Kapedani u arrestua dje me urdhër të SPAK-ut, pasi ditën e zgjedhjeve të 14 majit iu ka premtuar dhe iu ka ofruar personave para me qëllim për të marrin pjesë në votime dhe për të blerë votat.

Për rrjedhojë Kapedani akuzohet për veprën penale “Korrupsioni aktiv në zgjedhje”. Burime bëjnë me dije se për të 39-vjeçarin nga Kavaja nuk ka pasur asnjë kallëzim nga qytetarë apo subjekte të ndryshme politike, por korrupsioni zgjedhor është zbuluar rastësisht gjatë përgjimeve telefonike të disa personave të tjerë, të cilët janë në hetim nga SPAK për vepra të tjera panale, por që nuk kanë lidhje me korrupsion zgjedhjesh.

Bisedat telefonike dhe sms-të në aplikacione komunikimi janë kryer pak ditë para zgjedhjeve, si dhe gjatë datës 14 maj, ditë kur qytetarët po votonin.
Kapedani ka mbështetur kandidatin e koalicionit “Bashkë Fitojmë”, Fisnik Qosja,

Në përgjime nuk përmenden shuma konkrete parash në këmbim të votës, por Kapedani linte takim fizik me personat që t’u jepte paratë që të votonin pro kandidatit që ai mbështeste, ndaj kandidatit të Berishës dhe Metës, Fisnik Qosja, i cili u shpall fitues në Kavajë./albeu.com/

The post Bleu vota për kandidatin e “Meta-Berisha” në Kavajë, përgjimet që çuan pas hekurave Klodian Kapedanin appeared first on Albeu.com.

Rama prezantoi kandidatin e PS-së, Kreshnik Hajdari, i cili rikandidon në krye të kësaj bashkie.

Nuk munguan akuzat dhe ironitë ndaj kandidatëve të koaliciont “Bashkë Fitojmë”. Kryeministri tha se kandidatët e Berishës dhe Metës përfaqësojnë faqen e zezë të Shqipërisë.

“Në 14 është një zgjedhje më e qartë se kurrë ndonjëherë. Nga njëra anë është PS me kandidatët e saj. Asnjë nga kandidatët tanë nuk ka rënë nga qielli, asnjë nuk është i përsosur, por ama kandidatët e tyre janë faqja më e zezë ndër shqiptarë. Janë kandidatët e faqes së zezë të atyre të dyve që i kanë marrë dhe i kanë vënë për t’u turrur nëpër bashkitë e vendit dhe për të marrë peng këdo që mund të marrin peng. Janë kandidatët e faqes së zezë të një gërdalle 80-vjeçare”, tha Rama./albeu.com/

The post Rama në Kuçovë: Kandidatët e “Bashkë Fitojmë”, faqja e zezë e një gërdalle 80-vjeçare appeared first on Albeu.com.

Në prezantimin e kandidatit krahas ish-kryeministrit, Sali Berisha, ishte edhe deputetja e Partisë së Lirisë, Monika Kryemadhi. Në fjalën e saj ajo tha se opozita do të fitojë betejën e 14 majit.

Kryemadhi u shpreh e bindur se kandidati Evdar Kodheli i cili është financier, ekonomist do të bëjë dhe do të paraqesië planin më të mirë për bashkinë e Fierit.

Më tej ajo tha se Berisha i ka mësuar të mos kenë frikë të përballen me krimin, mashtrimin dhe shantazhin.

“Sot ne prezantojmë kandidatin e opozitës për qytetin e Fierit. Suksese kryetar! E di që është betejë e vështirë, por me një ekip të mrekullueshëm, me demokratët e vërtetë të qytetit të Fierit unë jam e bindur që sfida juaj është e realizuar.
Jo për ju po për Fierin dhe për fierakët, për djemtë dhe vajzat e Fierit që sot janë larguar nga qyteti sepse nuk kanë punë, nuk kanë mundësi të zhvillojnë jetën e tyre, sepse sot në Fier ke vetëm pensionistë dhe të papunë, dhe djemtë dhe vajzat e qytetit të Fierit, bashkisë më të pasur të Shqipërisë, janë rrugëve të europës ku enden për të gjetur dhe ndërtuar një jetë më të mirë.
Sot ne kemi përballë një kandidat për kryetar bashkie që pazar për të mos u paraqitur përballë drejtësisë, që është Armando Subashi, i cili bën sikur ka bërë investime të mëdha, por kemi rafineritë e naftës të mbyllura, kemi naftëtarët pa punë, kemi turizmin që nuk ekziston fare, kemi biznese të cilat mbyllen përditë, kemi një bujqësi e cila shkatërrohet çdo ditë e më shumë për shkak të mungesës jo vetëm të fuqisë punëtore por edhe të subvencioneve. Unë jam e bindur që kandidati ynë Evdar Kodheli i cili është financier, ekonomist do të bëjë dhe do të paraqesië planin më të mirë për bashkinë e Fierit, për atë që fjerakët meritojnë. Ky qytet ka nevojë për ndryshimin e vërtetë që duhet të ndodhë në tërë Shqipërinë. Berisha na mësoi të mos kemi frikë të përballemi me krimin, mashtrimin dhe shantazhin dhe kjo është rruga për çdo të ri“, deklaroi më tej Monika Kryemadhi./albeu.com/

The post “Bashkë Fitojmë” prezanton kandidatin për bashkinë Fier, Kryemadhi: Berisha na mësoi të mos kemi frikë të përballemi me krimin appeared first on Albeu.com.