Sakaq, autoritetet në SHBA kanë zbuluar fotografi të presidentit Joe Biden dhe ish-presidentit Donald Trump në telefonin e atentatorit, sipas tre zyrtarëve amerikanë.

Përveç fotove të Trump dhe Biden, burime të zbatimit të ligjit të informuara për hetimin thanë për CNN se telefoni i sulmuesit përmbante gjithashtu fotografi të liderëve të Kongresit, si udhëheqësi i pakicës së Dhomës Demokratike Hakeem Jeffries dhe kryetari republikan i Dhomës së Përfaqësuesve, Mike Johnson.

Pothuajse të gjitha fotot dukej se ishin shkarkuar nga Interneti dhe nuk shoqëroheshin me ndonjë gjuhë kërcënuese ose mesazhe në lidhje me ato në foto.

The post Atentati ndaj Trump/ Autoritetet gjejnë në telefonin e autorit foto të Biden appeared first on Albeu.com.

Vala e të nxehtit pritet të zgjasë deri në fund të javës dhe temperaturat maksimale pritet të mbërrijnë në 43 gradë Celsius.

Sipas ekspertëve temperaturat, mund të ndihen edhe më të larta për shkak se depërtimi masave të nxehta mbi detin Mesdhe, bën që ato të mbartin me vete një sasi të lartë lagështire.

Edhe vlerat minimale nuk do të zbresin më poshtë se 26-27 gradë në zonat urbane, duke bërë që për ditët në vijim vendi të përjetojë fenomenin e netëve tropikale.

Vendi ynë prej javësh tashmë po përjeton temperatura të larta dhe mjekët kanë bërë thirrje që qytetarët, veçanërisht ata me sëmundje kronike të bëjnë kujdes dhe të shmangin daljet përgjatë orëve të pikut.

Temperaturat e larta kanë rritur rrezikun edhe për zjarre. Sipas tabelës së Institutit të Gjeoshkencave, niveli më i lartë i rrezikut për zjarr është në të gjithë qarkun e Fierit, ndërsa i lartë rreziku mbetet edhe nё zona tё lokalizuara të Korçës, Vlorës e Gjirokastrës.

The post I nxehti përvëlues mbërthen vendin, autoritetet paralajmërojnë qytetarët: Javën e ardhshme priten temperatura ekstreme appeared first on Albeu.com.

H5N1 mund të përhapet mes zogjve me shpejtësi nëpërmjet pështymës dhe sekretimit të jashtëqitjes. Virusi mund të përhapet edhe te njerëzit nëse ata janë në kontakt të ngushtë me një zog të infektuar, por shkencëtarët thonë se lloji aktual nuk paraqet rrezik të lartë. Autoritetet e shëndetit bujqësor të Perusë kanë paralajmëruar njerëzit që të mos prekin zogjtë e ngordhur dhe nëse shohin të tillë në plazhe të njoftojnë autoritetet dhe të mos i prekin. Përveç Perusë, gripi i shpendëve ka prekur Europën dhe Shtetet e Bashkuara të Amerikës. Shpendët e egër janë më të prekurit, sidomos ata detarë.

The post Gripi i shpendëve në Peru, Autoritetet japin alarmin: Mijëra pelikanë kanë ngordhur appeared first on Albeu.com.

Fluksi vijon të jetë i lartë në dalje të Shqipërisë, ndërsa shkak për këtë është bërë ardhja e emigrantëve në vend.

Aktualisht po punohet me procedura të përshpejtuara për të bërë mundur evidentimin e pritjeve të gjata.

Deri më tani, raportohet se radha është krijuar për shkak së pala greke punon me numër të reduktuar sportelesh për shkak se ditën e sotme ka pasur festë. Bëhet fjalë për festën kombëtare të Greqisë e njohur si Jo-ja greke (to megalo oxi). Për shkak se në kalendar kjo datë shënohet si ditë pushimi zyrtare.

Raportimet nga pika doganore bëjnë me dije se momentalisht pala greke punon me dy sportele ndërsa në anën shqiptare dogana punon me 4 sportele.

The post Fluks të emigrantëve, radhë të gjata në Kapshticë, autoritetet po punojnë me proceduara të përshpejtuara (VIDEO) appeared first on Albeu.com.

Një çift nga Bolonja ka kërkuar që autoritetet të marrin djalin e tyre 13-vjeçar, pasi kanë frikë nga ai.

Siç raportohet në mediat italiane 13-vjeçari plagosi me thikë vëllanë e tij në krah, ndërkohë sjellja e tij përkeqësohet çdo vit.

“Ne flemë me dyer të mbyllura dhe ndihemi në rrezik. Është e kotë ta mohojmë, kemi marrë edhe kërcënime nga djali ynë që tha se do të na vriste në gjumë ose se do t’i vinte flakën shtëpisë”, ka treguar babai.

13-vjeçari u diagnostikua me çrregullim depresiv. Nëna dhe babai iu drejtuan një avokati dhe paditën punonjësin social të komunës së banimit, duke e akuzuar për mosndërhyrje, mungesë dokumentesh zyrtare dhe lëndime nga pakujdesia.

Avokati shpjegoi se gjithçka filloi rreth dy vjet e gjysmë më parë, kur djali i vogël – 11 vjeç në atë kohë – filloi të shfaqte sjellje të dhunshme. Dy prindërit e frikësuar kërkuan ndihmë. Fëmija filloi të merrte ilaçe qetësuese dhe u shtrua për trajtimin psikologjik që i nevojitej.

Më pas, punonjësja sociale e këshilloi familjen që t’i kushtonte një hapësirë ​​të mbyllur vetëm djalit në garazh, në mënyrë që ai të heshtte. Por situata është përkeqësuar: në atë hapësirë ​​13-vjeçari ka nisur të shfryjë inatin duke i shkaktuar 9 mijë euro dëm.

Kohët e fundit ka degjeneruar: duket se i mituri ka të plagosur me thikë vëllain e vogël, për të kërcënuar se do t’i marrë jetën dhe do të vrasë gjithë familjen.

Me kalimin e viteve, i njëjti djalë denoncoi dhunën në familje, duke thënë se ishte rrahur nga i ati, aq sa punonjësit social kishin krijuar idenë për t’u hequr fëmijën tjetër dy prindërve dhe duke ia besuar një familjeje tjetër.

“Djali im nuk pranon jo. Unë dhe gruaja ime prej 20 vitesh jetojmë të lumtur bashkë, nuk kemi qenë kurrë të dhunshëm me fëmijët tanë. Djali ynë merr terapi të rënda dhe madje edhe neuropsikiatër e kanë kuptuar se është një angazhim që është përtej kapacitetit tonë dhe duhet ndjekur 24 orë në ditë”, ka thënë babai.

The post “Kemi frikë se do na vrasë”, prindërit: Autoritetet të marrin fëmijën 13-vjeçar appeared first on Albeu.com.

Dyshohet se valixhja është lënë në trotuar nga punonjësit e bashkisë që pastrojnë qytetin gjatë natës.

Pasi panë valixhen, forca të shumta policie dhe xheniere rrethuan zonën, me frikën se valixhja mund të kishte lëndë shpërthyese, por fatmirësisht ishte bosh./albeu.com/

The post “Ngriti në këmbë” policinë, valixhja e dyshimtë në Fier ishte bosh appeared first on Albeu.com.

1 – Kontrolloni se sa gjatë mban bateria e telefonit tuaj. Bateria e telefonit celular përdoret në rastet e dërgimit të SMS-ve apo informatave me zë, ose gjatë aktivizimit të mikrofonit pa kabllo.

2 – Nëse qëndrueshmëria e baterisë zvogëlohet në mënyrë drastike sesa në rastet e zakonshme, madje edhe pas vendosjes së baterisë së re, telefoni juaj me gjasë përgjohet.

3 – Kontrollojeni temperaturën e telefonit tuaj celular. Bateria bëhet e nxehtë kur përdoret, ndërsa nëse ju nuk e keni përdorur telefonin celular dhe bateria është e nxehtë, atëherë kjo lë të kuptohet se telefoni po shfrytëzohet pa njohurinë tuaj.

4 – Shihni punim të çuditshëm të telefonit. Nëse celulari juaj fillon befasisht të ndalet dhe lëshohet vetvetiu ose ju nuk mund ta ndalni, atëherë mund të ndodhë që dikush tjetër shërbehet me telefonin tuaj.

5 – Kushtoni rëndësi mesazheve të koduara. Nëse merrni një mesazh tekstual në formë kodi me shifra dhe simbole në vend të fjalëve, ky mund të jetë tregues i tentimit të transmetimit të të dhënave nga personi i tretë.

6 – Dëgjoni zërat paralel kur jeni duke biseduar. Jehonat mund të shkaktohen nga pengesat në transmetimin e të dhënave, sinjaleve ose zërit, por shkaktar mund të jetë edhe pajisja të cilën një i tretë e përdor për përgjimin e telefonit tuaj celular.

7 – Kushtoni vëmendje gjendjes së kredive. Nëse vëreni se keni shpenzuar diçka shtesë, ndërsa ju nuk e keni shfrytëzuar, atëherë me gjase dikush tjetër e shfrytëzon telefonin tuaj.

8 – Një nga mënyrat më të përhapura së fundmi të përgjimit është instalimi i një aplikacioni përgjues në telefonin tuaj i cili çdo komunikim tuajin e dublon dhe e dërgon në një pajisje tjetër.

9 – Aplikacioni “FlexiSPY” i cili u reklamua si program qe “lejon perdoruesit e ketij programi të shikojne nëse i tradhëton gruaja» është në fakt i shtrenjtë dhe punon vetëm në aparatura celularësh, të cilat mbështeten në platformen S60 të Nokias.

10 – Një mënyrë tjetër e përgjimit të telefonit është dhe nga kodi i telefonit IMEI. Nëse dikush ka akses në telefonin tuaj celular dhe kodin IMEI, edhe vetëm për pak minuta, jeta juaj mund të kthehet si një libër të hapur për të gjithë. Disa programe përgjuese janë aq të sofistikuara, të cilat regjistrojnë bisedat tuaja, madje edhe në qoftëse nuk përdorni telefonin. Edhe mesazhet e fshira me anë të një teknologjie të lirë mund të gjenden. Përgjimi kërkon dy gjëra: kodin IMEI për telefonin dhe programin për t’u lidhur me këtë kod. IMEI “Pajisje telefonike identifikuese” dhe është një numër unik që ndodhet në baterinë e celularit. Ka tre vende që përgjuesit të gjejnë kodin tuaj IMEI.*Nga kontrata me kompaninë e telefonit psh me iPhonin

Nga bateria

Ose thjesht, duke shtypur në tastjerë *06*Programi i përgjimit me anë të telefonit është shumë i lirë dhe gjendet në qindra faqe në internet, ose thjesht mund të instalohet, duke u shkarkuar nga interneti në telefonin tuaj, i cili zgjat pak sekonda. Kombinimi i programit në telefonin tuaj personal me numrin IMEI, dhe të tjerët mund të përgjojnë, duke monitoruar aktivitetet tuaja me anë të një kompjuteri në shtëpi ose smartphoni.

Ndaj kini kujdes. Si të mbroni veten nëse mendoni se po përgjoheni?

1 – Një nga masat paraprake që mund të ndërmerret kundër përgjimit është formatimi i shpeshtë i telefonit tuaj. Një gjë e tillë mund të kryhet me butonin “factory reset”

2 – Heqja dhe vendosja e baterisë është një mënyrë tjetër e shpejtë për të ndërprerë përgjimin.

3 – Prekeni celularin tuaj gjatë kohës kur ju nuk e përdorni atë, nëse bateria është e nxehtë, kjo do të thotë se telefoni juaj po përdorët nga dikush tjetër ndërkohë.

4 – Të keni parasysh se bateria është e nxehtë kur telefoni është në përdorim ose pas karikimit.

5 –Celularin tuaj mund ta mbroni ne këto raste edhe me ndonje program antivirusi.

6 – Mos merrni një program të cilin nuk e njihni nëpërmjet Bluetooth kur ndodheni në një ambient të jashtëm, megjithëse përgjimet e vërteta nuk bëhen asnjëherë nëpërmjet Bluetooth si edhe programeve te cilat futen nëpërmjet SMS në celular. Përdoren zakonisht metoda të tjera dhe zakonisht bëhen me aparate të inkriptuara.

The post Një sekret për ju! Si ta kuptoni që telefoni juaj po përgjohet appeared first on Albeu.com.

Ne po përjetojmë krizën më të madhe të shëndetit publik të kohës tonë, u shpreh mjeku Jonathan Reiner, i Universitetit Goerge Washington.

Dr. Anthony Fauci, eksperti kryesor i sëmundjeve infektive, u ka bërë thirrje banorëve të shmangin grumbullimet e mëëdha dhe ta kalojnëë Vitin e Ri me familjet dhe miqtë e tyre të vaksinuar në grupe të vogla.

Shtetet e Bashkuara regjistruan një shifër rekord prej 580 mijë infeksionesh të enjten, por specialistët thonë se shifra mund të jetë shumë më e lartë, pasi shumë njerëz vetë-testohen në shtëpi dhe këto raste nuk regjistrohen.

Shtimi i infeksioneve ka detyruar linjat ajrore të anulojnë mijëra fluturime, duke bllokuar shumë udhëtarë.

Ndërkohë Izraeli filloi dje të japë dozën e katërt të vaksinës për personat me sistem imunitar të dobësuar, për të moshuarit dhe punonjësit e sistemit shëndetësor.

Në një zhvillim optimist, Afrika e Jugut, vendi ku u zbulua për herë të pare varianti Omicron, i dha fund orës policore gjatë natës.

Qeveria njoftoi dje se të dhënat tregojnë se vendi ka dalë nga piku i valës së kartërt të pandemisë. Deklarata shtonte se “ndërsa Omicroni është tepër ngjitës, rastet e shtrimit në spital kanë qënë më të ulta se në valët e mëparshme”.

Faktet e deritanishme se Omicroni nuk ka shkaktuar aq shumë shtrime në spital dhe vdekje, sidomos mes të vaksinuarve, ofrojnë një dritë shprese për 2022./VOA

The post Paralajmërojnë autoritetet në SHBA: Shmangni grumbullimet për Vitin e Ri appeared first on Albeu.com.