Prosper pretendoi se rezultati i procesit ishte i paracaktuar dhe akuzoi Dhomat e Specializuara se po “rishkruajnë historinë”, duke e paraqitur UÇK-në si një strukturë të organizuar dhe duke ia atribuar, sipas tij, përgjegjësinë Thaçit.

“Kjo është një ditë e errët për drejtësinë ndërkombëtare dhe fundi i tribunaleve”, tha Prosper pas shpalljes së aktgjykimit.

Ai tha se ka biseduar me Thaçin dhe se do ta takojë sërish. “Thaçi është i gatshëm të vazhdojë të luftojë për veten dhe për popullin e Kosovës”, tha Prosper.

Sipas tij, shpresa e mbrojtjes është që aktgjykimi të rrëzohet në apel, ndonëse paralajmëroi se procesi mund të zgjasë me vite.

Prosper bëri thirrje, gjithashtu, që Kuvendi i Kosovës ta shqyrtojë raportin me Dhomat e Specializuara, duke thënë se Kosova duhet të marrë “një vendim sovran që është në interesin më të mirë të vendit”.

“Nëse do të isha deputet, që nga nesër do ta tërhiqja mbështetjen për këtë gjykatë”, tha Prosper. Apelimin e aktgjykimit e paralajmëruan edhe avokatët e të dënuarve të tjerë.

The post Avokati i Thaçit paralajmëron apelin e vendimit: Nëse do të isha deputet do ta tërhiqja mbështetjen për Gjykatën Speciale appeared first on Albeu.com.

Komentet ai i bëri në një intervistë për Ekonomia Online, ku tha se një Gjykatë po gjykon popullin që vetë e ka krijuar.

Ai thotë se mbrojtja tashmë ka humbur besimin në një Prokurori, e cila fsheh dokumentet shfajësuese për krerët e UÇK-së.

Në këto rrethana, Prosper i bën thirrje Qeverisë së Kosovës, Bashkimit Evropian, Shoqërisë Civile dhe qytetarëve të Kosovës që të monitorojnë punën e kësaj gjykate. Ai kërkon që populli i Kosovës të ketë pronësi në këtë proces, duke u përfshirë, meqë ky proces do të përcaktojë të ardhmen dhe fatin e Kosovës. Pierre Prosper, në tri dekadat e fundit si ambasador i SHBA-së për krime lufte, ka marrë pjesë në krijimin e shumë Tribunaleve, Gjykatave Hibride në Hagë dhe në botë, duke pas një bagazh të jashtëzakonshëm në sistemin e drejtësisë ndërkombëtare./albeu.com/

The post Avokati i Thaçit: Po tentohet të rishkruhet historia, qeveria e Kosovës duhet të ketë kujdes për procesin në Hagë appeared first on Albeu.com.

Avokati i Hashim Thaçit është ankuar në senacë për këtë vonesë, dhe ka thënë se, ishte vetë Zyra e Prokurorit të Specializuar që kërkonte që gjykimi të niste në korrik dhe tani nuk janë vetë gati.

“Ne duam të shprehim çudinë tonë që ende janë në përgatitje këto raporte ekspertësh. Në nëntor, ZPS-ja tha se nuk kishte asnjë arsye pse të mos fillonte gjyqi këtë muaj dhe tani po na thuhet që janë ende në përgatitje tri raporte ekspertësh dhe se nuk do të jenë gati për afatin e përcaktuar”, tha avokati.

Nga ana tjetër,  Zyra e Prokurorit të Specializuar është justifikuar duke njoftuar se janë 5 dëshmitarë ndërkombëtarët për të cilët nuk janë marrë ende miratimet për raportet e ekspertëve./albeu.com

The post Avokati i Thaçit: Prokuroria kërkonte që gjykimi të niste këtë muaj, tani s’janë gati appeared first on Albeu.com.