Ajo tha se ndjekja e këtyre rekomandimeve me përgjegjshmëri është treguesi se sa një shoqëriështë e aftë për të ndërtuar një të ardhme të drejtë për të gjithë qytetarët e saj.

“Institucioni prej dy vitesh përballet ndër të tjera edhe me sfidën e zgjedhjes së një Avokati të ri të Popullit i cili të çojë përpara institucionin me mandat të plotë.

Ndërkohë, siç tregohet edhe nga statistikat, pjesë e raportit vjetor, por edhe të dërguara veçmas për secilin prej jush ditën e djeshme me postë elektronike, puna ka vazhduar me përkushtim dhe pa ndërprerje, çka është tregues se institucioni ynë është i fortë dhe i qëndrueshëm.

Këtë vit po ashtu u bë i mundur edhe emërimi i të tërë komisionereve të Avokatit të Popullit, çka zgjidhi edhe problemin e vakancës së gjatë të Komisionerit në Seksionin e Administratës.

Në vitin 2023, institucioni i Avokatit të Popullit ka trajtuar gjithsej 7056 raste dhe kërkesa, me një rritje prej 792 raste më shumë se vitin 2022.

5722 raste janë trajtuar në formën e këshillimeve dhe orientimeve, duke u ofruar qytetarëve udhëzime të qarta mbi rrugët ligjore që duhet të ndjekin për trajtimin e rasteve të tyre.

Kjo shifër e lartë thekson rolin tonë të rëndësishëm në edukimin ligjor dhe orientimin e qytetarëve drejt zgjidhjeve të drejta.

Gjatë vitit kemi adresuar 266 rekomandime dhe kemi zgjidhur pa pasur nevojën e rekomandimit 572 raste.

Ndërkohë kemi rritur edhe efikasitetin e trajtimit më të shpejtë të ankesave duke vendosur objektiva gjithnjë e më të qartë, e duke i matur ato në mënyrë rigoroze”, tha Ballanca.

Avokatja e Popullit, duke u ndalur te vlera e mimimumit jetik, tha se nëse vetëm do të trajtonim indeksimin e çmimeve sipas indeksimeve zyrtare apo raportit të rritjes së çmimeve të përcaktuar nga INSTAT në vitin 2024 do të duhej të ishte 21,039 lekë për person.

Në vijim ajo tha se “ndërkohë, kemi ndjekur edhe ecurinë e vlerës së ndihmës ekonomike edhe indeksimin e pensioneve të cilat mbeten ende në një vlerë të ulët, veçanërisht pensioni social i cili sot është në masën 9,327 lek, ndërkohë që vlerat e pensioneve janë indeksuar çdo vit: 2018- 2.8%; 2019- 2.8%; 2020- 2.4%; 2021- 2.7%; 2022- 3.3%; 2023- 8.6%”.

Ajo theksoi se përpjekjet e Avokatit të Popullit do të vijojnë për t’a luftuar sa më fortë paradoksin e përhershëm, ku deklaratat e lartësimit të të drejtave të njeriut dhe realiteti i vështirë i jetës së përditshme janë dy anë të një monedhe që rrallë herë përputhen.

Ballanca evidentoi se Shqipëria ka bërë përparime të konsiderueshme në fushën e të drejtave të njeriut, por ka ende sfida dhe detyra për të përmbushur dhe për të arritur standardet e kërkuara nga Bashkimi Evropian.

“Në vitin 2023, BE paraqiti raportin e vlerësimit tëthelluar për institucionin e Avokatit të Popullit, nga ku rezultoi se institucioni përmbush plotësisht standardet e BE-së, ndërsa nevojat për përmirësim të vazhdueshëm lidhen me zgjerimin e mandatit të institucionit edhe në sektorin privat, në kuadër të konceptit të ri të të drejtave të njeriut si një nocion holistik që shtrihet gjithnjë e më shumë në çdo aspekt të jetës dhe jo vetëm në të drejtat politike e civile.

Gjithnjë e më tepër theksi po vihet tek të drejtat social-ekonomike, e për rrjedhojë ka nevojë dhe për shtrirjen e mandatit të institucionit tonë nësektorin privat”, tha ajo.

Problemet e evidentuara nga Avokati i Popullit

1. Në vitin 2023 Komiteti për Parandalimin e Torturës (CPT) paraqiti raportin për Shqipërinë.

Raporti ishte në linjë me gjetjet e mëhershme të Avokatit të Popullit, por me rëndësi vlerësoj të theksoj problemin e numrit tejet të lartë të të paraburgosurve nëpopullatën e burgjeve në Shqipëri.

Ne kemi mesatarisht në vitin e kaluar 60% të popullatës së burgjeve, të paraburgosur. Çka është në mënyrën më abosulte një nga shifrat më të larta të cilido vend të Këshillit të Evropës.

Mesatarja evropiane është 25% dhe praktikat më të mira kanë 10% tëpopullatës së burgjeve të paraburgosur.

Avokati i Popullit vlerëson gjithashtu se ka nevojë për ndryshim thelbësor në qasjen ndaj parimit të prezumimit të pafajësisë por edhe me faktin se ka një kosto financiare shumë të madhe mbajtja e personave nëparaburgim, dhe për këtë ka nevojë për ndryshime strukturore për të ndryshuar qasjen e zbatimit të politikës penale nëvendin tonë.

Masat arrest me burg duhet tëjenë masa e fundit e përdorur dhe atëherëkur asnjë masë tjetër nuk është e përshtatshme.

2. Mungesa e një institucioni forensik në vendpër të trajtuar personat që kanë nevojë për mjekim të detyruar apo që kanë kryer njëvepër penale në kushtet e papërgjegjshmërisë.

Ky është, në vlerësimin tonë, dështimi më flagrant i të drejtave tënjeriut në vend, dhe përmirësimet në këtëfushë ndër vite kanë qënë minimale, pavarësisht edhe disa vendimeve të GJEDNJ-së kundër Shqipërisë për këtë çështje.

Ky institucion në këtë moment ka mbipopullim absolut, me hapësira jetësore që janë në kushtet e shkeljes, e parashikuar nga neni 3 i Konvetës Evropiane të të Drejtave të Njeriut.

Avokati i Popullit vlerëson se është e pajustifikuar vonesa ndër vite që këta persona të trajtohen me kujdesin e duhur shëndetësor, nga Ministria e Shëndetësisë dhe Mbrojtjes Sociale, nëpërputhje me ligjin për shëndetin mendor, ka dymbëdhjetë vite që ky ligj është miratuar, nuk zbatohet dhe nuk është i ndërtuar institucioni forensik nga ana e ministrisë përkatëse, duke vijuar të mbeten në sistemin penitenciar ku trajtimi i tyre do të jetëgjithnjë në kushtet e shkeljes së Nenin 3 të Konventës.

3. Moshimi i shoqërisë dhe masat e marra për adresimin e kësaj çështjeje kanë qënë gjithashtu në vëmendjen e Avokatit të Popullit. Ne vlerësojmë se kapacitetet e insitutucioneve rezidenciale të përkujdesit social për të moshuarit janë shumë të ulëta dhe të pamjaftueshme për të adresuar problematikën e moshimit të shoqërisë.

Numri aktual i të moshuarve në 6 Institucionet Rezidenciale të Përkujdesit Social për të Moshuarit, është 329.

Me kapacitete të ndara në vende të ndryshme, në Tiranë ka 47 përfitues, në Shkodër ka 65 përfitues, në Kavajë ka 61 përfitues, në Fier ka 53, në Gjirokastër ka 57 përfitues,në Poliçan ka 46.

Gjatë vitit 2023 në Komisionin Qendror pranë Sherbimit Social Shteteror, janë paraqitur 103 kërkesa të reja,çka do të thotë kërkesa për 1/3 e kapciteteve të të gjithë sistemit që ne kemi për përkujdesjen rezidenciale të personave të moshuar.

Vetëm 89 kërkesa janë adresuar, kjo tregon se ka nevojë urgjente për shtimin e kapaciteteve.

4. Përkujdesja sociale po ashtu ka marrë vemendjen dhe energjitë tona gjatë këtyre viteve. Ne kemi advokuar në mënyrë të vazhdueshme në lidhje me nevojën për të miratuar minimumin jetik në vend.

Raporti i hartuar prej nesh në vitin 2019 nuk është adresuar dhe nuk kemi pasur përgjigje nga Ministria e Shëndetësisë dhe Mbrojtjes Sociale.

Madje, edhe në Kuvend raporti nuk u diskutua asnjëherë në mënyrë të posaçme.

Ky ka qënë raporti i dytë i bërë nga ne për të evidentuar në mënyrë strukturore nevojënpër të përcaktuar këtë vlerë dhe për të formësuar politikat sociale në bazë të kësaj mase.

Bazuar në analizën e dedikuar, vlera e minimumit jetik për vitin 2019 ka qënë përafërsisht 17, 875 Lekë për person.

Vlera e mimimumit jetik nëse vetëm do të trajtonim indeksimin e çmimeve sipas indeksimeve zyrtare apo raportit të rritjes së çmimeve të përcaktuar nga INSTAT në vitin 2024 do të duhej të ishte 21,039 lekë për person.

Ndërkohë, kemi ndjekur edhe ecurinë e vlerës së ndihmës ekonomike edhe indeksimin e pensioneve të cilat mbeten ende në një vlerë të ulët, veçanërisht pensioni social i cili sot është në masën 9,327 lek, ndërkohë që vlerat e pensioneve janë indeksuar çdo vit: 2018- 2.8%; 2019- 2.8%; 2020- 2.4%; 2021- 2.7%; 2022- 3.3%; 2023- 8.6%.

5. Një nga angazhimet e Avokatit të Popullit për periudhën raportuese, ka qënë dhe procesi i përzgjedhjes së kandidatëve për anëtarë të Këshillit të Lartë Gjyqësor dhe anëtarë të Këshillit të Lartë të Prokurorisë.

Ky proces shumë i rëndësishëm për sistemin e drejtësisë ka pasur sfidat dhe problematikat e veta në të gjitha fazat e zhvillimit.

Vlerësimi i kritereve të integritetit, për shkak të rëndësisë së tij, ishte dhe më sfiduesi. Fatkeqësisht në ligj ka dhe një parashikim i cili nuk është nëpërputhje me ligjin për dekriminalizimin, kompetencat e institucioneve që bëjnë këtë vlerësim qoftë Këshilli i Emërimeve në Drejtësi qoftë Avokati i Popullit, nuk janë në të njëjtën linjë me kompentencat e Prokurorisë së Përgjithshme.

Në këto kushte Prokuroria e Përgjithshme nuk kryen këtë proces, por u kërkon komisioneve të përkohëshme ta kryejnë ata vlerësimin dhe hartimin të të gjithë raportin për dekriminalizmin për këta persona.

Ndëkohëqë ligji e përcakton që dokumentacioni duhet të dërgohet drejtëpërsëdrejti në Prokurorinë e Përgjithshme.

Për këtë arsye është e nevojshme që puna të vendoset mbi baza të qarta dhe të harmonizuara e të bëhen ndryshimet përkatëse në ligj, pasi është e qartë që këto komisione nuk kanë kapacitetet e duhura dhe kuptimin e duhur të ligjit sikurse Prokuroria e Përgjithshme.

Për shkak të rëndësisë që kishte verifikimi në kuadër të vlerësimit të integritetit të kandidatëve, Komisioni i Pavarur Ad-Hoc, vlerësoi që ta realizojë vetë këtë proces, pavarësisht se u desh një kohë shumë e gjatë për ta bërë atë dhe duke çuar edhe në problematika që nuk kanë qënë të vogla, edhe me kërkesa të shumta nga ana e publikut se përse ky proces po zgjaste kaq shumë, por ne vendosëm të bindur që më mirë bënim një proces të vërtetë meritor dhe të drejtë sesa të mos e bënim procesin dhe më pas të dilnin problematika me kandidatët.

Duhet të theksohet se, gjatë këtij procesi, pati edhe ankimime pranë Gjykatës Administrative të Apelit nga disa kandidatë dhe në asnjë rast procesi nuk përfundoi brenda afateve të parashikuara ligjore, pasi është e pamundur që një proces të bëhet brenda një afati aq të shkurtër sa është ai i përcaktuar në ligj, afati 7 ditor.

Në përfundim të këtij procesi, nisur dhe nga angazhimi dhe eksperienca e deritanishme, gjykojmë se është e nevojshme ndërmarrja e iniciatives ligjore për ndryshimin e dispozitave të ligjit nr.115/2016, që kanë të bëjnë me përgjegjësinë institucionale për verifikimin e plotësimit të kushteve ligjore, afateve kohore të realizimit të këtij procesi, cilësinë e përzgjedhjes së kandidatëve, nevojën e mbështetjes financiare të institucionit të Avokatit të Popullit si dhe nëvlerësimin tonë rishikimin e disa prej kritereve dhe karateristikave të cilat duhet tëkënë këta kandidatë.

Gjithashtu, vlerësojmë se konsiderohet i nevojshëm edhe ndryshimi i dispozitave, qëlidhen me funksionimin e Komisionit tëShoqërisë Civile për përzgjdhjen e anëtarëvetë Këshillit të Lartë Gjyqësor dhe anëtarëvetë Këshillit të Lartë të Prokurorisë nga radhët e shoqërisë civile.

Vlerësojmë se përfshirja e Avokatit të Popullit, duhet të jetëjo vetëm në fazën e vlerësimit paraprak tëdokumentacionit, por edhe si pjesë e ketij Komisioni për të siguruar standarde të njëjta për të gjithë anëtarët që janë pjesë e Këshillit të Lartë Gjyqësor dhe Këshillit të Lartë të Prokurorisë.

Nuk kemi as dhe një mundësi për të garantuar që e njëjta procedurë dhe të njëjtat standarte do të aplikohen edhe nga anëtarët e shoqërisë civile në organizimin e këtij komisioni, të cilat janë të hartuara apo të ndjekura nga ana e Komisonit ad hoc për anëtarët e tjerë.

Rezulton që disa anëtarë të zgjidhen me procedura më të thelluara dhe disa anëtarë zgjidhen me procedura më pak të thelluara dhe kjo është një prej çështjeve që konsiderojmë problematike.

Më tej vlerësojmë se duhet rregulluar edhe procesi pas përfundimit të kësaj faze, vendimmarrja administrative e cila i nënshtrohet edhe hetimit gjyqsor dhe procesi që ndodh në Kuvend, në mënyrë të veçantë me përjashtimet e mëtejshme.

Ajo që ne kemi verifkuar fatkeqësisht në këtë rast, është se ka pasur institucione shtetërore të cilat kanë dërguar përgjigje të ndryshme institucionit tonë dhe përgjigje të ndryshme sekretarisë sëKuvendit dhe unë besoj se për këtë do të duhet të ketë një vlerësim të rëndësishëm, pasi ky proces vërtetë kryhet nga disa grupe dhe institucione por në fund është Kuvendi ai i cili merr produktin dhe për këtë produkti duhet të jetë më i miri.

Avokati i Popullit vlerëson se qëllimi i procesit duhet të vlerësohet nga të gjithë aktorët dhe të kontribuohet maksimalisht për të zgjedhur më të mirët. Zgjedhja me gogla nuk përbën proces të bazuar në meritë, dhe duhet të shmanget.

Në një shoqëri demokratike dhe të drejtë, respektimi dhe zbatimi i rekomandimeve të Avokatit të Popullit është dëshmi e përkushtimittuaj ndaj mbrojtjes së të drejtave të njeriut dhe mirëqenies së qytetarëve, që është e duhet të jetë qëllimi i secilit prej pushteteve, ne kemi vetëm fuqi rekomanduese.

Në të gjitha rastet Avokati i Popullit ka komoditetin të përfaqojë standardin më të mirëtë të drejtave të njeriut dhe është vetëm fuqia e argumentit dhe e seriozitetit të punës sëinstitucionit që i jep një atij minimum force detyruese që ka nga ana e autoriteteve shtetërore.

Për këtë arsye unë besoj se është detyra jonë për ta bërë punën me cilësi shumë herë më të lartëdhe të kemi sa më pak përgjigje negative nga ana e organeve shtetërore.

Vlerësoj se standardi që kërkohet në bazë të rekomandimit të Këshillit i Evropës që në rastet e përgjigjeve negative apo moszbatimit të rekomandimeve të institucineve të pavarura të jepen përgjigje të arsyetuara, duhet të jetë një qasje dhe një pjesë që Kuvendi duhet të marri nismën të ndryshojë ligjin në përputhje me kërkesat e Këshillit të Evropës për Shqipërinë.

Për të punuar në mënyrë efektive për të drejtat e njeriut, është e rëndësishme të përdorim si zemrën ashtu edhe mendjen. Zemra na jep motivimin dhe empatinë e nevojshme për të luftuar për drejtësi, ndërsa mendja na jep mjetet dhe strategjitë për të realizuar këtë luftë në mënyrë efektive dhe të qëndrueshme.

Për këtë arsye, si unë dhe ashtu dhe gjithë stafi i institucionit të Avokatit të Popullit, lajtmotiv të punës së tyre kemi të bëjmë punën me zemër dhe sigurisht ta bëjmë me mendje.

The post Raporti i Avokatit të Popullit në Kuvend, Ballanca: Ja sa duhet të jetë minimumi jetik në Shqipëri për 2024 appeared first on Albeu.com.

Gjithashtu Tabaku ka pyetur Avokaten e Popullit, se si ka ndikuar implementimi i hartës së re gjyqësore, lidhur me aksesis në drejtësi për qytetarët.

“A ka sot pas hartës së re gjyqësore më shumë akses apo më pak akses në drejtësi? Si është situata me zbatimin e të dretjave të njeriut përsa i përket këtij aspekti” pyeti ajo duke iu drejtuar avokates së popullit që në fjalën e saj e ceku këtë si shqetësim.

Më tej deputetja e vuri theksin edhe tek situata me emrat e KLP dhe KLGJ duke evidentuar problemet që ka krijuar artificialisht kuvendi Shqipërisë. Ajo ngriti një sërë shqetësimesh në lidhje me kapjen e KLP dhe KLGJ që duhet ndaluar.

Në fund ajo ngriti shqetësimin dhe pyetjen ndaj avokates së popullit në lidhje me arrestimin e një të miture që policia e kishte arrestuar gjatë protestës për ndërtimet në lagjen e 5 Majit.

Replika e deputetes së PD, Jorida Tabaku :

E nderuar zonja avokate e popullit,

Në fakt unë kisha depozituar një sërë pyetjesh, disa prej të cilave juve edhe i dhatë përgjigje gjatë prezantimit tuaj. Unë dua t’ju falenderoj për bashkëpunimin që kemi pasur bashkë në Këshillin Kombëtar të Integrimit, edhe për faktin që jeni një nga zyrtarët më seriozë në fakt që paraqitet atje, dhe bashkëpunimi që kemi pasur për të drejtat e njeriut dhe dua të fokusohem vetëm në dy tema të cilat ju i prekët por shpresoj që të kem pak më shumë informacion:
-Si ka ndikuar implementimi i hartës së re gjyqësore, aksesi në drejtësi për qytetarët.
A ka sot pas hartës së re gjyqësore më shumë akses apo më pak akses në drejtësi? Si është situata me zbatimin e të dretjave të njeriut përsa i përket këtij aspekti;

-Së dyti, ju e sqaruat shumë qartë procesin e përzgjedhjes së anëtarëve të KLGJ-së dhe KLP-së dhe besoj që ishte shumë i qartë qëndrimi juaj për këtë, përsa i përket vlerësimit me meritë dhe sistemit që është ndjekur nga parlamenti dhe vonesave që ka pasur parlament. Unë dua t’ju përgëzoj që me gjithë vështirësitë, institucioni juaj e ka kaluar fazën që këtij institucioni i përket dhe gjitha problemet kanë rezultuar nga parlamenti.
Ashtu sic thotë edhe raporti ‘Rule of Law’, vonesat në emërimin e anëtarëvë të KLP-së dhe KLGJ-së kanë zgjatur mandatin e drejtuesve aktualë dhe kanë krijuar mundësinë dhe predispozitat për kapjen e këtyre dy organeve nga ana e mazhorancës, çështje për të cilën ju ishit e qartë dhe nuk kam pyetje tjetër.

Ndërkohë doja që të fokusoheshim pak në lidhje me problemet përsa i përket proçesit të legalizimeve, ndërtimeve, lejeve të kartelave për pasuritë e paluajtshme. Bashkë kemi pasur një komunikim shumë të gjatë për ngjarjen e 5 Majit, për prishjen e ndërtimeve atje, por parë edhe në aspektin e të drejtave të njeriut ju kam ngritur shqetësimin që një vajzë 5 vjeçare është mbajtur në paraburgim në prishjen e këtyre ndërtimeve dhe doja një koment tuajin për këtë proçes.

The post Jorida Tabaku vendos me “shpatulla mbas murit” Avokaten e Popullit: Një vajzë 5 vjeçare është mbajtur në paraburgim appeared first on Albeu.com.

Studentët thonë se ligji “Për trajtimin e veçantë të studentëve që ndjekin programin e integruar të studimit të ciklit të dytë Mjekësi e Përgjithshme në institucionet publike të arsimit të lartë” u shkel të drejtat dhe liritë e tyre si studentë, mjekë të ardhshëm dhe si qytetarë.

Kërkesa drejtuar Avokates së Popullit, Znj. Erinda Ballanca është bërë nga përfaqësuesit e studentëve te mjekësisë: Dea Guri, Eliot Sulçaj, Mikel Seferi, Arbëri Shehu, Zino Veleshnja.

“Deri më tani kemi përdorur mjere të ndryshme të shprehjes së pakënaqësive, duke filluar nga formulimi i potecionit dhe mbledhja e firmave të studentëve të mjekësisë, ku mbajmë qëndrim kategorikisht kundër projektligjit, dhe pjesëmarrjen tonë në komisione, konkretisht Komisioni për punën, Çështjet Sociale dhe Shëndetësinë, Komisioni për Edukimin dhe Mjetet e Informimit Publik dhe Komisioni për Çështjet Ligjore, Administratën Publike dhe të  Drejtat e Njeriut.  Ju bëjmë me dije që në komisionin e fundit, përfaqësueve tanë ju mohua e drejta për të marrë pjesë dhe për t’u dëgjuar denjësisht, pavarësisht kërkesave për pjesëmarrje si  grup interesi që dërguam drejtuar Komisionit. Kemi kërkuar gjithashtu të dëgjohemi edhe në seancën plenale përkatëse, kërkesë që na u mohua sërish”-thuhet në kërkesën e tyre.

Më 21 korrik 2023 në seancën e fundit plenare, Kuvendi miratoi me 71 vota pro, 23 kundër dhe asnjë abstenim projektligjin për studentët e Mjekësisë. Sipas ligjit, studentët aplikantë në Mjekësi që futen këtë vit në sistem, janë të detyruar të firmosin një marrëveshje në bazë të së cilës ata duhet të punojnë në spitalet shqiptare për një periudhë 5 vjeçare pas diplomimit.

Ndërsa ata që vijojnë studimet nga viti i dytë deri në të gjashtin, kanë mundësi të firmosin marrëveshjen që i detyron të punojnë 2 ose 3 vite në Shqipëri.

Në të kundërt do të paguajnë tarifë të plotë studimi.

Më 25 korrik studentët patën një takim me Presidentin  Begaj për t’i kërkuar mosdekretimin e ligjit të ri.

Studentët e Mjekësisë kanë paralajmëruar bojkot të procesit mësimor nëse ligji miratohet në Kuvend, ata janë shprehur se do të vijojnë protestat deri në fund madje kanë parlajmëruar se ligjin do ta çojnë në Gjykatë Kushtetuese./Albeu.com/

The post “5 vite punë me detyrim”, studentët e Mjekësisë kërkojnë të takohen me Avokatin e Popullit appeared first on Albeu.com.

Ballanaca është shprehur se vitit që lamë pas ka pasnur një record ankesash dhe sipas saj shumë prej tyre janë zgjidhur pa nevojën për një rekomandim.

“Jam sot para jush për të prezantuar raportn për të Drejtat e Njeriut në vend për vitin 2022. Së pari falenderoj Kuvendin dhe Komisonet Parlamentare për bashkëpunimin gjatë mandatit tim në krye të Avokatit të Popullit. Ka pasur vështirësi, por e rëndësishme është që problematikat të adresohen. Momenti ideal për adresimin e të drejtave të njeriut është gjatë procesit të aderimit në BE. Pikëtisht në këtë kuadër do t’i kërkoja Kuvendit të kenë sa më shumë vëmendje në adresimin e problematikeva të të drejtave në Njeriut.

Kemi publikuar raporte dhe këtë vit kemi sjellë shumë raporte, prej të cilave mund të mësojmë shumë dhe mund të mësojmë politika të reja për trajtimin e qytetarëve. Ne jemi të ndërgjegjshëm se veprimtaria e Avokatit të Popullit, edhe nëse bëhet sic duhet, bie ndesh me politikën. Ne jemi zëri kritik, dhe nëse kritika është kontruktive, është pozitive sepse mund të marrim një vëmendje më të madhe nga shteti për qytetarët. Dy kolonat janë trajtimi i ankesave dhe promovimi dhe standardet ku ne duam të shkojmë, Vjet ka qenë një vit rekord për ankesat, me një numër total 6224 ankesa. Ne kemi kryes 1826 hetime administrative. Përtej kësaj morie hetimesh, kemi arritur që një numër shumë i madh rastesh të zgjidhen pa rekomandim, rreth 800 raste. Kemi adresuar 249 raporte me rekomandime”, tha Ballaca.

The post Avokatja e Popullit raporton në Kuvend: 2022, vit rekord me ankesa nga qytetarët appeared first on Albeu.com.

E ftuar në emisionin “Të Paekspozuarit” në MCN TV, Ballanca tha se nuk është dokumentuar hyrja e Lear Kurtit në komisariat dhe gjithashtu nuk është dokumentuar as arsyeja e ndalimit të tij. Po kështu, Ballanca tha se nga kqyrja e regjistrave për vitin 2022, nuk rezulton se Kurti të ketë qenë kontigjent i policisë si shpërndarës apo konsumator i lëndëve narkotike, por ishte shoqëruar një herë për verifikim dhe një herë tjetër, sepse kishte qenë në makinën e një personi që nuk posedonte patentë.

“Nga verifikimi, ka rezultuar dy fakte, fakti i parë është se ky individ nuk është banor i rajonit të komisariatit numër 3. Ai banon në komisariatin 2. Nëse do të kishte indicie për vepër penale, kompetent do të ishte rajoni numër 2.

Në rajonin 2 verifikuam regjistrat dhe rezulton se gjatë këtij viti, ai është shoqëruar në rajon dy herë, për shkaqe banale dhe që nuk kanë lidhje me konsumin apo shpërndarjen e lëndëve narkotike. Një herë është shoqëruar për shkak se ka patur probleme me identifikimin e tij, ka dhënë inrformacione kontradiktore. E kanë mbajtur tetë orë dhe e kanë lëshuar pa akuza dhe pa asnjë lloj problematike.

Herën e dytë është shoqëruar po në muajin tetor, për një shkak që është edhe më i palidhur me konsumin e drogës. Është shoqëruar sepse ka qenë në mjet me nje person që nuk ka patur patent. Kemi identifikuar regjistrat për këtë vit”, deklaroi Ballanca.

Pjesë nga biseda:

Erinda Ballanca: Ne që në mëngjesin e së enjtes kemi dërguar një grup ekspertësh, i drejtuar nga zoti Prenci, që ka qenë edhe drejtues i policisë, gjithashtu edhe dy ndihmës komisionerë. Ata kanë bërë kqyrjen e regjistrave dhe kanë kërkuar marrjen e kamerave.
Ata kanë marrë shpjegime paraprake edhe nga persona që kanë kryer shoqërimin.
Ajo që ka qenë rezultati i menjëhershëm, jemi informuar nga policia, se personi nuk ka hyrë në komisariat dhe është çuar në spital. Nga kjo deklaratë e parë, kemi bërë planin tonë të hetimit, kemi vendosur të hetojmë më thellë, sepse kemi evidentuar parregullësi në mbajtjen e procedurave.
Kjo nuk do të thotë se ka patur dhunë, apo personi ka qenë i dhunuar, por janë disa indicie që tregojnë se ka një problematikë në procedurën e shoqërimit.
Policia e shtetit nuk mund të shoqërojë cdo person në rrugë, duhet të ketë disa shkaqe. Ose ka indicie që ka kryer vepër penale, ose dyshohet se mund të kryejë një vepër.
Gjetja jonë e parë është se nuk ka asnjë regjistrim në regjistrat e policisë, në lidhje me personin në fjalë. Do të presim të marrim të dhëna të mëtejshme. Kemi vijuar me hetimin, me përgatitjen e dokumentacionit. Janë marrë në pyetje në mënyrë të plotë të gjithë punonjësit e policisë, të përfshirë në çështje. U është kërkuar edhe kopje e dokumentit të gjetje paraprake të mjekësisë ligjore.
Ajo që e frenoi pak hetimin, ishin gjetjet e deklaruara nëpër media, se shkaku i vdekjes ishte gëlltitja e një lënde narkotike. U desh të viheshin në dispozicion pamjet filmike nga mediat, të cilat nuk janë prova definitive, por përbëjnë indicie për të thelluar hetimin.
I kemi pyetur efektivët, ata nuk pranojnë se ka patur dhunë. Pretendojnë se rasti është fatkeqë dhe ai është ndjerë keq pasi ka arritur në komisariatin e policisë.

Ylli Rakipi: Ju kontrolluat dokumentacionin. A është Lear Kurti, përdorues droge dhe kontigjent i policisë?

Erinda Ballanca: Edhe ne e kemi hetuar dhe verifikuar, nëse marrëdhënia e këtij personi me policinë ka qenë marrëdhënie problematike dhe nëse ai është shoqëruar në mënyrë të vazhdueshme. Nuk kishte asnjë shkak të regjistruar se përse po shoqërohej.
Nga verifikimi, ka rezultuar dy fakte, fakti i parë është se ky individ nuk është banor i rajonit të komisariatit numër 3. Ai banon në komisariatin 2. Nëse do të kishte indicie për vepër penale, kompetent do të ishte rajoni numër 2.
Në rajonin 2 verifikuam regjistrat dhe rezulton se gjatë këtij viti, ai është shoqëruar në rajon dy herë, për shkaqe banale dhe që nuk kanë lidhje me konsumin apo shpërndarjen e lëndëve narkotike. Një herë është shoqëruar për shkak se ka patur probleme me identifikimin e tij, ka dhënë inrformacione kontradiktore. E kanë mbajtur tetë orë dhe e kanë lëshuar pa akuza dhe pa asnjë lloj problematike.
Herën e dytë është shoqëruar po në muajin tetor, për një shkak që është edhe më i palidhur me konsumin e drogës. Është shoqëruar sepse ka qenë në mjet me nje person që nuk ka patur patent. Kemi identifikuar regjistrat për këtë vit.
Nuk duket që personi të ketë qenë i shoqëruar gjatë këtij viti për këto shkaqe. Do të presim informacione të tjera.

Ylli Rakipi: Deklaratat e policisë ishin kontradiktore.

Erinda Ballanca: Ne në mënyrë të vazhdueshme i kemi rekomanduar Policisë së Shtetit, që deklaratat e tyre të jenë të sakta. Rreziku më i madh nga një deklaratë e shpejtë është shumë e madhe. Kujdesi që duhet të tregojnë forcat e policisë duhet të jetë shumë i madh.
Nuk mund të them se ka patur tentativë për të fshehur rastin, por sigurisht do të hetojmë në lidhje me këtë çështje.

Armand Shkullaku: Ju kanë thënë që nuk ka hyrë brenda komisariatit?

Erinda Ballanca: Thonë se nuk ka hyrë brenda në godinë por jashtë komisariatit. Përgjigja ka qenë e kemi mbajtur jashtë sepse është ndjerë keq. Ky ishte shkaku që na u dha.

Armand Shkullaku: Vetëm ky fakt tregon se ka patur tentativë për të manipuluar.

Erinda Ballanca: Fakti që ka parregullësi në dokumentim, nuk do të thotë domosdoshmërisht se personi ka vdekur për shkak të dhunës policore.

Armand Shkullaku: Po thoja që ka përpjekje për të ndryshuar versionin e ngjarjeve.

Erinda Ballanca: Nuk ka përpjekje të strukturuar. Ne kemi pyetur persona që ishin në krye të detyrës. I kemi pyetur për elementë që mund të përbëjnë shkelje administrative. Nga pamjet filmike duket se ai është ndjerë keq që në fillim dhe duhet ta kishin çuar në spital.

The post “Bomba” e Avokates së Popullit: Polica nuk ka regjistruar arsyen përse u ndalu Leari appeared first on Albeu.com.

Ballanca u shpreh se ka folur edhe me drejtorin e përgjithshëm të Policisë së Shtetit lidhur me këtë çështje.

Komentet Ballanca i ka bërë në fjalën e saj në Komisionin për Çështjet Ligjore, ku është shprehur se kushtet në Komisariate nuk janë të përmbushura sipas standardeve.

Gjithashtu gjatë fjalës së saj, Ballanca tha se në Komisariate është bërë një investim pa u menduar, duke shtuar se prej 7 muajsh qytetarët jetojnë në kushte skandaloze, për shkak se personi që duhet të kishte parë elementët e sigurisë, nuk e ka bërë detyrën e tij.

“Sa i përket gjendjes në komisariatet e Tiranës, në mënyrë të veçantë është katastrofike, tërësisht në kundërshtim me standardet për qëndrimin e personave të privuar nga liria. Kemi pasur raport për dhoma të mbyllura, dhe kur ne kemi shkuar për inspektim i kemi gjetur të hapura. Futeshin brenda në komisariate, persona me zero kushte, për shkak se kishin protestuar në shkelje të rregullave anticovid. Ndërkohë në ato komisariate nuk ka pasur asnjë kusht, prej 3 vitesh në Tiranë po ndërtohet një bllok i dhomave të sigurisë, me një kapacitet tjetër, dhe me kushte të tjera. Dhe aty kemi një problem, sepse është bërë një investim pa menduar, ky boks i ri nuk ka elementë sigurie në përputhje me ligjin, me të drejtë drejtori i policisë, kur ka shkuar për të marrë në dorëzim objektin, ka refuzuar, sepse nuk ka elementë të sigurisë. Kemi 7 muaj që qytetarët jetojnë në kushte skandaloze, për shkak se personi që duhet të kishte parë elementët e sigurisë, nuk e ka bërë detyrën e tij.Kemi kërkuar ndjekje penale, lekët hidhen, dhe investimi në rastin konkret nuk po çon aty ku duhet të çonte, është një problem jo i vogël për Tiranën. Diku do të shkojnë këta njerëz, në rastin e Kamzës psh, drejtori i komisariatit ka thënë ‘ku ti çoj?, jam i detyruar’. Pra në fund të ditës problemi thelbësor që mbetet është se investimi që u bë…Unë kam bërë takim dhe me zotin Nano për këtë çështje”, u shpreh Ballanca./albeu.com/

The post “Jam takuar edhe me Gledis Nanon”, Avokatja e Popullit: Gjendja në Komisaritatet e Tiranës, katastrofike appeared first on Albeu.com.

Ballanca tha se parandalimi është rruga që duhet të ndiqet për raste të tilla të rënda, dhe i gjithë çelësi është që të vendoset theksi te edukimi.

Sipas Ballancës, në vendin tonë ka politika të mira që janë hartuar, por mbeten gjysmake për shkak të buxhetit që mungon, siç është edhe rasti i punonjësve të shërbimit social në burgje.

Ballanca ishte dhe kundër ngritjes së një regjistri për personat e dënuar, pasi sipas saj çdo person ka të drejtë që të rehabilitohet pas kryerjes së një vepre penale.

“Ngjarje të tilla na bëjnë të shohim se çfarë kemi bërë keq, të gjithë ne, ata njerëz kanë qenë pjesë e shoqërisë, ka një standard kohët e fundit, për të pranuar të keqen. Ky lloj standardi, sjell probleme dhe te të miturit, çfarë modeli u japim ne fëmijëve tanë, ne iu themi fëmijëve që nëse shkel ligjin dhe je i pasur je një njeri më i pushtetshëm.

Edhe gjuha e përdorur, që fëmijët të jenë të parët, të jenë të fortë, të kenë arritur gjithçka në jetë është një qasje negative ndaj fëmijëve, shoqëria nuk përbëhet vetëm nga supernjerëzit, kjo nuk duhet të kthehet në mani për të qënë qëllim në vetvete. Duhet të jemi një shoqeri që të rrisim vlerën e fëmijëve dhe adoleshentëve normalë. Sa e sa njerëz i përkasin kategorisë së supernjerëzve? Ata janë shumë pak.

Parandalimi më shumë se në çdo vlerë tjetër është te familja, në mënyrë që fëmijët të kenë një sjellje më të sigurt. Mungesa e edukimit më shumë se regjistri, nuk janë zgjidhje dënimet më të ashpra, mund të adresojnë problemin në një moment të caktuar, por nuk janë afatgjata.

Çdo njeri që ka qenë në burg ka të drejtë që të rehabilitohet, nuk mund të jenë gjithnjë të etiketuar me gisht, duhen shumë elementë, shumë iniciativa, që të ndryshohet qasja ndaj edukimit të fëmijëve. Nuk mund të arrijmë ne me një regjistër që të zhdukim të gjitha problemet.

Ka një numër shumë të ulët të punonjësve socialë në burgje, që e kanë të pamundur që të bëjnë rehabilitimin e të gjithë të dënuarve, ne mundohemi që të bëjmë politika të mira, por për shkak të buxhetit të kufizuar nuk i bëjmë dot të efektshme”, u shpreh Ballanca./albeu.com/

The post “Një i dënuar s’mund të tregohet me gisht gjithë jetën”, avokatja e popullit reagon mbi vrasjen e 8-vjeçarit në Fier appeared first on Albeu.com.

Në një intervistë me gazetarin Lutfi Dervishi në emisionin Përballë, Ballanca tha se reforma duhet të kishte një qasje tjetër në mënyrë që të ishte funksionale brenda afateve kushtetuese.

“Unë e kam thënë që para katër vitesh që kjo reformë duhet të kishte një qasje tjetër. Unë mendoj se aktualisht është e pamundur…Ne dhe për pesë vite të tjera nuk do të kemi një sistem drejtësie funksional, minimalisht.”

Po çfarë do të ndodh pas 5 vitesh?

“Pastaj shpresojmë që do të funksionojë nëse të gjitha gjërat do të shkojnë mirë. Që do të thotë që të gjithë gjyqtarët e rinj që do të emërohen do të kenë hequr dorë njëherë e përgjithmonë nga qasja korruptive në sistemin e drejtësisë.” – tha Ballanca në Përballë.

The post Avokatja e Popullit: Edhe 5 vite nuk do të kemi sistem drejtësie funksional! appeared first on Albeu.com.