Burime bëjnë me dije se autoritetet tona i kanë refuzuar azilin politik shtetasit turk, duke vendosur deportimin e tij drejt Turqisë.

Sipas të dhënave ai është deportuar në orët e para të mëngjesit.

Emre Olur ka lindur në vitin 1996 në Bahçelievler të Stambollit, raporton abcnews.al.

Ai njihet si “këshilltari i shtypit” i kreut të një organizate kriminale, Sedat Peker. Pra Olur është zëdhënësi për mediat i Sedat Peker.

Ky i fundit prej dy vitesh nuk ka shkelur më në tokën turke, për shkak se sipas mediave turke ka një konflikt të hapur me ministrin e Brendshëm të këtij shteti, për shkak të aktiviteteve kriminale mes grupeve të ndryshme në Turqi.

Prej dy vitesh ai, nuk ka pasur një vendqëndrim fiks, pasi siç raportojnë mediat turke, Sedat Peker, ka qëndruar në Kosovë, Maqedoninë e Veriut, Egjipt, ndërsa aktualisht ndodhet në Dubai, ku edhe ka njerëzit e tij, përfshirë edhe Emre Olur.

Mediat turke raportojnë një detaj të rëndësishëm, për Emre Olur, për të cilinë shkruajnë se dyshohet të ketë nënshtetësi shqiptare. Sipas gazetarëve turq, Olur është thirrur nga autoritet shqiptare, vetëm disa ditë pasi ai kishte udhëtuar drejt Dubait. Mësohet se autoritete shqiptare kanë pretenduar se turku Emre Olur kishte probleme me dokumentacionin, për këtë arsye e kanë thirru për verifikime të mëtejshme. Në momentin që ai ka udhëtuar drejt Shqipërisë, është ndaluar dhe po mbahet në komisariatin e Rinasit. Olur sipas mediave turke është tentuar që të niset drejt Turqisë, por në këtë moment kanë ndërhyrë avokatët shqiptar, duke thënë se atij i rrezikohej jeta.

Mediat turke, Emre Olurin e cilësojnë si “konsulenti i shtypit” i kreut të krimit të organizuar, Sedat Peker. Peker kishte një kanal në Youtube ku vitin e kaluar publikonte fakte që vërtetonin lidhjen mes politikës dhe drejtuesve të lartë dhe mafias. Me arratisjen jashtë shtetit të Sedat Pekerit, Olur doli në pah, pasi Peker përgjigjet në rrjetet sociale i jepte në emër të kreut të organizatës kriminale.

Prej të paktën 6 muajsh, Peker postonte vetëm me profilin e Emre Olur, duke shmangur profilin e tij zyrtare në Twitter dhe rrjetet e tjera sociale.

The post Kërkoi azil politik në Shqipëri, gazetari turk deportohet drejt vendit të tij appeared first on Albeu.com.

Rama vizitë urgjente dhe të paparashikuar, në Hungari.

Përse ky ngut për në Budapest?

Ja çështjet që mund të ngrihen brenda saj:

Nikola Gruevski, ish kryeministri i Maqedonisë së Veriut, ndodhet me azil politik në Hungari, dhe shkoi atje, pasi u dënua për korrupsion nga gjykata e Shkupit;

Meta është mik i Gruevskit; kjo dihet botërisht.

Edhe Meta, presidenti aktual i Shqipërisë, është duke shkuar drejt procesit penal, njëlloj si Gruevski.

Por…

Edhe Gruevski edhe Meta janë antiamerikanë.

Po Rama, çfarë po kërkon në Hungari?

Siç duket e ka nisur politika amerikane, pikërisht për Metën, me detyrë diplomatike kundrejt kryeministrit aktual të Hungarisë, për mospranimin e azilit politik që mund të kërkojë Ilir Meta.

A do të dalë me sukses kërkesa anti-Meta e Ramës në Hungari?

Gjithsesi, tani një gjë është e sigurt: shkarkimi i Metës është çështje ditësh.

Po, misioni i Ramës?

Të shohim… Por, unë jam i bindur se në Budapest ai ka shkuar sipas kërkesës amerikane për të takuar kryeministrin e Hungarisë Viktor Orban, në lidhje me Metën.

“Kërkesë” kjo, të cilën Rama mund ta servirë me një kërcënim diplomatik të politikës amerikane.

Të shohim…/albeu.com

*Marrë nga Facebook-u i autorit

The post “Shkarkimi i Metës dhe azili politik”  Pse Rama zhvilloi vizitë urgjente në Hungari appeared first on Albeu.com.

I pyetur nga panelistet në emisionin OPEN, Burimi tha se mund të ketë një skenar të tillë, por kjo është vetëm hipotezë.

“Është një rast i veçantë. Janë dy shtetas të huaj që gjykohen në Francë. Unë mendoj se avokati po studion. Mendoj se procedura i kap afatet. Nëse deklarata është bërë më 15 maj nga DASH, duhet që deri më 15 gusht hetimi të ketë përfundur. Nëse kërkohet gjykim i menjëhershëm, pa hetim, atëherë tejkalohen afatet.

Avokati mund të shkojë deri aty deri sa të thotë se SHBA-të janë në konflikt interesi, pasi amerikanët në Shqipëri kanë financuar reformën në drejtësi. Dhe vendosja në listën e zezë implikon drejtësinë. Nëse Berisha i druhet ndonjë reprezalje në Shqipëri, avokati kërkon azil politik.”, tha Burimi.

Pas shpalljes “non grata”, ish-kryeministri Sali Berisha paditi në një gjykatë franceze, sekretarin amerikan të Shtetit, Blinken. Ai pajtoi avokatin e njohur të VIP-ave, Jean Yves Le Borgne, ndërsa nuk tregoi se kush do ta paguajë atë.

The post A ekziston mundësia që Sali Berisha të kërkojë azil politik në Francë? Përgjigjet gazetari appeared first on Albeu.com.