Zëvendës Ministri i Jashtëm i Azerbajxhanit, Fariz Rzayev dhe Zëvendësministri për Evropën dhe Punët e Jashtme i Shqipërisë, Besart Kadia, kanë nënshkruar marrëveshjen për heqjen e vizave për qytetarët shqiptarë që udhëtojnë drejt këtij shteti.

“Fariz Rzayev, Zëvendës Ministër i Jashtëm i Azerbajxhanit, dhe Zëvendësministri për Evropën dhe Punët e Jashtme i Shqipërisë, Besart Kadia, folën për thellimin e marrëdhënieve dypalëshe mes vendeve tona, me fokus ndërveprimin ekonomik dhe kontaktet mes njerëzve. Takimi pasoi me nënshkrimin e marrëveshjes për përjashtimin e vizave – një tjetër kontribut i fuqishëm në marrëdhëniet dypalëshe”, shkruan në “X” ambasadori Anar Huseynov.

Kryeministri Edi Rama ndodhet në Baku të Azerbajxhanit si i ftuar nderi i Presidentit Ilham Alijev, për të adresuar Samitin e 10-të të Korridorit Jugor të Gazit.

The post Hiqen vizat për shqiptarët që udhëtojnë drejt Azerbajxhanit appeared first on Albeu.com.

Zyrtarët armenë ende nuk e kanë konfirmuar incidentin.

Të hënën Jerevani dhe Bakuja fajësuan njëra-tjetrën për të shtëna në një zonë kufitare. Armenia ka thënë se një ushtar i saj ishte vrarë.

Më herët Armenia e kishte akuzuar Azerbajxhanin se trupat e saj kanë kaluar disa kilometrave në provincat e saj Syunik dhe Gegharkunik.

Azerbajxhani insistoi që forcat thjesht po pozicionoheshin në anën e territorit të tyre të kufirit në të cilin nuk kishin pasur mundësi të qëndronin gjatë muajve të dimrit.

Në fund të vitit të kaluar të dyja vendet u përfshin në një luftë gjashtë javore për rajonin e Nagorno Karabakut. Nga konflikti humbën jetën 6.000 persona.

Luftimet u ndalën në nëntor të vitit 2020 pasi palët u pajtuan për armëpushim në bazë të një marrëveshjeje të ndërmjetësuar nga Rusia.

Armenia humbi kontrollin në disa pjesë të territorit të cilat armenët etnikë i kishin kontrolluar për dekada. Nagorno Karabaku është njohur ndërkombëtarisht si pjesë e Azerbajxhanit, por është kontrolluar nga armenët etnikë që nga fillimi i viteve 1990. /Rel

The post Rikthehen tensionet mes Azerbajxhanit dhe Armenisë appeared first on Albeu.com.