SPAK është tejet i rezervuar për të dhënë detaje lidhur me çështjen që po e heton zëvendëskryeministren Balluku, pasi ndaj saj ka një sërë kallëzimesh penale, përfshirë edhe atë të tunelit të Llogarasë ku vlera e tenderit që u fitua nga një kompani turke u rrit me mbi 50 mln euro.

Nuk dihet nëse zonja Balluku do t’i përgjigjet fletëthirrjes së SPAK dhe në këtë pozitë të re përballë drejtësisë do të vijojë apo jo të qëndrojë në postet qeveritare apo do zgjedhë të largohet me dorëheqje e ta zhvillojë betejën e saj pa mburojën e Partisë Socialiste. Belinda Balluku e ushtron detyrën e zv/kryeministres që prej korrikut 2022. Ndërsa atë të Ministres së Infrastrukturës dhe Energjisë, që prej janarit të vitit 2019. Balluku ishte drejtuese politike e qarkut Fier ku ne zgjedhjet e 11 majit fitoi 12 mandate./BalkanWeb

The post SPAK kryen kontrolle në dy banesat e bashkëpunëtoreve të Belinda Ballukut, dhe në një zyrë appeared first on Albeu.com.

U raportua se në Borsh ka nisur një furtune ere, e cila ka bërë që zjarri të marrë përmasa të frikshme.

Ndërsa bëhet me dije se tymi është shumë i dendur dhe është e pamundur të qëndrohet në zonë.

Ndërkohë që paniku është i madh tek qytetarët e shumtë pushues, por edhe tak banorët e zonës nga zjarri i frikshëm.

Në mëngjesin e sotëm, ka nisur ndërhyrja nga ajri me dy helikopterë të Forcave Ajrore, në terren janë edhe forcat zjarrëfikëse, të cilat po luftojnë me flakët.

The post Zjarri në Borsh del jashtë kontrollit, flakët rrezikojnë banesat dhe bizneset (VIDEO) appeared first on Albeu.com.

Uji ka hyrë në rreth 300 banesa, nga të cilat 200 shtëpi janë ne zonën e Durrësit të Ri, 60 në zonen e Shkozetit dhe Plazhit, 4 banesa në njësinë administrative 4, 1 shtëpi në njësinë 1, 20 banesa në Sukth, 10 në Katund të Ri dhe 5 shtepi në Rrashbull.

Ndërkohë, banorët shprehen se uji u ka hyrë nëpër banesa dhe dëmet janë të shumta.

“Më është mbushur shtëpia me ujë, më është prishur çdo gjë. Kërkojmë të na largohet uji”, tha një kryefamiljare.

Banorët shprehen se mungesa e kanalizimeve, është për shkak për përmbytjet duke kërkuar që shteti të ndërhyjë.

“Jemi përmbytur edhe herë të tjera, por jo në këtë masë që jemi përmbytur këtë herë. Problemi është kanali kryesor që del nga shtrati dhe na përmbyt, nuk janë reshjet e shiut. Na ka hyrë uji brenda, kemi ngelur gjithë natën nëpër dritare. Shteti duhet të ndërhyjë për kanalin, Bashkia Durrës ta vendosë në projekt kanalin, është hera e tretë që na përmbyt”, tha një banor.

“Edhe brenda në shtëpi rrimë me çizme, ka dëmtuar çdo gjë që ka kapur uji. Jemi përmbytur se uji në kanal ka dalë sipër rrugës. Kanalet kulluese i mbyllën kur u bë rruga, kërkuam që të futej një tubacion, por nuk pranuan. Kanali i madh nuk e përballon, kanalet kulluese e dërgonin ujin tek një kanal tjetër”, shtoi një tjetër.

The post Banesat e Durrësit nën pushtetin e ujit, flasin banorët: Edhe brenda në shtëpi rrimë me çizme, është dëmtuar çdo gjë appeared first on Albeu.com.

Kjo sipas specialistëve, për shkak të rritjes së kërkesës dhe ofertës së kufizuar, pasi një numër i madh i banesave private janë kthyer nga pronarët, në shtëpi me qira afatshkurtra. Gjithashtu është nxitur edhe nga ardhjet rekord të turistëve si dhe nga rritja e investimeve të huaja në pasuri të paluajtshme.

Gjatë gjithë vitit 2024 ka pasur me dhjetëra protesta të qytetarëve që deklarojnë se japin më shumë se gjysmën e rrogës për qira , si dhe ndaj sekuestrimeve të shtëpive nga bankat kur dikush nuk mund të paguajë këstet e larta, për shkak edhe të shtrenjtësisë së jetesës.

Me synim uljen e çmimeve të qirave por edhe të blerjes së shtëpive të reja, qeveria greke do fillojë të zbatojë ditët në vijim një sërë masash duke ulur taksat dhe duke shtrënguar rregullat për shtëpitë me qira afatshkurtra.

Ndër këto masa bie në sy përjashtimi nga tatimi mbi të ardhurat për banesat deri në 120 m2. që ishin të lira ose të përdorura për qira afatshkurtra, të cilat do të jepen me qira me kontrata afatgjata të paktën tre vjet. Në të njëjtën kohë, parashikohet ulja e dyfishtë e taksës së shtëpive (ENFIA), duke arritur në 20% për pronat me vlerë deri në 500 mijë euro të siguruara nga fatkeqësitë natyrore.

Gjithashtu, mbetet në fuqi pezullimi i TVSH-së për ndërtesat e reja deri në fund të vitit 2025. Pezullohet njëkohësisht tatimi mbi fitimin kapital nga transfertat e pasurive të paluajtshme deri në vitin 2026, masa që lehtësojnë zhvillimin e tregut ,investimet dhe likuiditetin, ndërsa vendoset një tarifë e re për akomodimin turistik.

Në të njëjtën kohë, tek pronat me qira afatshkurtër, rritet tarifa e rezistencës ndaj krizës klimatike 2 euro për natë në dimër , dhe 8 euro në verë, ndërsa ndalohet regjistrimi i banesave të reja afatshkurtra në tre bashki të vogla në qendër të Athinës.

Sipas Organizmit për Bashkëpunimin dhe Zhvillimin Ekonomik çmimet e shtëpive në Greqi janë rritur 7 vitet e fundit me 69%. Për më tepër, grekët shpenzojnë tashmë më shumë se një të tretën e të ardhurave të tyre të disponueshme për kostot e strehimit, më shumë se çdo vend tjetër në Bashkimin Evropian.

The post Greqia do ulë qiratë, qeveria merr vendimin për taksat mbi banesat appeared first on Albeu.com.

Në analizën e të dhënave rezulton se janë 44 mijë e 595 të pabanuara ku 26106 janë apartamente në pallate. Megjithatë nuk është e qartë nëse në regjistrim janë konsideruar si banesa të dyta apo thjesht në faktin se nuk ka pasur njeri.
Në Vlorë janë 63 mijë e 428 shtëpi ku po ashtu më shumë se 50 për qind janë bosh me konkretisht 33561 të tilla. Prej tyre 22 mijë e 852 janë apartamente në ndërtesa shumë katëshe.

Saranda e mbipopulluar në sezonin veror numëron 20790 banesa nga të cilat 12919 janë të pabanuara ku 10 254 janë në pallate.

Më në jug Himara regjistron 7292 banesa ku më shumë se gjysma ose 4173  janë të pabanuara prej të cilave vetëm 1083 në pallate e të tjerat janë shtëpi private.

Në Shkodër ku frekuentimi në liqen është I lartë, por edhe Velipoja në sezonin veror janë 46 230 banesa por në vetëm 14632 janë të pabanuara dhe 5391 janë në pallate

Edhe në Lezhë janë evidentuar 25 193 banesa nga ku 9643 të pabanuara prej të cilave 4735 në pallate.

The post Banesat bosh në bregdet/ Gjatë Censusit nuk u gjetën banorë, shumica në pallate appeared first on Albeu.com.

Në terren ndodhen rreth 50 forca zjarrfikëse të Dropullit dhe të ushtrisë. Zjarri ka nisur prej pasdites së djeshme dhe po përhapet me shpejtësi.

Ka patur gjatë paradites mbështetje nga ajri, por helikopteri është larguar sërish (pasi ka bërë 7 hedhje uji).

Po punohet me mjete rrethanore.

Zjarri rrezikon t’u afrohet banesave. Në rrezik edhe monumente kulti.

The post Aktivizohet zjarri në zonën e Dropullit, flakët rrezikojnë banesat dhe monumentet e kultit appeared first on Albeu.com.

Siç shihet edhe nga këto pamje zjarri është i fuqishëm, por fatmirësisht nuk ka pasur të lënduar, por vetëm dëme materiale.

Njoftimi:

 “Sot rreth ores 08-38″min pas nje njoftimi ne sallen  operative te Sherbimit Zjarrfikes ne nr 128 ka mberritur  nje telefonate se ne lagjen Tepe, aty ku banojne disa qytetare te komunitetit Rom ka rene zjarr.Menjehere eshte nisur ne vendgjarje me dy automjete zjarrfikes turni i gatshem me komandant sherbimi Edison Suma.Si pasoje e zjarrit ka vetem deme materiale, por fatmiresisht ska persona te lenduar..Respekt dhe mirenjohje  per heronjte e M.Z.SH BASHKIA SHKODER.!..Edison Suma, Gazmend Çeliku, Ilirian Hotaj, Arsid Pellumbi, Soed  Murati, Ramiz Brahaxhia, Arlind Sala”, shkruan zjarrfikësja Shkodër.

The post Përfshihen nga flakët banesat e komunitetit rom në Shkodër appeared first on Albeu.com.

Një raport i Komisionit Ekonomik për Europën në Kombet e Bashkuara që ka bërë një vlerësim të profilit të Shqipërisë në aspektin e zhvillimit urban, strehimit dhe menaxhimit të tokës nënvizon gjithashtu se rritja e çmimeve mund të jetë ndikuar ndoshta edhe nga pastrimi i parave.

“Zhvillimet formale të organizuara synojnë segmente të banesave me çmime të larta. Deri në 32 për qind e pronave rezidenciale dhe komerciale të shitura në gjashtëmujorit të parë të vitit 2021 janë blerë nga jorezidentë; pastrimi i parave ndoshta ka qenë një faktor kontribuues i rritjes së çmimeve në Tiranë dhe në zonat bregdetare.

Tirana është ndër shtatë qytetet kryesore evropiane me nivele të larta të papërballueshmërisë së banesave” thuhet në raportin e dedikuar për Shqipërinë.

Ky i fundit në këtë kontekst analizon se blerja e një banese nga familjet me të ardhura të ulëta është bërë e vështirë ose e papërballueshme.

“Në këtë sfond, ndërtesat me shumë apartamente të trashëguara nga epoka socialiste vuajnë nga mungesa e investimeve dhe mungesa e mirëmbajtjes. Shkalla e mbipopullimit për popullsinë e përgjithshme është më shumë se 58 për qind, që është më e larta në Evropë, me përjashtim të Malit të Zi.

Këto pabarazi strukturore në tregjet e banesave e bëjnë të papërballueshme aksesin në strehim për grupet me të ardhura të ulëta” vlerëson raporti.

Dokumenti i publikuar së fundmi parashtron se në Shqipëri, neni 59 i Kushtetutës njeh të drejtën për strehim të përshtatshëm dhe të përballueshëm si një të objektivave socialë të Shtetit Shqiptar dhe neni 18 për barazinë, siguron mbrojtjen e grupeve të ndryshme shoqërore kundër çdo forme diskriminimi.

“Megjithatë, pas privatizimit masiv dhe ndërtimeve informale në vitet 1990, sektori i banesave në Shqipëri dominohet nga zotërimi privat i shtëpive, me shumë shtëpi të reja të vetë-ndërtuara dhe ndërtesa të tjera të ngritura fillimisht ilegalisht dhe në zonat e banuara.

Sektori me qira i banesave sociale (qoftë publik, privat apo i përzier) në Shqipëri është shumë i vogël, duke përfaqësuar rreth 0.1% të totalit të banesave të banuara.

Ky sektor nuk mund të konkurrojë tregun privat. Tregu i banesave me kredi hipotekore sapo po zhvillohet(pjesa e pronarëve të shtëpive që paguajnë një kredi të tillë është më e vogël se 1 për qind).

Kjo është pjesërisht për shkak të rolit të rëndësishëm të sektorit informal dhe të vetë-ndërtuar ku aktiviteti i ndërtimit bëhet përmes parave “cash” dhe remitancave” thuhet në raport.

Ky i fundit sjell në vëmendje edhe disa rekomandime që mund të merren nga institucionet në vendin tonë për të ndihmuar grupet më të dobëta dhe vënies në funksion në mekanizmave për akses në strehimin social. /Monitor

The post Rritja e çmimeve të banesave, raporti i OKB: Ndikon pastrimi i parave, janë bërë të papërballueshme appeared first on Albeu.com.

Ndërkohë zjarri mendohet se është i qëllimshëm dhe është vendosur nga banorë të zonës.

Njoftim policie 

Sot, rreth orës 13:50, në një kodër të fshatit Kaninë, ka rënë zjarr dhe po digjen shkurre dhe një sipërfaqe toke me ullinj.

Shërbimet e Policisë dhe shërbimet zjarrfikëse ndodhen në vendngjarje dhe po punojnë për fikjen e zjarrit.

The post Zjarr në Kaninë, rrezikohen banesat pranë vatrës, reagon policia appeared first on Albeu.com.