Por sot mësohet se Gjykata e Apelit ka shtyrë seancën për Shullazin dhe katër anëtarët e tjerë të grupit.

Aktualisht gjyqtarë në apelin e posaçëm për Shullazin janë të caktuar nga KLGJ Artur Kalaja, Astrit Kalaja dhe Miliana Muça. Avokatët mbrojtës së Shullazit kanë kërkuar përjashtimin e Miliana Muçës, por kjo kërkesë është rrëzuar.

Kujtojmë se në apelin e posaçëm, procesi ishte i bllokuar qe prej janarit, 2019. Para disa muajsh pasi Shullazi u shpall fajtor në shkallën e parë, e apeloi dënimin, por deri më sot nuk është zhvilluar asnjë seancë. Shkak i shtyrjeve kryesisht kanë qenë kërkesat e avokatëve për largim të gjyqtarëve nga trupa, apo dhe dorëheqjet e vetë gjyqtarëve.

Në këtë proces janë dorëhequr 10 gjyqtare nga gjykimi dhe 20 janë të larguar me kërkesë të të pandehurve Shullazi, Dani etj pasi kishin konflikt interesi apo kishin marre pjesë në gjykime të bashkëlidhura me çështjen.

Emiliano Shullazi është një personazh i njohur për policinë kriminale në vend, por veçanërisht në kryeqytet dhe në Durrës. Në këto qytete ai ka qenë i dyshuar për aktivitete të ndryshme kriminale.

The post Shullazi me avokate amerikane, apeli shtyn seancën dhe ia rrëzon kërkesën appeared first on Albeu.com.

I cilësuar si kreu i një prej bandave më të rrezikshme në vend, Emiljano Shullazi po lëviz të gjithë gurët që ka në dispozicion, për të pasur një dënim më të lehtë nga Gjykata e Posaçme Kundër Krimit dhe Korrupsionit, ndërsa tashmë çështja e tij është në apel.

Në ambientet e GJKKO-së është shfaqur sot një avokate amerikane, e cila do të asistojë procesin ndaj tij, së bashku me mbrojtësin shqiptar Vladimir Meçe, ndërsa kërkohet një dënim më i lehtë se ai me 14 vite burg që dha shkalla e parë e GJKKO-së.

Burimë bëjnë me dije se avokatja që do të asistojë procesin ndaj Shullazit është Lambrini Nassis, ndërsa seanca e sotme do të jetë e para që zhvillohet në praninë e saj.

Nassis është një avokate greko-amerikane që i bashkangjitet kështu trupës së mbrojtjes dhe është e miratuar nga dhoma e avokatisë.

Emiliano Shullazi është një personazh i njohur për policinë kriminale në vend, por veçanërisht në kryeqytet dhe në Durrës. Në këto qytete ai ka qenë i dyshuar për aktivitete të ndryshme kriminale.

Për gjatë viteve, Shullazi është akuzuar për krime të ndryshme të rënda që nga vrasjet, shpërthimet me eksploziv, apo trafik dhe shitje e shpërndarje droge, si dhe akuza të tjera në kuadër të grupit të strukturuar kriminal.

Në mënyrë të vazhdueshme ai ka qenë i dyshuar dhe i hetuar disa herë për gjobëvënie dhe shtrëngim me dhunë dhe kanosje për dhënie pasurie, por në shumë pak raste ai është hetuar. Shullazi mbahet nën regjimin 41 bis, ku i ndalohet që të ketë kontakte me jashtë, dhe i monitorohet çdi telefonatë.

Sipas avokatit të tij kjo është e paligjshme sa kohë që për Shullazin nuk ka një vendim të formës nga Gjykata, dhe nuk ka indicie që ai të ketë zhvilluar aktivitetin e tij kriminal gjatë  kohës kur ka qenë i izoluar.

The post Shullazi me përforcime, avokatja amerikane i shtohet mbrojtjes appeared first on Albeu.com.