ARRSH thekson se më më 14 dhe 15 gusht 2026, nga ora 23:00 deri në 05:00, do të kryhen punime për montimin e trarëve metalikë të mbikalimit të ri në Kashar, në kuadër të projektit të zgjerimit.

Gjatë këtij intervali do të bllokohen dy korsitë e aksit kryesor në drejtimin Tiranë-Durrës.

Sipas ARRSH-së, trafiku i mjeteve që udhëton drejt Durrësit do të devijohet në dy korsitë e anës së majtë të autostradës, të cilat do të funksionojnë përkohësisht si rrugë me dy drejtime lëvizjeje.

Ndërkohë, mjetet me destinacion Aeroportin Ndërkombëtar të Tiranës do të vijojnë lëvizjen pa pengesë.

NJOFTIMI:

Në vijim të realizimit të punimeve për ndërtimin e objektit:“Zgjerimi i Superstradës Tiranë-Durrës (Faza III)”, është i nevojshëm zbatimi i Planit të Menaxhimit të Trafikut.

Më datë 14 dhe 15 gusht 2026, nga ora 23:00 deri në 05:00, do të kryhet montimi i trarëve metalik të mbikalimit të ri të Kasharit, për zbatimin e këtyre punimeve, si dhe për sigurinë rrugore është i nevojshëm bllokimi i dy korsive të aksit kryesor në drejtimin Tiranë-Durrës.

Gjatë këtij intervali, trafiku i mjeteve që lëviz drejt qytetit të Durrësit, do të devijohet në dy korsitë e anës së majtë të autostradës, të cilat do të funksionojnë përkohësisht si rrugë me dy drejtime lëvizjeje.

Mjetet me destinacion Aeroportin Ndërkombëtar të Tiranës do të vijojnë lëvizjen pa pengesë.

Kërkojmë mirëkuptimin e drejtuesve të mjeteve, bizneseve dhe banorëve të zonës për këtë ndërhyrje.

The post Punimet në autostradën Tiranë-Durrës/ Rruga bllokohet sërish më 14 dhe 15 gusht! ja si do të devijohet trafiku appeared first on Albeu.com.

Sipas dëshmisë së saj, gjithçka ndodhi shumë shpejt, brenda pak sekondash.

“Sapo u zgjova, ndjeva që po dilnim nga rruga dhe ngrita kokën. Brenda pak sekondash, pothuajse menjëherë, u gjendëm të përmbysur në njërin krah. Pastaj njerëzit filluan të bërtisnin, valixhet po binin poshtë”, tregoi ajo.

Pas përmbysjes së autobusit, amerikania tha se fillimisht u sigurua nëse ishte e lënduar dhe më pas doli nga pjesa e pasme e mjetit, ndërsa pasagjerët e tjerë thërrisnin për ndihmë.

“Kontrollova nëse isha mirë dhe dola jashtë. Njerëzit po bërtisnin menjëherë. Banorët e zonës erdhën për të ndihmuar, ndaluan makinat e tyre, më sollën ujë. Kam qenë me të vërtetë shumë, shumë me fat”, rrëfeu ajo.

Ajo shtoi se dëmtimet më të mëdha i pësuan udhëtarët që ndodheshin në anën e majtë të autobusit.

“Unë isha ulur në anën e djathtë, në sediljen e dytë. Njerëzit që ishin në anën e majtë u lënduan më rëndë. Ata duhet të kenë pësuar lëndime serioze”, tha dëshmitarja.

E pyetur për mënyrën se si po sillej shoferi gjatë rrugës, ajo u shpreh se kishte vënë re një sjellje të pazakontë, por nënvizoi se nuk mund të japë një gjykim të sigurt.

“Gjatë gjithë rrugës ai ishte disi… gjatë gjithë udhëtimit. Ndoshta… këtë nuk e di”, u shpreh ajo.

Amerikania, e cila pritet të udhëtojë drejt Shteteve të Bashkuara përmes Londrës, tha se edhe pas kësaj ngjarjeje të rëndë, ajo ruan përshtypje shumë të mira për Shqipërinë.

“Më pëlqen shumë ky vend, por fatkeqësisht ndodhi kjo. Megjithatë, nuk ishte faji i askujt. Thjesht falënderoj Zotin që jam gjallë”, përfundoi ajo.

The post E mbijetuara amerikane rrëfen aksidentin në autostradë: U përmbysëm në vetëm pak çaste appeared first on Albeu.com.

Sipas oficerit Perlat Vatoci, njoftimi për ngjarjen është marrë rreth orës 15:00. Ai sqaroi se, paraprakisht, mjeti ka humbur kontrollin, është përplasur fillimisht me trafikndarësen dhe më pas ka dalë nga rruga.

Nga ky aksident, bëri të ditur ai, kanë humbur jetën dy persona, ndërsa 15 të tjerë janë plagosur. Njëri prej të lënduarve ndodhet në gjendje të rëndë, ndërsa mes tyre është edhe një fëmijë, për të cilin raportohet se ka gjendje shëndetësore jo të mirë.

Vatoci deklaroi gjithashtu se dyshimet e para janë se automjeti ka dalë nga kontrolli. Ai theksoi se furgoni ishte i licencuar për itinerarin Berat–Tiranë dhe anasjelltas dhe se në çastin e aksidentit ishte duke udhëtuar në drejtim të kryeqytetit.

Ndërkohë, autoritetet vijojnë hetimet për të përcaktuar shkaqet e plota të kësaj ngjarjeje.

The post Policia jep informacion nga aksidenti i rëndë i furgonit Berat–Tiranë, 2 të vdekur dhe 15 të plagosur appeared first on Albeu.com.