Numri total i të vdekurve të konfirmuar në Vietnamështë tani 91, me 11 të tjerë të zhdukur, pasi shirat e fortë që nisën një javë më parë shkaktuan përmbytje të rënda dhe rrëshqitje dheu duke nisur nga provinca Quang Tri deri në Lam Dong, një shtrirje prej 800 kilometrash përgjatë rajonit qendror të vendit, përfshirë zonat malore.

Në Dak Lak, e cila është provinca më e goditur, 63 persona kanë humbur jetën, kryesisht nga mbytja. Viktima të tjera u raportuan në provincat Khanh Hoa, Lam Dong, Gia Lai, Danang, Hue dhe Quang Tri.

Krishtlindje me masa sigurie/ Gjermani, hapen tregjet e festës, një vit pas sulmit terro*ist
Me rrugët e shkatërruara në shumë zona, helikopterët janë përdorur për të hedhur ushqime dhe ndihma, si dhe për të ndihmuar në evakuimin e njerëzve.

Pas një pushimi të reshjeve gjatë fundjavës, Pham Thu Huyen ishte një nga qindra banorë dhe vizitorë që ndihmuan në pastrimin e mbeturinave të sjella nga uji në Nha Trang, një destinacion turistik i njohur në provincën Khanh Hoa, i famshëm për plazhet me rërë të bardhë.

“Ne kurrë nuk kemi përjetuar kaq shumë shi dhe përmbytje kaq të këqija,” tha 45-vjeçarja.

Ujërat kanë dëmtuar edhe të korrat e këtij viti, duke përmbytur fermat e kafesë në Dak Lak, rajoni kryesor i prodhimit të kafesë në Vietnam.

Dëmet deri tani vlerësohen rreth 500 milionë dollarë nga ky cikël përmbytjesh.

Ujërat kanë filluar të tërhiqen, por agjencia e motit e Vietnamit paralajmëroi se me reshjet që vazhdojnë në disa vende, rreziqet mbeten, dhe se një depresion tropikal i ri po formohet që mund të sjellë mot më të keq më vonë gjatë javës.

Vietnami është ndër vendet më të rrezikuara nga përmbytjet në botë, me gati gjysmën e popullsisë që jeton në zona me rrezik të lartë. Shkencëtarët paralajmërojnë se ngrohja globale po intensifikon stuhitë dhe reshjet në Azinë Juglindore, duke i bërë përmbytjet dhe rrëshqitjet e dheut gjithnjë e më shkatërruese dhe të shpeshta.

Në Tajlandë, reshjet e dendura në jug të vendit shkaktuan përmbytje të rënda gjatë fundjavës, duke prekur gati 2 milionë njerëz. Pesë persona u vranë dhe katër të tjerë u plagosën në gjashtë provinca jugore.

Dhjetë provinca në jug janë goditur nga reshje të dendura gjatë javës së fundit, dhe zyrtarët paralajmëruan të hënën se nivelet e ujit pritet të rriten më tej me reshjet që do të vazhdojnë deri të martën.

Qyteti Hat Yai, një qendër e madhe ekonomike në provincën Songkhla, u godit me 335 milimetra shi të premten, shifra më e lartë 24-orëshe në 300 vjet, thanë zyrtarët.

Nga e mërkura deri të premten, qyteti pa 630 milimetra shi, duke e bërë të vështirë evakuimin, ndërsa qindra banorë dhe turistë mbetën të bllokuar në shtëpi dhe hotele, gjë që detyroi ekipet e emergjencës të përdorin varka shpëtimi për të transportuar njerëzit përgjatë rrugëve të përmbytura.

Tajlanda ishte goditur më herët këtë vit nga përmbytje të gjera në veri, të ndjekura nga muaj përmbytjesh në rajonin qendror, që vranë mbi dy dhjetëra persona. Ato përmbytje shkaktuan gjithashtu dëme të mëdha në fushat bujqësore dhe mijëra shtëpi.

Malajzia po përballet gjithashtu me përmbytje në disa shtete që pritet të përkeqësohen ndërsa reshjet e dendura dhe të vazhdueshme vazhdojnë.

Departamenti i Mirëqenies Sociale raportoi të hënën se mbi 12 mijë e 500 njerëz në nëntë shtete janë evakuuar. Përmbytjet janë të zakonshme në disa pjesë të Malajzisë gjatë sezonit vjetor të musonit, i cili nis në nëntor dhe mund të zgjasë deri në mars.

The post Rritet numri i viktimave nga përmbytjet në Azinë Juglindore appeared first on Albeu.com.

Sfida vlen për turin e dytë të Champions League në Azi dhe Jasir Asani, la gjurmë me golin e shënuar në minutën e 21. Nga pika e bardhë e penalltisë, 29-vjeçari u tregua i ftohtë dhe ua ndali në rrjetë sferën portierit Jung.

Ky është goli i gjashtë për Asanin me fanellën e Gëangju këtë sezon, teksa katër janë në Champions dhe dy në kampionat.

Sulmuesi ka marrë sërish një fanellë titullari dhe ka lënë pas mosmarrëveshjet në klub për kalimin në Evropë.

Kontrata e tij me koreano-jugorët vlen deri në verën e 2025 dhe vitin që vjen rikthimi në Evropë është i sigurt.

The post Jasir Asani shënon golin e gjashtë në Azi appeared first on Albeu.com.

Duke u nisur me avion nga Roma, kreu 87-vjeçar i Kishës Katolike do të vizitojë fillimisht Indonezinë, vendin më të populluar mysliman në botë, me më shumë se 240 milionë banorë.

Ndalesat e mëtejshme do të jenë Guinea e Re Papua, Timori Lindor dhe Singapori.

Udhëtimi i 45-të i papës jashtë vendit do të fokusohet veçanërisht në bashkëjetesën paqësore midis feve të ndryshme.

Vetëm në Timorin Lindor shumica e popullsisë është katolike.

Duke pasur parasysh moshën dhe gjendjen shëndetësore të papa Françeskut, i cili tani përdor shpesh një karrige me rrota, pushimet mes udhëtimeve të tij jashtë vendit janë bërë më të gjata.

Udhëtimi i fundit i madh i papës jashtë vendit ishte një vit më parë, kur ai vizitoi Mongolinë.

Papa, i cili ka në detyrë prej 11 vitesh, në këtë turne do të udhëtojë gjithsej më shumë se 30 mijë kilometra me avion.
Rikthimi i tij në Romë është planifikuar për 13 shtator. Një vizitë në Luksemburg dhe Belgjikë është planifikuar për në fund të muajit.

The post Papa Françesku nis udhëtimin maratonë në Azi appeared first on Albeu.com.

Një llogaritje e bërë nga The Guardian vlerësoi se kostoja aktuale e dasmës, e cila përfshin festat para dasmës dhe pagesën për shfaqjet e yjeve të pop-it, është 600 milionë dollarë.
Çmimi i lartë përfshin festën e çiftit para dasmës në pronën luksoze Ambani në Gujarat, ku ata nisën festimet e dasmës. Rihanna u pagua 6 milionë dollarë për të performuar në mbrëmje, sipas Forbes.

Festimi përfshinte gjithashtu një festë me temën e xhunglës dhe shfaqje me dritë me 5,500 dronë. Disa figura të profilit të lartë dhe të pasur morën pjesë në ngjarje, duke përfshirë  Ivanka Trump , Mark Zuckerberg, Bill Gates dhe anëtarë të familjes mbretërore të Butanit.

Ambani dhe Merchant morën gjithashtu një anije lundrimi për një lundrim para dasmës nëpër Evropë në maj. Çifti dhe të ftuarit e tyre bëjnë disa ndalesa përgjatë qyteteve evropiane – si Roma, Kana, Franca dhe Portofino, Itali – për ngjarje të veçanta, sipas The Sunday Times . Gazeta vlerësoi se lundrimi dhe festat kushtuan 150 milionë dollarë të tjera.

The post Sa kushtoi dasma e djalit të miliarderit, Anant Ambani? appeared first on Albeu.com.

“Ne kemi arritur të zbulojnë të paktën 22 avionë të Ushtrisë Çlirimtare Popullore, të cilët kanë fluturuar rreth ishullit në orët e para të së shtunës”, thuhet në njoftim.

Më herët, liderit kinez Xi Jinping, është shprehur se ribashkimi i Tajvanit me Kinën është i pashmangshëm, duke përsëritur në këtë mënyrë qëndrimin e mbajtur prej kohësh të Pekinit për demokracinë e ishullit të vetëqeverisur.

Partia Komuniste e Kinës e pretendon Tajvanin si territorin e saj, pavarësisht se nuk e ka kontrolluar kurrë. Zyrtarët kinezë thonë se synojnë një ribashkim paqësor, por nuk e kanë përjashtuar përdorimin e forcës për të marrë kontrollin e ishullit.

The post Rriten tensionet në Azi, 22 avionë kinezë “rrethojnë” Tajvanin appeared first on Albeu.com.

Prodhuesi i ChatGPT hapi zyrën e parë ndërkombëtare në Londër vitin e kaluar, e ndjekur nga zyrja tjetër në Dublin muaj më vonë.

Ndërsa Tokio do të përfaqësojë zyrën e parë të OpenAl në Azi dhe të katërtën në të gjithë planetin, duke përfshirë edhe selinë në San Francisko me në krye Sam Altman.

Ndryshe, përpjekjet globale të zgjerimit të OpenAl deri më tash kanë qenë mjaft strategjike.

E se kush do ta drejtojë zyrën në Japoni është mjaft e dukshme. OpenAl Japan do të udhëhiqet nga Tadao Nagasaki.

Si udhëheqës i OpenAl Japan, Nagasaki do të ngarkohet të ndërtojë një ekip lokal në terren dhe të ndikojë në rritjen e kompanisë në Japoni.

Bëhet e ditur se tashmë ChatGPT po përdoret nga qeveritë lokale japoneze për të përmirësuar efikasitetin e shërbimeve publike.

The post OpenAl njofton për hapjen e zyres së re në Japoni, e para në Azi appeared first on Albeu.com.

Viti i Ri Hënor është festa më e rëndësishme në Kinë – një kohë për ribashkim të familjarëve dhe miqve, si dhe përgatitje të shumë ushqimeve.

Çdo vit, viti e merr emrin e njërit prej 12 shenjave të horoskopit kinez, dhe këtë herë konsiderohet Viti i Dragoit – shenja më e pëlqyeshme në komunitetet kineze.

Viti i Dragoit është shumë i pëlqyer për kinezët për të lindur fëmijë, sepse shumë çifte shpresojnë se fëmijët e tyre do t’i kenë kapacitetet që e simbolizojnë dragoin, përfshirë forcën dhe suksesin.

Në Pekin, shumë turma njerëzish janë mbledhur afër tempujve për të parë vallëzime tradicionale.

Disa kanë ndezur edhe qirinj për t’u lutur për shëndet të mirë dhe mirëqenie.

Përveç Kinës, festivali shënohet edhe në Korenë e Jugut, Vietnam dhe komunitete tjera kineze.

Në Mianmar dhe Malajzi, besimtarët i vizitojnë, gjithashtu, tempujt.

The post Azia feston Vitin e ri Hënor appeared first on Albeu.com.

Mijëra vetë në kërkim të një pune rekrutohen prej kriminelëve në Azinë jugore dhe detyrohen të punojnë në rrjete online për të mashtruar njerëz në mbarë botën. Ekipi i gazetarëve të DW investigoi në kufirin e Mianmarit.

The post “Mijëra vetë në kërkim të një pune”, investigimi i DW: Rekrutohen prej kriminelëve, fabrikat e mashtrimit online në Azi appeared first on Albeu.com.

Mediumi The Sun analizoi nëntë futbollistë të mëdhenj botërorë që mund të ndryshojnë klub në janar dhe t’u bashkohen kolegëve të tyre që luajnë në Arabinë Saudite. Analizat bazohen në ofertat e marra tashmë nga ky vend aziatik, negociata nga kjo verë, por edhe takime të reja për të cilat po shkruajnë mediat.

Sigurisht, i pari në listën e të mëdhenjve është emri i Kylian Mbappe, e ardhmja e të cilit nuk është zbardhur asnjëherë. Mbappe ishte gjithashtu i lidhur me Al-Hilal gjatë verës dhe besohet se PSG-ja e tij pranoi një ofertë prej rreth 280 milionë euro për sulmuesin, por ai refuzoi.

Sauditët do të shkojnë sërish për francezin gjatë dimrit dhe nëse do ta bindin që t’i bashkohet kësaj radhe mbetet për t’u parë.

Ka shumë të panjohura rreth Mohamed Salah dhe të ardhmen e tij në Liverpool. Dëshira e supozuar e egjiptianit për të ndryshuar mjedis është përmendur prej kohësh dhe sauditët do të bëjnë gjithçka për ta sjellë atë që në janar.

Duke qenë se i ka mbetur edhe pak më shumë se një vit nga kontrata e tij me Liverpoolin, besohet se ai do të shfrytëzojë mundësinë në Anfield për ndoshta trofeun e fundit të madh për Salah para skadimit të kontratës.

Jadon Sancho është një nga ata lojtarë që me shumë mundësi do të ndryshojë ambient. Edhe pse ende i ri, Sancho nuk e ka dëshmuar veten te Manchester United dhe një kalim në Arabinë Saudite duket të jetë një mundësi ideale për të gjitha palët.

Pas një përplasjeje publike me Erik ten Hag, Sancho ka gjasa të largohet nga klubi, me dy skuadra në garë për nënshkrimin e tij. Është ekipi Al-Hilal dhe ish-klubi i tij Borussia Dortmund.

Gjatë verës, futbollisti legjendar kroat Luka Modric refuzoi kontratën e jetës së tij nga Arabia Saudite. Ai vazhdoi me Real Madridin, por duket se së shpejti do të marrë fund bashkëpunimi.

Mediat spekulojnë se Modric duhet të jetë ylli i ardhshëm i madh sepse ai tashmë ka disa oferta në tavolinë dhe do të mund të zgjedhë.

Transferimi më i sigurt në Arabinë Saudite është ai i Casemiros nga United sepse drejtori i klubit John Murtough ishte tashmë në Arabinë Saudite dhe diskutoi për transferimin. Tani gjithçka varet nga braziliani që po shqyrton një ofertë nga Azia.

Qendërmbrojtësi i United, Raphael Varane, mund të shkojë në Arabinë Saudite në një “paketë” me Casemiron.

Burime pranë Old Trafford raportuan se francezi pothuajse me siguri po largohet nga klubi dhe se një ofertë prej rreth 20 milionë funte është e mjaftueshme.

Legjenda e Tottenham Hotspur, Hugo Lloris, ka rënë plotësisht në harresë dhe do të ndryshojë klub gjatë janarit.

Veterani, 36 vjeç, mori një ofertë të madhe nga Arabia Saudite dhe ka të ngjarë ta pranojë atë në janar.

Thomas Partey i Arsenalit e informoi klubin muajin e kaluar se donte të largohej nga Emirates.

Futbollisti nga Gana ka marrë një ofertë prej rreth 40 milionë eurosh në sezon nga Arabia Saudite dhe duket se do të kalojë në shtetin aziatik.

Thiago Alcantara është i fundit në një seri emrash të lidhur me një transferim në Arabinë Saudite.

Ylli i Liverpoolit ende nuk ka bërë asnjë paraqitje këtë sezon për shkak të lëndimit, dhe thuhet se është tërhequr nga sauditët e pasur dhe do të pranonte një ofertë adekuate që në janar. Gjithashtu, Liverpooli do ta pranonte që verën e ardhshme të mos largohej plotësisht falas. /Telegrafi/

The post Sauditët kanë filluar të sulmojnë sërish: Këta janë nëntë yjet që mund të transferohen në Azi në janar appeared first on Albeu.com.

Ekspertët po e quajnë atë “valën më të keqe të të nxehtit të prillit në historinë aziatike” me termometrin që ka arritur nivele rekord në Indi, Kinë, Tajlandë dhe Laos.

Temperatura jashtëzakonisht të larta

Temperatura rekord në shumë zona të Kinës, si Chengdu, Shenyang, Nanjing, Hangzhou dhe zona të tjera pranë deltës së lumit Yangtze. Temperatura jashtëzakonisht të larta raportohen edhe në Azinë Juglindore.

Termometri në qytetin Laos të Luang Prabang arriti 42.7 gradë Celsius këtë javë, temperatura më e lartë deri më tani. Në Tajlandë, një stacion monitorimi qeveritar në aeroportin Tak në veriperëndim regjistroi një temperaturë prej 45.4 gradë Celsius të shtunën, duke thyer rekordin e mëparshëm prej 44.6 gradë në Mae Hong Son më 28 prill 2016.

Asfalti shkrihet në Bangladesh

Një tjetër vend që ka qenë në qendër të ndryshimeve klimatike është Bangladeshi, siç tha klimatologu Maximiliano Herrera për Guardian.

Të shtunën e kaluar, në Dhaka, që është kryeqyteti i Bangladeshit, temperaturat kaluan 40 gradë Celsius, duke bërë që sipërfaqja e asfaltit të shkrihet në shumë rrugë. Sipas autoriteteve, ishte dita më e nxehtë në 58 vjet.

Sipas një zyrtari të Ministrisë së Mjedisit, nëse vapa nuk ulet, në disa zona do të shpallet gjendja e jashtëzakonshme.

Vala e të nxehtit godet Indinë

Vitet e fundit, India po përballet me një problem të veçantë me temperaturat e larta, ku ekspertët kanë frikë se këtë vit problemi mund të përkeqësohet.

Vala e të nxehtit ka prekur disa shtete në Indi, ndërsa departamenti meteorologjik ka lëshuar një alarm portokalli për rajonet e Bihar, Jharkhand, Odisha, Andhra Pradesh dhe Bengazit Perëndimor. Vlen të theksohet se në të gjitha këto zona ka një përqindje të madhe të punëtorëve që janë të detyruar të punojnë jashtë edhe me temperatura të larta.

Gjashtë qytete në Indinë veriore dhe lindore kanë regjistruar temperatura mbi 44 gradë Celsius. Në kryeqytet termometri ka arritur në 40.4 gradë Celsius, ndërsa vapa e të nxehtit pritet të vazhdojë deri të premten.

Sipas Departamentit Meteorologjik të Indisë, kushtet e valëve të të nxehtit ka të ngjarë të vazhdojnë për katër ditët e ardhshme në Bengazin Perëndimor dhe pjesë të Biharit. Zonat e prekura mund të kenë stuhi në ditën e pestë, kohë në të cilën pritet të zbutet vala e të nxehtit.

Mbyllen shkollat

Temperaturat e larta të regjistruara kanë sjellë mbylljen e shkollave në disa zona. Ndërkohë, 13 persona vdiqën dhe tetë të tjerë kishin nevojë për trajtim mjekësor për goditje nga nxehtësia pas një ngjarjeje në natyrë në shtetin Maharashtra.

Në Bengazin Perëndimor, shkollat u mbyllën për shkak të nxehtësisë, ndërsa shkollat private u urdhëruan gjithashtu të mbylleshin. Mediat lokale raportojnë se fëmijët kanë pasur probleme shëndetësore.

Shkollat mbetën të mbyllura në Tripura dhe Odisha, ndërsa në Delhi nuk do të mbahen tubime në mbrëmje.

Rreziku i goditjes nga nxehtësia në Tajlandë

Autoritetet po lëshojnë gjithashtu paralajmërime në Tajlandë pasi ekziston rreziku i goditjes nga nxehtësia, veçanërisht për njerëzit që ushtrojnë ose punojnë me orë të tëra jashtë, si punëtorët e ndërtimit dhe fermerët. Në të njëjtën kohë, ekspertët kanë frikë nga vazhdimi i temperaturave të larta përtej muajve të verës, të cilat do të sjellin thatësirë dhe do të shkaktojnë probleme për të mbjellat.

Në të njëjtën kohë, temperatura të larta regjistrohen në qindra stacione në më shumë se 12 vende, si në veriperëndim të Mianmarit, që arriti në 44 gradë, në Vietnamin veriperëndimor, me 38 gradë.

Në të njëjtën kohë, mbi 30 gradë Celsius u regjistruan në Japoni, Kazakistan, Turkmenistan dhe Uzbekistan. /albeu.com

The post Valë të nxehti rekord në Azi, shkrihet asfalti, dhjetëra të vdekur dhe shkolla të mbyllura appeared first on Albeu.com.