Baçi e vlerësoi kërkesën e Shehajt për interpelancë me ministren Belinda Balluku, duke e cilësuar atë si një veprim opozitar.

Gjithashtu, ai theksoi se në opozitë ka pasur gjithnjë elementë që kanë pasur mënyrat e tyre të të bërit opozitë, por këta të fundit nuk mund të “merren me zor” dhe “t’u imponohet axhenda” e PD.

“Shumë mirë bëri Shehaj që kërkoi interpelancë me Ballukun. Kjo ishte opozitë. Ai bën opozitë në mënyrën e tij. Ka opozitarë që kanë mënyrat e tyre dhe ne nuk mund të marrim me zor të imponojmë axhendën tonë opozitare”, u shpreh Baçi.

The post Përplasja fizike Noka-Shehaj, Baçi: Bëri mirë që kërkoi interpelance me Ballukun, kjo është opozitë appeared first on Albeu.com.

Sipas tij ky veprim që do të bëjnë në zyrat e Bashkimit Evropian nuk do ti penalizojë tek elektorati, madje thotë se do marrin vlerësim edhe nga socialistët e ndershëm.

Luan Baçi pretendon se Bashkimi Evropian është ‘dezinformuar nga mënyra sesi ne kemi qenë në qasje me BE dhe nuk kemi pasur as kohën dhe mundësitë të merreshim me veten’.

Luan Baçi: E parë e punës po të ishim anti-evropian nuk do të shkonim në BE për të protestuar dhe për të kërkuar solidarizim dhe për të dhënë një informacion të plotë për atë se çfarë ndodh në Shqipëri

Ndihmojmë në demokratizimin e vendit dhe ne marrim vlerësim nga elektorati, jo vetëm elektorati ynë por edhe nga socialistet e ndershëm.

Si mundet ne të humbasim pike me këtë veprim, përkundrazi ne jemi më pro evropianët me këtë veprim që bëjmë. Është një veprim i vonuar për mendimin tim dhe duhet të ishte bërë më shpejt.

Për problematikat tona të brendshme është dezinformuar BE nga mënyra sesi ne kemi qenë në qasje me BE dhe nuk kemi pasur as kohën dhe mundësitë të merreshim me veten.

The post Opozita protestë në Strasburg/ Baçi: Veprim i vonuar, duhet të ishte bërë më parë appeared first on Albeu.com.

Pyetje: A keni të drejtë të shtyni një polic ashtu? Është zbatues i ligjit.

Luan Baçi: Absolutisht jo dhe absolutisht nuk e kam bërë! Por në momentin që vihemi mes dy zjarreve. Kemi punonjësit e Gardës dhe punonjës të policisë. Kthehemi në oborr të Parlamentit dhe përsëri na dalin të FNSH-së, me skafandra që na i vënë në fytyrë për të mos ikur. Kemi kapur skafandrën për t’i larguar. Meqë ai zbaton urdhrin e padrejtë, ne duhet të nënshtrohemi?! Ramën nuk e takojmë dot, është e pamundur të takosh urdhërdhënësin. Unë nuk pretendoj, se kam qenë aty dhe e kam parë. Polici që ka qenë aty, hapi xhaketën si te filmat me cowboys, më pa drejt në sy dhe kapi pistoletën ashtu. Më vjen keq që reagova në moment, që mora kapelen dhe ia hodha në fytyrë.

Pyetje: Ndërkohë policia thotë është bombul spraji…

Luan Baçi: Është deklaratë e PS-së, pavarësisht se e çon policia. Pse kur u agravua situata dhe shumë kolegë erdhën e panë skenën, deputetja Hoti bëri filmimin. Të gjithë punonjësit, forcat e FNSH u larguan për të mos u zbuluar. Drejtuesi i Gardës u habit tha ç’duan këta këtu? Kjo nuk është nxjerrje arme e një polici ndaj një deputeti, është në vazhdën e gjithë presioneve të kësaj mazhorance ndaj opozitës.

The post Incidenti jashtë Kuvendit, Baçi: Efektivi më pa drejt në sy dhe kapi pistoletën… appeared first on Albeu.com.

Baçi tha se është thirrur nga prokurorët pak muaj më parë, dhe se kur kishte shkuar për herë të parë, i kishin marrë edhe telefonin.

Ai zbuloi se është pyetur për pasurinë, dhe pronat që ka.

“Në SPAK kam qenë dhe unë, më ka marrë në telefon një oficer i SPAK dhe më tha duhet të vish për një deklarim. Shkova deklarova. Më thirrën për një denoncim të bërë për mua nga një patronazhist nga Fieri, që thoshte se s’kam deklaruar të ardhurat. Ka nja dy tre tre katër muaj…

SPAK kishte marrë denoncimin, kishte marrë dokumentacionin e hapi dosjen dhe mori deklarimin nga unë. Më tha sa prona ke, i  thashë kam këtë këtë… Jo po të më nxirrnin urdhër paraqitu, se nuk do veja nëse do ishte në atë formë. Ka procedurë ligjore”, deklaroi Baçi në “Report Tv”.

The post “Më morën telefonin …”, Deputeti i PD: Më thirrën në SPAK, po hetohem për fshehje pasurie appeared first on Albeu.com.

Filozofi francez, Zhylien Benda, shkroi gati njëqind vite më parë atë që njihet si “Tradhtia e intelektualëve”. Ai parashikoi se e keqja e shoqërive të sotme do të kulmonte me shkatërrimin moral të atyre që paguhen për të edukuar breza.

Dhe sot, në vend të debatimit për nevojat morale e kulturore të shoqërisë, debatohet për treg, për blerje dhe shitje, duke kaluar në plan të parë argëtimin. Kjo “tradhti intelektuale” ka sjellë më pas edhe djerrinën e madhe të autoritetit të tyre.

Shoqëria shqiptare të paktën ka kohë që nuk i referohet ndonjë kënaqësie të debatit intelektual e as nuk i drejtohet më atyre për zgjidhje. Aq më pak duket e i merr në konsideratë politika, pasi autoriteti i tyre për të përballur jetën me dinjitet ka rënë, duke i dhënë fuqinë botës së spektaklit.

Në këtë betejë kanë kaluar në thuajse në mosqënie edhe autoritetet fetare, të cilët nuk gjejnë hapësirën e duhur për t’u përballur publikisht me shqetësimet e sotme të shoqërisë. Ata kanë mbetur peng i së shkuarës së fitoreve historike dhe thirrjet e tyre janë si në fundin e një shpelle, ku i dëgjohet jehona, por jo fuqia e vërtetë e asaj që dëshirojnë të thonë.

Madje, me përfaqësuesit e institucioneve të së shenjtës është krijuar një situatë cinike, pasi janë kthyer në koncepte muzeale të shoqërisë, pasi në mënyrë krejt të hapur kthehen në panair vizitorësh vetëm në raste festash, ndërkohë që në përditshmërinë tonë zëri i tyre është i papërfillshëm.

Në këtë kryqëzim, ku as elitat intelektuale e as ato fetare nuk mundet dot të frenojnë këtë dëshirë për argëtim – që nuk është veçse një dëshirë për t’iu larguar realitetit dhe vetes- manipulimi i mendjes rrezikon të bëhet gjithnjë e më i lehtë nga ata që duan të dominojnë jetët tona.

Kjo, edhe për faktin se mosdëgjimi i zërit të elitave dhe autoriteteve fetare i ka zhdukur kufijtë mes së mirës e së keqes dhe mes së vërtetës dhe gënjeshtrës. Një zhdukje e tillë kufiri na sjell në skenë atë njeri të parashikuar nga shkrimtari i madh Dostojevski, “njeriun që nuk do të ketë turp nga asgjë”.

Dhe njeriu që nuk ka turp nga asgjë, është njeriu që me shumë kënaqësi i ikën së vërtetës për të jetuar në argëtim, në harresë. Për një njeri të tillë, debati moral nuk ekziston dhe pyetjet që kanë dominuar që në fillesat e saj botën, si “Përse ia vlen të rrojmë?”, “Përse të vdesim?”, “Çfarë është e shenjtë?”, “Çfarë është e drejtë?”, rrezikojnë të përfundojnë në një muze të së shkuarës.

Për të shpëtuar nga kjo djerrinë, është e rëndësishme të gjejmë shtegun e pyetjeve morale. Kjo nuk do të thotë të shmangim komunikimin, por në syrin e kamerës të mos lejojmë të fitojë imitimi, por të bëjmë çdo përpjekje që të triumfojë bindja se njeriu është i lirë.

Të paktën, elitat fetare kanë detyrë që të gjejnë çdo hapësirë për t’i kujtuar njeriut se nga çdo krijesë tjetër e dallon liria për të vendosur, liria për të gjykuar. Dhe këto elita duhet t’u drejtohen sidomos atyre që paguhen për të edukuar brezat. /albeu.com

The post Intelektualët shqiptarë të harruar, shoqëria pa “frena” drejt të pamoralshmes appeared first on Albeu.com.

Diku nga fundi i sallës ai iu drejtua kryetares Nikolla që të konsultohet para se të marrë vendime, pasi atë mund ta shkarkojnë vetëm demokratët që e kanë votuar.

“Në vendin ku ulesha zakonisht gjeta një emër tjetër. Ju duhet të konsultoheni para se të merrni këto vendime. Para se të bëni përjashtime është në detyrën tuaj që ne të marrim një informacion përpara se të ndodheni në këto situata. Dikush më tha emrin e  ke  në korridor e ke aty. Sa për dijeni tuaj unë jam deputeti më i votuar nga 6 të tjerët në Fier. Mund të më përjashtojnë vetëm demokratët. Hiqeni për nga marrëveshja që keni të hapur tani duke zbatuar çdo përpikmëri nga deputeti Basha”, tha Baçi./albeu.com

The post Gjeti emër tjetër në vendin ku ulej gjithmonë, Baçi-Nikollës: Konsultohu para se të marrësh vendime appeared first on Albeu.com.