Sipas tij, ky rezultat është si hashashi i vitti 2016, tha gazetari gjatë bisedës me moderatorin e KAFE SHQETO në Syri tv.

Artan Hoxha: Ata që kanë fituar, në këtë rast, ata nxijnë e sterrojnë kaq shumë se nuk dinë çfarë të bëjnë.

Flavio Qarri: Pse janë kështu?

Artan Hoxha: Po se u ka dalë nga kontrolli mor burrë. Si hashashi i 2016. Mendojnë se e kontrollojnë. Po ku kontrollohet ajo. Edhe kjo. Në qoftë se i jep hapësirë aty poshtë për të bërë vota, kur iu numëronin në fund u habitën. Si ka mundësi që shkoi kaq…

Flavio Qarri: Sa mandate deshte Rama në këto zgjedhje?

Artan Hoxha: Shiko, por të marrësh ato të diasporës ai është 96 më vete.  Ai e niste nga 74-78, atë minimumin. Ose dyshemenë. Ai kur bëri atë memorandumin e Kuçit ai tha 78-88 dhe tha diku në mes do të jemi. Aty ku ishin mbledh çunat. Elbasani, Fieri, Durrësi dhe futi edhe Dibrën….Në qeshim se nuk qajmë dot. Edhe ata vete nuk qeshin dot.

Flavio Qarri: Arrestimet e SPAK i interesojnë kryeministrit në këto momente. Jep ndonjë mesazh.

Artan Hoxha: Kjo historia me SPAK….

Në bisedë ai ka komentuar përdorimin e krimit dhe bandave në zgjedhje dhe ka shpjeguar evolucionin e krimit në zonën e Durrësit pas operacionit të antimafias italian “Ura”.

Artan Hoxha: “Poja”…U kristalizuan si grupi i Shkozetit dhe ngeli grupi i Shkozetit sepse ne nuk shkojmë menjëherë tek nofka.

Nofka është aty në lagje. O të vihet emri i nënës, emri i dajos, kë ke ti më të shquar aty. Ne rastin konkret shkoi si grupi i Shkozetit e më pas filloi identifikimi.

Eshtë fakt se këtë kanë qenë për një kohë të gjatë në hije aty. Pra … në mbrojtje, nuk kanë qenë në sulm. Si të them se edhe në botën e nëndheshme ka një hierarki, ka ca rregulla. Pra edhe në xhungël është Luani, Leopardi dhe vijnë me radhë kafshët e tjera. Kurse ne kemi vetëm hiena. Dhe Hienat nuk lënë asgjë sipër dhe asgjë poshtë. Në fund hanë njëra – tjetrën. Pra ne e kemi bërë Safari. S’ka më xhungël. I kemi këputur me luanë, me leopard, me barngrënës. I kemi këputur. Ne kemi lënë vetëm hienet që bluajnë çdo gjë çfarë të jetë. Kështu që edhe në rastin në fjalë, kjo ishte një etapë zhvillime e gjithë kriminalitetit në Shqipëri.

Në mandatin e dytë të qeverisjes ata kanë qenë në ngjitje. Në mandatin e tretë kanë qenë në lulëzim.  Me kontributin që dhanë në 2021 kanë qenë në lulëzim.

Shiko, ky emri rilindje, si i ka shkuar mendja me e gjet këtë emër. Se këtë janë 4 vjet rilindas e pastaj në zgjedhje direkt socialistë. Pra votën e kërkojnë si socialistë, pushtetin e ushtrojnë si rilindas. Në fakt duhet të ishte e kundërta. Por kështu, në fakt na zuri, ta heqim këtë punë.

Tani të kthehemi tek realiteti. Ne 2013 kur ka ardhur ne pushtet Rama po ta shikosh ne kemi patur një lloj funksionimi tjetër të krimit të organizuar. Bëri operacionin e parë mori lojërat e fatit. Në nëntor – dhjetor  vrasjet ndodhën në Tiranë. U akaparuan disa, shpejt e shpejt. Pastaj u bë goditja tjetër operacioni i qershorit ne 2014 në Lazarat që ne shpartalluam Lazaratin por e shpërndamë në të gjithë Shqipërinë.

Më 2016 kishte nja kanabizim kaq të keq. I rrëzuam edhe tullën e fundit të institucioneve që kemi. Bëmë bashkë edhe ata që mbillnin, edhe ata që ruanin, policët. Ajo 2016 na krijoj një problem të madh. Që pas saj të nëndheshmet thonin që paskemi qenë budallenj. Pas kësaj banditët u bënë investitorë, në ndërtim në turizëm, investitorë strategjikë.

Sot jemi në këtë situatë që nuk i kemi më banditë por i kemi investitorë. Dhe ajo që bie ne sy sidomos në 2021, grupet kryesore të cilat u përfshinë në fushatë për shkak të akuzave që u bënë atëherë mazhoranca bëri një gjë, një pjeë të atyre i dërgoi në SPAK, priti edhe zgjedhjet e 2023. Kapi edhe lokalet. Ke parasysh Shkodrën çfarë i bëri.  Pastaj filloi ajo goditja me detyrim përcaktim. Ti do shkosh tek vendi por deri këtu. Kur thonë pse me kape mua, i thonë ne e dimë që ke bërë edhe këto por këto s’po ti prekim…Dhe po të shikosh dosjet e para janë çuditërisht të gjithë grupet që janë përfshirë në zgjedhje dhe ne menduam që atyre po u jepet një dërmë e mirë dhe nuk do ti shohim në zgjedhje.

Çuditërisht ishin nga burg këtë radhë. Se si mund të votosh nga burgu për atë që të ka futur në burg ky është rast ekzemplar nuk e ka vërejtur. I kam rënë planetit cep më cep. Po të shkon 90 për qind në burg dhe nga burgu të bësh fushatë, nuk e di se çfarë dhe ndodhi ajo që ka ndodh gjithmonë, shtrëngoje mirë që ai të mos ketë nga të shkojë dhe do të të shërbejë.

The post Përdorimi i bandave/ Artan Hoxha: Zgjedhjet e 2025 si kanabisi i 2016, dolën jashtë kontrolli appeared first on Albeu.com.

“Anëtarët e bandës Gran Grif, të armatosur me pushkë automatike, hapën zjarr mbi banorët, duke vrarë të paktën 70 njerëz, duke përfshirë rreth 10 gra dhe tre foshnja,” tha Komisioneri i Lartë i OKB-së për të Drejtat e Njeriut.

“Ne jemi të tmerruar nga sulmet e bandave të enjten në qytetin Pont-Sotte në departamentin Artimonit të Haitit”, tha përfaqësuesi i UNHCR-së në vend.

Sipas OKB-së, të paktën 16 vetë u plagosën rëndë në sulmin në orët e para të së enjtes, pasi anëtarët e bandës thuhet se dogjën të paktën 45 shtëpi dhe 34 automjete, duke i detyruar banorët të largoheshin nga shtëpitë e tyre.

The post Terror në Haiti/ Bandat hapin zjarr ndaj banorëve, 70 të vdekur dhe 16 të plagosur rëndë appeared first on Albeu.com.

Trafikantët organizojnë pasaporta origjinale të BE-së të lëshuara nga zyrtarë të korruptuar italianë që përdorin emrin e një personi real, por me foton e emigrantit të paligjshëm, zbuloi një hetim i fshehtë i Daily Mail.

Ata më pas punësojnë shoferë për të çuar klientët në Mbretërinë e Bashkuar duke përdorur këto dokumente udhëtimi, nëpërmjet kanalit të La Manche ose trageteve nga Franca.

Operacioni i paligjshëm kujdeset për tregun në rritje të burrave shqiptarë që kanë shkuar në MB ilegalisht.

Ata zakonisht kanë mbërritur përmes rrugëve më të rrezikshme, si varka të vogla ose me kamionë dhe tani duan të marrin familjet e tyre për t’u bashkuar, por me më pak rrezik.

Një reklamë që ofronte ‘shërbimin e familjes’ u postua në një nga dy llogaritë e bandës në TikTok më 25 shkurt, duke shkruar: ‘Taxi France për në Mbretërinë e Bashkuar, vetëm për familje dhe vajza. Kush është i interesuar? 100 për qind të sigurt.”

Një gazetare shqiptare, i dërgoi mesazh grupit dhe iu tha se çmimi ishte ‘18,000 £’. Më pas gazetares iu dha një numër telefoni në MB për një burrë që besohet të jetë kreu i bandës.

Gratë që përdorin shërbimin duhet të japin emrin e një anëtari të familjes në MB, të cilin shefi i bandës me bazë në Londër e viziton përpara udhëtimit për të kontrolluar se ka para për të paguar.

Ata duhet të dorëzojnë të gjitha sendet, përfshirë edhe pasaportat shqiptare.

Ekspozimi i DailyMail vjen pasi agjencia evropiane e kufijve raportoi një rritje të mashtrimit të pasaportave në kufijtë e jashtëm.

The post DailyMail: Bandat shqiptare ribashkojnë familjet në MB me taksi ilegale appeared first on Albeu.com.

I ftuar në emisionin “Zonë e Lirë”, Karamuço ka sjellë detaje mjaft interesante sa i përket punës që dy agjentët shqiptarë që ndodhen në Hagë, po bëjnë për zbërthimin e përgjimeve të SKY ECC, dosje të cilat më pas po ja kalojnë SPAK-ut.

Ashtu siç ka paralajmëruar më herët AlbEu.com, Karamuço konfirmoi në mbrëmje se Shqipëria kërkoi që në zyrën e interpolit në Hagë të shkonin 6 agjentë shqiptarë për të punuar mbi përgjimet në ECC por janë pranuar vetëm dy.

Ai tha se aktualisht janë duke u hetuar disa dosje kriminale, dhe se po zbërthehen miliona mesazhe, pasi aplikacioni SKY përdorej nga më shumë se 16 mijë shqiptarë.

“Janë mbi katër apo pesë grupe që po hetohen njëkohësisht, i patë dosjet që i kishin lënë në çimento, janë pafund dhe po vijnë pa fund. Në Europol në Hagë, ne kemi kërkuar të çojmë  6 agjentë për të gjetur, selektuar dhe për të marrë. Ata kanë thënë se kemi dy poste pune. Po vijnë miliona mesazhe”, tha ai.

Ndërkohë Karamuço tha se ajo që pritet të nxjerrin hetimet nga SKY do të trondisin me themel drejtësinë shqiptare, por gjithashtu do të jetë një sfidë shumë e madhe edhe për vetë SPAK.

Ai deklaroi se një person me nofkën “Tigri”, i cili i përket nivelit të lartë në pushtetin gjyqësor, ëhstë njeriu i cili po dërhyn tek prokurorët dhe gjyqtarët për të mbyllur të gjitha hesapet me drejtësinë për bandat që operojnë në veri të vendit.

Sipas Karamuços, SPAK vijon hetimet intensive për ta identifikuar se kush fshihet pas këtij pseudonimi, i cili punon për llogari të grupeve kriminale.

“I dyti del po në përgjime “Sky Eç”. Quhet edhe ai me pseudonimin “Tigri” dhe s’ka lidhje fare me ish-zv.kryeministri. Ky është funksionarë i lartë i pushtetit gjyqësor, dhe troket në çdo derë të prokurorëve dhe gjyqtarëve për të zgjidhe çështjet të organizatave kriminale në veri të vendit dhe nuk dihet se kush fshihet pas këtij pseudonimi. Është brenda sistemit. Merr urdhrat dhe troket dhe u thotë gjyqtarëve dhe prokurorëve më zgjidhni këtë për llogari të filan bande. Dhe tani SPAK është në sfidë të madhe dhe nuk po e gjen dot”, tha ai.

The post Kush është “Tigri” që po mbyll dosjet e bandave të veriut? Eksperti: Po hetohet nga SPAK, por … appeared first on Albeu.com.

Mediat britanike e kanë lidhur vrasjen e kandidatit për president të Ekuadorit, Fernando Villavicencio, me bandat shqiptare.

“The Telegraph”, në një artikull ditën e enjte, ka bërë lidhjen mesa bandave shqiptare që operojnë në Britani, dhe autorëve të vrasjes së kandidatit për president në Ekuador.

Sipas “The Tegraph”, bandat shqiptare që zhvillojnë tregtinë e drogës në Britani dhe Europë, janë partnerë me bandën “los Lobos”, të cilët janë autorët e ekzekutimit të kandidatit për president në Ekuador.

Artikulli citon edhe një deklaratë të kandidatit të vrarë, Villavicencio i cili raportohet se kishte thënë që do të luftonte “tubin e kokainës” nga Ekuadori drejt Europës dhe te bandat shqiptare.

“Vrasja e të mërkurës e kandidatit presidencial Fernando Villavicencio çimenton rënien e Ekuadorit në kaos kriminal. Banda që dyshohet se qëndron pas vrasjes ka lidhje të ngushta me fraksionet shqiptare që transportojnë kokainë në Mbretërinë e Bashkuar, si dhe me kartelet meksikane të drogës. Los Lobos, ose Ujqërit, mendohet se përfshin deri në 8000 anëtarë, shumica e të cilëve drejtojnë botën e tyre kriminale nga burgjet e Ekuadorit“, shkruan “The Telegraph”.

Më tej artikulli vijon:

Pjesa më e madhe e rekordit prej 19,000 kilogramësh kokainë që u kapën në Britaninë e Madhe vitin e kaluar ka të ngjarë të jetë marrë nga fraksionet shqiptare që punojnë me Los Lobos dhe bandat e tjera ekuadoriane për të transportuar drogën në brigjet britanike, shpesh përmes porteve në Belgjikë ose Holandë.

Agjencia Kombëtare e Krimit thotë se grupet e dhunshme kriminale shqiptare dominojnë botën e krimit britanik. Ata negociojnë drejtpërdrejt me prodhuesit e Amerikës së Jugut dhe shpërndajnë kokainë direkt te tregtarët në rrugët e qyteteve dhe qyteteve britanike.

Kujtojmë se vetëm pak muaj më parë, kandidati për president që u vra nga grupet kriminale në Ekuador, Fernando Villavicencio, e kishte shpërndarë në Twitter një shkrim të Daily Mail me titull “Bandat shqiptare po sjellin drogë nga Ekuadori në Britaninë e Madhe“.

The post “Çfarë i lidh kriminelët shqiptarë me vrasësit e kandidatit për President në Ekuador?” Media britanike: Ai ishte zotuar t’i zhdukte appeared first on Albeu.com.

Teksa në të flitej shumë për vrasjen e Kleant Musabelliut, duket se një akti i tillë ishte planifikuar për të kthyer në vend “ndërin dhe opinionin” e Pëllumb Gjokës.

Në dosje zbulohet se Gjoka bashkë me Bajrin hedhin në tryezë disa vrasës si kosovarë, serbë dhe një arab.

Bajri i thotë Gjokës që “Arabi s’e ka problem fare, pasi kryen punë edhe me fytyrë, (duke nënkuptuar se nuk e njeh njeri)”.

Në dosje evidentohet dhe fakti se grupi Gjoka-Bajri, kanë lidhje të forta në policinë e Shkodrës dhe arrijnë të marrin informacion të klasifikuar dhe të sigurt të notës 10.

Nga ana tjetër, Gjoka lë të kuptohet se Policia e Shkodrës është e ndarë mes tyre dhe bandave të tjera.

“Ata, (duke nënkuptuar Licët) kanë nëndrejtorin dhe drejtorin, ndërsa ne kemi shefin e Krimit të Organizuar, që na jep informacionin 10”, i thotë ai Bajrit.

Më 10 korrik 2020 në orën 14:06, Behar Brajoviqi duke përdorur TIV9E3 komunikon me përdoruesin e C5FFC8 i identifikuar si Klodor Haka.

Ky i fundit i shkruan që: “Më mori ai shoku i Durrësit, po vjen me atë Kosovarin, por s’po i del telefoni, është në Mamurras duke ardh”.

The post “Ata kanë drejtorin, ne kemi shefin e Krimit të Organizuar”, si ndahej policia e Shkodrës mes bandave, detajet nga dosja appeared first on Albeu.com.

“Rruga përpara për qetësim dhe për normalizim nënkupton ndalimin e menjëhershëm të dhunës nga bandat kriminale para objekteve të komunës ndaj zyrtarëve të Policisë, ndaj ushtarëve të NATO-s, ndaj gazetarëve dhe ndaj kryetarëve të komunave”, deklaroi Kurti.

Kurti tha se prania e policisë në veri mund të zvogëlohej në mënyrë propercionale vetëm nëse largohen siç tha ai, bandat kriminale nga veriu dhe arrestohen personat që shkaktuan dhunë.

Kryeministri Kurti i bëri thirrje komunitetit ndërkombëtarë që të punojnë në drejtim të intensifikimit e dialogut për zbatim të marrëveshjeve të 27 shkurtit e arritur në Bruksel dhe asaj të 18 marsit, e dakorduar në Ohër të Maqedonisë së Veriut.

“Kemi nevojë për sekuencim të balancuar dhe fer të zbatimit të marrëveshjes bazike. Marrëveshjen jo vetëm që e kemi pranuar të dyja vendet, Kosova dhe Serbia por ajo është edhe pjesë e konkluzioneve të Këshillit Evropian të datës 9 shkurt 2023”, theksoi Kurti.

Duke iu referuar tensioneve në veri, Kurti, tha se deri në zgjedhjet e hershme në komunat veriore, kryetarët e tanishëm duhet ta ushtrojnë detyrën e tyre, ndërsa u bëri thirrje serbëve që të marrin pjesë në zgjedhje.

Më tej Kurti tha se objektet komunale janë në pronësi të Kosovës dhe se nuk do të lejohet që ato të shndërrohet në objekte në pronësi të një etnie të caktuar.

Sa i takon dhunës së shkaktuar nga protestuesit në javët e fundit në veri, Kurti tha se ajo buron dhe urdhërohet nga Beogradi.

Këto komente kryeministri Kurti i bëri të dielën në mbledhjen e Këshillit të Përgjithshëm të Lëvizjes Vetëvendosje.

Janë bërë dy javë prej se grupe të serbëve janë duke protestuar para objekteve komunale në katër komunat veriore si kundërshtim ndaj hyrjes së kryetarëve shqiptarë në këto objekte.

Protestat u tensionuan kohë pas kohe derisa më 29 maj, u lënduan 30 pjesëtarë të KFOR-it, të cilët po qetësonin situatën në terren. Tre ushtarë u plagosën më armë zjarri nga protestuesit.

The post Kurti: Largimi i bandave është rruga drejt qetësimit në veri appeared first on Albeu.com.

Ai tha se largimi nga politika i Dakos do tëg krijjë probleme për PS në qarkun e Durrësit.

“Kali që kapet shi gjithë lëmënin”. Ai me këtë parim po ecën, kur nxjer nga loja një njeri si Vangjush Dako krijon një problem në qarkun e Durrësit. Në zgjedhjet e 1988-s presidenti meksikan fito me ndihmë e kriminelit më të madh, pas zgjedhjeve firmosën kontratë me SHBA, ata kërkuan Feliksin. E njëjta gjë ndodhi me Durrësin, kush e mblidhte Rrumin”, tha Hoxha.

Ndëkrohë gazetari Hoxha theksoi se në të ardhmen do të vijojnë të apstrohen më shumë para nga krimi në Shqipëri.

Ai theksoi se nëse krimi vendos tu vëjë gjoba oligarkëve në Shqipëri, të gjithë do të paguajnë në të kundërt do të duhet të largohen nga Shqipëria.

“Oligarkët në Shqipëri po nuk paguan gjobat tek bandat më mirë të ikin nga Shqipëria”, tha Hoxha.

The post Artan Hoxha: Grupet kriminale në Durrës nuk pyesin për qeverinë, shkojnë i vënë oligarkut pistoletën te veshi appeared first on Albeu.com.

Ka qenë senatori Tim Kine ai i cili ka pyetur zotin Escobar në lidhje me bandat dhe trafikun e drogës në Shqipëri.

Zoti Escobar u shpreh se problemi me bandat është një problem rajonal, jo vetëm i Shqipërisë, ndërsa ka vlerësuar punën e deritanishme nga SPAK.

Escobar tha se po punohet edhe me Bashkimin Europian për të forcuar këtë organ.

Tim Kine: Në udhëtimet e mia dëgjoj se ka angazhim të bandat ballkanase sidomos me fokus në Shqipëri që kryejnë trafik të lëndëve narkotike. A ka diçka në lidhje me këtë çështje?

Gabriel Escobar: Është çështje serioze. Nuk është e kufizuar vetëm në Shqipëri, të gjitha vendet në rajon vuajnë nga korrupsioni, mungesa e rendit dhe ligjit, që ndihmon një aktivitet të tillë.

Kemi bashkëpunim të mirë me vendet, një pjesë e saj është pasi kemi punuar me ta dhe i kemi fuqizuar në shkëmbimin e informatave për krime komplekse. Sidomos në Shqipëri po shohim krijimin e një organi anti-korrupsion që ka pasur disa suksese dhe po punojmë me BE për të forcuar këtë organ dhe për të krijuar mundësinë për shkëmbimin e informacioneve.

The post Escobar: I gjithë rajoni vuan nga korrupsioni dhe bandat, në Shqipëri SPAK ka patur disa suksese appeared first on Albeu.com.

Dumani gjatë intervistës ka theksuar se sot bandat shqitare kanë një dnikim të fuqishëm në të gjithë europën duke përfshirë dhe Italinë, ku kanë një bashkëpunim të fortë me mafien vendase.

Sipas tij grupet kriminale shqiptare karakterizohen nga lidhje të ngushta familjare dhe shoqërore, por pa një hierarki të qartë.

Ai foli edhe në lidhje me ndikimin dhe lidhjet që këto grupe kanë me politikën dhe drejtësinë në vend.

Intervista e plotë:

Pyetje: Altin Dumani, në Shqipëri ju jeni kreu i Prokurorisë së Posaçme Kombëtare kundër Krimit të Organizuar dhe Korrupsionit (SPAK) dhe jeni një nga magjistratët më të ekspozuar në vendin tuaj për luftën kundër klaneve shqiptare që janë përhapur në Evropë dhe në veçanti në Itali. Në Itali ata u bënë ortakë në organizata të ndryshme kriminale. Çfarë i bashkon dhe cila është puna e tyre?

Dumani: Si çdo organizatë kriminale, synimi i këtyre grupeve të drejtuara nga shtetas shqiptarë është pasurimi i paligjshëm nëpërmjet aktiviteteve kriminale. Në këtë drejtim, synimet dhe objektivat e tyre, edhe në kuadër të bashkëpunimit me klanet italiane, nuk ndryshojnë, por synojnë grumbullimin e parave në kundërshtim me ligjin.

Pyetje: Në cilat qytete italiane ka më shumë prani të grupeve kriminale shqiptare, referuar hetimeve tuaja?

Dumani: Aktivitetet e përbashkëta hetimore me autoritetet gjyqësore italiane zbulojnë se në vendin tuaj ka shtetas shqiptarë të përfshirë në vepra penale që kanë të bëjnë kryesisht me trafikun e drogës, pastrimin e parave, trafikun e qenieve njerëzore, emigracionin e paligjshëm dhe mashtrimin kompjuterik. Këto aktivitete kriminale dyshohet se janë kryer në disa qytete si: Romë, Milano, Firence, Venecia, Ankona, Torino, Bari, Breshia, Bergamo, Pordenone, Piza dhe Leçe.

Pyetje: Me cilat grupe kriminale apo mafioze italiane kanë lidhjet dhe interesat më të mëdha?

Dumani: Hetimet e deritanishme kanë zbuluar bashkëpunime të grupeve shqiptare me klanet puliane, kryesisht në trafikun e drogës. Për më tepër, një hetim paralel i kryer me magjistratët e prokurorisë së Katanias zbuloi se një grup kriminal shqiptar bashkëpunonte me persona të lidhur me Cosa Nostra për të pastruar një shumë të madhe parash. Kemi indikacione dhe të dhëna, të cilat i ndajmë me autoritetet gjyqësore të vendit tuaj, nga të cilat dalin sesi grupet shqiptare bashkëpunojnë me klane mafioze italiane.

Pyetje: A ka një zgjerim të aktivitetit të klaneve shqiptare në vendet evropiane?

Dumani: “Është e vështirë të thuhet nëse ka një zgjerim, por ajo që vërejmë është se këto grupe kanë arritur të ndikojnë në tregun e kokainës dhe kanabisit në vendet e BE-së, duke qenë kryesisht aktivë në Greqi, Itali, Spanjë, Belgjikë, Luksemburg, Holandë, Gjermani, Danimarkë dhe Britaninë e Madhe. Në Shqipëri u kapën sasi të mëdha kokaine me destinacion tregun europian.

Pyetje: A është zgjeruar veprimtaria e tyre edhe në Amerikën e Jugut?

Dumani: Dekadën e fundit ka pasur një rritje të dërgesave me shumicë të kokainës nga Amerika e Jugut të kontrolluara nga grupe shqiptare, të destinuara kryesisht për vendet e BE-së. Ky zhvillim është rezultat i lidhjeve të forta që ata kanë arritur të krijojnë me kartelet e drogës nga Ekuadori, Kolumbia, Peruja, Brazili dhe Meksika.

Pyetje: A mund të flasim për ekzistencën e një “mafie shqiptare”?

Dumani: Termi “mafia shqiptare” është më tepër një term i përdorur nga media dhe qarqet akademike, pasi nuk është një term ligjor në legjislacionin penal shqiptar. Për t’iu rikthyer çështjes, nuk mund të thuhet se sot kemi struktura kriminale që ngjajnë me mafien italiane, pra organizata të tilla si Cosa nostra, Ndrangheta, Camorra ose Sacra Corona Unita. Grupet kriminale shqiptare karakterizohen nga lidhje të ngushta familjare dhe shoqërore, por pa një hierarki të qartë. Ato veprojnë kryesisht në grupe të vogla dhe në bashkëpunim me organizata vendase ose me organizata të tjera shqiptare.

Pyetje: A ka një kryetar të “klanit shqiptar” në Itali apo ka grupe të pavarura autonome?

Dumani: Me sa dimë sot nuk mund të themi se kemi një udhëheqës të vetëm të grupeve shqiptare apo një “shef”. Shqiptarët dallohen për stilin e tyre autonom operativ, ku sigurisht janë rastet e bashkëpunimit me klane të tjera të përbëra nga shtetas shqiptarë, nuk përjashtohen dhe kombësi të tjera.

Pyetje: A mund të konsiderohet korrupsioni në Shqipëri një armë në favor të klaneve, me të cilën përfitohen përfitime “institucionale”?

Dumani: Klanet shqiptare, si çdo grup tjetër kriminal, përpiqen të dobësojnë forcën e ligjit dhe për këtë qëllim përpiqen vazhdimisht të krijojnë lidhje me institucionet nëpërmjet ryshfetit apo shantazhit. Në Shqipëri jemi përballur me këtë fenomen sigurisht shqetësues dhe është një nga prioritetet e punës së SPAK-ut. Gjatë hetimeve që kemi kryer janë konstatuar disa raste ku anëtarë të krimit të organizuar kanë rekrutuar apo korruptuar punonjës policie të gradave ndryshme.

Pyetje: Në çfarë nivelesh ka arritur korrupsioni?

Dumani: Korrupsioni është një fenomen shqetësues për vendet në tranzicion dhe Shqipëria nuk mund ta shmangë këtë problem. SPAK e konsideron thelbësore për funksionimin e shtetit ligjor luftën kundër korrupsionit të zyrtarëve të lartë të shtetit dhe një nga prioritetet kryesore të punës së tij, që nga themelimi. SPAK ka sanksionuar disa magjistratë, prokurorë, oficerë policie, kryetar bashkie dhe ish-kryetar bashkie, një zëvendësministër, një ish-prokuror të përgjithshëm, një ish-ministër të brendshëm për krime korrupsioni ose shpërdorim detyre dhe aktualisht ka arrestuar një ish-ministër dhe një deputet të Kuvendi i Shqipërisë.

Pyetje: A ka politikanë apo magjistratë, pra, që bashkëpunojnë me krimin e organizuar në Shqipëri?

Dumani: Lidhjet e krimit me politikën, përfshirë drejtësinë, janë një fenomen shqiptar dhe nuk është rastësi që në vendin tonë është ndërmarrë një reformë e gjerë në sistemin gjyqësor.

Pyetje: Ku riinvestohen të ardhurat e trafikut të drogës, prostitucionit dhe trafikimit të qenieve njerëzore?

Dumani: Ka institucione të tjera që bëjnë analiza të detajuara për të vlerësuar rrezikun e pastrimit të parave. Por në përgjithësi, bazuar në hetimet e kryera nga SPAK, mund të themi se sektorët më të prekur nga pastrimi i parave janë ndërtimi, pasuritë e paluajtshme, lojërat e fatit dhe turizmi hotelier. Kohët e fundit është vënë re edhe përdorimi i kriptomonedhave. Një rast interesant i hetuar nga SPAK ishte në vend të ndërtuesit nga Palermo Francesco Zummo, i cili tentoi të pastronte rreth 18 milionë euro përmes institucioneve bankare shqiptare. SPAK e ka sekuestruar këtë shumë dhe procedimi po shqyrtohet nga gjyqtarët me qëllim sekuestrimin përfundimtar të të gjithë shumës prej 18 milionë e 400 mijë eurosh.

Pyetje: Cili është rreziku më i madh që përfaqëson sot ajo që ne e quajmë mafia shqiptare?

Dumani: Rreziku kryesor i krimit të organizuar shqiptar është ndikimi i tij në ekonominë e vendit. Pastrimi i parave nëpërmjet investimeve të ndryshme deformon ekonominë e tregut dhe konkurrencën e lirë. Forcimi i grupeve kriminale sjell edhe shtimin e konflikteve të dhunshme mes tyre, me pasojë dëmin në sigurinë e qytetarëve.

Pyetje: Cila është strategjia juaj për të luftuar këto klane?

Dumani: Duke qenë se krimi i organizuar është transnacional, SPAK i ka kushtuar vëmendje të madhe forcimit të bashkëpunimit me autoritetet e huaja gjyqësore (si vendet e BE-së apo më gjerë). Bashkëpunimi me autoritetet e huaja gjyqësore përfshin krijimin e ekipeve të përbashkëta hetimore, procedimet paralele dhe ndihmën e ndërsjellë juridike. Aktualisht, Prokuroria Speciale ka disa ekipe të përbashkëta hetimore me autoritetet gjyqësore italiane, britanike, franceze, gjermane dhe spanjolle. Sondazhe paralele janë kryer edhe me vende si Danimarka dhe Norvegjia. Sekuestrimi dhe konfiskimi i produkteve të veprës penale janë gjithashtu në kuadër të kësaj strategjie. Për këtë, Departamenti i Hetimit Financiar filloi punën, i përbërë nga hetues të përzgjedhur pas një procesi shumë rigoroz. Në këto tre vite SPAK ka arritur të sekuestrojë dhe të konfiskojë pasuri të luajtshme dhe të paluajtshme, kompani dhe shuma parash në mbi 100 milionë euro.

The post “Lidhjet e krimit me politikën fenomen në Shqipëri”, Dumani: Bandat shqiptare kanë lidhje të forta me mafien italiane appeared first on Albeu.com.