Ngjarja ndodhi rreth orës 16:30, kur një automjet me drejtues shtetasin S. F., 18 vjeç, përplasi një vajzë 7-vjeçare. E mitura është dërguar menjëherë në spital dhe aktualisht ndodhet nën kujdesin e mjekëve.

Drejtuesi i mjetit është shoqëruar nga policia në Komisariat për veprime të mëtejshme procedurale.

Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.

The post Aksident në Ballsh/ 7-vjeçarja përpl*set nga një makinë, drejtuesi 18-vjeçar shoqërohet nga policia appeared first on Albeu.com.

Ngjarja ka ndodhur rreth orës 15:40, teksa kanë qenë banorët e pallatit ata që kanë njoftuar zjarrfikësen, pasi panë që nga banesa po dilte tym.

Sipas burimeve paraprake, shkak i zjarrit është bërë kaloriferi që pronarët e shtëpisë e kishin harruar ndezur.

Forcat zjarrfikëse të cilat mbërritën menjëherë në vendngjarje, bënë të mundur hapjen e derës së apartamentit dhe largimin e pajisjes që po digjej.

Ndërkohë në vendngjarje ka mbërritur edhe Policia ndërsa fatmirësisht flakët nuk u përhapën në të gjithë banesën.

The post Kishin harruar kaloriferin ndezur në Ballsh, përfshihet nga zjarri apartamenti appeared first on Albeu.com.

Në vendngjarje ka mbërritur Policia dhe urgjenca mjekësore, ndërsa fatmirësisht nuk ka viktima.

Mësohet se personat që udhëtonin në këtë automjet janë jashtë rrezikut për jetën.

Paraprakisht, mësohet se shkak i aksidentit dyshohet të jetë bërë shpejtësia e lartë dhe lagështira në rrugë.

Grupi hetimor po punon për sqarimin e rrethanave të ngjarjes dhe dokumentimin e rastit.

The post Aksident në Ballsh, makina del nga rruga dhe përfundon në përrua appeared first on Albeu.com.

Depozita ka qenë e repartit të transportit të baftës, në ish KPTHN në Ballsh e repartit 16/1. Fatmirësisht nuk ka pasur as viktima as të plagosur.

The post Merr flakë ish-depozita e naftës në Ballsh, zjarrfikëset ndodhen në vendngjarje appeared first on Albeu.com.

Nga kalimtarët teksa kanë parë të moshuarin shtrirë, është njoftuar policia si dhe një ekip mjekësor të cilet kanë mundur ta rikthejnë në jetë.

Sipas burimeve nga policia të moshuarit dyshohet se i ka rënë infarkt. Grupi hetimor vijon punën për zbardhjen dhe dokumentimin e ngjarjes ndërsa pritet dhe një njoftim zyrtar nga policia për identitetin e të moshuarit dhe detaje të ngjarjes.

The post I moshuari pëson infrakt pak pasi mori pensionin, zbardhen detaje nga ngjarja në Ballsh appeared first on Albeu.com.

Sipas njoftimit të policisë, shtetasja me iniciale M. F., 57-vjeç, banuese në Ballsh, dyshohet se për motive të dobëta ka goditur me sende të forta vëllain e burrit të saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

The post Ballsh, 57-vjeçarja godet me sende të forta kunatin appeared first on Albeu.com.

Policia bën me dije se ngjarja ka ndodhur në orën 21:00, në lagjen “5 shkurti”, Ballsh.

Në njoftimin zyrtar të policisë bëhet me dije se pas një konflikti të çastit, është plagosur me mjet prërës (gërshërë), shtetasi Xh. Y., 24 vjeç, banues në Ballsh, i cili ndodhet në spital, në kujdesin e mjekëve.

Menjëherë pas marrjes së njoftimit, shërbimet e Policisë kanë organizuar punën, me qëllim zbardhjen e rrethanave të këtij rasti, si dhe për identifikimin dhe kapjen e autorit.

Falë veprimeve të shpejta dhe profesionale operacionale, shërbimet e Policisë identifikuan dhe shoqëruan menjëherë në ambientet e Policisë, autorin e dyshuar të kësaj ngjarjeje, shtetasin A. H., 30 vjeç, banues në Ballsh, për kryerjen e veprimeve të mëtejshme procedurale. Grupi hetimor vijon punën për zbardhjen dhe dokumentimin e plotë ligjor të këtij rasti.

The post Sherr mes të rinjve në Ballsh, plagoset me gërshërë 24-vjeçari appeared first on Albeu.com.

Mësohet se shpërthimet kanë ndodhur në kabinat elektrike në zonën e Tecit pranë uzinës së Ballshit.

Ndërkohë ekipet e OSHE-së janë në terren.

Mendohet se shkak të ketë qenë një defekt, por akoma nuk dihen shkaqet reale./Albeu.com/

The post Shpërthim i fuqishëm në Ballsh, qyteti dhe fshatrat në terr appeared first on Albeu.com.

Më shumë se dy vjet më vonë, qindra punëtorë janë ende duke luftuar për paratë që u detyrohen dhe – nëse është e mundur – për mbijetesën e një rafinerie që është një nga punëdhënësit e paktë të rëndësishëm në zonë.

Protestat nisën në fund të nëntorit nën dyshimet se rafineria po çmontohet gjatë natës, ndërsa punëtorët nuk informohen për asgjë.

“Kemi kaluar shumë vite pa marrë rroga”, tha Astani. “Janë rreth 10,000 euro që duhet të marr sepse e fitova çështjen në gjykatë. Vendimi është përfundimtar dhe unë duhet t’i marr ato para”, tha ai për BIRN.

“Dhe pastaj le ta prishin rafinerinë, të bëjnë çfarë të duan, nëse nuk është e mundur të vihet në punë. Por të paktën të na japin paratë që na detyrohen.”

Naftëtarët e Ballshit, të cilët janë rreth 1,000, thonë se problemet nisën në vitin 2008, kur u privatizua për herë të parë rafineria e naftës. Që atëherë, pronësia ka ndryshuar disa herë.

Pronari i parë privat, ARMO, ia shiti kompaninë tashmë me borxhe në vitin 2014 Heaney Assets, e kontrolluar nga Banka Ndërkombëtare e Azerbajxhanit. Ajo u shit sërish në vitin 2015, por kur blerësi, IRTC i regjistruar në Ishujt e Virgjër Britanikë, nuk arriti të përmbushte kushtet e shitjes, ajo iu kthye Credins Bank, e cila ia shiti sërish në 2017 Allum Enterprises Limited të regjistruar në Mbretërinë e Bashkuar. Allum, nga ana tjetër, ua dha rafinerinë me qira dy kompanive me pronësi zvicerane, Tosk Energji dhe Bylis Energji.

Në shtator 2019, rafineria i mbylli dyert e saj. Në atë moment, punëtorëve të saj u detyroheshin 13 paga mujore nga një periudhë prej rreth tre vjetësh.

Ministria e Infrastrukturës dhe Energjisë nuk pranoi t’u përgjigjej pyetjeve në lidhje me rafinerinë, duke e drejtuar BIRN-in te vetë kompania. BIRN kontaktoi me Tosk Energji dhe Bylis Energji, por nuk mori asnjë përgjigje.

Dy orë larg me makinë nga Tirana, qyteti i Ballshit, në qarkun e Fierit, u rrit rreth rafinerisë së naftës që u hap në zonë në mesin e viteve 1970.

E ndërtuar duke përdorur punën e të burgosurve gjatë regjimit komunist të Shqipërisë, uzina u bë një burim i rëndësishëm punësimi jo vetëm për Ballshin, por edhe për qytetet e afërta të Patosit, Mallakastrës, Kuçovës dhe Fierit.

“Ne menduam se ajo kishte një të ardhme dhe ishte një krenari jo vetëm për qytetin, por për të gjithë Shqipërinë”, tha Ilir Pashai, i cili mori pjesë në ndërtimin e rafinerisë në vitet 1970. “Ajo kishte gjithashtu kapacitete të mëdha prodhuese. Tani ndihem shumë i trishtuar.”

Pashai kujtoi inxhinierët dhe specialistët kinezë që u sollën aty për të drejtuar punimet e ndërtimit falë marrëdhënieve të ngrohta mes aleatëve të atëhershëm komunistë. Tre nga vëllezërit e tij dhe dy djemtë e tij vazhduan të punonin në fabrikë.

I trajnuar nga specialistë kinezë për dy vjet, njëri nga vëllezërit e tij, Hysen Pashai, ka punuar në rafineri nga viti 1976 deri në vitin 1982 si teknolog i rafinimit të naftës, përpara se ai dhe familja e tij të burgoseshin nga komunistët. Ai u kthye për të punuar atje në 1992.

“Hapja e rafinerisë ishte një ngjarje e paprecedentë në qytetin e Ballshit,” tha ai. “Në atë kohë ishin 1,200 specialistë shqiptarë dhe mbi 300 specialistë kinezë. Kjo rafineri na ka zhvilluar teknikisht, ekonomikisht.”

Thirrje për ndërhyrje nga ana e qeverisë

Duke e cilësuar ndërtimin e saj si një “punë kolosale”, Hysen Pashai tha se rreth 3,650 “të burgosur politikë” morën pjesë, duke ndërtuar kanalizime dhe rezervuarë nëntokësorë.

Tani punëtorët po përballen me policinë, tha ai.

“Kohët e fundit filloi çmontimi. Ne folëm, protestuam, por për protestën që mbajtëm përfunduam në komisariat dhe nën presion të madh.” Ai tha se ende i detyrohen 6,600 euro paga të papaguara.

Qendra për të Drejtat në Punë, CLR, e cila promovon të drejtat e punëtorëve, i ka bërë thirrje qeverisë që të ndërhyjë në emër të punëtorëve dhe të sigurojë stabilitetin e tyre afatgjatë financiar.

“Qeveria nuk ka marrë asnjë masë këtë vit për të garantuar rikthimin në punë të rafinerisë së Ballshit dhe një gjë e tillë nuk duket se do të ndodhë në muajt në vijim”, thuhet në një deklaratë të 11 tetorit 2021.

“Kriza ekonomike dhe sociale e këtyre punëtorëve bëhet edhe më e thellë dhe alarmante duke pasur parasysh faktin se naftëtarët me të ardhurat nga pagat mbajnë familjet e tyre.”/BIRN

The post Shkatërrimi i rafinerisë së Ballshit i lë punëtorët duarbosh appeared first on Albeu.com.

Naftëtarët shprehen se edhe pse paga e 12 është marrë nga ata, ende nuk është dhënë asnjë vendim nga kryeministri Edi Rama në lidhje me fatin e tyre.

Sokol Dautaj, kryetari i Sindikatës së naftëtarëve, i bëri thirrje dhe deputetëve të opozitës që të flasë për këtë çështje, dhe theksoi se kujtohen për ta vetëm kur të kur ka zgjedhje./albeu.com

The post Naftëtarët e Ballshit mblidhen para uniznës: Rama ende asnjë vendim për fatin tonë appeared first on Albeu.com.