Për shkak të temperaturave të larta, edhe gjatë ditës së sotme do të jetë në fuqi masa e përkohshme që ndalon qarkullimin e automjeteve për transportin e mallrave me peshë të përgjithshme mbi 20 tonë.

Sipas njoftimit të Ministrisë së Infrastrukturës dhe Transportit, kufizimi në autoudhë do të zbatohet nga ora 11:00 deri në 17:30, për shkak se parashikohet që temperatura të arrijë në 32°C ose më lart.

Ndërkohë, automjetet mund të lëvizin pa pengesa në rrugët nacionale, rajonale dhe lidhëse.

Kjo masë nuk përfshin automjetet e institucioneve shëndetësore, shërbimeve emergjente dhe organeve përgjegjëse për rendin dhe sigurinë publike.

Në njoftimin e saj, Ministria e Infrastrukturës dhe Transportit u ka kërkuar operatorëve dhe drejtuesve të automjeteve ta zbatojnë kufizimin dhe ta organizojnë lëvizjen sipas orarit të caktuar.

The post Kufizohet edhe sot lëvizja e kamionëve mbi 20 tonë në autoudhët e Kosovës appeared first on Albeu.com.