Barcelona po shqyrton me seriozitet mundësinë e transferimit të mesfushorit maroken Azzedine Ounahi nga Girona, pasi dëmtimi i Frenkie De Jongut ka krijuar një boshllëk të rëndësishëm në repartin e mesfushës.

Futbollisti holandez pritet të qëndrojë jashtë fushave për tre deri në katër muaj, pas këputjes së ligamentit kolateral medial në gjurin e djathtë.

Sipas emisionit spanjoll El Chiringuito, drejtuesit katalanas po e vlerësojnë 26-vjeçarin si një alternativë të përshtatshme për skuadrën. Situata është bërë edhe më urgjente për shkak të largimit të mundshëm të Marc Casados.

Girona, që sezonin e ardhshëm do ta zhvillojë në kategorinë e dytë spanjolle pas rënies nga La Liga, kërkon 25 milionë euro për Ounahin, vlerë që përkon me klauzolën e tij të lirimit.

Barcelona nuk është klubi i vetëm që po ndjek mesfushorin maroken. Edhe Ajaxi, nën drejtimin e ish-trajnerit të tij Michel, raportohet se po e monitoron nga afër situatën.

Drejtori sportiv Deco ndodhet përballë presionit për të gjetur një zgjidhje sa më shpejt, pasi në dispozicion të Barcelonës për mesfushën janë aktualisht Pedri, Gavi dhe Marc Bernal, ndërsa sezoni i ri po afron.

Megjithëse Girona nuk arriti të qëndronte në elitën e futbollit spanjoll, Ounahi la pas një sezon pozitiv në planin personal. Ai realizoi pesë gola dhe regjistroi dy asistime në 24 ndeshje kampionati, duke u renditur mes lojtarëve më të dalluar të ekipit.

Një dëmtim e privoi atë nga përballjet me Barcelonën në dy ndeshjet e sezonit të kaluar, ndonëse Michel e konsideronte një prej elementeve kryesore të skuadrës së tij.

Ounahi ka një profil më ofensiv dhe mund të aktivizohet si mesfushor sulmues ose në krah, por Barcelona mendon se ai mund të përshtatet për të mbuluar mungesën afatgjatë të De Jongut.

The post Barcelona synon Azzedine Ounahin, Deco vihet në lëvizje për transferimin appeared first on Albeu.com.

Pas mbylljes së ndeshjeve të fazës së 1/8-tës, është përpiluar formacioni më i mirë në skemën 4-2-3-1, i përbërë nga futbollistët që u dalluan me paraqitjet e tyre dhe patën rol të drejtpërdrejtë në kualifikimin e kombëtareve përkatëse në çerekfinalet e Kupës së Botës 2026.

Kjo fazë prodhoi emocione të mëdha, surpriza në rezultate dhe performanca individuale që rezultuan vendimtare në çastet kyçe të ndeshjeve.

Nga ndërhyrjet vendimtare të portierëve te qëndrueshmëria në mbrojtje, kontrolli dhe imagjinata në mesfushë, si edhe konkretizimi në repartin ofensiv, disa lojtarë u veçuan qartë dhe i udhëhoqën kombëtaret e tyre drejt fazës çerekfinale të Kupës së Botës 2026.

Mes shtyllave është përzgjedhur norvegjezi Orjan Nyland, i cili me pritjet e tij vendimtare u bë një nga figurat kryesore të kualifikimit historik të Norvegjisë.

Në vijën e mbrojtjes bëjnë pjesë Noussair Mazraoui, Cristian Romero, Nico Elvedi dhe Achraf Hakimi, katër futbollistë që spikatën për sigurinë në lojë, ndërhyrjet e rëndësishme dhe ndikimin e tyre të madh në të dy drejtimet e fushës.

Në mesin e fushës janë vendosur Azzedine Ounahi dhe Jude Bellingham, të cilët u imponuan me energjinë, menaxhimin e lojës dhe ndikimin në ritmin e takimeve.

Përpara tyre qëndrojnë Andreas Schjelderup, Charles De Ketelaere dhe Lionel Messi, tre emra që shkëlqyen me gola, asistime dhe çaste magjike, duke qenë mes protagonistëve më të mëdhenj të këtij raundi.

Në krye të sulmit është Erling Haaland, që e udhëhoqi Norvegjinë drejt një kualifikimi historik dhe rikonfirmoi edhe një herë se mbetet një nga sulmuesit më të rrezikshëm të futbollit botëror.

Ky formacion 4-2-3-1 përmbledh lojtarët që lanë gjurmën më të thellë në fazën e 1/8-tës dhe që me paraqitjet e tyre u bënë vendimtarë në rrugëtimin e kombëtareve drejt tetë më të mirave të Botërorit 2026.

The post Formacioni ideal i fazës së 1/8-tës: 11 lojtarët që çuan kombëtaret e tyre në çerekfinalet e Kupës së Botës 2026 appeared first on Albeu.com.

Mesfushori maroken ishte një nga zbulimet dhe tashmë disa skuadra janë duke ndjekur hapat e tij, me kontakte të drejtpërdrejta me Angers dhe shoqëruesit e tij. Mes tyre është edhe Interi, por edhe Napoli e sipas zërave të fundit të konfirmuar edhe disa ekipe nga Franca janë të interesuara.

Sipas mediave, “zikaltrit” dhe Napoli janë në garë për lojtarin, ashtu si Barcelona, ​​por deri më tani, skuadra më favorite duket të jetë Olympique Marseille, e cila në javët e ardhshme do të formulojë një ofertë 20-25 milionë euro për mesfushorin e Angers. /albeu.com

The post Inter, Napoli e Barça në “garë” për Ounahi, por oferta e parë vjen nga Franca appeared first on Albeu.com.

Ndër lojtarët që la më shumë gjurmë në rrugëtimin e marokenëve ishte dhe 22-vjeçari, Azzedine Ounahi, i cili është kthyer në “synimin” e shumë klubeve në Evropë.

Ndër klubet është dhe Napoli, që e konsideron talentin e Angers, si një nga objektivat më të mëdhenj për sezonin e ardhshëm.

Drejtori sporti i napoletanëve, Cristiano Guintoli e kishte ndjekur prej disa kohësh, por shërbimet e ofruara në Katar duket se e kanë bindur drejtorin sportiv të përshpejtojë duke nisur kontaktet e para konkrete me klubin francez, edhe për shkak se konkurrenca është dendur në mënyrë të pashmangshme dhe çmimi është rritur ndjeshëm. /albeu.com

The post Gjithë Evropa “pas” marokenit, Napoli futet në garë për Azzedine Ounahi appeared first on Albeu.com.