Klani Çela-Çopja, ishte një nga sindikatat më të fuqishme të krimit në Europë, vendimet e të cilit diktonin çmimin e kokainës në mbarë kontinentin.

I drejtuar nga liderët e tij, Franc Çopja, 33-vjeç, dhe Ervis Çela, 41-vjeç, ky grup shqiptar kontrabandonte kokainë me vlerë miliarda paundësh nga Amerika Latine drejt porteve të Bashkimit Europian.

Pasuritë i pastronin përmes një perandorie të gjerë komerciale që përfshinte prona të shumta, një resort turistik me pesë yje, vila dhe apartamente.

Bosët e drogës kishin grumbulluar aq shumë para, saqë grindeshin mes tyre nëse ishte më mirë t’i fshihnin kartëmonedhat nën rrënjët e ullinjve apo t’i shndërronin në shufra ari.

Por brenda vetëm pak ditësh, karteli u gjunjëzua: Çopja dhe Çela u arrestuan së bashku me njerëzit e tyre më të afërt, ndërsa pasuritë iu sekuestruan nga SPAK – task-forca shqiptare kundër korrupsionit dhe krimit të organizuar.

Në mars të vitit 2021, hetuesit arritën të depërtonin në Sky ECC, një shërbim i mesazheve të enkriptuara, duke zbuluar veprat e tyre të dyshuara penale.

Çela, i kërkuar në Itali për torturimin dhe vrasjen e një konkurrenti shqiptar në trafikun e grave, u arrestua së bashku me dy vëllezërit e tij dhe tetë bashkëpunëtorë të tjerë në një seri bastisjesh të befasishme në qershor dhe gusht.

Çopja ishte arrestuar në Belgjikë në dhjetor 2023 dhe ndodhet në gjyq për vrasje, pasi u ekstradua nga vila e tij në Dubai.

Ai konsiderohet si mendja logjistike e operacionit, duke siguruar kalimin e kokainës përmes porteve të Europës veriore.

“Kjo organizatë kriminale mund të konsiderohet si një nga më të fuqishmet shqiptare në trafikun ndërkombëtar të kokainës”, deklaruan prokurorët Altin Dumani dhe Vladimir Mara në një deklaratë të përbashkët.

“Ajo kishte kapacitetin të ndikonte drejtpërdrejt në çmimin e kokainës në tregjet evropiane dhe të menaxhonte sasi të mëdha të kësaj substance narkotike në periudha të shkurtra kohore”, shtuan ata.

Karteli thuhet se kontrollonte të gjithë zinxhirin e trafikut të kokainës – nga prodhimi dhe përpunimi në laboratorët e Paraguait, deri te transporti ndërkombëtar dhe shpërndarja në tregjet evropiane, e në fund te pastrimi dhe qarkullimi i fitimeve të paligjshme në Shqipëri dhe vende të tjera.

Një pjesë e kokainës së grupit dyshohet se është trafikuar përtej Kanalit të La Manshit drejt Mbretërisë së Bashkuar, ku – sipas Agjencisë Kombëtare të Krimit – bandat kriminale që flasin shqip kontrollojnë një pjesë të konsiderueshme të tregut fitimprurës.

Një kilogram kokainë në Mbretërinë e Bashkuar vlerësohet të kushtojë rreth 40,000 paund, krahasuar me 20,000 paund në Evropë.

Sipas Europol-it, agjencisë policore të Bashkimit Evropian, Sky ECC ishte përdorur gjerësisht për qëllime kriminale, përfshirë trafik droge, pastrim parash dhe shpërndarje të materialeve abuzive ndaj fëmijëve.

Edhe pse Sky ECC është mbyllur, qindra miliona mesazhe të enkriptuara mbeten të aksesueshme dhe janë analizuar nga autoritetet ligjzbatuese në gjithë Evropën dhe më tej për vite me radhë.

Një aktakuzë prej 282 faqesh, e lëshuar më 8 gusht nga SPAK dhe e parë nga gazeta The Telegraph, zbulon se si banda dyshohet se përpiqej të transportonte 28 tonë kokainë të fshehur në kuti sapuni, kanaçe boje ose ngjitës industrial nga Paraguai drejt porteve të Hamburgut dhe Anversës gjatë viteve 2020-2021.

Më 12 shkurt 2021, 16.4 ton kokainë me pastërti të lartë, e fshehur në 1,700 kanaçe me llaç muri dhe me një vlerë në treg prej rreth 3 miliardë paund, u sekuestrua në porte — njëkohësisht kapja më e madhe e kokainës në historinë e Evropës në atë kohë.

Një tjetër ngarkesë që kaloi me sukses përmes portit të Anversës në vitin 2020, kishte një vlerë prej 1.3 miliardë paund.

Grupi kishte zhvilluar një sistem të sofistikuar për transferimin e fitimeve nga trafiku i drogës nga Evropa drejt Shqipërisë, përfshirë përdorimin e korrierëve për transferimin fizik të parave dhe një rrjet të ashtuquajtur “hawala”, i cili mundësonte qarkullimin e qindra milionë eurove në para cash.

Çela thuhet se e drejtonte operacionin ndërsa ishte në arrati në Paraguai.

Në një komunikim më 12 dhjetor 2020, Çela i tha Çopjës se planifikonte t’i groposte eurot në rrënjët e pemëve të tij të ullinjve në Shqipëri, ku kishte një plantacion me 200 rrënjë.

Megjithatë, Çopja e paralajmëroi se kartëmonedhat do të kalbeshin nën tokë dhe e nxiti të këmbehej në shufra ari.

Cela u përgjigj: “S’ka ar… Duhet të grabis një bankë… Duhet ta porosis nga Afrika”.

Çopja i tha: “Njoh dikë që mund të na e sigurojë [arin]”.

Çela u përgjigj: “Pyete, çfarëdo që ka, 100/200 kilogramë”.

Biseda më pas kaloi tek orët luksoze dhe tokat bujqësore.

Pasdite nga fundi i së njëjtës ditë, Cela paraqiti planet për të blerë dy ferma në Paraguai për 10 milionë paund, një investim që sipas tij do të sillte 1.8 milionë paund në vit.

Në një bisedë të ndarë me vëllain e tij në Sky ECC në nëntor 2020, Cela shkroi se 800,000 paund që i duhej nga një nga trafikantët e tyre po vonoheshin “për shkak të një rënieje në tregun e Britanisë së Madhe”.

Cela kishte qenë në arrati për 11 vjet para arrestimit të tij në fshatin bregdetar të Qeparoit në jug të Shqipërisë më 29 qershor.

Së bashku me vëllain Ardian dhe bashkëpunëtorin Hiseni Fatos, ai ishte dënuar në Itali për vrasjen e Petrit Kecit në shtator 2008, i cili kishte tentuar të përfshihej në rrjetin e prostitucionit të grupit në San Benedetto del Tronto.

Të tre u dënuan për rrahjen e Kecit dhe qëllimin e tij me gjashtë plumba në kokë, përpara se të digjnin trupin e tij për të fshehur krimin.

Çela u dënua me 30 vjet burg, ndërsa vëllai i tij me 18 vjet.

Megjithatë, çifti arriti të apelojë dënimin dhe u mbajtën në paraburgim para gjyqit, por afati i qëndrimit në paraburgim përfundoi para se të rigjykoheshin dhe u liruan në maj 2014, duke iu dhënë mundësinë të iknin jashtë vendit dhe të humbnin në botën kriminale.

Tani, Çela do të duhet të vuajë një dënim prej 21 vjetësh burg për vrasje, rrëmbim, përpjekje për fshehje të trupit, kërcënime, mbajtje të paligjshme të eksplozivëve dhe municioneve, si dhe pengim të drejtësisë, përveç ndonjë dënimi tjetër që mund të marrë për trafikimin e drogës dhe shkelje të tjera lidhur me të.

Një nga asetet më të spikatura të sekuestruara nga SPAK ishte kompleksi luksoz “Ajman Park” në Shijak, një qytet 27 kilometra në perëndim të kryeqytetit, Tiranës.

Faqja e internetit e këtij kompleksi është ende aktive dhe ofron “siguri 24-orëshe” për ata që dëshirojnë të marrin me qira pallatin në stilin greko-romak “Marvel Palace” për dasma, apo të shijojnë darkën në restorantin Sushi dhe Steakhouse.

Sekuestrimet shënuan një ndërhyrje të rrallë nga autoritetet shqiptare, të cilat thuajse kurrë nuk kishin nisur hetime mbi origjinën e kapitalit në shkallë të gjerë që investohej në sektorët e turizmit dhe ndërtimit në vend./ The Telegraph

The post Klani Çela-Çopja, rënia e shpejtë e bandës më të frikshme në Shqipëri appeared first on Albeu.com.

Provat dhe faktet që i kanë çuar anëtarët e kësaj organizate nën akuzën e trafikut të kokainës nga vendet e Amerikës Latine drejt vendeve të Bashkimit Europian, kanë bërë që të lindin dyshimet e pastrimit të parave. Për pasojë, SPAK bën me dije se paratë e përfituara nga aktiviteti kriminal janë investuar në vendin tonë.

Në fakt, hetimi pasuror i anëtarëve të organizatave kriminale që kanë shtrirje edhe jashtë vendit i nënshtrohen këtij hetimi, ku vetë kreu i SPAK, Altin Dumani, e ka konsideruar si një prej sukseseve më të mëdha të prokurorisë, identifikimin dhe sekuestrimin e këtyre pasurive.

Vetë Suel Çela, ende nuk është vënë në pranga, edhe pse ai rezulton në regjistrat e kërkimit ndërkombëtar që prej dy vjetësh, kohë kur Nuredin Dumani, mori statusin e të penduarit dhe nisi të rrëfente krimet monstruoze të disa grupeve kriminale që kishin vepruar dhe veprojnë ende në vendin tonë.

VERIFIKIMET

Referuar të dhënave hetimore, bëhet me dije se organizata kriminale e drejtuar nga i kërkuari Suel Çela, që u zbulua dhe shkatërrua pas hetimeve të SPAK të koordinuara me partnerët në disa vende, përfshirë Belgjikën dhe Italinë, ka pasuri të shumta brenda vendit. Prokuroria e Posaçme, ka bërë të ditur se javën e ardhshme do të përcjellë kërkesat për ekstradimin në Shqipëri të të arrestuarve si pjesë e kësaj organizate, duke informuar se hetimet po vazhdojnë dhe se bashkëpunimi ndërkombëtar ka qenë vendimtar për këtë goditje.

Paralelisht për personat e dyshuar si anëtarë të organizatës ka nisur edhe hetimi pasuror. Organizata dyshohet të ketë vepruar në trafikun e kokainës nga Amerika Latine drejt vendeve të BE-së dhe aktivitete të tjera të paligjshme, duke përfituar shuma të konsiderueshme parash, të cilat i kanë investuar edhe në Shqipëri, në sektorë të ndryshëm. Ndonëse ende nuk janë bërë me dije sektorët e dyshuar, mësohet se nga bisedat e zbardhura të “Sky Ecc” janë përftuar shuma marramendëse për të cilat flitet mes anëtarëve.

Ndërkohë, autoritetet janë duke përpunuar provat dhe dëshmitë për të çuar anëtarët e grupit përpara gjykatës. Më 27 nëntor, GJKKO la në fuqi masat e sigurisë për 20 personat e akuzuar si pjesë e kësaj organizate, ndërsa ndryshoi masën vetëm për avokaten e grupit Blerina Beqirin, që nga “Arrest shtëpie” e la në “Detyrim paraqitje”. Deri tani rezultojnë 4 persona në kërkim, mes tyre edhe kreu i bandës, Suel Çela, Prekë Kodra, i cili konsiderohet snajperit i grupit, Fuad Verzivolli e Ledio Zabeli.

Të arrestuar në Belgjikë rezultojnë vëllai i Suelit, Mario Çela dhe një nga bashkëpunëtorët e tij, Serger Hasanpapaj. Në Itali u arrestua biznesmeni Bujar Shega, i cili etiketohet si truri financiar që pastronte paratë e grupit, por nuk dihet se në cilat fusha i hidhte paratë.

The post Nis hetimi pasuror për bandën e Elbasanit, SPAK kërkon ekstradimin e vëllait të Suel Çelës dhe biznesmenit të arrestuar në Itali appeared first on Albeu.com.

Mbi këtë grup kriminal rëndojnë akuzat nga vrasjet tek korrupsion, e deri tek trafiku i lëndëve narkotike nga vendet e Amerikës Latine drejt vendeve të Bashkimit Europian.

Një prej personave të arrestuar është edhe ish-gjyqtarja e Elbasanit, Pajtime Fetahu, e cila kishte komunikime të vazhdueshme në aplikacionin e enkriptuar “Sky Ecc” me anëtarët e bandës së Suel Çelës, për të marrë një sërë vendimesh në favor të tyre, si dhe për të urdhëruar goditjen e gazetarëve që denoncojnë korrupsionin e saj.

Por, në dosjen e SPAK del në mjaft episode edhe vajza e Pajtime Fetahu, Megi Fetah, edhe pse ndaj saj nuk ka një masë sigurie të lëshuara nga SPAK.

Burime për mediat, bëjnë me dije se ajo është pedagoge me kohë të plotë në Universitetin e Elbasanit “Aleksandër Xhuvani”, ku në website-n e Universitetit, thuhet se ajo jep mësim në Fakultetin e Biznesit dhe i Drejtësisë.

Siç mund ta shihni dhe në fragmentet e mëposhtme nga dosja e SPAK, Megi Fetah, ka komunikime të vazhdueshme me shtetasin Klaus Matishi alias Klaus Çopja alias Kledjan Çopja, i përfshirë në shumë ngjarje kriminale, madje në shumicën e rasteve i drejtohet me fjalën “zemër”.

Nga komunikimet kuptohet se pedagogia 33-vjeçare Megi Fetah bën ndërmjetësen mes bandës së Suel Çelës dhe mamasë së saj, gjyqtares Pajtime Fetahu, për të marrë vendime gjyqësore në favor të grupit kriminal. Madje ka qenë Megi, ajo e cila i ka dhënë telefonin me aplikacionin e enkriptuar “Sky Ecc” mamasë së saj, Pajtime Fetah, që më pas kjo e fundit komunikon me “kokën” e grupit kriminal Suel Çelën.

Në një episod Megi Fetah dhe Klaus Matishi alias Klaus Çopja alias Kledjan Çopja, të cilët i drejtohet njëri-tjetrin me fjalën “zemër”, bisedojnë rreth një dhurate që mund t’i bëjnë Pajtime Fetahut, pas lirimit të Kelmend Xhaferrit i njohur si Kel Çami. Megi i kërkon Klausit që të mos i bëjë dhuratë, por t’i japë lekë “cash”.

Ndërsa në një komunikim tjetër, Klaus Matishi i tregon pedagoges Megi Fetah që pasi të mbyllin disa gjyqe, do të kërkojnë që të vendosin “Luanin” drejtor të spitalit të Elbasanit, pasi aty ka tendera dhe lekë, dhe sipas tij, do të kërkojnë dhe shefin e Antidrogës, që të kontrollojnë qytetin për të shitur “mall” vetëm ata dhe të bëjnë ndonjë lek çunat.

Një episod interesant është dhe momenti kur Klaus Metishi i lëvdon Megi Fetah, mamanë e saj, Pajtime Fetah, duke e konsideruar si burrnesh, teksa i shkruan se “balla na do për vota”.

Ky përbën një skandal, ku një person i cili pretendohet se arsimon studentët, mban komunikime të vazhdueshme me anëtarë të bandave kriminale, madje duke lënë të nënkuptohet se ka më shumë se një raport shoqëror.

Deri më tani nuk ka patur asnjë reagim nga Qeveria, si nga ish-ministrja e Arsimit, deputetja e Elbasanit, Evis Kushi, po ashtu edhe ajo aktuale Ogerta Manastirliu, për të ndërmarrë ndonjë akt për shkarkimin ose pezullimin e pedagoges Megi Fetah./B.news

The post SKANDALI/ Pedagogia e Elbasanit me “SKY ECC”, komunikime të vazhdueshme me bandën e Suel Çelës (EMRI) appeared first on Albeu.com.

Ai ishte një nga personat e fundit të organizatës që kryesisht vepronte në Romë, në zonën e Maglianës dhe në bregdetin e Lacios.

Ndërkaq efektivët kanë lëshuar edhe 28 urdhër arreste, mes tyre të përfshirë 22 italianë, 2 shqiptarë, një kosovar dhe një maqedonas.

Sipas mediave vendase  70 vjeçari ishte dënuar me burgim të përjetshëm për katër vrasje, por ishte në gjysmëliri prej datës 30 tetor të 2019.

Mirëpo përsëri kishte arritur të planifikonte shitblerjen e sasive të mëdha të lëndëve narkotike nga Spanja dhe Kolumbia, duke mbajtur marrëdhënie me eksponentë të ‘ndrangheta-s, Camorra-s, mafies së Foggia-s dhe me shqiptarë të përfshirë në një kartel droge që vepronin në qytetin Turbo, Kolumbi.

Njeriu në krye të bandës shqiptare, pika e kontaktit me kartelin kolumbian, thuhet se doli vullnetar të shkonte personalisht për të negociuar me furnitorët e Amerikës së Jugut dhe nga pasazhi me përgjime dëgjohen pjesë në të cilat ai përshkruan vështirësitë që do të përballeshin për të hyrë ilegalisht.

Megaoperacioni është zhvilluar në orët e para të mëngjesit të kësaj të marte ku autoritetet kanë sekuestruar edhe rreth 400 mijë euro gjatë kontrollit në shtëpinë e njërit prej të dyshuarve.

The post Arrestohet një nga bosat e mafies ‘Banda della Magliana’, i lidhur me bandat shqiptare të karteleve të drogës në Amerikën Latine! Lëshohen 28 urdhër arreste appeared first on Albeu.com.

Sipas gazetares së Top Channel, Dorjana Bezat, në vitin 2021 ai tentoi të arratisej nga burgu.

33-vjeçari është nga Puka dhe rezulton i dënuar më parë në Greqi për vjedhje me dhunë dhe armë. Pas ardhjes në Shqipëri, në vitin 2013 u bë pjesë e “Bandës së Babagjyshëve”.

Ai ka marrë pjesë në grabitjet e bëra nga banda e “Babagjyshëve”,që u shtrinë në të gjithë vendin, në Tiranë, Kuçovë, Durrës, Berat, Lezhë, Fushë-Krujë, Laç, Shkodër.

Grabitja që bëri më shumë bujë ishte ajo në një qendër tregtare në Tiranë, ku u grabit një argjendari, ku pas kësaj ngjarje u arrestua në 24 nëntor të vitit 2017. Pjetri kryente çdo grabitje pa lënë gjurmë, pa shkaktuar viktima dhe në një kohë prej 3 minutash.

Vjedhjet që ka krye banda:

1. Më dt. 11.01.2013, rreth orës 6 pasdite, është kryer vjedhja e mbetur në tentative me armë, në bashkëpunim, i një argjendarie pranë stacionit të trenit, Durrës, pronë e shtetasit A.F. Në këtë vjedhje të mbetur në tentativë kanë marrë pjesë shtetasit Fatmir Pjetri, Agustin Sula dhe Saimir Kala.
2. Më datë 28.09.2013, rreth orës 19.10 është vjedhur me armë në bashkëpunim, dyqanin argjendari, në pronësi të shtetasit A.B. ndodhur në Lagjen “Llukan Prifti”, Kuçovë. Në këtë vjedhje kanë marrë pjesë shtetasit Ilir Kupa, Agustin Sula, Fatmir Pjetrin dhe Hajdar Sefa, ku kanë marrë një sasi të konsiderueshme floriri.
3. Më datë 25.10.2013 rreth orës 13.20 është kryer vjedhja me armë në bashkëpunim nga dy persona të maskuar dhe të armatosur i firmën agroushqimore “A..T..A..”, ndodhur ne Vorë, ku kanë marrë shumën prej 1000 dollarë arkëtares së kësaj firme. Në këtë vjedhje kanë marrë pjesë shtetasit Ilir Kupa, Agustin Sula dhe Julian Qerushi.
4. Më datën 05.11.2013, rreth orës 14.30, është vjedhur me armë, në bashkëpunim, argjendaria në pronësi të shtetasit S. R. dhe gjatë vjedhjes është plagosur pronari i saj, ndodhur në qendër të qytetit Laç. Në këtë vjedhje kanë marrë pjesë shtetasit Ilir Kupa, Hajdar Sefa, Agustin Sula dhe Fatmir Pjetri, ku kanë marrë një sasi të konsiderueshme floriri.
5. Më datë 25.11.2013, rreth orës 13.45, është vjedhur nga tre persona të armatosur “Argjendari Gj….”, në vendin e quajtur tek tregu i qytetit Fushë-Krujë, në pronësi të shtetases P. B., ku janë vjedhur një sasi bizhuterish, si edhe një sasi rreth 500.000 (peseqind mije) lekë. Në këtë vjedhje kanë marrë pjesë shtetasit Ilir Kupa, Fatmir Pjetri dhe Agustin Sula.
6. Më datë 24.12.2013, rreth orës 17.30, është kryer vjedhja me armë në bashkëpunim Argjendaria “G….”, ndodhur në qendrën tregtare, në fshatin Lundër, Tiranë. Në këtë vjedhje kanë marrë pjesë shtetasit Ilir Kupa, Agustin Sula, Fatmir Pjetri dhe Julian Qerushi, ku kanë marrë një sasi të konsiderueshme floriri. Autorët e kanë realizar këtë vjedhje, të veshur si babagjyshë të festës së Vitit të Ri.
7. Më 28 shkurt 2014, në orët e drekës, është kryer vjedhja me armë në bashkëpunim nga dy persona të maskuar me uniforma policie dhe të armatosur, i pikës së shitjeve të makinave Mercedes Benz, ndodhur ne autostradën Tiranë Durrës, pranë mbikalimit të Kasharit, ku kanë marrë shumën prej 100 000 lekë. Në këtë vjedhje kanë marrë pjesë shtetasit Agustin Sula dhe Edmond Selala.
8. Më datën 14.04.2014, rreth orës 10;36, është kryer vjedhja me armë në bashkëpunim nga katër persona të maskuar me uniforma policie dhe të armatosur, i kompleksit të shërbimeve A.M.L, ndodhur ne Rrugën “Konferenca e Pezës”, Tiranë ku kanë marrë shumën prej 1 000 000 lekë. Në këtë vjedhje kanë marrë pjesë shtetasit Fatmir Pjetri, Dritan Kola, Agustin Sula dhe Mark Shpendi.
9. Më dt. 22.04.2014, rreth orës 09:30, është kryer vjedhja me armë në bashkëpunim nga dy persona të maskuar dhe të armatosur që kanë lëvizur me motor, i argjendarisë “AÇ”, ndodhur në bulevardin “Bajram Curri”, përballë Gjykatës së rethit Gjyqësor Tiranë, në pronësi të shtetasit A. Ç., ku kanë marrë shumën prej rreth 600 000 lekë. Në këtë vjedhje kanë marrë pjesë shtetasit Fatmir Pjetri dhe Agustin Sula.
10. Më dt. 03.06.2014, në orët e drekës, është kryer vjedhja me armë në bashkëpunim nga dy persona të maskuar dhe të armatosur, i pikës së skrapit në rrugën dytësore Vorë-Marikaj, në pronësi të shtetasit R. Z., ku kanë marrë shumën prej 150 000 lekë. Në këtë vjedhje kanë marrë pjesë shtetasit Fatmir Pjetri dhe Agustin Sula.
11. Në datë 26.11.2014, rreth orës 17:30, është kryer vjedhja e banesës së shtetasit K. G., ndodhur në fshatin Kallmet, Lezhë, ku kanë marrë shumat prej 1 000 000 lekë dhe 5000 USD. Në këtë vjedhje kanë marrë pjesë shtetasit nën hetim Agustin Sula, Angjelin Ndreka dhe Lin Kala. Gjatë vjedhjes, i dëmtuari ka qënë në banesën e tij së bashku me nënën dhe bashkëshorten.

Krahas vjedhjeve të mësipërme, të kryera në Shqipëri, grupi ka realizuar edhe dy vjedhje në Maqedoni:

12. Në datë 30.04.2014 është vjedhur argjendaria në pronësi të shtetasit R.H, ndodhur në Strugë, ku është marrë një sasi prej 5.5 kg flori. Në këtë vjedhje kanë marrë pjesë shtetasit Agustin Sula, Fatmir Pjetri, Miljan Elezi ose i quajtur Artur Tafani, Mark Shpendi dhe Dritan Kola. Këtë vjedhje, autorët e kanë realizuar të veshur si femra. Gjatë vjedhjes ka pasur përplasje me armë me personat e argjendarisë dhe policisë maqedonase.
13. Në datë 29.07.2014 është vjedhur një argjendari, ndodhur në Dibër të Madhe, ku gjatë vjedhjes, autorët kanë shkëmbyer zjarr dhe është vrarë njëri nga bashkëpunëtorët në kryerjen e kësaj vjedhjeje, shtetasi Miljan Elezi (alias Artur Tafani). Në këtë vjedhje është marrë një sasi prej 12 kg flori. Në këtë vjedhje kanë marrë pjesë shtetasit Agustin Sula, Fatmir Pjetri, Miljan Elezi (alias Artur Tafani), Saimir Kala dhe Dritan Kola.

The post Futet në regjimin “41 biss” Fatmir Pjetri, pjesë e “Bandës së Babagjyshëve” appeared first on Albeu.com.

Bandat profesionale, shumë prej të cilave veprojnë ndërkombëtarisht, kanë më shumë se 25 000 anëtarë, sipas një raporti mbi krimin e organizuar të paraqitur në Hagë.

“Krimi i rëndë dhe i organizuar është i përhapur dhe vazhdon të përbëjë një kërcënim të madh për sigurinë e brendshme të Bashkimit Evropian’’, theksoi Europol pas studimit të të dhënave nga 27 anëtarët e BE-së dhe 17 vende partnere të Europolit.

Raporti fokusohet në rrjetet më të rrezikshme dhe mënyrën se si ato funksionojnë, duke i përshkruar ato si ‘’shumë profesionale, fleksibël, kontrolluese dhe shkatërruese’’.

Europol emëroi familjet e fuqishme Ndrangheta në Itali si shembuj kryesorë, me fitime nga trafiku i drogës dhe armëve që investohen në të gjithë Evropën në prona, supermarkete dhe hotele.

The post Europol: 821 banda kriminale, kërcënojnë BE! Janë profesionale dhe kanë më shumë se 25 000 anëtarë appeared first on Albeu.com.

Janë zbardhur emrat e plotë të rreth 69 shqiptarëve të dyshuar si pjesëtarë në 6 grupe kriminale, të përfshira në dhjetëra ngjarje në Greqi.

Nga këta të fundit, 6 ndodhen të burgosur ndërsa 1 person rezulton i ekstraduar jashtë Greqisë.

Personat e identifikuar si pjesëtarë në këto grupe akuzohen për 480 vjedhje në mjetet e transportit publik dhe në vende turistike, 120 vjedhje në makina, shitje të 16.5 kg marijuanë, 1.5 kg kokainë dhe sasive të tjera si dhe për qarkullimin e më shumë se 1500 kartmonedhave false.

Gjatë hetimeve, është zbuluar se pjesë e këtyre grupeve është dhe autori i plagosjes së tre të rinjve nga Kreta në 16 dhjetor në Gazi të Athinës, ndërkohë që është zbuluar edhe vrasja e një afgani e ndodhur në Athinë në 8 mars.

Gjatë operacionit janë sekuestruar 73 mijë 725 euro, 697 dollarë, mbi 16 kg marijuanë, rreth 159 gram kokainë, rreth 18 gram heroinë, droga të tjera, 3 armë zjarri dhe 3 karabina, 14 armë të ftohta, 3 jelekë antiplumb, 8 automjete dhe 8 motora si dhe shumë municion, sende të vjedhura, para false e materiale të tjera.

GRUPI I VJEDHJEVE

1. Oklend Berberi, 35 vjec nga Delvina, me precedentë në Greqi për vjedhje (kërkim)
2. Enerida Konstandini, 35 vjec (arrestuar)
3. Tatiana Dishnica, 69 vjec (arrestuar)
4. Klodjan Zeneli, 39 vjec nga Saranda, i njohur si “Klodi Xhepos”, me precedentë në Greqi për vjedhje (kërkim)
5. Renato Osmeni 46 vjec, me precedentë për vjedhje në Greqi (kërkim)
6. Artur Dinaj, 45 vjec nga Fieri, me precedentë për vjedhje në Greqi dhe për vepra të ndryshme në Shqipëri (kërkim)
7. Andi Çuko, 47 vjec nga Fieri, me precedentë për vjedhje në Greqi (arrestuar)
8. Alban Fili, 37 vjec nga Fieri (arrestuar)
9. Florian Vejzati, 42 vjec nga Delvina (kërkim)
10. Andrea Kodra, 60 vjec nga Berati (kërkim)
11. Kastriot Kelleci (kërkim)
12. Nori Bino, 51 vjec nga Vlora, me precedentë për vjedhje në Greqi (kërkim)
13. Arjan Naska alias Ilir Sulaj, 56 ose 51 vjec (kërkim)
14. Edison Vata, 43 vjec nga Tirana (arrestuar)
15. Shefikat Vejzati, 39 vjec nga Delvina (kërkim)
16. Ervis Rakipi, 36 vjec nga Saranda (kërkim)
17. Edvin Lula, 37 vjec nga Delvina (kërkim)
18. Liko Metaj, 54 vjec nga Levan, Fier, me precedentë për vjedhje në Greqi (arrestuar)
19. Aldo Bramellari , 34 vjec nga Tirana i njohur si “Martin”, me precedentë për vjedhje në Greqi e Shqipëri (kërkim)
20. Andrea Profka, 52 vjec nga Vlora, me precedentë për vjedhje në Greqi (arrestuar)
21. Elton Malasi, 40 vjec nga Tepelena, me precedentë për vjedhje në Greqi (kërkim)
22. Ilirian Panahori, 35 vjec nga Kurjani i Roskovecit, me precedentë në Greqi për grabitje me armë dhe në Shqipëri për vepra të tjera (ekstraduar në Shqipëri)
23. Artur Bashimi, 46 vjec nga Gjirokastra, me precedentë në Greqi për vjedhje (arrestuar)
24. Xhavit Vlesha, 30 vjec nga Peshkopia (kërkim)
25. Anton Nika, 44 vjec nga Balldreni i Lezhës, me precedentë në Greqi (ndodhet në burg)
26. Romina Çami, 43 vjec nga Tirana, me precedentë në Greqi për vjedhje (kërkim)
27. Lenica Nesturaj, 64 vjec nga Saranda (arrestuar)
28. Romario Gjoka, 26 vjec nga Saranda (kërkim)
29. Denis Kasemi, 41 vjec nga Durrësi (kërkim)
30. Vasilika Jorgo, 31 vjec nga Durrësi (kërkim)
31. Aldo Progonati, 55 vjec nga Fieri, me precedentë në Greqi për vjedhje (kërkim)
32. Besnik Arifaj alias Niko Gilli alias Fredi Kasemi, 47 ose 48 ose 44 vjec (ndodhet në burg)
33. Armando Cela, 40 vjec, me precedentë në Greqi për vjedhje (kërkim)

GRUPI I MARRJES SË SENDEVE TË VJEDHURA

1. Kledis Koçillari, 25 vjec nga Çërrava e Pogradecit (arrestuar)
2. Kristjanis Stefa, 34 vjec nga Elbasani (arrestuar)
3. Nardi Idrizi alias Fatbardh Idrizi, 38 vjec nga Vlora, i dënuar më parë në Shqipëri nga Gjykata e Krimeve të Rënda për disa vepra të rënda penale dhe i kërkuar në Greqi për plagosjen me armë të 3 personave në dhjetor 2023
4. Gëzim Rapaj, 31 vjec (arrestuar)
5. Klevis Bedushi, 30 vjec nga Vreshtas, Maliq (arrestuar)
6. Juljan Brahimi, 36 vjec nga Cërriku (kërkim)
7. Rudina Nazëraj, 40 vjec nga Patosi (arrestuar)
8. Erjon Bërzeshta, 41 vjec nga Kuçova (arrestuar)

GRUPI I DROGËS

1. Angjelo Pupo, 21 vjec nga Tepelena (kërkim)
2. Stelio Zaka, 24 vjec nga Libofsha, Fier (arrestuar)
3. Ilir Pupo, 54 vjec nga Tepelena (arrestuar)
4. Meleq Agalliu, 21 vjec nga Portez, Fier (kërkim)
5. Jerasimo Lufi, 24 vjec (kërkim)
6. Jovan Zaka, 58 vjec nga Libofsha, Fier (kërkim)
7. Arnest Zoto, 29 vjec nga Vlora (kërkim)
8. Jonaldo Tafa, 18 vjec (kërkim)
9. A. J., 17 vjec (kërkim)
10. Gerard Musa, 33 vjec nga Tirana (kërkim)
11. Donaldo Stefanaj, 27 vjec nga Vlora (kërkim)
12. Entrit Tusuni, 22 vjec nga Libohova (kërkim)
13. Mariglan Kukaj, 29 vjec nga Qerret, Pukë (kërkim)
14. Franko Kosuri, 24 vjec (kërkim)
15. Kristian Isufaj, 21 vjec (kërkim)
16. Lorenc Hitaj, 20 vjec nga Kota, Selenicë (kërkim)
17. Dhimitris Ruku, 18 vjec (arrestuar)
18. Akil Topi, 36 vjec nga Elbasani (kërkim)
19. Anxhelo Cenkaj, 18 vjec (arrestuar)
20. M. L., 17 vjec (arrestuar)
21. Ersant Topi, 31 vjec nga Elbasani (kërkim)
22. Afërdita Pupo, 54 vjec nga Tepelena (arrestuar)

GRUPI I PARAVE FALSE

1. Leonardo Sulaj, 20 vjec (kërkim)
2. Nandito Cela, 25 vjec nga Qukës, Prrenjas (arrestuar)
3. Klodian Stavri, 23 vjec nga Ura Vajgurore, Dimal (arrestuar)
4. Elvis Selmanaj, 27 vjec nga Tirana (arrestuar)
5. Luljeta Torba, 57 vjec nga Tirana (kërkim)
6. Lulzim Tema, 40 vjec nga Thumana, Krujë (arrestuar)

ZBARDHJA E VRASJES

Nga hetimet e kryera është arritur të zbulohet se i arrestuari Anxhelo Cenkaj 18 vjeç në bashkëpunim me të kërkuarin Akil Topi, 36 vjeç nga Elbasani, në bashkëpunim me persona të tjerë kanë marrë pjesë në vrasjen e një shtetasi afgan 35 vjeë, ngjarje e ndodhur në 8 mars 2024 në Athinë. Shkak i vrasjes mendohet të jetë tregtia e drogës. Sipas policisë greke për këtë ngjarje po hetohet përfshira edhe e shtetasit Nektarios Karakalios, 25 vjeç, person me rrezikshmëri të lartë, i arrestuar disa herë për vepra të rënda penale. Karakalios rezulton lidhje e grupit kriminal shqiptar “LIONS” dhe më parë ka qenë i arrestuar edhe për vrasjen e shtetasit Pëllumb Islami, 40 vjec nga Delvina, ngjarje e ndodhur në Greqi, por është liruar më pas.

The post Goditja e bandës kriminale në Greqi, zbardhen emrat e shqiptarëve të arrestuar appeared first on Albeu.com.

Shqiptarët hapnin me forcë dyert dhe dritaret e vilave duke vjedhur para të gatshme dhe bizhuteri me vlerë rreth 200 mijë euro. Njëri prej tyre, 32 vjeçari u arrestua në Spanjë më 5 shkurt 2024 në bazë të urdhrit evropian të arrestit të lëshuar nga prokuroria publike e Gracit.

Ai u ekstradua nga Spanja në Austri më 19 mars 2024. 32 vjeçari është marrë në pyetje dhe ka pranuar përfshirjen e tij në vjedhje.

The post Shkatërrohet banda e hajdutëve shqiptarë në Austri, vodhën para dhe sende me vlerë 200 mijë euro appeared first on Albeu.com.

Anëtarët e bandës kriminale ishin italianë, pakistanezë dhe shqiptarë.

Sipas hetimeve, organizata shiste qindra doza kokaine dhe heroine çdo ditë.

Gjatë hetimeve janë sekuestruar 3 kg kokainë, 1 kg heroinë, 6 kg hashash, 1500 doza lëndë narkotike dhe 30 mijë euro cash.

Mbi 400 oficerë policie, u angazhuan në këtë operacion policor.

Detajet e këtij operacioni, pritet të jepen nga oficerët e komisariatit të Bolonjës paraditen e sotme.

The post Shkatërrohet banda e trafikut të drogës në Bolonja, 36 të arrestuar, mes tyre edhe shqiptarë appeared first on Albeu.com.

Diplomatët perëndimorë po largohen nga kryeqyteti, ndërsa kryeministri vetë ndodhet jashtë vendit. BE ka evakuuar të gjithë personelin diplomatik nga ky shtet i Karaibeve, e siç pohoi një zëdhënës i saj, pjesëtarët e stafit diplomatik janë transferuar jashtë kufijve të tij, në një vend të sigurt.

“BE-ja është “jashtëzakonisht e shqetësuar” për zhvillimet gjatë ditëve të fundit në Haiti”, tha zëdhënësi. SHB-ja po ashtu është duke e tërhequr personelin diplomatik nga Port-au-Prince dhe po forcon sigurinë në ambasadë me forca sigurie shtesë. Të dielën, edhe Ministria e Jashtme në Berlin deklaroi, se ambasada gjermane dhe përfaqësuesi i përhershëm janë larguar nga shteti i Karaibeve drejt Republikës Dominikane. Një zëdhënës i Ministrisë së Jashtme e argumentoi këtë masë me “gjendjen e tensionuar dhe të paparashikueshme të sigurisë”, teksa foli për rrethana “të tmerrshme”.

Bandat e mëdha dhe të mirëarmatosura kanë mbërritur në një nivel të tillë organizimi sa po e sfidojnë me forcë aparatin shtetëror vendas. Qeveria e Haitit është detyruar të kërkojë ndihmë nga trupa ndërkombëtare mbrojtëse, për të ndihmuar në rivendosjen e sigurisë dhe të rendit. Kenia është shprehur deri tani e gatshme të ofrojë ndihmë.

Bandat që kanë arritur të kontrollojnë në masë të madhe kryeqytetin Prince si dhe rrugët në pjesë të tjera të vendit, janë duke sulmuar rajonet e policisë, burgjet dhe gjykatat dhe kërkojnë dorëheqjen e kryeministrit Ariel Henry, i cili duhet të ishte larguar nga posti që në shkurt, por ra dakord me opozitën për të qeverisur së bashku deri në zhvillimin e zgjedhjeve të reja.

The post Plas dhuna e bandave, Haiti në kaos: BE tërheq personelin! appeared first on Albeu.com.