azet Archives - Albeu.com

Atentat ndaj reperit të njohur shqiptar në Gjermani? Artisti reagon pas shpërthimit në hyrje të pallatit në pronësi të tij

M C — Sat, 29 Nov 2025 15:10:14 +0000

Reperi i njohur me origjinë nga Kosova, Azet, ka reaguar publikisht pas raportimeve të mediave gjermane, të cilat shkruanin se një pajisje shpërthyese kishte shpërthyer mbrëmjen e së mërkurës në hyrje të një pallati apartamentesh në Düsseldorf, objekt që figuron në pronësi të artistit.

Lajmi ngriti shqetësime të menjëhershme tek fansat dhe publikun, pasi shpërthimi u raportua si i dyshimtë.

Mirëpo, Azet vendosi t’i japë fund spekulimeve me një deklaratë të qartë në llogarinë e tij në Instagram.

Në reagimin e tij, reperi sqaroi se nuk ka qenë objektiv i ndonjë atentati, duke theksuar se ngjarja nuk lidhet aspak me të personalisht: “Nuk ka pasur asnjë atentat ndaj meje. Unë kam disa prona, përkatësisht banesa kolektive. I prekur ka qenë një nga këto objekte – unë vetë nuk banoj aty. Ngjarja nuk ka lidhje me mua”.

Azet gjithashtu bëri të ditur se ai zotëron disa pasuri të paluajtshme dhe se apartamenti ku ndodhi shpërthimi është vetëm një nga objektet e tij, pa qenë vendi i tij i banimit.

Aktualisht autoritetet gjermane po hetojnë rrethanat e incidentit, ndërsa nuk ka raportime për të lënduar.

The post Atentat ndaj reperit të njohur shqiptar në Gjermani? Artisti reagon pas shpërthimit në hyrje të pallatit në pronësi të tij appeared first on Albeu.com.

Çfarë ndodhi? Azet i thotë lamtumirë muzikës për një periudhë kohe

D Marku — Mon, 08 Sep 2025 14:38:56 +0000

Reperi i njohur Azet ka ndarë një njoftim të rëndësishëm për fansat e tij përmes rrjeteve sociale. Ai ka bërë të ditur se për arsye familjare është i detyruar të anulojë të gjitha koncertet e planifikuara për këtë vit, përfshirë edhe Release-Show që do të zhvillohej më 19 shtator.
“Më vjen vërtetë shumë keq, sepse isha gati dhe i gëzuar që do t’ju takoja, por për momentin nuk është e mundur për mua të mbaj këto shfaqje,” ka shkruar Azet në postimin e tij.

Marrëveshja prej 17 miliardë dollarësh e Starlink me EchoStar! Çfarë do të thotë kjo për SpaceX?
Marrëveshja prej 17 miliardë dollarësh e Starlink me EchoStar! Çfarë do të thotë kjo për SpaceX?
14:26 08/09/25
Megjithatë, artisti nuk i ka lënë fansat pa një lajm të mirë. Ai ka konfirmuar se, ashtu siç ishte parashikuar, albumi i tij i ri “Playboys im AMG” do të publikohet më 19 shtator. Azet ka shprehur emocionin e tij për këtë projekt, duke shtuar se do të sjellë gjithashtu një këngë të re me një kombinim unik, të cilin nuk e ka sjellë më parë për publikun.

“Ndonjëherë në jetë ndodhin gjëra që nuk mund t’i planifikojmë,” theksoi ai. “Prandaj, tani më duhet të tërhiqem për një kohë, por do të kthehem më i fortë se kurrë!”

Në fund, Azet falënderoi fansat për mirëkuptimin dhe mbështetjen e tyre të vazhdueshme, duke shprehur se do të rikthehet në skenë më shumë energji dhe motivim.

“Faleminderit shumë për mbështetjen tuaj dhe mirëkuptimin,” ka shkruar ai.

The post Çfarë ndodhi? Azet i thotë lamtumirë muzikës për një periudhë kohe appeared first on Albeu.com.

EMRI/ Këngëtarit shqiptar i sekuestrojnë mijëra euro në doganë

E S — Tue, 23 Aug 2022 19:13:23 +0000

Këngëtarit të njohur shqiptaro-gjerman, Azet, i ajnë sekuestruar 18 mijë euro të padeklaruara në pikën kufitare të Kosovës.

Sipas doganës së Kosovës në pikën kufitare të Vërmicës, reperit Azet ju sekuestruan 18 mijë e 250 euro pasi i kishte të padeklaruara.

“Gjatë kontrolleve rutinore oficerët doganore kanë selektuar për kontroll një automjet me targa të Republikës së Kosovës. Pas ndalimit të automjetit vozitësi dhe pasagjerët kanë deklaruar se nuk posedojnë asgjë. Automjeti është dërguar në vijën e dytë të kontrollit nën asistimin e policisë ku pas ekzaminimit fizik tek njëri nga pasagjerët në trup (saktësisht në çantën e krahut) janë gjetur 18250.00 euro të padeklaruara”, thuhet në njoftimin e Doganës.

“Gjujna me pare, na gjujna me pare. Veç një fjalë e ta blej krejt mahallën”, ky është një prej refreneve me të famshme të reperit.

The post EMRI/ Këngëtarit shqiptar i sekuestrojnë mijëra euro në doganë appeared first on Albeu.com.

Plasin zemrat dhe puthjet, Azet publikon fotot krah Dua Lipës

E S — Sun, 07 Aug 2022 07:27:53 +0000

Mbrëmjen e djeshme është mbajtur edhe nata e dytë e festivalit “Sunny Hill” në Kosovë.

Në skenën e madhe performuan disa këngëtarë ku një prej tyre ishte edhe Azet.

Këngëtari mbas performncës ka publikuar edhe disa fotografi me këngëtaren kosovare me famë botërore, Dua Lipën.

Në gjuhën gjermane ai ka shkruar se është i “zënë”, duke e shoqëruar me disa emoji me zemra të kuqe dhe dry.

View this post on Instagram

A post shared by AZET (@kmn_azet)

Pas këtij postimi, fansat kanë vërshuar duke komentuar komente pozitive, por komenti që mori më shumë vëmendje ishte ai i mikut të tij të ngushtë Zuna, i cili i ka uruar “vetëm më të mirat për ju”./albeu.com

The post Plasin zemrat dhe puthjet, Azet publikon fotot krah Dua Lipës appeared first on Albeu.com.

Sulmohet eskorta e reperit Azet, flet për herë të parë menaxheri i tij (VIDEO)

A M — Mon, 23 May 2022 07:29:53 +0000

Mbrëmjen e së shtunës, eskorta e rep-artisti Azet është sulmuar në kryeqytetin e Austrisë, Vjenën.

Mësohet se Azet ka dhënë një koncert shumë të madh, ku pjesëmarrës kanë qenë me qindra njerëz.

Pas përfundimit të koncertit, ka pasur të shtëna me armë zjarri. Qytetarë të huaj janë munduar ta sulmojnë eskortën e artistit dhe kanë goditur me armë.

Jetmir Agaj, menaxheri i reperit ka konfirmuar ngjarjen për Klankosova.

Agaj tha se ndaj sulmit janë përgjigjur edhe ekipi i sigurimit.

“Jemi penguar kur kemi dal nga koncerti me makina. Dhe siç i keni parë në video janë përgjigjur edhe nga ana jonë. Por, nuk kemi pasur kontakte fizike”, tha Agaj.

The post Sulmohet eskorta e reperit Azet, flet për herë të parë menaxheri i tij (VIDEO) appeared first on Albeu.com.

Hiti i verës është pak orë larg, Tayna dhe Azet zbulojnë kur publikohet kënga (FOTO LAJM)

A M — Thu, 03 Jun 2021 13:27:01 +0000

Tayna dhe Azet kanë bashkuar forcat dhe po sjellin projektin e ri për të cilin janë të sigurt që do rezultojë një hit i padsikutushëm.

Dyshja e cila ka një numër të madh të fansave, kanë bërë të ditur se kënga e tyre do të publikohet sonte në mesnatë.

Këtë e kanë bërë të ditur vet artisët përmes postimeve në llogaritë e tyre personale në instagram.

View this post on Instagram

A post shared by Tayna (@tayna)

Ky është projekti i parë i përbashkët për dyshen, por shpresojme te mos jete i fundit.

The post Hiti i verës është pak orë larg, Tayna dhe Azet zbulojnë kur publikohet kënga (FOTO LAJM) appeared first on Albeu.com.