Mes kujtimesh të copëzuara nga fëmijëria dhe peshës së një mbiemri që ka shënuar historinë e vendit, ai foli për jetën e tij, për mungesën e babait dhe për trashëgiminë që mban mbi supe.

“Në moshën 3–4 vjeç, ajo që mbaj mend është se shtëpia jonë ishte gjithmonë plot. Familjarë, mbështetës demokratë, politikanë dhe truproja. Gjithmonë kishte njerëz”, tregon ai.

I rritur mes fotografish, kujtimesh dhe rrëfimesh për një baba që nuk arriti ta njohë, ai zbulon edhe një detaj pak të njohur: për dy muaj pas vrasjes së Azem Hajdarit, ai mbeti pa emër.

“Bëhet fjalë për dy muaj pas ndarjes së babait nga jeta. Vendosja e emrit nuk ishte prioritet”, shprehet ai.

Emri Azem do t’i jepej më vonë, në një moment simbolik që lidhet me kryedemokratin Sali Berisha.

“E mbaj mend doktor Berishën kur e pashë në një reportazh. Kur u pyet në maternitet, tha: ‘Azemi është gjallë’. Dhe aty më mbeti emri”, rrëfen ai.

Ai ndalet edhe te marrëdhënia e prindërve të tij, të cilët janë njohur në Tiranë, si dhe te raporti i ngushtë që Azem Hajdari kishte me Sali Berishën.

“Babi kishte disa gjëra që i donte shumë: lirinë e Kosovës, Ibrahim Rugovën dhe doktor Berishën. Ai kishte vlerësim të jashtëzakonshëm për të si mjek, kirurg, pedagog por mbi të gjitha për faktin që zgjodhi të rrezikonte gjithçka për të mirën e njerëzve”, thotë ai.
Sipas tij, lidhja mes Hajdarit dhe Berishës ishte më shumë se politike.

“Ata zgjodhën heroizmin dhe u bënë krah për njëri-tjetrin”, përfundon ai.

Një rrëfim që rikthen në vëmendje jo vetëm figurën e Azem Hajdarit, por edhe koston njerëzore të historisë dhe peshën e kujtesës që mbart brezi pasardhës.

PËR MË SHUMË NDIQNI VIDEON E MËPOSHTME

The post VIDEO/ Babai im AZEM HAJDARI, kujtime të familjes nga Azemi i ri appeared first on Albeu.com.

Berisha thotë se takimi i parë me Hajdarin ka qenë në dhjetor të vitit 1990 kur nisën protestat studentore kundër sistemit komunist.

Kryedemokrati ka treguar dhe bashkëbisedimin që ka bërë me Hajdarin dhe studentët e tjerë që merrnin pjesë në protestë.

“Unë u ndodha përball demonstratës bashkë me Bensik Mustafajin, atyre iu vërsulën me egërsi, skena barbare. Studentët, Azem Hajdari ngrihej mbi supet e tyre dhe brohorisnin “poshtë dinastia” dhe “liri demokraci”. I mbushën IFAT me të plagosurit dhe u shpërndanë. Studentët e konvikteve shkuan në konvikte, por gjithmonë rrinin gati. U nisëm drejt konvikteve me Mustafajin, i gjetëm ne një në lëndinë, tani është bërë ndërtim, ishte Azem Hajdari me një grup të vogël. Na thanë a do na përfaqësoni ju ne në takime, u thash jo, përfaqësoni ju veten e ne ju mbështesim. Mustafaji e njihnet Azem Hajdarin, unë nuk e njihja. Ky ishte takimi im i parë me Azem Hajdarin. Më bën dy kërkesa, të kujdesesha për studentët e të plagosurve dhe e dyta lirimin e të burgosurve, këtë nuk e bëja dot se nuk e njihja sistemin e burgjeve.”-tha Berisha.

The post Berisha tregon se kur është takuar për herë të parë me Azem Hajdarin appeared first on Albeu.com.

Nga Qytet Studenti, Berisha në shenjë nderimi është përkulur para monumentit të Hajdarit, simbol i kësaj dite që solli demokracinë në vend.

Në monument janë vendosur kurora me lule, ndërkohë që sot shënon një datë simbolike, atë të 8 Dhjetorit, që është shpallur festë kombëtare.

Azem Hajdari, u vra natën e 12 shtatorit në oborrin e selisë së opozitës nga kriminelë me uniformë policie.

Monumenti i Hajdarit, është vendosur në shenjë simbolike në vendin nga ku nisi revolta kundër regjimit të diktaturës.

The post Partia Demokratike homazhe për Ditën e Rinisë, Berisha nderime para monumentit të liderit të Dhjetorit, Azem Hajdari appeared first on Albeu.com.

Në përvjetorin e vrasjes së tij, demokratët u ngritën në këmbë në sallën e Kuvendit, duke kërkuar respekt institucional për kontributin dhe sakrificën e Hajdarit.

Deputetët socialistë nuk iu bashkuan këtij homazhi, duke qëndruar ulur gjatë minutës së heshtjes.

The post PD mban 1 minutë heshtje në nder të Azem Hajdarit, mazhoranca nuk i bashkohet appeared first on Albeu.com.

Njëri prej tyre është Petrit Çakrri, një prej dëshmitarëve okularë i vrasjes së ish deputetit të Partisë Demokratike, Azem Hajdari, mbrëmjen e 12 shtatorit 1998.

Hetimet kanë zbuluar se Çakrri ka marrë me qira në Rinas, dy automjete, një Range Rover të zi dhe një Honday të bardhë.

Petrit Çakrri, i cili pasi dha dëshminë për atë që njihet si procesi i Shekullit, rezulton të ketë patur procedentë të shumtë penalë, që nga vjedhjet e deri tek përplasjet me policinë.

Teksa në vitin 2017 u arrestua nën dyshimet për mashtrim me pasoja të rënda. Ku në aktakuzë thuhej se ai kishte mashtruar një biznesmen nga Vora, të cilit i kishte marrë një shumë prej 4.4 mln lekësh të reja duke iu prezantuar si tregtar.

Të cilit i kishte premtuar se do t’i siguronte mallra me çmime më të lira sesa tregu.

Çakrri, që u tradhtua nga kamerat e sigurisë dhe GPS e makinës që kishte marrë me qira dhe që përdori në krim.

Nga ku hetuesit përmes pamjeve filmike kanë mundur të zbulojnë pikën e dhënies së automjeteve me qira ku del se pasi kanë dorëzuar makinat që përdoren në krim, kanë marrë automjete të tjera po me qira.

Por, zbulimi i GPS së makinës, i ka mundësuar grupit të hetimit, se automjeti me të cilin udhëtonte Çakrri, që tashmë e ka ndryshuar mbiemrin në Hoxha ka lëvizur në trajektoren ku ka lëvizur edhe Renis Dobra.

Pas krimit, Petrit Çakrri është larguar nga Shqipëria dhe besohet të ketë dalë jashtë vendit nga pika e kalimit kufitar të Morinës.

Ndërsa nipi i tij u ndalua nga policia dhe iu sekuestrua celulari, aty ku besohet se janë gjendur prova të shumta që mund të zbërthejnë detaje të mëtejshme për vrasjen e Renis Dobrës.

The post EMRI/ Rrëmbimi dhe ekzekutimi i Renis Dobrës, identifikohet një prej autorëve të dyshuar, dëshmitar i vrasjes së Azem Hajdarit appeared first on Albeu.com.

Pjesë nga fjala e Berishës:

Mirënjohjen më të pakufishme për qëndresën, guximin, vendosmërinë, misionin tuaj në mbrojtje të kauzës së drejtë të shqiptarëve. Mirënjohje oratorëve të fjalës së lirë në këtë platforme. Mirënjohje shqiptarëve që protestojnë dhe ngrihen për dinjitetin e tyre. Të dashur miq, si sonte 26 vite më parë, terroristë të partisë së krimit, të Partisë Socialiste, ekzekutuan para selisë së PD-së tribunin legjendar të rinisë shqiptare, heroin, prijësin e lëvizjes studentore që përmbysi diktaturën më të egër komuniste, themeluesin e PD-së dhe pluralizmit politik, Azem Hajdarin.

Azem, ti je gjallë! Të dashur miq, dhe në mënyrë të veçantë ju të rinj dhe të reja, nderimi më i madh që mund t’i bëni prijësit të pavdekshëm të rinisë shqiptare, tribunit të lirisë, njeriut që bëri më shumë se kushdo tjetër për lirinë e këtij vendi, çlirimin nga diktatura komuniste, është të frymëzoheni nga guximi i tij. Të frymëzoheni nga trimëria e tij dhe ju garantoj se fitorja është në duart tona, është e sigurt dhe do jemi fitimtarë. Azem, ti je gjallë!

The post 26 vite nga vrasja e Azem Hajdarit, Berisha drejtuar të rinjve: Duhet të frymëzoheni nga guximi i tij appeared first on Albeu.com.

Në këtë ceremoni marrin pjesë familjarët e Azem Hajdarit, miq e të afërm, mes tyre edhe Sali Berisha.

Homazhet po mbahen pranë Varrezave të Dëshmorëve, për t’u zhvendosur më pas tek Memoriali i Azem Hajdarit.

The post 25 vjet nga vrasja e Azem Hajdarit, homazhe në nderim të tij appeared first on Albeu.com.

Komentet Berisha i bëri teksa ka treguar detaje nga njohja e tij me Azem Hajdarin, në 24-vjetorin e vdekjes së tij.

Nga sheshi Demokracia në Qytet Studenti Berisha solli një episod nga kujtimet e protestave të studentëve, që asokohe udhëhiqej nga Azem Hajdari.

“Kemi ndenjur dy orë me ta për t’u thënë se këtu ishin grumbulluar studentë dhe do zbrisnim në shesh. Ata kishin afruar kamionë për t’i nxjerrë me forcë. S’ju thamë shumë se; jeni të rrethuar, por i bindëm që nuk do të zbrisnin në shesh. Një moment është, vizioni për të qenë lider. Dalim me të te ballkoni i mencës, këtu kishte shumë student. Ata duartrokasin. Na paraqiti me Besnikun para tyre. Mora fjalën dhe ju them; sot nuk do zbrisni në shesh. Ata brenda sekondave; “tradhtar, tradhtar!” Këtu e merr fjalën Azemi, ju thotë bashkëmoshatarëve të tij; Kam dy fëmijë. Kirin dhe Rudinën. Kur t’ju tradhtoj ju, ju fus atyre thikën në bark dhe jua nxjerr në zverk. Aty ra një heshtje absolute. Ky betim i tij, kjo fjalë, përmbysi çdo gjë. E lartësuan atë në lider”, tha Berisha./albeu.com/

The post Berisha: Nëse ju tradhtoj juve, më parë i fus thikën dy fëmijëve të mi appeared first on Albeu.com.

Tubimi u mbajt në sheshin “Demokracia”, teksa Berisha tha se Azem Hajdari ishte njëri i guximshëm dhe u bë lider në një mënyrë unike.

“Ky takim zgjon mendime të ndryshme, por ndonëse kjo është dita e pushkatimit ekzekutimit të Azem Hajdarit, në mënyrë të vetvetishme kjo është dita dhe çdo ditë që e mendojmë është vepra e tij. Azem Hajdari jeton dhe bëhet i pavdekshëm me veprën e tij. Asgjë nuk do i përshtatej më shumë këtij takimi se dhjetori në rrezik, ’90 në rrezik, në një rrezik shumë të madh. A shërben sot kujtimi I veprës së Azem Hajdarit. Mendoj se sot frymëzon më shumë se kurrë. Unë do kujtoj dy-tre momente të atyre ditëve që ndanë historinë. Çfarë ishin ato dy -tre ditë. Azem Hajdari dhe një grup jo dhe aq I madh u treguan të pamposhtur, I ftoj Ramiz Alia në darkë, doli në një të natës, u nxorri ministrin dhe I dërrmoi me shkopinj dhe mjete të tjera. Ata ishin të pamposhtur se të nesërmen dolën në demostratën e parë antikomuniste. Kam qenë dëshmitar kam parë se u vërsulën me barbari dhe tërbim për t’I bërë copa. U shpërndanë dhe gjeta Azemin me një grup studentësh. Jo vetëm që nuk ishin të frikësuar, port ë vendosur për të shkuar drejt sheshit. Çfarë ishte Azem Hajdari? Ishte një guximtar i jashtëzakonshëm. Azem Hajdari u bë lider në një mënyrë unike, epike mund të thuash”, u shpreh Berisha./albeu.com/

The post Berisha “ringjall” Azem Hajdarin appeared first on Albeu.com.

Ajo ka deklaruar se babai i saj guxonte dhe luftonte për tre arsye: Familjen, atdheun dhe lirinë.

“Sa herë kam udhëtuar në Shqipëri më kanë treguar një kujtim. Disa në këtë shesh janë të rinj. Azemi ishte fare i ri kur ngriti krye kundër regjimit më të egër. Kush ka jetuar e di se ç’guxim duhej atëherë për më tepër për një student të ardhur nga Tropoja. Ç’guxim duhej për të bashkuar studentët e për të thirrur Liri Demokraci. Çfarë e motivonte të sakrifikonte aq shumë?

Pse guxonte aq shumë dhe ç’mund të bëjmë ne sot të ecim në atë lloj rruge. Në jetën time kam deduktuar që ai jetonte për tre gjëra, Familjen atdheun e lirinë. E urrente komunizmin mbi çdo gjë sepse përdhosi familjen duke i vënë familjarët kundër njëri tjetrit.

Komunizmi e përdori atdheun si lopë për ta mjelë vetëm disa në Bllok. ia mohoi lirinë shqiptarëve të thjeshtë.

Ndaj ai u përkushtua që ato parimi ti kthente në piedestal për të gjithë shqiptarët. Kishte mundësinë të emigronte por zgjodhi të luftonte këtu. Nuk zgjodhi të bënte të mirën për familjen e tij, por për të gjithë.

A nuk i ngjan Rilindja Komunizimit? A nuk po zaptojnë bregun si ata në Bllok dikur? Janë duke privuar lirinë e shqiptarëve, duke i përndjekur me patronazhistë, prapagandë, dhe inspektorë që godasin. Refuzoni nënshtrimin, mashtronim dhe investoni këtu në këtë vend. Jepni vlerë moshës që keni brenda jush”, tha ajo.

The post “Kishte mundësi të emigronte, por zgjodhi të luftonte këtu”, Rudina Hajdari tregon tre arsyet se përse jetonte e guxonte Azemi appeared first on Albeu.com.