Një qytetare shqiptare, me profesion juriste, e cila jeton dhe punon në Prokurorinë e Bolonjës të Italisë, Eva Baçi, ka folur me tone të ashpra duke theksuar se, pavarësisht dëshirës së madhe për t’u kthyer dhe kontribuar në Shqipëri, mungon hapësira reale për përfshirje.

Në panelin ku ishin të pranishëm, kryetari i Kuvendit, Niko Peleshi dhe kryetari i Grupit Parlamentar të PS, Taulant Balla ajo u shpreh se Samitet e organizuara për Diasporën shpesh mbeten në nivel e deklaratave, ndërsa zëri i vetë diasporës nuk dëgjohet sa duhet.

“Dëshira për t’u kthyer në Shqipëri është shumë e madhe, ndaj marrim pjesë në Samite sepse presim një dritare te hapur nga toka mëmë, për t’u kthyer, që të na hapë derën. Skenari është shkruar shumë bukur, si ai regjisori që shkruan shumë bukur, dëgjojmë narativa, por mungojnë aktorët kryesorë që është Diaspora. Ky është Samiti i Diasporës. Mendoj se përveç hapjes që fjala duhet t’u jepet ministrit, kryeministrit dhe presidentit, aktorët kryesorë jemi ne. Unë doja që të bëja një diskutim dhe nuk m’u dha e drejta e fjalës. Duhet t’i mbarojmë këto filmat e bukur, që ne vetëm të dëgjojmë”, tha Eva Baçi.

Gjithashtu, ajo theksoi se, pavarësisht përgatitjes së lartë profesionale, shumë shqiptarë jashtë vendit ndihen të papërfaqësuar dhe të papërkrahur nga institucionet shqiptare. Eva Baçi ngriti shqetësimin se Diaspora shpesh trajtohet vetëm si statistikë dhe jo si potencial real për zhvillimin e vendit.

“Unë kam mbaruar 3 fakultete në Bolonjë, kam dy specializime. Kemi kërkuar shumë herë, që të hyjmë të japim kontributin tonë. Unë punoj 14 orë në Itali, por mund të punoj 20 orë për Shqipërinë. Unë nuk kam vend ku të flas, dua të shpreh atë që kam, sepse përndryshe ne ngelemi vetëm numra. Unë nuk mund të pres biletën të vij që andej për të qenë një numër. Unë kam ngelur shumë keq dje, kur u dhanë çmimet. Në krahun tim është njëri nga sipërmarresit shqiptarët që i jep punë 350 familje dhe ju nuk i dhatë një çmim, Astrit Poti.

Ju jeni larg realitetit, flas për politikanët, jeni larg realitetit, nuk jeni afër me ne. Jemi pa përkrahje dhe kur nuk të përkrah shteti yt, kur ti nuk jep kontribut në shtetin tënd. Unë për Italinë jam më e përgatitura, por jam thjesht e huaj. Ne duam të kthehemi në vendin tonë.

Këto panelet e ndara nuk janë mirë. Ne aktorët kryesore duhet të flasim, të sjellim problemet. Jo të dëgjojmë politikanët, narativa është shumë e bukur, por ju nuk e keni idenë cfarë do të thotë sakrifica, pa asnjë përkrahje dhe asnjë ndihmë.

Hapni dyer, sepse Shqipërisë nuk i mungon truri. I keni mbyllur dyert, të gjitha personave që janë të përgatitur”, tha ndër të tjera përfaqësuesja e Diasporës.

Në fund, Eva Baçi pati edhe një mesazh të drejtpërdrejtë për politikën, duke përmendur Taulant Balla, dhe duke theksuar se drejtuesit politikë janë të shkëputur nga realiteti i diasporës:

“Kam edhe shumë gjera, por po të më jepet mundësia unë diskutimin e kisha përgatitur. Zoti Taulant Balla, je i pari që je shumë larg realitetit. Votën mund ta kalosh edhe 4 vite të tjera, por në histori duhet të lesh një emër”.

The post Samiti i Diasporës/ Juristja shqiptare ia plas në sy Ballës: Jeni larg realitetit, i keni mbyllur dyert Shqipërisë (VIDEO) appeared first on Albeu.com.

Balla u shpreh se në thelb opozita e kërkon me ngulm debatin edhe në Konferencën e Kryetarëve, por nuk jep datë se kur të zhvillohet, ndërsa propozimi socialist është për datën 14 maj, në Javën e Europës.

Gjithashtu, Balla u shpreh se mazhoranca nuk e ha presionin e PD-së për miratimin me ngulm të propozimeve të tyre për ligje, për shkak të fitores së mandatit të katërt dhe 83 deputetëve në parlament.

Ai shtoi se, PD nuk ka votuar asnjë ligj të përafrimit të legjislacionit shqiptar me atë të BE-së, duke dëftyer një listë me 23 ligje ku sipas tij nuk ka asnjë votë të PD-së.

Balla: Zonja që sapo foli nuk ka qëndruar në mbledhjen e Konferencës së Kryetarëve, deri kur ramë dakord për kalendarin. Është larguar për punët e veta. Janë këtu në këtë sallë anëtarët e KK. Nuk kemi diskutuar për çështje për ndryshimet e rregullore, por për detyrimin që ka Kuvendi, kur GJK zbardh vendimin e saj, GJK është në shkelje të ligjit të vet brenda 30 ditësh, deri në 25 mars duhej të kishte zbardh vendimin e vet. Këtë kemi thënë. Nuk kemi hyrë fare te ndryshimet e rregullores. Kemi rënë dakord zonja Tabaku për kalendarin. E papranueshme të vish këtu dhe të thuash nuk kemi rënë dakord. Ke ikur nga salla. Për mocionin me debat jam dakord.

Sa i përket çështjeve të mocionit me debat të kërkuar. Kemi bërë një KK në nëntor. Kemi bërë një bashkim të dy çështjeve raportin e DASH dhe mocionin me debat për nenin 18 të ligjit e Kuvendit në procesin europian. Duhet të vijmë te pjesa për këtë debat. diskutimi në Konferencën e Kryetarëve, kam thënë në datën 7 apo 14 maj të zhvillojmë debatin që ramë dakord. Ju thoni e duam menjëherë, ne themi ta zhvillojmë më 7 apo 14 maj.

Ju thoni që mazhoranca u ka kufizuar, mohuar të drejtën që ju të sillni iniciativa ligjore, atë të miratimit të nismave. Nuk di, që shumica aktuale mes CDU dhe SPD të miratojë nisma ligjore nga AfD apo Green. Nuk ndodh. Ju thoni biem propozime, ju miratoni. Jemi të gatshëm të miratojmë propozimet, por jo me dhunë. As më forcë dhe gërdufje. Duhet të vini dhe ta prezantoni, diskutojmë dhe hajde miratojmë. Sot ju dashnorët integrimit, e kemi filluar legjislacionin në fund të shtatorit. Prej asaj dite ja ku kemi ligjet e përafrimit të legjislacionit të parakushteve të anëtarësimit të Shqipërisë në BE, 23 ligje. Në asnjërin prej tyre nuk gjendet asnjë votë pro e juaja. Në asnjërin prej tyre nuk gjendet një votë pro e PD. Ju vini dhe thoni pse nuk votoni ligjet tona. Këto nuk janë ligjet tona, por janë ligje të përafrimit të Shqipërisë me BE. Ka nga radhët tona që në grupe nuk kanë qenë dakord, ka qenë e vështirë për mua për ta sjellë në gërmën e legjislacionit europian.

Nëse ju e doni integrimin, anëtarësimin, sillni propozimet tuaja, për ligje komisione hetimore, mocione me debat por me variantin që o pranojeni këtë o ne.. nuk e bëjmë dot. Presione nuk hamë. Sa i përket fasadës së normalitetit të rremë apo përjashtimin nga procesi. Kush ju ka përjashtuar ju? Ju keni përjashtuar veten. Një qëndrim i deputetëve të PD ishte të zhvillohet mocioni me debat por pa datë, propozimi ynë të zhvillohet me 14 maj. Për çështjet e Europës.

The post Balla i drejtohet opozitës: Kemi 83 mandate dhe nuk hamë presione, ju s`keni votuar asnjë ligj të BE-së appeared first on Albeu.com.

Sipas tij, Komisioni Hetimor nuk duhet të jetë një “ekspeditë peshkimi”, duke shtuar se kërkesat e opozitës nuk ishin të formuluara si duhet. Ai ironizoi opozitën se nuk dinë që të bëjnë kërkesa për të ngritur komisione hetimore, pasi Gjykata Kushtetuese është shprehur se kërkesa duhet të bëhet për një çështje specifike.

Me ironi, ai shtoi se PS është e gatshme që të ofrojë ekspertizë për të formuluar kërkesat. Sipas Ballës, “opozita ka një qasje që dëmton punën e tyre. Nëse vazhdojnë me idenë ose këtë ose rashë e vdiqa nuk ka për të marrë kurrë asgjë”.

“Komisioni hetimor s’duhet të jetë ekspeditë peshkimi. Kërkesa e parë ishte e cila sipas një kolegeje deputete u tha se do të hetohet nëna natyre, moti apo perëndia sepse ka sjellë shumë shi, edhe në trajtë shakaje. Ndërkohë që thuhet të hetohen të gjitha procedurat nga 2014 deri në 2025 ndërkohë që nuk kishte çështje specifike. Duam të hetojmë psh mënyrën e prokurimit ndoshta, apo mënyrën e supervizimit.

Prandaj nuk ka qenë e qartë që nëse opozita s’di të fomrulojë një kërkesë për komision hetimor jemi të gatshëm t’u ofrojnë një nivel ekspertize. Kërkesa tjetër ishte më e qartë se të gjitha sa i përket pamundësisë që Kuvendi të ndërhyjë në një proces që është përfshirë një pushtet tjetër. Mbështetja jonë eplotë ndaj prokurorisë por në asnjë rast nuk duhet që kuvendi, pushteti legjislativ të ndërhyrjë në autoritetin e pushtetit gjyqësor”, tha ai.

Balla u pyet edhe për vetëofrimin e Erion Braçes për të kandiduar për bashkinë e Tiranës, si edhe për masat që paralajmëroi se do të marrë ndaj Elisa Spiropalit, pasi kjo nuk mori pjesë në seancën ku do të votohej për imunitetin e Belinda Ballukut, ish zv kryeministres nën akuzë nga SPAK.

“Nuk kam dëgjuar kritika. Dua të them që në PS secili ka të drejtën e vet të thotë gjithçka ca mendon. Jo pa qëllim kemi hapur proces të gjerë analize brenda PS ku secili është i lutur të vijë dhe të marrë pjesë deri në asamble, dhe sa i përket ambicies së çdo socialisti lidhur me proceset e ardhshme zgjedhore, pas vendimit të GJk nuk ka zgjedhje në Tiranë mes 15 prillit dhe 15 majit, kështu që do të kemi kohë. Për Spiropalin do iu njoftoj kur ta kemi vendimin”, shtoi ai.

The post PS rrëzoi kërkesat e opozitës, flet Balla: Komisionet Hetimore s’mund të jetë ekspedita peshkimi, po erdhën me idenë ‘rashë e vdiqa’, s’do marrin gjë appeared first on Albeu.com.

Topalli tërhoqi vëmendjen e kryetarit të Kuvendit, Niko Peleshi, duke i kërkuar që të ndjekë standarde të njëjta për të gjithë deputetët, përfshirë këtu dhe ndaj socialistëve, të cilët kërcënuan dhe ofenduan gratë demokrate, kryesisht Elda Hotin dhe Albana Vokshin.

Sipas Topallit kjo është e papranueshme dhe në këtë rast ajo riktheu dhe shprehjen e famshme “Do të nxjerr për zhele jashtë”, e cila sipas demokrates merr “kuptim” në këtë situatë.

“Nuk është normale dhe s’ka ndodhur kurrë që një nënë e dy fëmijëve, fëmijët e të cilës janë kërcënuar nga bandat gjatë fushatës elektorale, të fyhen me një fjalor vulgar, as në shpellat e mafias nuk përdoret, se edhe ato kanë një kod.

Nuk ka ndodhur kurrë që një mama tjetër me dy fëmijë të vegjël të kërcënohet gjatë seancës plenare dhe t’i thuhet “do të të tregoj unë ty”. Nuk ka ndodhur kurrë që deputeti të provokojë mbi dhimbjen e 4 katër dëshmorëve të demokracisë, të provokosh dhimbjen jo vetëm të 4 familjeve por një qyteti, gjak që është vendosur në bazën e një sistemi që ne do ta ndërtonim. Po kur një burrë provokon mbi të vdekurit dhe merret vetëm me gra, ka vetëm një shprehje për të: “Merre kryetar, kape për zhelesh dhe nxirre përjashta”, tha Topalli.

The post Shumë vite më pas, Jozefina Topalli nuk tërhiqet nga thënia, i kthehet Ballës me shprehjen e saj ikonike: Do të nxjerr për zhelesh përjashta! appeared first on Albeu.com.

Kryetari i Grupit Parlamentar te PS, Taulant Balla, teksa iu përgjigj opozitës, pati edhe një moment tensioni me deputeti Fatmir Mediu, të cilit i tha se duhet të japë hesap para drejtësisë, pasi ka vrarë 26 persona në Gërdec.

“Jep hesap para drejtësisë, mos më hajde këtu fare! Ti shko jep hesap para drejtësisë ke vrarë 26 veta. Na bën si përfaqësues i amerikanëve ka 20 vjet. Mjaft na bërë sikur je përfaqësues i kongresit”, iu drejtua Balla, Mediut.

Ndërsa Mediu dëgjohet të thotë, “boll o boll”.

Balla tha se opozita po e kthen këtë deklaratë në çështje politike, ndërsa shtoi se nuk ka asnjë shqetësim real nga institucionet.

Më herët, Fatmir Mediu kërkoi që të mblidhet Këshilli i Sigurisë Kombëtare në lidhje me rrezikun e mundshëm që Shqipëria mund të ketë nga Irani, ashtu siç deklaroi ambasada amerikane.

The post Balla përplaset me Mediun: Shko jep hesap para drejtësisë, ke 20 vite që na bën si përfaqësues i amerikanëve appeared first on Albeu.com.

Tashmë Elisa Spiropali, ka bërë një reagim në llogarinë e saj në rrjetin social “Facebook”, ku është shprehur se është: “plotësisht dakord. Nëse çështja kërkon konsultim me grupin parlamentar, atëherë është pikërisht ajo që duhet bërë pa vonesë”.

Më tej ajo i është drejtuar Ballës që të thërrasë grupin dhe të zhvillojnë një diskutim të plotë. “Vendimmarrja kolektive është forca e grupit të PS dhe garancia e legjitimitetit politik. Çdo qëndrim që del nga një diskutim i hapur, i troçtë dhe i ndërgjegjshëm, meriton respekt, pavarësisht drejtimit që merr” shtoi më tej ajo.

Postimi i plotë:

Taulant, e lexova me vonesë një deklaratë tënden publike.

Jam plotësisht dakord. Nëse çështja kërkon konsultim me grupin parlamentar, atëherë është pikërisht ajo që duhet bërë pa vonesë.

Thirre grupin dhe zhvillojmë një diskutim të plotë.

Vendimmarrja kolektive është forca e grupit të PS dhe garancia e legjitimitetit politik. Çdo qëndrim që del nga një diskutim i hapur, i troçtë dhe i ndërgjegjshëm, meriton respekt, pavarësisht drejtimit që merr.

Rëndësi ka që vendimi të jetë i menduar, i argumentuar dhe në përputhje me përgjegjësinë që kemi përballë publikut.

The post Socialistët do të vendosin për mungesën e saj në “Seancën e Ballukut”, Spiropali i përgjigjet Ballës: Jam plotësisht dakord, thirre grupin dhe diskutojmë appeared first on Albeu.com.

Balla shkruan se Partia Socialiste në zgjedhjet e 11 Majit, mori dy ndër tre vota të shqiptarëve jashtë territorit, në çerek milioni të regjistruar.

Ndërsa si drejtues politik i qarkut Tiranë, Balla deklaron se në zgjedhjet vendore 2027, ne synojmë t’i fitojmë të gjitha bashkitë e qarkut, pa asnjë përjashtim.

Postimi i plotë i Taulant Ballës:

Dy fjalë për dy detyrat që mu besuan sot Asambleja Kombëtare Edi Rama Partia Socialiste e Shqipërisë

Vota për herë të parë e diasporës më 11 Maj ishte historike. Partia Socialiste mori dy ndër tre vota të shqiptarëve jashtë territorit, në çerek milioni të regjistruar. Objektivi për 2029 do jetë trefish më i lartë.

Në Tiranë, në zgjedhjet vendore 2027, ne synojmë t’i fitojmë të gjitha bashkitë e qarkut, pa asnjë përjashtim.

The post U caktua drejtues politik/ Balla: Në zgjedhjet vendore 2027, synojmë t’i fitojmë të gjitha Bashkitë e qarkut Tiranë appeared first on Albeu.com.

Përmes një postimi në rrjetet sociale, Balla u shpreh se do rrisim investimet gjermane në Shqiperi dhe se Gjermania ka qenë ndër partnerët më të rëndësishëm të Shqipërisë gjatë 35 viteve të fundit, duke u renditur e para për mbështetjen e drejtpërdrejtë ndaj vendit.

Ai theksoi se aktualisht marrëdhëniet mes dy shteteve janë në nivelin më të lartë historik, duke reflektuar një bashkëpunim të konsoliduar në shumë fusha.

Sipas Ballës, të dy vendet bashkëpunojnë ngushtë edhe në kuadër të organizatave ndërkombëtare ku janë anëtare, ndërsa Gjermania mbetet një nga mbështetëset kryesore të rrugëtimit të Shqipërisë drejt Bashkimi Evropian.

Balla nënvizoi gjithashtu se në vijim pritet të rritet prania e kompanive gjermane në Shqipëri, duke e konsideruar këtë një tregues të rëndësishëm të besimit ekonomik dhe forcimit të mëtejshëm të partneritetit mes dy vendeve.

The post Balla nga Berlini: Do rrisim investimet gjermane në Shqipëri, marrëdhënie në kulmin historik appeared first on Albeu.com.

Përmes një reagimi publik, Balla shprehu keqardhje për vendimin e opozitës, duke theksuar se seanca është thirrur për të diskutuar një projekt-rezolutë që lidhet me qëndrimin e Shqipërisë ndaj Iran.

Sipas tij, në seancë pritet të propozohet një projekt-rezolutë “Për shpalljen e Republikës Islamike të Iranit si shtet sponsor të terrorizmit dhe si shtet që përdor mjete terroriste”, duke theksuar se ky është një qëndrim i domosdoshëm i Shqipërisë në krah të Shtetet e Bashkuara të Amerikës.

Ai kundërshtoi gjithashtu pretendimin e opozitës se seanca është thirrur në kundërshtim me rregulloren, duke e cilësuar këtë një gënjeshtër. Sipas Ballës, seanca e 17 marsit është propozuar që më 18 shkurt në Konferencën e Kryetarëve dhe është miratuar me vendim të seancës plenare rreth një muaj më parë.

Reagimi i Ballës:

Keqardhje për njoftimin se Grupi Parlamentar i Partisë Demokratike do ta bojkotojë seancën e nesërme të Kuvendit të Shqipërisë, me pretekstin se në këtë seancë është propozuar nga ne një projekt-rezolutë për “Për shpalljen e Republikës Islamike të Iranit si Shtet Sponsor i Terrorizmit dhe Shtet që përdor mjete terroriste”. Sipas tyre nevoja e menjëhershme e një qëndrimi të Shqipërisë përkrah SHBA ndaj veprimeve terroriste të Iranit, qenka një agjendë personale. Seriozisht e mendoni këtë, apo ta kuptojmë si një lapsus?! Sonte mund t’ju them se sqarimet se pse kjo Rezolutë është urgjente do t’i japim nesër në Konferencën e Kryetarëve dhe urojmë që deri nesër keni ende kohë të reflektoni. Gjithashtu qenka thënë se seanca është thirrur në kundërshim me Rregulloren. Gënjeshtër! Seanca e nesërme, ditën e Martë 17 Mars 2026, është propozuar në Konferencën e Kryetarëve të datës 18 Shkurt 2026 dhe miratuar me vendim të Seancës Plenare, pra një muaj më parë (referojuni proces-verbalit të Mbledhjes së Konferencës së Kryetarëve, të cilat janë publike). Kush ju ka urdhëruar të bojkotoni nesër seancën, nuk jua dashka të mirën ju dhe Shqipërisë.
Gëzuar Natën e Kadrit

The post PD bojkoton seancën, reagon Taulant Balla: Keqardhje për demokratët! Sipas tyre qëndrimi i Shqipërisë krah SHBA-së ndaj veprimeve terroriste të Iranit, qenka agjendë personale appeared first on Albeu.com.

Lidhur me këtë fakt, Flamur Noka, ka reaguar duke iu drejtuar kryetarit të Kuvendit për arsyen se përse gardisti po qëndron i vendosur tek tavolina e Ballës, gjatë kohës kur seanca vijonte punën.

Kujtojmë që në seancën e kaluar pati debate dhe përplasje, deri në tentativa fizike, pasi Balla ofendoi dhe fyeu deputeten e PD, Albana Vokshi, duke iu drejtuar asaj “për ty Albana kam numrin 0900”.

The post VIDEO/ Pas incidenteve në seancën e kaluar, gardisti merr në mbrojtje të veçantë Taulant Ballën appeared first on Albeu.com.