Prokuroria Themelore në Pejë ka mbyllur procedurën ndaj ministrit në detyrë Elbert Krasniqi, e cila ishte hapur pas pretendimeve për kanosje, ka njoftuar avokati i tij, Artan Kastrati.

Sipas Kastratit, gjatë trajtimit të rastit nuk është siguruar asnjë provë që do të vërtetonte akuzat për kërcënim. Ai e ka mirëpritur vendimin e organit të akuzës.

“Mirëpres vendimin e Prokurorisë Themelore në Pejë për mbyllje të rastit pasi gjatë procedurës nuk është gjetur asnjë provë e vetme apo dyshim i bazuar që do të mbështeste pretendimet e ngritura ndaj Ministrit Krasniqi kinse për “kanosje” ndaj personave te panjohur për Ministrin e të njohur nga organet e drejtësisë.

Ky epilog konfirmon atë që kemi deklaruar që nga fillimi: denoncimi ishte i pabazuar, tendencioz dhe i motivuar politikisht pak para zgjedhjeve, për me tepër Ministri ishte i shoqëruar nga familjarët ditën e ngjarjes. Sundimi i ligjit kërkon që çdo denoncim të mbështetet në prova, e jo në akuza pa bazë te cilat krijojnë pasiguri juridike!

Vendimi i Prokurorisë është një dëshmi se drejtësia duhet të mbështetet ekskluzivisht në fakte dhe prova, duke respektuar prezumimin e pafajësisë për çdo qytetar, pavarësisht pozitës publike, funksionit shtetëror apo përgjegjësive institucionale që ushtron.’’, ka thënë Kastrati.

The post Prokuroria në Pejë e pushon rastin ndaj Elbert Krasniqit: Nuk u gjetën prova për kanosje appeared first on Albeu.com.

Një raport i ri i Avokatit të Popullit ka nxjerrë në pah dështimet e sistemit arsimor në Kosovë për t’iu ofruar fëmijëve të shurdhër arsimimin e duhur dhe përdorimin e gjuhës së shenjave. Sipas gjetjeve, nxënësit me dëmtime në dëgjim vazhdojnë të mbesin mbrapa edhe pas përfundimit të shkollës së mesme.

Hetimi u ndërmorr pas sinjaleve shqetësuese nga qytetarët dhe organizatat joqeveritare, të cilat treguan se shumë të rinj të shurdhër, pavarësisht suksesit të lartë në shkollë, nuk arrijnë të lexojnë apo shkruajnë në nivelin e pritshëm. Kjo situatë e vuri në dyshim cilësinë e vërtetë të arsimimit që ata marrin.

Gjatë procesit, institucioni i Avokatit të Popullit kontaktoi Qendrën Burimore “Nënë Tereza” në Prizren dhe kërkoi shpjegime nga Ministria e Arsimit dhe Shkencës. Pyetjet u fokusuan në programet mësimore, kualifikimet e mësuesve, disponueshmërinë e gjuhës së shenjave dhe strategjitë konkrete për të garantuar një arsim gjithëpërfshirës për këta nxënës.

Raporti konkludon se, megjithëse Kushtetuta dhe ligjet në fuqi parashikojnë të drejtën për arsim, fëmijët e shurdhër hasin barriera të thella në praktikë. Mungesa e theksuar e mësimdhënësve të trajnuar në gjuhën e shenjave, e specialistëve mbështetës, e interpretëve, si dhe mungesa e teksteve të përshtatura dhe sistemeve të drejta të vlerësimit, po dëmton rëndë zhvillimin e tyre edukativ dhe po i ekspozon ndaj rrezikut të diskriminimit.

Për të adresuar këto probleme, Avokati i Popullit i ka drejtuar Ministrisë së Arsimit disa rekomandime kyçe. Ndër to përfshihen: zbatimi i plotë i politikave për arsimin gjithëpërfshirës, angazhimi i një ekipi shumëdisiplinar në Qendrën Burimore “Nënë Tereza”, rritja e trajnimeve profesionale për stafin mësimor dhe interpretët, si dhe vendosja e një sistemi të rregullt inspektimi për të monitoruar nga afër cilësinë e mësimdhënies.

The post Fëmijët e shurdhër në Kosovë po u mohohet arsimi cilësor, paralajmëron Avokati i Popullit appeared first on Albeu.com.

Avokati i Popullit i Kosovës, Naim Jakaj, vlerëson se në këtë etapë të procesit gjyqësor në Hagë, çështja më shqetësuese mbetet vazhdimi i paraburgimit për ish-krerët e Ushtrisë Çlirimtare të Kosovës.

Pasi Dhomat e Specializuara njoftuan se aktgjykimi për Hashim Thaçin, Kadri Veselin, Jakup Krasniqin dhe Rexhep Selimin do të shpallet më 16 shtator, në orën 10:00, Jakaj tha se shtyrja e vendimit në vetvete nuk është problematike, por se arsyeja e dhënë nga gjykata dhe zgjatja e paraburgimit ngjallin shqetësime serioze.

Në një deklarim për KosovaPress, Jakaj u shpreh se vonesa në shpalljen e aktgjykimit ka qenë e pritshme, duke pasur parasysh mënyrën se si është zhvilluar procesi. Sipas tij, megjithatë, mbeten shqetësuese argumentet e gjykatës që lidhen me volumin e madh të provave dhe dokumenteve, si edhe fakti që të akuzuarit vazhdojnë të mbahen në paraburgim në këtë fazë të procedurës.

Jakaj: Shqetësim mbeten arsyet që janë dhënë nga gjykata në atë që ka shumë prova

“Në rrethanat në të cilat është zhvilluar vetë procesi gjyqësor, për mua ka qenë i pritshëm shtyrja e vendimit. Tani më sa duket është përfundimtare sepse është caktuar data edhe ora. Shtyrja e shpalljes së vendimit nuk paraqet ndonjë problem, por shqetësim mbeten arsyet që janë dhënë nga gjykata në atë që ka shumë prova, ka shumë dokumente që duhet me u shqyrtua deri në vendimmarrje. Mendoj që procesi i shqyrtimit të provave dhe i analizimit të tyre ka përfunduar gjatë procedurës së shqyrtimit të provave.. Dhe aspekti i dytë i shqetësimit lidhet me vazhdimin e paraburgimit në këtë fazë, sepse tani më nuk ka arsye dhe shumica e arsyeve për të cilat është caktuar paraburgimi nuk ekzistojnë. Mundësia e ndërhyrjes te dëshmitarët nuk ekziston sepse dëshmitarët veç e kanë kryer procesin e dhënies së dëshmive. Ndikimi në prova nuk mund të jetë sepse provat veç janë në gjykatë. Dhe, të marrë parasysh kohëzgjatjen e paraburgimit, natyrisht është një prej shqetësimeve kryesore që unë e kam si Avokat i Popullit”, thotë Jakaj.

Jakaj bëri të ditur se vërejtjet e tij për mënyrën se si funksionojnë Dhomat e Specializuara datojnë që nga viti 2021, pas vizitës së tij të parë në këtë institucion. Ai tha se të njëjtat shqetësime ia ka paraqitur edhe kryetares së Dhomave të Specializuara, Ekaterina Trendafilova, gjatë një takimi në Kosovë, si edhe përmes letrave, por pa marrë përgjigje.

Jakaj: Shqetësimet tona lidhur me funksionimin e kësaj gjykate kanë ardhë qysh në vitin 2021

“Shqetësimet tona lidhur me funksionimin e kësaj gjykate kanë ardhë qysh në vitin 2021, kur unë për herë të parë kam bërë një vizitë në Gjykatë.. Unë kam pasur një takim në maj me kryetaren e Gjykatës, Trendafilova, e cila ka qenë për një vizitë në Kosovë dhe në takimin që kam pasur me të, unë i kam paraqitur shqetësimet që unë deri në atë kohë i kisha evidentuar si shqetësime publike. Nuk kam marrë përgjigje. Kjo mua më ka shtyrë që me bë një vizitë të dytë në Hagë, me i taku përfaqësuesit e gjykatës, mbrojtësit e viktimave, mbrojtjen e të akuzuarve, vetë të akuzuarit. Dhe nga kjo vizitë pastaj këto që unë i kam pasur vetëm si shqetësime, më kanë tejkaluar shqetësimin. Si përfundim i kësaj, unë i kam dërguar një letër kryetares së Gjykatës, në të cilën ja kam shpjeguar ato që i kemi diskutuar në takim, dhe shqetësime të tjera për të cilat unë nuk kam marrë përgjigje”, thotë Jakaj.

Për shkak se nga gjykata nuk mori përgjigje, ai tha se u detyrua të angazhonte një organizatë të pavarur ndërkombëtare për të drejtat e njeriut me seli në Londër, e cila përgatiti një raport mbi shqetësimet e ngritura.

Jakaj: Jam detyruar me angazhu një organizatë ndërkombëtare të pavarur të të drejtave të njeriut

“Në mungesë të një përgjigjeje, jam detyruar me angazhu një organizatë ndërkombëtare të pavarur të të drejtave të njeriut, me seli në Londër, Komiteti për të Drejtat e Njeriut i Odës së Avokatëve të Anglisë dhe Uellsit, një organizatë shumë prestigjioze ndërkombëtare, që njihet për profesionalizmin dhe punën e saj. Ata kanë hartuar një raport mbi bazën e kërkesës sime, i cili ka legjitimuar shqetësimet që unë i kisha ngritur, por edhe përtej saj ka paraqitur edhe shqetësime të tjera, për të cilat janë njoftuar edhe gjykata edhe vendet anëtare që e mbështesin dhe financojnë këtë gjykatë… Nga raporti del se i janë drejtuar Gjykatës, nuk është që kanë marrë informacione”, thotë ai.

Ai njoftoi gjithashtu se muajin e kaluar në Hagë është zhvilluar një takim me misionet diplomatike të shteteve të akredituara në Holandë, ku janë paraqitur gjetjet e raportit. Sipas Jakajt, në këtë takim ishte ftuar edhe gjykata, por ajo nuk mori pjesë dhe as nuk ktheu përgjigje.

Lidhur me raportin, Avokati i Popullit theksoi se Kosova duhet të ndërtojë mekanizma monitorimi në Hagë, në mënyrë që të mund të bëhet një analizë më e thelluar e të gjithë procesit dhe të shmanget cenimi i të drejtave të njeriut.

Jakaj: Vendet që kanë marrë pjesë në këtë takim, janë informuar për gjetjet e raportit

“Unë në muajin që shkoi e kemi mbajtur një takim në Hagë, ku kemi ftuar misionet diplomatike të vendeve të akredituara në Holandë, me i njoftua me raportin. E kemi ftuar edhe Gjykatën, Gjykata nuk ka marrë pjesë, nuk na ka kthyer përgjigje, në fakt na ka injoruar, në njëfarë mënyre na ka shpreh një tendencë mospërfillëse në raport me kërkesat tona. Por që, e rëndësishme është që vendet që kanë marrë pjesë në këtë takim, janë informuar për gjetjet e raportit, janë informuar për këto shqetësime.. Raporti që është hartuar nga autorët anglezë, vë në pah dy rekomandime shumë me rëndësi që vijnë për autoritetet e Republikës së Kosovës. Njëra prej tyre, që është më e rëndësishmja, është fakti që Kosova duhet me marrë përgjegjësi që me kriju mekanizma të monitorimit të kësaj gjykate me qëllim që të ketë një analizë më të detajuar të krejt procesit për mos me e lejuar në asnjë rast me u cenu të drejtat e njeriut”, thekson ai.

Trupi Gjykues kishte pasur afat deri më 19 maj për të shpallur vendimin. Më pas, me arsyetimin e kompleksitetit të rastit, ai e shtyu këtë afat deri më 20 korrik 2026, ndërsa tani ka caktuar 16 shtatorin si datë për shpalljen e aktgjykimit.

Hashim Thaçi, Kadri Veseli, Jakup Krasniqi dhe Rexhep Selimi përballen me akuza për vrasje, torturim dhe përndjekje, që pretendohet se janë kryer gjatë viteve 1998-1999, në kohën e luftës së fundit në Kosovë.

Të katër të akuzuarit i kanë hedhur poshtë akuzat dhe janë deklaruar të pafajshëm. Aktakuza përfshin rreth 155 viktima.

Prokuroria ka kërkuar që secili prej tyre të shpallet fajtor dhe të dënohet me nga 45 vjet burgim për krimet e pretenduara.

Në këtë gjykim kanë dëshmuar mbi 130 dëshmitarë, ndërsa 160 deklarata të dëshmitarëve të tjerë janë pranuar me shkrim. Procesi gjyqësor ndaj tyre përfundoi në shkurt, ndërsa Thaçi, Veseli, Krasniqi dhe Selimi ndodhen në paraburgim në Hagë që nga arrestimi i tyre në vitin 2020.

The post Jakaj: Mbajtja në paraburgim e Thaçit dhe të tjerëve vijon të jetë shqetësimi kryesor appeared first on Albeu.com.

Sakaq, GJKKO vendosi të legjitimojë ish-deputetin e PS-së Plarent Ndreca si avokat të Veliajt, pas kërkesës së këtij të fundit.

Vetë kryebashkiaku nuk ishte sot në seancë.

Veliaj ndodhet në paraburgim prej 10 shkurtit 2025, pas hetimeve të SPAK ku janë ngritur akuza korrupsion pasiv në 9 raste, pastrim parash, mosdeklarim pasurie, shpërdorim detyre dhe futja e sendeve në burg.

The post Shtyhet seanca e Veliajt, GJKKO pranon të legjitimojë Plarent Ndrecën si avokat të kryebashkiakut të Tiranës appeared first on Albeu.com.

Soko tha se nuk ka avokat amerikan që i bën punë Veliajt dhe se gjasat janë që të mbetet në burg.

“Veliaj, mënyra se si po sillet duket sikur është i interesuar të qëndrojë në burg. Ai akuzën kryesore pse është në burg e ka për intimidim të agjentit të BKH, frika për intimidim të kundërshtarëve, prishjen e provave. Çfarë bën ai?

E intensifikon intimidimin, i thotë prokurorit, të shohësh çfarë do të bëj. Çfarë mund të bëjë Erion Veliaj? Ai është njeri me pushtet. Gjyqtari duhet ta marrë parasysh këtë gjë. Veliaj është në gjyq sot për vjedhje. Çfarë bën?

Shkon dhe merr një ndër avokatët më të shtrenjtë në Amerikë. Vëllai që është pasuruar kur ky ka qenë kryetar bashkie dhe është i lidhur të çështja e këtij. Dhe çfarë bën? Ky akuzohet për vjedhje, merr një nga avokatët më të shtrenjtë të New York, 10 mijë dolllarë ora. Nuk ka gjyqtar që të mbyllë sytë para këtyre.

Po flasim për Veliajn, inceneratori, Ndragheta, 5D, Teatri, hetimi pasuror, këto janë qindra milionë euro. Emri i Erion Veliaj është aty.

Pra po flasim për një person që ka qenë në historinë e demokracisë, nuk ka patur njeri më të akuzuar për korrupsion se Erion Veliaj. Këto fakte gjyqtari i ka parasysh. Nuk kam më të voglin dyshim që do të mbetet aty. Sado ta mbrojnë, fatin penal e ka të shkruar”, tha Soko.

The post Pano Soko: Veliaj mori avokat 10 mijë dollarë ora, por aty në burg do të rrijë appeared first on Albeu.com.

Dhe ai thotë se e këshilloi atë, që të mos e denonconte dhunuesin e saj.

“Para disa ditësh më kërkoi një vajzë në telefonin tim celular dhe më kërkoi një takim urgjent.

Ia lashë takimin jashtë, në një kafene, me barin në oborr..

Avokat, më kanë dhunuar, më tha, sapo u ul në tryezë. Dhe ishte shumë e shqetësuar.

Jo… ai nuk më përdhunoi dot, dhe më dhunoi se i thashë që isha e virgjër.

E kuptoj, i thashë unë. Dhe vijova:

Jam 19 për 20 më tha; dhe jam studente e vitit të dytë.

Por, ajo vijoi sërish me një pyetje.

Avokat, a ta denoncoj, se i kam shenjat ende në trup, më tha?

Jo, i thashë, mos e denonco, sepse je e virgjër, dhe nuk të intereson për personalitetin tënd femëror. Asgjë serioze nuk të ka shkaktuar dot ai.

Mos e denonco, i thashë unë sërish, por mos e harro hakmarrjen, sepse ti je edhe e bukur, edhe e mençur.

Të kuptoj shumë mirë më tha ajo, dhe me takoi me lotë në sy.

Duke ikur, më tha serish: hakmarrje, avokat – por e pashë që tani ishte shumë e qetë.

Po, i thashë unë… por keni kohë, i vijova ngadalë.

Ju kuptoj shumë mirë, më tha.

Dhe ajo iku e u nda prej meje e gëzuar”, shkruan Ngjela në facebook.

The post Avokat Ngjela shokon me deklaraten: Më kërkoi takim urgjent një 19-vjeçare e bukur dhe e virgjër, donte të denonconte përdh*nimin appeared first on Albeu.com.

Mëngjesin e sotëm, 3 qershor, Mëngjesit i është bërë një skaner ku është parë se ka një ulje të ënjtjes në tru. Po sot është ulur edhe doza e qetësuesve dhe ndodhet në një gjendje më stabël, çka mundëson edhe dërgimin e tij në Athinë.

Të shtunën i dyshuari si porositësi i dhunës ndaj tij doli para gjykatës, por sërish, 58-vjeçari Dritan Nano, mbajti qëndrim mohues. Edhe dhëndri i tij, Dorian Alia 32 vjeç nga Tropoja, u la në burg, ndërsa vijojnë në kërkim 3 miqtë e tij, Drivaldo Alia, Elton Kasaj dhe Romario Tabaku i cili i largoi me makinë.

Dritan Nano akuzohet se organizoi dhunën ndaj Sokol Mëngjesit, pasi nuk pranoi t’i japë përqindjen që i takon sipas kontratës mes tyre, pas fitimit të pronësisë së tokës mbi të cilën u ndërtuan 5 kulla te diga e Liqenit.

Prokuroria e zbuti akuzën nga vrasje e funksionit publik, mbetur në tentativë në plagosje të rëndë me dashje dhe goditje e gjyqtarit, në bashkëpunim.

The post Avokat Sokol Mëngjesi 6 ditë në koma, dërgohet për mjekim në Athinë appeared first on Albeu.com.

Presidenti Meta u takua me bashkëshorten, prindërit dhe familjarët e Avokat Mëngjesit, të cilëve ju shprehu të gjithë solidaritetin e mbështetjen.

Duke e dënuar me forcë këtë akt të qëllimshëm kriminal, që meriton ndëshkim të ashpër ligjor, Presidenti Meta ju uroi familjarëve shërim sa më të shpejtë të Avokat Mëngjesit.

Gjithashtu, Presidenti Meta u takua edhe me Shefin e kirurgjisë në Spitalin e Traumës, Gjovalin Bushi, i cili e informoi në detaje mbi gjendjen aktuale shëndetësore të Avokat Mëngjesit, si dhe falenderoi të gjithë ekipin mjekësor për humanizmin dhe përkujdesjen e dëshmuar.

The post Meta viziton në Spitalin e Traumës avokat Sokol Mëngjesin appeared first on Albeu.com.

Njëri prej tyre,  Dorian Aliaj është vetëdorëzuar, ndërsa tre të tjerët janë shpallur në kërki. Berisha tha se sot krimi i mbështetur, i mbrojtur dhe i fuqizuar nga qeveria e krimit, goditi një luftëtar të së vërtetës.

Sali Berisha: Mirëmbrëma dhe përshëndetjet më të përzemërta ju demokrateve dhe demokratëve të pamposhtur, qëndrestareve dhe qëndrestarëve, misionarëve të vërtetë të kauzës tonë të madhe.

Të dashur miq, sot krimi i mbështetur, i mbrojtur, i fuqizuar nga qeveria e krimit, goditi një prind tek dërgonte fëmijën në kopsht.

Goditi një akademik, profesor.

Goditi një qytetar me integritet.

Një njeri të virtytshëm, një shërbëtor të shkëlqyer të qytetarëve të vendit.

Goditi profesor Sokol Mëngjesin.

Të dashur miq, Sokol Mëngjesi është nga ata intelektualë që studioi jashtë, por u kthye t’i shërbejë vendit të vet dhe qytetarëve të tij.

T’u shërbejë atyre me dinjitet.

Ai është një personalitet në botën akademike shqiptare.

Një specialist i shquar në fushën e tij.

Por ai është një luftëtar i të vërtetës dhe ai pagoi sot betejën e tij për të vërtetën, për ligjin, për të drejtën./albeu.com 

The post Dhunimi i avokatit, Berisha: Krimi i fuqizuar nga qeveria goditi një luftëtar të së vërtetës appeared first on Albeu.com.

Ngjarja ka ndodhur në ambientet e zyrës së avokatit pranë mjediseve të gjykatës së Fierit.

Mësohet se Daniel Shkrela që e ka dhunuar ka qenë në proces divorci dhe Selmani ka qenë avokat i palës paditëse.

Policia ka shkuar në vendngjarje ndërsa mësohet se është shpallur në kërkim autori i plagosjes.

Nga ekspertët po merren kamerat e sigurisë, ndërsa avokati është shoqëruar për ndihmë mjekësore në mjediset e spitalit të Fierit.

“Rreth orës 15:40, në lagjen “29 Nëntori”, Fier, shtetasi D. Sh., 34 vjeç, banues në Fier, dyshohet se për motive të dobëta, ka goditur me sende të forta në zyrën e tij, shtetasin E. S., 50 vjeç, me detyrë avokat”, njofton policia./Albeu.com/

The post EMRAT/ Ishte në proces divorci me gruan, 34-vjeçari dhunon rëndë avokatin në Fier appeared first on Albeu.com.