42-vjeçari shqiptar ishte ulur me dy djemtë e tij, 23 dhe 17 vjeç, në një stol në shesh, kur anëtarët e bandës së pamëshirshme iu afruan. Sipas burimeve policore, të pestët ishin të veshur me rroba të zeza dhe kapuç, ndërsa drejtuesi i kishte të pambuluara tiparet e fytyrës. Ishte ai që iu afrua familjes shqiptare dhe me ton të fortë i kërkoi babait t’i jepte 5000 euro.

42-vjeçari shqiptar është përgjigjur se nuk do t’i japë paratë që kërkon dhe më pas gjashtë autorët kanë filluar ta godasin me grushte dhe shkelma në kokë, derisa ai ra përtokë i gjakosur. Njëri prej grabitësve i ka rrëmbyer celularin, ndërsa anëtarët e tjerë të bandës kanë sulmuar edhe djemtë e tij. Në fakt, 23-vjeçari ka mbetur i plagosur në brinjë dhe i është hequr zinxhiri prej floriri nga qafa.

Autorët janë larguar me vrap, ndërsa viktimat janë dërguar në spital, ku iu është dhënë ndihma e parë. Sipas dëshmive të viktimave, kreu i bandës është bashkëkombasi i tyre dhe vetëm 18 vjeç.

Siç konstatuan punonjësit e policisë së Kolonos, nga dosja e tij, ai është me precedentë për krime të ngjashme. Vijojnë hetimet për identifikimin e gjashtë anëtarëve të bandës së grabitësve.

The post Babai shqiptar me dy djemtë e tij rrihen brutalisht në Greqi, grabitësit u kërkojnë 5000 euro appeared first on Albeu.com.

Më 17 janar të këtij viti ndodhi “një mrekulli”. Ekipi mjekësor në Itali kreu transplantin e parë të mushkërive nga një donator i gjallë.

Vogëlushi ka lënë spitalin një muaj pas ndërhyrjes dhe tashmë ai është në gjendje të mirë shëndetësore.

Familja e tij u shpërngul në Itali në verën e vitit 2018 kur fëmija ishte vetëm një vjeç. Mamaja e tij mbërriti e para ndërkohë babai u bashkua me ata pas disa kohësh pasi la punën e tij si inxhinier ndërtimi në Shqipëri.

Një vit pas shpërnguljes së tyre në Itali, djali i tyre ishte nisur për në spital pasi kishte pasur disa shenja sëmundjeje. Pas analizave mbërrin diagnoza e talasemisë apo anemisë mesdhetare, dhe rezulton për një çrregullim gjaku.

Në verën e vitit 2021 u kërkua transplant i palcës së eshtrave. Ndërhyrja u krye në vitin 2023 dhe transplanti u krye me sukses dhe tashmë 5-vjeçari është në gjendje mjaft të mirë shëndetësore./Albeu.com/

The post Transplanti i parë nga një donator i gjallë në Itali, babai shqiptar i dhuron mushkërinë djalit 5-vjeçar dhe i shpëton jetën appeared first on Albeu.com.

Sipas raportimeve të mediave greke, avokati mbrojtës i shqiptarit Nikos Angelopoulos ka bërë me dije se shqiptari ka kërkuar falje dhe ka pretenduar se dhuna ka ndodhur si pasojë e “një momenti të keq”.

Sipas tij, babai ka pohuar se nuk ka ditur të përballet me të qarat e fëmijës dhe se tani është në gjendje të keqe.

E ëma, e cila po ashtu u arrestua, është lënë e lirë dhe po ashtu të mërkurën do të dalë në hetuesi. Ata së bashku, përveç dhunës ndaj fëmijës që ndodhet në intubim në spital, po përballen edhe me akuza për mbajtje armësh dhe droge. Pasi gjatë kontrollit në shtëpi, çiftit iu gjet një armë dhe një sasi e vogël hashashi.

Nga ana tjetër, mjekët në spitalin e Fëmijëve e cilësojnë gjendjen e foshnjës si jashtëzakonisht të rëndë dhe “një bixhoz të madh” për t’i shpëtuar jetën. Kjo pasi ka marrë lëndime të mëdha në kokë e gjoks.

The post “Po qante shumë”, babai shqiptar dhunoi foshnjën, rrëfehet në Prokurori: Ishte “një moment i keq” (VIDEO) appeared first on Albeu.com.

Një foshnjë shqiptare katër muajshe ndodhet e shtruar e intubuar dhe në gjendje shumë të rëndë në spitalin e fëmijëve “Agjia Sofia” në Greqi. Sipas Protothema, gjithçka nisi pasditen e së shtunës kur prindërit e tij e morën nga një fshat i komunës së Trifilisë ku jetojnë në spitalin e Kyparissias pasi fëmija kishte konvulsione.

Mjekët që e kanë ekzaminuar kanë konsideruar se ai duhet të dërgohet në spitalin e Kalamatës, siç është bërë mbrëmjen e së shtunës. Kur foshnja mbërriti në Kalamatë dhe u kontrollua nga mjekët, u pa e nevojshme intubimi i tij dhe transferimi në spitalin e Athinës.

Në të njëjtën kohë, mjekët kanë njoftuar policinë pasi kanë zbuluar se fëmija vuante nga sindroma e lëkundjeve dhe kishte të nxira në trup. Babai i fëmijës, 20-vjeçari shqiptar ka udhëtuar me foshnjën drejt Athinës, por pak më pas është arrestuar nga autoritetet. Ai ndodhet aktualisht në policinë e Mesinisë, pasi ndaj tij është ngritur një çështje për dhunë në familje dhe nesër paradite pritet të dalë në prokurorinë e Qiparisisë.

The post Me të nxira në trup, intubohet foshnja në Athinë, arrestohet babai shqiptar, dyshohet për dhunë appeared first on Albeu.com.

Raportohet se bëhet fjalë për një masakër, ku babi shqiptar vrau fillimisht gruan e tij dhe më pas dy fëmijët e vegjël dhe më pas u vetëvra.

Lajmin e bëjnë të ditur mediat greke./albeu.com/

The post E RËNDË/ Babai shqiptar “shuan” familjen e tij dhe më pas vret veten appeared first on Albeu.com.