Në këtë fshat të komunës së Zveçanit, grupe të armatosura serbësh sulmuan Policinë e Kosovës, më 24 shtator, duke vrarë policin Afrim Bunjaku.

Osmani tha se Serbia ka vepruar në kundërshtim me synimet e kësaj nisme, përfshirë pajtimin për të krijuar parakushte për mbylljen e kontestit Kosovë-Serbi dhe për njohjen reciproke dhe liberalizimin e tregut rajonal.

“Kur ndodhi sulmi në Banjskë të Kosovës, unë pata një deklaratë dhe thashë se nëse ka përfshirje të drejtpërdrejtë të Serbisë në Banjskë, atëherë duhet të rishikohet pjesëmarrja në nismën Ballkani i Hapur. Meqenëse tani kam më shumë informacion se çfarë ka ndodhur në Banjskë, planifikoj ta informoj Qeverinë në një seancë të mbyllur dhe ajo do të vendosë se si do të veprohet”, ka deklaruar Osmani.

Nga Qeveria e Maqedonisë së Veriut thanë të enjten se “në Qeveri ende nuk ka arritur një kërkesë e tillë nga MPJ-ja për t’u diskutuar nga ekzekutivi”.

Deklarata e Osmanit pason një reagim të deputetes së Lëvizjes Vetëvendosje, Arbëreshë Kryeziu Hyseni, të hënën më 15 prill.

“Disa ditë pas sulmit paramilitar në Banjskë të Zveçanit që na vrau heroin Afrim Bunjaku, ministri i Jashtëm i Maqedonisë së Veriut, Bujar Osmani, pati deklaruar se Serbia duhet të dëshmojë se nuk kishte përfshirje shtetërore, përndryshe Maqedonia e Veriut do të rishqyrtonte pjesëmarrjen në nismën Ballkani i Hapur. Ndodhi e kundërta. U dëshmua përfshirja e Serbisë, por Bujar Osmani nuk e rishqyrtoi pjesëmarrjen në Ballkan të hapur”, ka shkruar deputetja Bunjaku në Facebook.

Përplasjet e tilla po ndodhin në kohën e fushatës zgjedhore për president të Maqedonisë së Veriut.

Bujar Osmani është kandidat për president nga radhët e Frontit Evropian që udhëhiqet nga Bashkimi Demokratik për Integrim.

Reagimi i VV-së ka të bëjë me faktin se ajo tashmë mbështet kandidatin e opozitës së bashkuar shqiptare për president, Arben Taravari.

Lidhur me paralajmërimin e Osmanit, ka reaguar edhe Taravari duke akuzuar atë dhe BDI-në për “lidhje me Serbinë dhe Rusinë”.

Por, paralajmërimi i Osmanit që të rishikohet nga Qeveria pjesëmarrja e mëtejmë e Maqedonisë së Veriut në nismën Ballkani i Hapur, ka shkaktuar edhe reagime tjera, përfshirë atë të Lidhjes Social-Demokrate që është pjesë e Qeverisë.

“Kemi insistuar që kjo nismë të mbetet e hapur dhe ka mbetur e hapur. Dhe, përderisa ka pasur dhe ka mbështetje nga partnerët tanë strategjikë, ne duhet të marrim pjesë në të dhe të fokusohemi në përfitimet konkrete pa tema të mëdha politike, sepse ato tema të mëdha politike bllokuan proceset e tjera rajonale dhe nuk sollën asgjë të mirë. Ne i shohim si pozitive Procesin e Berlinit, Ballkanin e Hapur dhe të gjitha iniciativat tjera dhe ne duhet të marrim maksimumin prej tyre”, ka deklaruar Bojan Mariçiq, zëvendëskryeministre për Integrime Evropiane.

Nga Presidenca e Maqedonisë së Veriut thanë për Radion Evropa e Lirë se, “nuk janë konsultuar për mundësinë e largimit nga nisma Ballkani i Hapur, siç nuk janë konsultuar as për vendimin e Osmanit që Maqedonia e Veriut të jetë bashkësponsore e Rezolutës për Srebrenicën në OKB”.

Presidenti aktual, Stevo Pendarovski, më parë i ka dhënë mbështetje iniciativës, por ka theksuar sfidat me të cilat përballet pasi në të nuk janë përfshirë të gjitha shtetet e rajonit.

Deklaratat e Osmanit për Ballkanin e Hapur, vendimi për Srebrenicën dhe çështje të tjera, nga njohësit e çështjeve politike dhe ndërkombëtare, thuhet se janë funksion të fushatës së tij për zgjedhjet presidenciale.

Ish-diplomati maqedonas, Lupço Arsovski, beson se Osmani me paraqitjet e tij si shef i diplomacisë, ka shfrytëzuar foltoren në MPJ për të përfituar në fushatën presidenciale.

“Si ministër del nga kuadri i zakonshëm i dikasterit që përfaqëson politikën e shtetit. Shpall procedura që ende nuk i ka paraqitur në Qeveri në mënyrë që ekzekutivi t’i miratojë ato. Pra, ai del nga korniza e Qeverisë dhe mbi të gjitha nga Kuvendi, i cili ka marrë vendimet e duhura për të gjitha këto çështje. Kjo sjellje nuk është aspak diplomatike”, thotë Arsovski.

Njohësi i çështjeve politike, Besim Nebiu, thotë se ndërrimi brenda “natës” i qëndrimit të zyrtarëve të BDI-së, flet se ata nuk udhëhiqen nga “ndonjë vizion i madh politik”.

“Osmani dhe shefi i tij, Ali Ahmeti, [kryetar i BDI-së] ishin promotorët kryesorë të Ballkanit të Hapur gjatë gjithë këtyre viteve dhe e bindën opinionin se ky është një projekt evropian. Ndryshimi i qëndrimit të përmasave kaq drastike, brenda natës, tregon për qëndrimin e tyre ndaj politikës – se nuk udhëhiqet nga ndonjë vizion i madh politik, siç pretendojnë ata”, thotë Besim Nebiu, njohës i çështjeve politike.

Nisma Ballkani i Hapur, që fillimisht quhej Mini Shengeni Ballkanik, filloi më 10 tetor 2019 në Novi Sad dhe u nënshkrua nga presidenti i Serbisë, Aleksandar Vuçiq, kryeministri i Shqipërisë, Edi Rama dhe kryeministri i atëhershëm i Maqedonisë së Veriut, Zoran Zaev.

Nisma u refuzua nga Kosova, Mali i Zi dhe Bosnjë e Hercegovina.

Në kuadër të saj u arritën disa marrëveshje, përfshirë edhe ato për bashkëpunim ekonomik dhe lëvizje të lirë./ REL

The post Nisma e Bujar Osmanit për dalje nga Ballkani i Hapur, reale apo për fushatë elektorale? appeared first on Albeu.com.

Duke folur në një konferencë të fundvitit në Tiranë, Rama tha se “sot po e marr vesh se unë e paskam mbyllur Ballkanin e Hapur se nuk më rezulton që unë të kem bërë ndonjë mbyllje, madje unë e kam shpjeguar që Ballkani i Hapur nuk hapet dhe nuk mbyllet me një çelës nga një person apo nga njëra palë”.

Ai u pyet nga gazetarët për deklaratën e tij në korrik, kur kishte thënë se Ballkani i Hapur ishte një nismë për “ta shtyrë përpara Procesin e Berlinit dhe se e kishte kryer atë mision për të cilin lindi”.

Duke iu përgjigjur pyetjes, Rama tha: “Unë nuk kam thënë asnjëherë që kam mbyllur Ballkanin e Hapur se është dhe si shprehje qesharake. Unë kam thënë diçka krejt tjetër që është thënë në një kontekst të caktuar dhe shprehimisht kam thënë që e ka kryer misionin e vet në atë kontekst, por që nisma në vetvete është një nismë që është si nisma të tjera dhe që nuk hapet dhe nuk mbyllet nga unë.”

Nisma Ballkani i Hapur, e cila fillimisht është quajtur Mini Schengen, është ndërmarrë më 10 tetor 2019, në Novi Sad, dhe është nënshkruar nga presidenti i Serbisë, Aleksandar Vuçiq, kryeministri i Shqipërisë, Edi Rama dhe kryeministri i atëhershëm i Maqedonisë së Veriut, Zoran Zaev.

Nisma është kundërshtuar nga opozita në Shqipëri dhe është refuzuar nga Kosova, Mali i Zi dhe Bosnje e Hercegovina.

Në kuadër të saj janë arritur disa marrëveshje, si për bashkëpunim ekonomik dhe lëvizje të lirë.

Lidhur me paralajmërimin e Ramës për shuarjen e saj, presidenti i Serbisë Aleksandar Vuçiq kishte thënë asokohe se “nuk mund ta besojë se ai [Rama] e ka thënë një gjë të tillë”.

Rama konfirmoi se nisma rajonale vazhdon dhe për ta konkretizuar këtë solli në vëmendje, panairin e verërave që u mbajt pak kohë më parë në Beograd, duke e cilësuar atë si produkt të kësaj nisme.

“Ajo nismë vazhdon, që të jemi shumë të qartë dhe Shqipëria as nuk e ka mbyllur se nuk e mbyll dot një palë”, sqaroi Rama.

The post Edi Rama: Ballkani i Hapur nuk është shuar appeared first on Albeu.com.

Deri më tash, Rama është shprehur vetëm në media se Ballkani i Hapur “e ka përmbyllur misionin e tij” dhe se idetë e kësaj nisme do të barten në Procesin e Berlinit.

Në BE nuk ka pasur reagime zyrtare rreth këtij paralajmërimi, por, jozyrtarisht, disa diplomatë evropianë thonë për Radion Evropa e Lirë se “kjo do të mirëpritej” dhe se “do të ishte një lehtësim i madh për forcimin e Procesit të Berlinit dhe të proceseve tjera”.

Nisma Ballkani i Hapur, e cila fillimisht është quajtur Mini Schengen, është ndërmarrë më 10 tetor 2019, në Novi Sad, dhe është nënshkruar nga presidenti i Serbisë, Aleksandar Vuçiq, kryeministri i Shqipërisë, Edi Rama dhe kryeministri i atëhershëm i Maqedonisë së Veriut, Zoran Zaev.

Nisma është kundërshtuar nga opozita në Shqipëri dhe është refuzuar nga Kosova, Mali i Zi dhe Bosnje e Hercegovina.

Në kuadër të saj janë arritur disa marrëveshje, si për bashkëpunim ekonomik dhe lëvizje të lirë.

Lidhur me paralajmërimin e Ramës për shuarjen e saj, Vuçiq ka thënë se “nuk mund ta besojë se ai [Rama] e ka thënë një gjë të tillë”. Në Maqedoninë e Veriut nuk ka pasur ndonjë reagim.

Cili ka qenë qëndrimi i BE-së?

BE-ja ka qenë vazhdimisht e paqartë rreth kësaj nisme.

Formalisht, nuk është shprehur kundër, sepse, në parim, mbështet çdo nismë që ka për qëllim forcimin e bashkëpunimit rajonal.

Por, në anën tjetër, shumë qarqe në BE e kanë parë atë si dublifikim i proceseve ekzistuese, si: Tregu i Përbashkët Rajonal, Procesi i Berlinit, Këshilli i Bashkëpunimit Rajonal, Marrëveshja për Tregti të Lirë – CEFTA e të tjera.

Në pyetjen se a e mbështesin nismën Ballkani i Hapur, në BE gjithmonë janë përgjigjur duke thënë se “mbështesin çdo nismë për bashkëpunim rajonal, e cila është gjithëpërfshirëse” dhe në të cilën janë “të gjashtë partnerët nga rajoni i Ballkanit Perëndimor”.

Marrë parasysh se në nismën Ballkani i Hapur, edhe pas disa vitesh, kanë mbetur vetëm tri vende anëtare: Shqipëria, Serbia dhe Maqedonia e Veriut, për të nuk mund të thuhet se është gjithëpërfshirëse.

Prandaj, shumë diplomatë në BE, jozyrtarisht, kanë shprehur qëndrimin se kjo nismë nuk e ka mbështetjen e plotë.

Në vend të kësaj, nga BE-ja është bërë thirrje që vendet e rajonit të fokusohen në Procesin e Berlinit, edhe pse as ai proces formalisht nuk është në kuadër të veprimit institucional të Bashkimit Evropian.

Nismën Ballkani i Hapur, ndërkohë, e kanë mbështetur vende si: Shtetet e Bashkuara të Amerikës, Turqia dhe Hungaria, të cilat kanë dërguar edhe zyrtarë të tyre në takimet e saj.

Edhe komisionari i BE-së për Fqinjësi dhe Zgjerim, Oliver Varhelyi, ka folur në disa takime të Ballkanit të Hapur.

Nga ana tjetër, Procesi i Berlinit ka fituar një mbështetje të plotë nga të gjashtë shtetet e rajonit të Ballkanit Perëndimor, ashtu si edhe mbështetje ndërkombëtare.

Qëllim i kësaj nisme ndërqeveritare është t’i lidhë vendet e Ballkanit Perëndimor dhe Bashkimin Evropian dhe t’i ndihmojë ata të ndërtojnë marrëdhënie të ndërsjella mbi bazën e vlerave evropiane.

BE-ja ka qenë shumë aktive në mbështetjen e këtij procesi, duke u treguar e gatshme edhe për bashkëfinancimin e disa projekteve.

Procesi i Berlinit përfshin të gjashtë shtetet e rajonit të Ballkanit Perëndimor, duke i cilësuar të gjitha si shtete, për dallim nga disa procese të tjera, ku BE-ja apo vendet e rajonit kanë rolin kryesor dhe ku – për shkak të Kosovës që nuk njihet nga Serbia dhe Bosnja – ato quhen “partnere” apo “gjashtëshja e Ballkanit Perëndimor”.

Procesi i Berlinit është nismë gjermane, e mbështetur edhe nga shumë shtete të tjera të BE-së, si: Gjermania, Franca, Italia, Austria, Kroacia, Bullgaria, Sllovenia, Polonia dhe Greqia. Edhe pse nuk është më anëtare e BE-së, pjesë e procesit vazhdon të jetë edhe Britania e Madhe.

Të gjitha këto vende janë shprehur të gatshme të japin kontributin e tyre, për t’i ndihmuar shtetet e Ballkanit Perëndimor në përpjekjet e tyre për zhvillim dhe afrim me standardet e BE-së.

Në samitet e Procesit të Berlinit kanë marrë pjesë edhe liderët e institucioneve të Bashkimit Evropian, përfshirë presidentin e Këshillit Evropian, Charles Michel, dhe presidenten e Komisionit Evropian, Ursula von der Leyen.

Procesi i Berlinit ka nisur si ide e ish-kancelares gjermane, Angela Merkel. Por, edhe pasardhësi i saj, Olaf Scholz, ka vendosur ta mbajë këtë proces si prioritet. Ai ka qenë mikpritës dhe organizator i një samiti, ku janë nënshkruar disa marrëveshje kyçe mes gjashtë vendeve të Ballkanit Perëndimor.

Deklaratat e kryeministrit të Shqipërisë, Edi Rama, i cili edhe do të jetë mikpritës i samitit të radhës të Procesit të Berlinit, shihen nga shumë diplomatë në BE si mundësi për “rrugëdalje të ndershme”.

Sipas tyre, tri vendet e Ballkanit të Hapur do të mund të thonë se kjo ide “nuk ka qenë e kotë” dhe se ajo “do ta begatojë Procesin e Berlinit”.

Ndërkohë, siç thonë diplomatët, do të hiqet edhe presioni ndaj Kosovës, Malit të Zi dhe Bosnje e Hercegovinës që t’i bashkohen një procesi, të cilit nuk i janë bashkuar deri më tash.

Në Kosovë, të gjitha qeveritë kanë qenë kundër Ballkanit të Hapur, ndërsa në Bosnje e Hercegovinë ka pasur mospajtime të brendshme, për shkak të të cilave vendi nuk ka mundur të bëhet pjesë.

Qeveria e kaluar e Malit të Zi ka qenë kundër, ndërsa fituesit e zgjedhjeve të qershorit kanë shprehur gatishmërinë që ta shqyrtojnë pjesëmarrjen në Ballkanin e Hapur. Megjithatë, edhe në Mal të Zi kjo çështje ka krijuar ndasi në spektrin e brendshëm politik./rel

The post Analiza e REL: Bashkimin Europian do ta lehtësonte shuarja e Ballkanit të Hapur appeared first on Albeu.com.

Rama theksoi dhe një herë se “Ballkani i Hapur” nuk është kompani private e tij dhe as nuk e hapi as nuk e mbylli ai, por thjesht dha opinionin e tij në lidhje me këtë proces. Rama theksoi se është e rëndësishme që të fokusohen në Procesin e Berlinit.

Rama: Unë direkt e dhashë përgjigjen po prap ju nuk doni ta dëgjoni. Ju e doni o brenda o jashtë. Po mund të jesh dhe brenda dhe jashtë. Nuk është një kompani që e kam hapur unë, unë thjehst dhashë opinionin tim, por duhet t’i ballafaqojmë me të tjerët dhe të shkojmë përpara. Është një nismë komplementare. Ka 72 nisma të tjera në këtë rajon, 72 janë shpikur. Edhe unë jam llahtarisur kur kam dëgjuar numrin. Askush nuk merret me to, merren me “Ballkanin e Hapur.”

Ne duhet të hapim gjëra të reja, jo të mbyllim ato që me zor janë hapur. Ne duhet të fokusohemi te Procesi i Berlinit. Po “Ballkani i hapur” përshembull ka hapur panairin e verërave, ta mbyllim tani? Si thoni ju? Kjo a e mbylle a e hape…unë kam mbyllur njëo opinion timin. Ballkanin e Hapur as e hapa vetë, as e mbylla vetë.

Në fund Rama theksoi se “Ballkani i Hapur” i ka ndihmuar që të afrohen me njëri-tjetrin.

/Albeu.com/

The post “Ballkani i Hapur” nervozon Ramën: Ju e doni o brenda o jashtë appeared first on Albeu.com.

Rama tha se edhe njëmijë herë sikur të kthehej brapa një mijë herë do ta rikthente këtë proces.

I pyetur nga gazetarët se pse u tërhoq nga kjo nismë, Rama tha se nuk ëhstë tërhequr, thjeshtë dha opinionin e tij në një moment kur teoritë konspirative për Ballkanin e Hapur po dëmtonin dhe procesin e Berlinit.

Pyetje: A keni hequr dorë nga Ballkani i Hapur?

Rama: Së pari Ballkani i Hapur nuk ëhstë kompania ime private, që unë e hapa unë e mbylla. Ballkani i hapur ëhstë një nisëm e përbashkët e disa vendeve. Edhe njëmijë herë të kthehesha, njëmijë herë do të rihpaja këtë iniciativë. Unë thjeshtë kam shprehur opinionin tim që Ballkani i Hapur e ka kryer procesin e vet. Unë nuk e imagjinon që procese që e kanë konsiluar misionin e vet të mbyllen. Unë thjeshtë kam shprehu opinionin tim, pasi duke ju kundërvënë Ballkanit të Hapur me teori haluçinante si psh që ësht një plan Kinezo-Rus, apo duke thënë që këtu është i përfshrië dhe kryeminsitri hungarez, apo dhe aktorë të tjerë. në fakt nuk dëmtuan thjesht atë nismë, por dhe procesin e Berlinit, dhe ka ndikuar në vende të ndryshme për të krijuar hije dyshimi. Thjeshtë ne duhet të fokusohemi tek procesi i Berlinit fuqishëm, kemi opurtinitetin historik të futjes në proces të një plani të ri financimi. prandaj unë jam në sinkon të plotë më Dritanin kur ndohin këto situata absurde, si kjo që po ndodh në veriun e Kosovës, pasi kjo është një kohë kur duhet të jemi sa më shumë bashkë.

The post A keni hequr dorë nga Ballkani i Hapur? Rama: Dhashë opinionin tim në një moment kur mendësitë haluçinante po dëmtonin procesin e Berlinit appeared first on Albeu.com.

Rama tha se edhe sikur njëmijë herë të kthehej mbrapa, njëmijëherë do ta ribënte.

“Dukesh që je shqiptar që nga pyetja (i drejtohet gazetarit). Së pari, pyetjen e bën sikur unë kam bërë një faj dhe  kam nxjerrë një mësim. Ballkanin e Hapur 1000 herë të kthehehsha mbrapa, 1000 do ta ribëja. Nuk ëshhëtë një nisëm përjashtuese, është një 72 iniciativat e ndërmarra në rajon. Dhe çfarë e keqeje i ka ardhur nga Ballkani i Hapur rajonit, përveç të mirave. Shikoni shifrat e tregtisë mes vendeve dhe mos harroni asnjëherë se çfarë është bërë nuk zhbëhet dhe ka shërbyer që Procesi i Berlinit, ka përfituar nga Ballkani Hpaur pikërisht shtysëm. Nuk e kuptoj si ka dyshime për këtë kur faktet flasin qartë. Sa i përket vëllaziërisë dhe gjakderdhjes, mendoj se është rruga më e gabuar e mendimit shqiptar sot. Nuk ka rrugë më të gabuar sesa të rrimë me të shkuarën, duke anetuar dhe akuzuar njëri tjetrin se kush është patritoti i vëretë. Patritot i vërtet është ai që do vendin e vetë dhe nuk  bën keq askujt tjetër”, tha Rama./albeu.com

The post Ballkani i Hapur, Rama: Njëmijë herë të kthehesha mbrapa, njëmijë herë do ta ribëja appeared first on Albeu.com.

Balla tha se misioni i “Ballkanit të Hapur” për lëvizje të lirë është mbyllur me sukses, ndërsa shtoi se tani është koha që BE të vijojë procesin.

Ai tha se nisma e ka mbyllur misionin sepse ka ndihmuar prodhuesit shqiptar të mos kenë pengesa burokratike në kufi.

“Ballkani i Hapur është instrumenti më i mirë i implementimit në terren të Procesit të Berlinit. BE ka në themel lëvizjen e lirë të mallrave, njerëzve dhe kapitaleve. E ka mbyllur misionin e vetë sepse ka ndihmuar prodhuesit shqiptar të mos kenë pengesa burokratike në kufi. Kur arritëm lëvizje të lirë kemi arritur 3 dimensione themelore të asaj që ne synojmë të bëhemi. Tani që arriti suksesin, i takon BE-së të vijojë procesin.”- tha Balla.

The post Fundi i “Ballkanit të Hapur”, Balla: Nismë e suksesshme, ndihmoi prodhuesit shqiptarë appeared first on Albeu.com.

Vuçiç gjithashtu u shpreh kundër asaj që tha se Rama se “duhet të futemi me kokë tani në Procesin e Berlinit” dhe tha se shpreson që së shpejti do ta takojë atë.

“Nuk besoj se Rama e ka thënë këtë. Shpresoj të kem mundësi ta shoh së shpejti. Ballkani i Hapur është një ide autonome dhe autoktone e njerëzve nga Ballkani”, tha Vuçiç në TV Prva.

Ai tha se do të konsiderojë gjithmonë se çdo ide e krijuar në rajon është “më e mirë se ato që vijnë nga jashtë”.

“Kjo është shprehje e dëshirave dhe marrëdhënieve tona, jo diçka që e bëjmë nën sundimin e dikujt tjetër”, tha Vuçiç.

Kryeministri i Shqipërisë, Edi Rama tha dje nga Ulqini se nisma “Ballkani i Hapur” e ka përfunduar misionin për të cilin ka lindur, dhe tha se ka qenë për ta shtyrë përpara Procesin e Berlinit.

“Procesi i Berlinit është tani më aksi ynë kryesor. Ballkani i Hapur ishte një iniciativë e cila lindi nga nevoja për ta shtyrë përpara Procesin e Berlinit, dhe e ka kryer tani atë mission për të cilin lindi. Ne duhet të futemi me kokë tani në Procesin e Berlinit, sepse e kemi këtë mundësi, e kemi në Tiranë. Kemi mundësinë ta zotërojmë si proces, me mbështetjen e madhe që kemi nga Gjermania, nga Kancelari Scholz por edhe nga gjithë të tjerët”, ka thënë Rama.

Vuçiç do të ketë mundësi ta takojë Ramën, pasi kryeministri i Shqipërisë paralajmëroi vizita në të gjitha shtetet e rajonit për t’i takuar kryeministrat dhe presidentët pët t’i informuar për përgatitjet për Samitin e Procesit të Berlinit që mbahet në Tiranë këtë vit.

“Procesi i Berlinit është e ardhmja jonë”, ka thënë Rama./express/

The post “Ballkani i Hapur e kreu misionin”, Vuçiç vë në dyshim deklaratën e Ramës: Nuk besoj se e ka thënë, uroj ta takoj së shpejti appeared first on Albeu.com.

Avokati, Spartak Ngjelia, komentoi sot deklaratën e kryeministrit për Ballkanin e Hapur. Ngjela tha se Ballkani o Hapur ishte një dështim, ndërsa theksoi tha se Rama duhet të kërkonte falje e jo të thoshte se “Open Balkan” e mbylli misionin e saj.

“Dështim ishte nuk mund të realizohej. Që të ekzistonte ‘Ballkani I Hapur” Shqipëria duhet të ishte free zone. “Open Balka” nuk na dha asnjë gjë. Rama e kishte bashkë me Vuçiç këtë nismë. Nuk ka prodhim industrial. Ajo që e dërmoi këtë nismë ishte se nuk e pranoi Kurti. Në vend që të thotë më falni se gabova thotë mbaroi. Për strukturën ekonomike që ka Shqipëria nuk mund të bëhej. Nëse do bëhej Shqipëria do përfundonte në koloni”, tha Spartak Ngjela për Euronews Albania.

The post Rama parlajmëroi fundin e “Ballkanit të Hapur”, Ngjela: Kryeministri duhet të kërkonte falje appeared first on Albeu.com.

Nga Esmeralda Topi

“Ne flasim për gjëra konkrete dhe po ndërmarrim hapa vërtetë domethënëse përpara për të liberalizuar tregjet tona të punës, duke krijuar më shumë mundësi për qytetarët tanë dhe duke e bërë rajonin më tërheqës për investimet e huaja.” – deklaroi kryeministri Edi Rama gjatë një konference për shtyp në kuadër të nismës ‘Ballkani i Hapur’, teksa i referohej marrëveshjes së sapofirmosur për tregun e lirë të punës mes Shqipërisë, Maqedonisë së Veriut dhe Serbisë më 21 dhjetor të 2021.

Çfarë parashikon marrëveshja për tregun e lirë të punës?

Marrëveshja për tregun e lirë të punës u miratua nga Këshilli i Ministrave më 2 shkurt 2022 duke sanksionuar mundësinë dhe të drejtën e të gjithë qytetarëve të të treja vendeve për të pasur akses të menjëhershëm dhe të barabartë për lejet e punës dhe të qëndrimit.

“Shtetasit e Palëve Kontraktuese për të cilët zbatohet kjo Marrëveshje, do të kenë të drejtën të lëvizin, qëndrojnë dhe punojnë lirisht brenda territorit të Palëve Kontraktuese.”, shkruhet në hapje të dokumentit, ku më tej sqarohen kushtet dhe procedurat e thjeshtuara për marrjen e të drejtës për punë.

Referuar dokumentit, zbatimi i marrëveshjes i ngarkohet si përgjegjësi një Komiteti të Përbashkët pune, me pesë përfaqësues të secilës palë, të cilët duhet të organizojnë, koordinojnë dhe kontrollojnë aktivitetet që lidhen me zbatimin e marrëveshjes për tregun e lirë të punës.

“Komiteti i Përbashkët do të mblidhet të paktën një herë në vit dhe do t’u raportojë Palëve Kontraktuese çdo gjashtë muaj për zbatimin e kësaj Marrëveshjeje.” – saktësohet në marrëveshje.

Sipas afateve të vëna në dokument, mbledhja e parë e Komitetit duhet të ishte bërë më 2 mars të 2022, një muaj pas hyrjes në fuqi të marrëveshjes, ndërkohë që kjo strukturë duhet të ishte mbledhur të paktën dy herë përgjatë një viti nga nisja e zbatimit. Dokumenti është i detajuar, por kur vjen puna tek zbatimi, gjërat ndryshojnë.

Verifikimet e Faktoje tregojnë se autoritetet nuk e kanë ngritur ende këtë strukturë që duhet të maste rezultatet konkrete të marrëveshjes për tregun e lirë të punës.

Faji mbetet ‘jetim’

Faktoje iu drejtua Kryeministrisë dhe Agjencisë për Media dhe Informim, duke kërkuar informacion mbi anëtarët e Komitetit të Përbashkët si dhe rezultatet e mbledhjeve që ka ndërmarrë kjo strukturë në një vit. Agjencia për Media dhe Informim na ia delegoi pyetjet zyrës së Kryeministrisë. Kjo e fundit, dhjetë ditë më vonë ia delegoi kërkesën për informacion Ministrisë së Financave e cila shkurtimisht na informoi se nuk ka ende një Komitet të Përbashkët me përfaqësues të tre vendeve firmëtare të marrëveshjes.

“Në Ministrinë e Financave dhe Ekonomisë nuk është përcjellë asnjë kërkesë për ngritjen e Komitetit të Përbashkët me përfaqësues të Palëve Kontraktuese të marrëveshjes.” – argumenton Ministria e Financave duke e përjashtuar veten nga përgjegjësia.

Edhe shifrat ‘rrëzojnë’ retorikën e punësimit nga ‘Open Balkan’

Në fund të vitit 2022 në Shqipëri janë pajisur me dokumente punësimi 8.621 shtetas të huaj nga të cilët vetëm 356 shtetas janë nga rajoni, kryesisht të punësuar në sektorët: industri përpunuese, tregti, telekomunikacioni, transport, akomodim, shërbime dhe ndërtim.

Të dhënat zyrtare nga Agjencia Kombëtare e Punësimit dhe Aftësive tregojnë se numrin më të lartë të të punësuarve nga vendet e Ballkanit Perëndimor në Shqipëri e mban Kosova me 221 punonjës, ndërkohë që Maqedonia e Veriut dhe Serbia që janë nënshkruese të marrëveshjes së tregut të lirë të punës numërojnë vetëm 115 të punësuar së bashku. Konkretisht, 93 persona nga Maqedonia e Veriut dhe 22 shtetas nga Serbia.

Edhe shifrat zyrtare tregojnë se marrëveshja e ‘Open Balkan’ për lehtësitë në punësim nuk ka prodhuar rezultat në vitin e parë të lindjes. Pesha e punonjësve nga Maqedonia e Veriut dhe Serbia në tregun shqiptar të punës është e ulët, fakt që e konfirmojnë për Faktoje edhe disa përfaqësues të Agjencive Private të Rekrutimit në Shqipëri.

 “Të them të drejtën nuk kam patur asnjë rast nga këto vende (Serbi, Maqedoni e Veriut) deri tani. Se çfarë do të ndodh më vonë, s’e dimë. Marrëveshjen e kam të dëgjuar, por vetë e kam të patestuar. Gjithsesi, mendoj që jemi herët për të pritur efektet e marrëveshjes dhe le t’i japim pak kohë.”- pohon Erald Pashaj, Administrator i EPPC Albania & Kosovo.

Edhe Arjan Ruçaj, nga kompania Recruit Plus thotë se tregjet kryesore te rekrutimit në Shqipëri nuk janë nga rajoni.

“Kryesisht janë punëtorë që vijnë nga vendet e treta dhe pjesa më e madhe janë nga profesionet e pakualifikuara. Vende si Filipinet, Nepal, Bangladesh, edhe India ka goxha kërkesa. Po ashtu edhe nga Afrika. Ndërsa shqiptarët janë më të orientuar drejt vendeve europiane, sidomos për vendet skandiave. Këta janë punonjës të kualifikuar, elektriccist, hidraulik, mekanikë.” – pohon ai duke shtuar se lëvizjet e punësimit ndodhin për shkak të pagës më të lartë që ofrohet.

Nga korriku i 2021 kur nisma u pagëzua me emrin ‘Open Balkan’, Maqedonia e Veriut, Shqipëria dhe Serbia kanë nënshkruar 14 marrëveshje dhe disa memorandume bashkëpunimi. Por verifikimet e deritanishme tregojnë se që prej jetësimit të saj e deri më tani nisma nuk po prodhon rezultatet e pritshme. Takimi i radhës në kuadër të Ballkanit të Hapur pritet të mbahet në fund të muajit maj.

*Lexoni më poshtë një tjetër verifikim që Faktoje ka bërë lidhur me zbatimin e marrëveshjes për katastrofat në kuadër të nismës Ballkani i Hapur.

The post Ballkani i Hapur, marrëveshja për tregun e lirë të punës pa rezultat appeared first on Albeu.com.