Nëse sherbeti i bakllavasë bëhet shumë i hollë, atëherë petat do të zbuten më shumë seç duhet.

Nga ana tjetër nëse sherbet del i trashë, bakllavaja humbet shkriftësinë e saj, dhe ngurtësohet.

Kripa, sekreti kundër ngrirjes së sherbetit.

Ky produkt ka një aftësi që duhet patjetër tek ruajtja e bakllavasë për një kohë të gjatë.

Shumë shpesh na ka ndodhur që edhe pse kemi ndjekur me përpikëri këshillat e recetave, sherbet i bakllavasë ngrin.

Nëse doni që të shmangni këtë problem, mjafton të shtoni tek sherbet juaj 1/3 e lugës së çajit me kripë.

Përgatitja e sherbetit 
Fillimisht përzieni sheqerin, kripën, lëkurën e limonit me ujin në një tenxhere.

Vendoseni në zjarr dhe nisni ta përzieni me telin e kuzhinës sa përbërësit të lidhen.

Nëse nuk e përzieni, sheqeri do të ngelet në fund të tenxheres dhe do të digjet, duke e prishur sherbetin tuaj.

Kur sherbet të fillojë të ziejë, ulni flakën e zjarrit tek më e ulëta.

Duhet ta lini të ziejë kështu për 30 minuta.

Kur doni një aromë më të fortë limoni, 10 minuta para se të largoni sherbetin nga zjarri hidhni 2 lugë çaji me lëng limoni.

Nëse e hidhni lëngun e limonit kur sherbetin e keni akoma duke zierë ai do të ngurtësohet./albeu.com

The post Kjo është përgatitja e duhur e shërbetit të bakllavasë, sekretet dhe truket që duhet t’i dini me patjetër appeared first on Albeu.com.