Gjatë periudhës 2020–2025, në Maqedoni u ndërtuan gjithsej 36,281 banesa, ndërsa vetëm në qershor të vitit 2026 u miratuan leje ndërtimi për 754 banesa të tjera.

Të dhënat e regjistrimit të popullsisë të vitit 2021 treguan se 307,187 apartamente ishin të pabanuara. Kjo shifër përbën 36.6 përqind të totalit të banesave, që do të thotë se një në çdo tri banesa nuk kishte banorë të përhershëm.

Pavarësisht numrit të lartë të apartamenteve bosh, tregu nuk po shënon ulje të çmimeve. Përkundrazi, vlera e banesave për metër katror vijon të rritet.

Në Qendër të Shkupit, një apartament i ri me sipërfaqe 50 metra katrorë u shit për 168,000 euro, ose rreth 3,360 euro për metër katror. Ndërkohë, në Ohër, një banesë prej 66 metrash katrorë u shit për 211,200 euro, që përkthehet në rreth 3,200 euro për metër katror. Bëhet fjalë për transaksionet individuale me çmimet më të larta dhe jo për mesataret e tregut.

Tremujori i dytë i vitit 2026 solli 6,221 shitje banesash, me një rritje prej 20.2 përqind. Në të kundërt, kontratat e qirasë gjatë së njëjtës periudhë ranë me 16.8 përqind./Telegrafi/

The post Mbi një të tretën e banesave në Maqedoninë e Veriut nuk kanë banorë appeared first on Albeu.com.