Drejtimi nga toka i një rrezeje lazeri për nga një avion mund ta vërë seriozisht në rrezik sigurinë e fluturimit.

Kohët e fundit, në Aeroportin Ndërkombëtar të Prishtinës “Adem Jashari” është regjistruar një shtim i sulmeve me lazer ndaj avionëve gjatë aterrimit dhe ngritjes.

Sipas paralajmërimit të kontrollorëve të trafikut ajror, veprime të tilla kërcënojnë jo vetëm qindra pasagjerët që ndodhen në bord, por edhe banorët e zonave përreth aeroportit.

Kontrollorët dyshojnë se, në shumë prej rasteve, autorët janë të rinj dhe adoleshentë, të cilët mund të mos e kuptojnë se çfarë pasojash mund të sjellë drejtimi i lazerit nga një avion.

Në trajtimin e kësaj dukurie është përfshirë edhe Policia Kufitare, që ushtron veprimtarinë e saj në hapësirat aeroportuale.

Zyrtarët e policisë bëjnë të ditur se këto raste merren me seriozitet, për shkak se përbëjnë rrezik për sigurinë e aviacionit.

Kushdo që përdor lazer kundër avionëve mund të përballet me pasoja të rënda ligjore, mes të cilave edhe dënimi me burg nga një deri në dhjetë vjet.

Kontrollorët e trafikut ajror raportojnë se në shënjestër të lazerëve kanë qenë edhe helikopterë të KFOR-it. Në disa raste, pjesëtarët e KFOR-it kanë mundur t’i identifikojnë përdoruesit e lazerit dhe, sipas kontrollorëve, kanë ateruar pranë tyre, për të filluar më pas procedurat përkatëse.

The post Lazerët e drejtuar ndaj avionëve, kontrollorët ngrenë alarmin për rrezikun appeared first on Albeu.com.

Departamenti i shtetit njoftoi vendimin më një ditë, pasi Ankaraja përfundoi plotësisht ratifikimin e anëtarësimit të Suedisë në NATO, një lëvizje që u lidh drejtpërdrejt me shitjet e avionëve.

Turqia ratifikoi pranimin e Suedisë në NATO pas më shumë se një viti vonesë, duke shkaktuar tension në aleancë.

Departamenti Amerikan i Shtetit, i tha Kongresit se kishte miratuar gjithashtu, shitjen e 40 avionëve luftarakë F-35 në Greqi, me kosto 8.6 miliardë dollarë.

Për herë të parë, Turqia në tetor 2021 kërkoi të blinte avionë F-16, me vlerë 20 miliardë dollarë dhe gati 80 njësi me paisje për modernizimin e avionëve të saj ekzistues luftarakë, por vonesa e saj në ratifikimin e ofertës suedeze për NATO-n doli të ishte një pengesë e madhe për blerjen e tyre.

Turqia ishte e shqetësuar për atë që e quajti mbështetjen e Suedisë për separatistët kurdë.

Pushtimi i plotë i Rusisë në Ukrainë në shkurt 2022, rriti rëndësinë e Turqisë si një mburojë e NATO-s në rajonin e Detit të Zi.

“Aprovimi im i kërkesës së Turqisë për blerjen e avionëve F-16 ka qenë i kushtëzuar nga miratimi i Turqisë për anëtarësimin e Suedisë në NATO”, tha senatori demokrat Ben Cardin, kryetar i Komitetit të Senatit për Marrëdhëniet me Jashtë, një nga katër komitetet kyçe që duhet të miratojë transferimet e armëve.

“Por mos bëni gabim: ky nuk ishte një vendim që e mora lehtë”, tha ai, citon BBC.

Tani Hungaria është i vetmi anëtar i NATO-s që ende ka ratifikuar pranimin e Suedisë, megjithëse kohët e fundit ka pasur shenja përparimi.

Vitin e kaluar, SHBA miratoi transferimin në Ukrainë të avionëve luftarakë F-16 të prodhimit amerikan nga Danimarka dhe Holanda, pasi pilotët ukrainas të trajnohen plotësisht për t’i operuar ato.

The post SHBA miraton shitjen e avionëve luftarakë në Turqi dhe Greqi appeared first on Albeu.com.