Konstatimet fillestare të grupit inspektues nxjerrin në pah një tejmbushje alarmante të dhomave të fjetjes dhe një mungesë thelbësore të stafit mjekësor, krejtësisht e pamjaftueshme për problematikat shëndetësore që paraqesin personat e stacionuar aty.

Përfaqësuesi më i lartë i të drejtave të qytetarëve theksoi se këto kushte përbëjnë një dhunim të rëndë të dinjitetit njerëzor dhe janë në kundërshtim të plotë me parametrat minimalë të vendosur nga Komiteti Evropian për Parandalimin e Torturës.

Gjatë këtij kontrolli të hollësishëm, po shqyrtohen me kujdes ambientet e banimit, shërbimet mjekësore, dosjet e ankimimeve dhe po organizohen takime konfidenciale me individët e privuar nga liria, në mungesë të plotë të personelit të burgut.

Në përfundim, Avokati i Popullit do të hartojë një dokument të detajuar me të dhënat dhe sugjerimet përkatëse, i cili do t’i shkojë për shqyrtim Ministrisë së Drejtësisë dhe Drejtorisë së Përgjithshme të Burgjeve. Paralelisht, ekspertët do të bëjnë një përqasje mes situatës aktuale dhe asaj të hasur gjatë inspektimit të një viti më parë, për të matur shkallën e zbatimit të rekomandimeve të lëna atëherë.

Endrit Shabani, kreu i institucionit, ishte i prerë në deklaratën e tij pas mbikëqyrjes: “Çështja themelore është se këtu nuk bëhet fjalë për një strukturë të thjeshtë vuajtjeje dënimi. Një qendër e tillë duhet të ishte konceptuar si një spital me masa të forta sigurie, jo të reduktohej në një burg me vetëm dy mjekë të specializuar për shëndetin mendor.”

Zyrtari sqaroi se personat e mbajtur në këtë institucion nuk janë të dënuar, por individë ndaj të cilëve gjykata ka vendosur një trajtim të detyruar, për shkak se nuk kishin aftësinë të kuptonin pasojat e sjelljes së tyre në momentin e kryerjes së veprës.

Pavarësisht kësaj, kushtet e jetesës i përshkroi si thellësisht degraduese. “Sot dhe nesër po shohim një realitet të papranueshëm. Ekipi im dhe Komisioneri për Mekanizmin kanë gjetur të njëjtën panoramë si vjet. Dymbëdhjetë njerëz grumbullohen në një qeli të vetme, në një ambient që fyen rëndë të drejtat elementare të njeriut. Kjo përbën një shkelje flagrante,” u shpreh ai.

Avokati i Popullit këmbënguli se nevojitet një veprim i menjëhershëm dhe i koordinuar nga Ministria e Shëndetësisë dhe ajo e Drejtësisë. Ai vuri në dukje se njëra prej godinave rrezikon shembjen dhe është bërë e pabanueshme, ndërsa në pjesën tjetër mbizotëron mbingarkesa ekstreme.

Ai vuri në dukje një tjetër anomali: ndërsa të burgosurit e ndërgjegjshëm për fajin e tyre përfitojnë periodikisht nga amnistitë penale, këta pacientë me probleme të rënda të shëndetit mendor përjashtohen nga një lehtësim i tillë, thjesht për shkak të mënyrës si funksionon sistemi. “Si rrjedhojë, në vend që të kenë një trajtim më të butë, ata ndëshkohen në mënyrë edhe më të ashpër dhe mbahen në kushte të patolerueshme,” shtoi ai.

Duke iu referuar precedentëve, kreu i Mekanizmit solli në kujtesë rastin e institucionit të ngjashëm në Zahari, i cili u mbyll falë presionit të vazhdueshëm të Avokatit të Popullit. “Është e pafalshme që sërish gjendemi në të njëjtën pikë. Kjo situatë nuk e nderon aspak shtetin shqiptar dhe kërkon ndërhyrjen më prioritare të të dy ministrive përgjegjëse,” përfundoi ai, duke i lënë fjalën ndihmëskomisioneres Gloria Çarkaxhiu për të bërë një paralelizëm mes gjetjeve të dy viteve.

The post Burgu i Shënkollit në kushte poshtëruese, Avokati i Popullit: Ky vend duhet të ishte spital, jo burg me dy psikiatër appeared first on Albeu.com.

Sipas institucionit, sapo është marrë sinjalizimi, katër ndihmës komisionerë janë angazhuar në terren. Në fillim ata janë paraqitur në QSUT, por gjendja shëndetësore e qytetarit nuk ka bërë të mundur intervistimin e tij.

Më pas, grupi i verifikimit ka vazhduar hetimet në Bllokun e Sigurisë, ku janë mbledhur dëshmi nga personeli dhe nga persona të tjerë të arrestuar. Pas transferimit të qytetarit në Spitalin e Traumës, është vijuar edhe me marrjen e deklarimeve të tij.

Avokati i Popullit bën me dije se dokumentacioni i administruar deri tani nuk i mbështet pretendimet për dhunë në ambientet e Bllokut të Sigurisë. Nga verifikimet rezulton gjithashtu se qytetari ka kaluar disa episode krizash shëndetësore, të lidhura me sëmundjen nga e cila vuan.

Institucioni thekson se qytetari është intervistuar edhe një ditë më parë dhe se, sipas dëshmisë së tij me shkrim, ai nuk ka paraqitur asnjë pretendim për dhunë, as në momentin e ndalimit, gjatë shoqërimit, qëndrimit në komisariat apo në Bllokun e Sigurisë.

Procesi i verifikimit vijon ende. Avokati i Popullit ka kërkuar që të administrohen pamjet e kamerave të sigurisë në ambientet ku mbahen personat e arrestuar, ndërsa përfundimet finale do të bëhen publike pasi ato të analizohen plotësisht.

Nga ana tjetër, duke iu referuar dokumentacionit mjekësor dhe krizave të përsëritura shëndetësore, Avokati i Popullit vlerëson se qëndrimi i qytetarit në qeli përbën rrezik për shëndetin e tij dhe është në kundërshtim me standardet e nenit 3 të Konventës Evropiane për të Drejtat e Njeriut.

Për këtë shkak, institucioni i ka kërkuar Prokurorisë dhe Gjykatës që të rishohin pa vonesë masën e sigurisë dhe ta zëvendësojnë atë me një tjetër, të përshtatshme me gjendjen shëndetësore të qytetarit.

The post Avokati i Popullit kërkon lirimin e menjëhershëm të qytetarit me kriza shëndetësore, qelia i rrezikon jetën appeared first on Albeu.com.

Në njoftim thuhet se institucioni ka qenë i angazhuar pa ndërprerje që nga dita e parë për monitorimin e të drejtave të protestuesve të ndaluar ose të arrestuar.

Po atë ditë, sipas reagimit, është administruar dhe verifikuar dokumentacioni përkatës lidhur me ndalimet dhe shoqërimet.

Avokati i Popullit sqaron se të enjten ka kontaktuar personalisht personat e arrestuar, ndërsa ekipet e institucionit kanë qenë në komisariatet 1, 2, 3 dhe 4 të Tiranës, si edhe në Spitalin e Traumës, ku janë intervistuar të ndaluarit dhe të lënduarit dhe është mbledhur informacioni i nevojshëm.

Ndërkaq, të premten, Mekanizmi Kombëtar për Parandalimin e Torturës ka kryer verifikime në Bllokun e Sigurisë në Tiranë, ku janë intervistuar protestuesit e ndaluar.

Deri tani, sipas njoftimit, janë administruar 10 ankesa zyrtare që lidhen me tejkalim force gjatë ndalimit ose shoqërimit nga punonjësit e policisë. Këto raste ndodhen në proces verifikimi administrativ dhe, nëse konfirmohen, do të ndiqen me të gjitha mjetet ligjore që parashikon mandati i institucionit.

Po ashtu, nga intervistat e kryera deri të premten, rezulton se asnjë nga personat e ndaluar nuk ka paraqitur ankesë për ushtrim dhune gjatë qëndrimit në Bllokun e Sigurisë.

Avokati i Popullit bën me dije gjithashtu se këtë të shtunë, pas pretendimit për dhunë ndaj një qytetari brenda ambienteve të Bllokut të Sigurisë, janë angazhuar menjëherë dy ekipe. Njëri ekip do të intervistojë qytetarin në spital, ndërsa ekipi tjetër do të kryejë verifikime në Bllokun e Sigurisë. Sipas njoftimit, gjetjet e plota do të bëhen publike pas përfundimit të verifikimeve.

The post Avokati i Popullit: Deri të premten nuk është raportuar dhunë ndaj protestuesve të ndaluar appeared first on Albeu.com.

Mbi bazën e ankesës së tyre, institucioni ka nisur verifikimin e veprimeve të deritanishme të policisë.

Aktivistët pretendojnë se procedimet ndaj tyre janë të pabazuara dhe synojnë dekurajimin e të drejtës së tyre për të protestuar.

Avokati i Popullit po vlerëson nëse këto veprime të policisë përmbushin parimet e proporcionalitetit dhe domosdoshmërisë, sipas Kushtetutës së Republikës së Shqipërisë dhe Nenit 11 të Konventës Evropiane për të Drejtat e Njeriut.

“E drejta për të protestuar paqësisht është e drejtë themelore dhe duhet garantuar me çdo kusht. Kur policia procedon qytetarë vetëm sepse protestuan, barra e provës nuk është tek protestuesit por te policia, e cila duhet të vërtetojë që ata realisht kanë shkelur ligjin”,-deklaroi Shabani.

Avokati i Popullit do të vijojë hetimin administrativ ndaj sjelljes së policisë për tu siguruar se në çdo rast e drejta për tubim të mos cenohet.

The post U proceduan për protestat kundër Ramës, Avokati i Popullit nis hetimin e veprimeve të policisë ndaj aktivistëve appeared first on Albeu.com.

Gjetjet janë rezultat i inspektimeve të kryera në 18 IEVP gjatë vitit 2025, si dhe analizës së 115 ankesave të trajtuara nga të burgosur dhe familjarë të tyre.

Avokati i Popullit, Endrit Shabani, deklaroi se kushtet aktuale përbëjnë shkelje të Kushtetutës dhe të detyrimeve ndërkombëtare të Shqipërisë.

“Kur shteti i mban të dënuarit në kushte degraduese, nuk po i ndëshkon, por po i poshtëron. Mbyllja e këtyre pesë institucioneve është detyrim kushtetues,” u shpreh ai.

Raporti evidenton se në IEVP Lezhë mbipopullimi arrin në 65%, me 181 persona mbi kapacitetin e parashikuar, ndërsa mesatarja e qëndrimit në paraburgim është 253 ditë, ose mbi 8 muaj pa një vendim përfundimtar gjykate.

Avokati i Popullit 

Avokati i Popullit: 5 burgje shqiptare duhen mbyllur. Cenojnë dinjitetin njerëzor

Në Lezhë, mbipopullimi i burgjeve arrin 65%. Të paraburgosurit kalojnë mesatarisht më shumë se 8 muaj në qeli pa qenë të dënuar.

Avokati i Popullit, ka konstatuar se trajtimi i personave të privuar nga liria në pesë institucione penitenciare të vendit afrohet me standardin e trajtimit degradues.

Kjo është një shkelje flagrante e Kushtetutës dhe e detyrimeve ndërkombëtare të Shqipërisë. Gjetjet bazohen në inspektime në 18 IEVP gjatë vitit 2025 dhe në 115 raste ankesash të trajtuara nga institucioni.

“Kur shteti i mban të dënuarit në kushte degraduese, nuk po i ndëshkon, por po i poshtëron. Mbyllja e këtyre pesë institucioneve është detyrim kushtetues”,-tha Avokati i Popullit, Endrit Shabani.

Tre shifrat kryesore

5 burgje duhen mbyllur: Burrel, Kosovë-Lushnjë, Kukës, “Mine Peza” (302), “Jordan Misja” (313).

65% mbipopullim në IEVP Lezhë, 181 të burgosur mbi kapacitetin e planifikuar.

253 ditë mesatarja e qëndrimit në paraburgim, pra më shumë se 8 muaj në qeli pa qenë i dënuar.

Realiteti njerëzor pas shifrave

Në shumicën e institucioneve, të dënuarit dhe të paraburgosurit i mbajnë rrobat dhe sendet personale në qese plastike, sepse nuk ka dollapë. Mjeku është prezent vetëm katër orë në ditë. Spitalet rajonale shpesh refuzojnë trajtimin e të burgosurve për “arsye sigurie”. Për personat me probleme të shëndetit mendor nuk ekziston asnjë institucion i specializuar mjekësor, megjithëse ata aktualisht mbahen në IEVP-në e Shën Kollit.

Gjatë vitit 2025, Avokati i Popullit ka trajtuar 115 raste të paraqitura nga të burgosur dhe familjarët e tyre.

Mbipopullimi, i lokalizuar, jo kombëtar

Në total, sistemi penitenciar është nën kapacitet (5.029 të burgosur dhe 5.747 vende gjithësej = 87%).

Por shpërndarja është thellësisht e pabarabartë:

IEVP Lezhë: +65% (181 persona mbi kapacitet)

IEVP “Jordan Misja”: +11% (55 persona)

IEVP Vlorë: +10% (16 persona)

IEVP Fushë-Krujë: +2,4% (9 persona)

56,8% e popullsisë penitenciare janë në paraburgim, pra mbahen në burg megjithëse ende janë të padënuar. Ky është një tregues që cenon parimin e prezumimit të pafajësisë.

Kushtet që cënojnë dinjitetin

Inspektimet kanë konstatuar:

Ambiente të amortizuara, pa ajrim, ndriçim apo ngrohje të mjaftueshme.

Të burgosur që mbajnë sendet personale në qese plastike sepse nuk ka dollapë.

Mungesë e produkteve bazë të higjienës dhe detergjentëve për pastrimin e qelive.

Sisteme ngrohjeje e ftohjeje jofunksionale, sidomos në mot ekstrem.

Mungesë larmishmërie dhe sasie të pamjaftueshme në ushqim.

Mundësi të kufizuara për aktivitete social-kulturore dhe rehabilitim.

Kujdesi shëndetësor: reagim ndaj emergjencave, jo shërbim i vazhdueshëm

• Asnjë mjek me kohë të plotë në shumicën e IEVP-ve. Aty ku ka mjek, qëndrojnë vetëm 4 orë në ditë.
• Mungesë autoambulancash dhe vështirësi për konsulta me specialistë.
• Spitalet rajonale refuzojnë trajtimin për “arsye sigurie”.
• Mungesë e shërbimit stomatologjik dhe e medikamenteve bazë.
• Asnjë institucion i specializuar për të burgosurit me probleme të shëndetit mendor.

Çfarë kërkon Avokati i Popullit 

Avokati i Popullit i kërkon Qeverisë dhe Ministrisë së Drejtësisë:

1.Rishqyrtim të politikës së paraburgimit. 56,8% të padënuar është një shifër e papranueshme në një shtet që pretendon respektimin e prezumimit të pafajësisë.

2.Plan të menjëhershëm për kujdesin shëndetësor në burgje, përfshirë ngritjen e një institucioni të specializuar mjekësor për të burgosurit me probleme të shëndetit mendor.

3.Mbyllje të pesë IEVP-ve të identifikuara deri në rikonstruktimin e plotë të tyre, dhe një rivlerësim kombëtar të kapaciteteve të sistemit penitenciar.

The post Avokati i Popullit ngre alarmin: Nuk ka ngrohje e as kushte higjienike, 5 burgje duhen mbyllur, cenohet dinjiteti njerëzor appeared first on Albeu.com.

Njoftimi:

Avokati i Popullit monitoroi përgjatë gjithë itinerarit protestën e opozitës të zhvilluar ditën e diel në kryeqytet.

Grupi i punës së institucionit, vizitoi spitalet dhe komisariatet për të parë dhe intervistuar protestuesit e ndaluar apo të lënduar.

Nga të dhënat paraprake, të paktën 12 persona në moshë madhore janë ndaluar, ndërsa 4 të mitur u lanë të lirë pas marrjes në pyetje.

Në Spitalin e Traumës, ekipi i Avokatit të Popullit administroi ankesën e një protestuesi që raportoi ushtrim dhune nga ana e policisë, për të cilën ka nisur hetimi përkatës.

Raporti e detajuar do të publikohet në përfundim të hetimit administrativ.

Avokati i Popullit, gjen rastin të theksojë se ndërsa inkurajon vetëm tubimet paqësore, i bën thirrje forcave të rendit për vetëpërmbajtje dhe profesionalizëm, pavarësisht dinamikës së protestës.

Gjithashtu, thekson domosdoshmërinë për transparencë mbi protokollet e përdorura nga policia për përshkallëzimin e forcës dhe përdorimin e mjeteve për shpërndarjen e turmave, si gazi lotsjellës apo uji.

The post Protesta e opozitës/ Avokati i Popullit: Ka raportime për dhunë policore, thirrje forcave të rendit për vetëpërmbajtje appeared first on Albeu.com.

Shabani në këtë post do të zëvendësoj Erinda Ballancën, ndërkohë që mandati i tij zgjat për 5 vite.

Në momentin që do të bëhej zgjedhja e Avokatit të Popullit, Opozita ka braktisur seancën duke u larguar nga Kuvendi.

The post Me votat e PS-së, Endri Shabani zgjidhet Avokat i Popullit appeared first on Albeu.com.

Me 77 vota kundër, 30 pro dhe një abstenim kërkesa është hedhur poshtë dhe emri i Avokatit të Popullit zgjidhet sot.

Më herët, opozita deklaroi se kishte tërhequr firmat për kandidatët dhe kërkoi anulimin e procesit.

6 janë kandidatët të cilët sot do të hidhen në votim në Kuvend, Endri Shabani, Adriana Kalaja, Besim Ndregjoni, Aranita Braho, Skënder Haluci dhe Tartar Bazaj.

The post Mazhoranca rrëzon kërkesën e opozitës për ndryshimin e rendit të ditës, Avokati i Popullit do të zgjidhet sot appeared first on Albeu.com.

Kandidatët që kanë kaluar pragun ligjor me shume se 28 firma

Adriana Kalaja – 44 firma

Aranita Brahaj – 35 firma

Besim Ndregjoni – 34 firma

Endrit Shabani – 35 firma

Skënder Haluci – 30 firma

Tartar Bazaj – 28 firma

Këta gjashtë emra, konsiderohen tashmë si kandidatë që plotësojnë kriteret ligjore dhe vijojnë garën për postin e Avokatit të Popullit.

Kandidatët që nuk kanë plotësuar kriteret

Dardan Mustafaj – 38 firma, por të depozituara jashtë afatit

Jola Hysaj – 27 firma, nën kufirin minimal

Shkëlqim Sulo – 19 firma, nën kufi

Saimir Vishaj – 26 firma, nën kufi

Këta kandidatë nuk do të vijojnë më tej procesin, për shkak të mungesës së firmave të mjaftueshme ose mosrespektimit të afatit të paraqitjes.

The post Gara për Avokatin e Popullit/ Zbulohen emrat që plotësojnë kushtet ligjore, ja kush mori më shumë firma appeared first on Albeu.com.

Verifikimet janë fokusuar në shoqërimin e tij nga ambientet e paraburgimit në Durrës drejt një klinike private, ku ai iu nënshtrua disa analizave mjekësore.

Burime bëjnë me dije se Komisioneri për Parandalimin e Torturës pranë institucionit të Avokatit të Popullit, Ahmet Prenci, ka zhvilluar kontakt të drejtpërdrejtë me Veliajn për të marrë informacion mbi kushtet e trajtimit të tij dhe respektimin e të drejtave të njeriut në institucionin e paraburgimit.

Pak ditë më parë, në një reagim të gjatë në “Facebook”, Veliaj e quajti të qëllimshme dhe poshtëruese shoqërimin e tij me 30 efektivë, gjatë një ekzaminim të domosdosëm mjekësor në spital.

“Për t’u siguruar që, përveç vetting-ut të jashtëm, të kaloja edhe vetting-un e brendshëm të të gjithë organeve”, tha Veliaj.

The post Avokati i Popullit nis hetimet për trajtimin e Erion Veliajt në paraburgim appeared first on Albeu.com.