Autori ne Arrati Archives - Albeu.com

Kreu masakër duke vrarë 18 persona në SHBA, autori ende në arrati, banorët të mbyllur brenda për arsye sigurie

E B — Fri, 27 Oct 2023 05:37:06 +0000

Policia vazhdon kërkimet për kapjen e autorit të dyshuar për vrasjen e 18 personave dhe plagosjen e 13 të tjerëve, në qytetin Lewiston, në shtetin e Meinit.

Qindra punonjës policie janë vënë në kërkim të 40 vjeçarit Robert Card, rezervist i ushtrisë amerikane, i trajnuar për përdorimin e armëve, i cili hapi zjarr rreth orës 7 të mbrëmjes me orën lokale, të mërkurën, në një bar sportiv.

Sipas të dhënave paraprake, ai kishte probleme të shëndetit mendor dhe i ishte nënshtruar një trajtimi për afro 2 javësh para disa muajsh. Nuk janë dhënë më tepër detaje mbi trajtimin apo gjendjen e tij.

Banorëve të Lewistonit, qyteti i dytë më i madh në shtetin e Meinit u është kërkuar të mbyllen në shtëpi. Edhe shkollat janë mbyllur.

“Është një ditë e errët për shtetin e Meinit”, tha guvernatorja Janet Mills në një konferencë për shtyp. “Robert Card cilësohet i rrezikshëm dhe i armatosur dhe policia këshillon që të mos i afroheni atij, në asnjë rrethanë”, shtoi ajo.

Policia gjeti një automjet të bardhë që dyshohet se Robert Card e përdori për të shkuar në qytetin e Lisbonës. Policia u kërkoi edhe banorëve në Lisbonë të qëndrojnë në shtëpi.

Agjencia e lajmeve Reuters njoftoi se në mëngjesin e sp enjten në të dyja qytetet kishte një qetësi të frikëshme, në rrugë shiheshin pak njerëz dhe pothuajse asnjë makinë.

Shumë biznese në qendër të qyteteve ishin mbyllur.

Policia tha se fillimisht u njoftuan të shtëna në një bar sportiv ku mbetën të vrarë 6 burra. Më pas, u regjistruan të shtëna në një restorant, 7 vetë humbën jetën. Tre të tjerë vdiqën në spital, si pasojë e plagëve të marra.

Presidenti Joe Biden shprehu ngushëllimet për atë që e cilësoi një ngjarje tragjike dhe u bëri thirrje republikanëve në Kongres për të bashkëpunuar në miratimin e ligjeve më të forta për armët.

Ky është rasti i 36 i vrasjeve në masë në Shtetet e Bashkuara gjatë këtij viti.

The post Kreu masakër duke vrarë 18 persona në SHBA, autori ende në arrati, banorët të mbyllur brenda për arsye sigurie appeared first on Albeu.com.

Kris arma në Divjakë, autori në arrati

Erv Isa — Fri, 30 Jun 2023 07:25:39 +0000

Një konflikt ka agravuar deri në përdorimin e armës së gjahut në Divjakë. Për fat të mirë nuk ka pasoja në njerëz, pasi është qëlluar në ajër.

Uniformat blu bëjnë me dije se për motive ende të paditura një 21-vjeçar është zënë me një 31-vjeçar në Divjakë.

21-vjeçari nga fshati Bedat ka goditur me sende të forta 31-vjeçarin dhe ka qëlluar me armë gjahu në ajër. Për pasojë i riu është shpallur në kërkim nga policia.

Njoftimi policisë

Një 21-vjeçar nga fshati Bedat, Divjakë është shpallur në kërkim pasi dyshohet se për shkak të një konflikti për motive të dobëta ka goditur me sende të forta një 31-vjeçar dhe ka qëlluar me armë gjahu në ajër. Vijon puna për kapjen e 21-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./albeu.com/

The post Kris arma në Divjakë, autori në arrati appeared first on Albeu.com.

Kris arma në Peqin, plagoset ish-kreu i PD, autori në arrati

Erv Isa — Wed, 17 May 2023 10:15:29 +0000

Të shtëna me armë zjarri janë shënuar në Peqin këtë të mërkurë. Si pasojë e të shtënave ka mbetur i plagosur ish-kreu i Partisë Demokratike në Peqin, Diell Çela .

Çela është konfliktuar me një 52-vjeçar, për motive të dobëta. Çela ka mbërritur në spital për të marrë ndihmë mjekësore.

Autori 52-vjeçar, Sokol Dehima është në arrati.

Policia bën me dije se dy burrat janë konfliktuar me njëri tjetrin. Sherri ka agravuar deri në përdorimin e armës.

Nuk dihen ende motivet e sherrit.

Shërbimet e Policisë kanë ngritur pika kontrolli dhe janë duke kontrolluar territorin, me qëllim kapjen e autorit të dyshuar, shtetasin S. D.

Njoftimi policisë

Rreth orës 11:10, në spitalin e Peqinit, është paraqitur për të marrë ndihmë mjekësore dhe ndodhet jashtë rrezikut për jetën, shtetasi D. Ç. 55 vjeç, banues në Peqin, i cili dyshohet se është dëmtuar me armë zjarri, gjatë një konflikti me shtetasin S. D., rreth 52 vjeç, banues në Peqin.

Shërbimet e Policisë kanë ngritur pika kontrolli dhe janë duke kontrolluar territorin, me qëllim kapjen e autorit të dyshuar, shtetasit S. D.

Grupi hetimor, në drejtimin e Prokurorisë, po punon për zbardhjen e rrethanave të ngjarjes./albeu.com/

The post Kris arma në Peqin, plagoset ish-kreu i PD, autori në arrati appeared first on Albeu.com.

Plagosje me thikë në zemër të Tiranës, autori në arrati

Erv Isa — Fri, 27 Jan 2023 07:13:29 +0000

Një 29-vjeçar ka përfunduar në spital, pasi është sulmuar me thikë gjatë natës rreth orës 02:10 te shëshi “Skënderbej” në Tiranë.

Uniformat blu bëjnë me dije se i riu është jashtë rrezikut për jetën.

Sakaq mësolhet se autori i sulmit është arratisur nga vendngjarja. Policia po punon për identifikimin dhe kapjen e tij.

Njoftimi i policisë:

Tiranë/Informacion paraprak

Më datë 27.01.2023, rreth orës 02:10, te sheshi “Skënderbej”, një shtetas ende i paidentifikuar ka goditur me mjet prerës thikë, shtetasin O. D., 29 vjeç.

Si pasojë 29-vjeçari është dëmtuar dhe ndodhet në spital, jashtë rrezikut për jetën.

Grupi hetimor po punon për sqarimin e rrethanave të ngjarjes, identifikimim dhe kapjen e autorit.

/albeu.com/

The post Plagosje me thikë në zemër të Tiranës, autori në arrati appeared first on Albeu.com.

E përplasi makina, ndërron jetë në spital i moshuari, autori ende në arrati

E B — Sun, 22 Jan 2023 22:42:17 +0000

Mbëmjen e kësaj të diele, policia bën me dije se 78-vjeçari që u përplas nga makina më 17 janar, ka ndërruar jetë si [asojë e plagëve të marra.

Gjithashtu njoftohet se autori ende nuk është identifikuar apo kapur, pasi pas ngjarjes është arratisut. Vijon puna për kapjen e tij dhe për sqarimin e rrethanave të ngjarjes.

Njoftimi i policisë:

Në lidhje me aksidentin e ndodhur më datë 17.01.2023, rreth orës 06:15, ku në vendin e quajtur Stacioni i Trenit, një automjet me drejtues ende të paidentifikuar, ka përplasur shtetasin H. B., 78 vjeç, i cili si pasojë e dëmtimeve të marra, ka humbur jetën në spital, ju sqarojmë se:

Shërbimet e Policisë, në momentin e marrjes dijeni për aksidentin e ndodhur, kanë shkuar menjëherë në vendngjarje së bashku me grupin hetimor, dhe nga verifikimet e kryera ka rezultuar se automjeti që kishte përplasur 78-vjeçarin, ishte larguar nga vendi i ngjarjes.

Grupi hetimor nën drejtimin e Prokurorisë pranë Gjykatës së Rrethit Gjyqësor Durrës, vijon intensivisht veprimet hetimore, me qëllim zbardhjen e plotë të rrethanave të aksidentit, identifikimin si dhe kapjen e vënien në pranga të drejtuesit të automjetit.

The post E përplasi makina, ndërron jetë në spital i moshuari, autori ende në arrati appeared first on Albeu.com.

Nuk ia “vuri veshin” paralajmërimeve të miqve, si u vra anëtarit i klanit mafioz në Budva

E S — Sat, 18 Jun 2022 09:43:16 +0000

Detaje të reja janë zbuluar për ngjarjen e mesantaës në Budva, ku mbeti i vrarë anëtari i klanit mafioz, Milic Minja Shakoviç.

Policia ka gjetur një çantë me armën e krimit, ndërsa mësohet se autori ka qenë i veshur me një këmishë të bardhë dhe është filmuar nga kamerat e një restoranti aty pranë.

Mediat fqinje raportojnë se Shakoviç kishte darkuar me disa miq në lokalin Korkovado.

Miqtë që kanë dhënë deklaratë në polici pas, thanë se kanë parë një burrë të dyshimtë që ka kaluar pranë tyre drejt Qytetit të Vjetër. Madje njëri prej tyre e paralajmëroi Shakoviçin, por ai nuk i kushtoi rëndësi kësaj dhe vazhdoi me darkën.

Menjëherë pas kësaj, një burrë i dyshimtë u shfaq dhe u zhvendos nga drejtimi i Qytetit të Vjetër në tavolinën ku ishin ulur të gjithë.

Ndonëse njëri nga miqtë e paralajmëroi sërish, Shakoviç nuk reagoi.

Pastaj burri filloi të lëvizte me shpejtësi dhe iu afrua tavolinës, nxori një armë dhe e qëlloi anëtarin e klanit mafioz pas shpine në një distancë prej gjysmë metri.

Fillimisht ai qëlloi tre herë në kokën e Shakoviqit, i cili ra në trotuar dhe më pas e qëlloi edhe dy herë të vdekurin. Gjithsej janë qëlluar tetë plumba.

Pas krimit, autori vrapo në drejtim të një hoteli e më pas përgjatë një shtegu të ngushtë drejt vendbanimit Gospoština.

Edhe pse ekzekutori është ende në arrati, inspektorët kanë gjetur gjurmë gishtat në vendet ku ai ka kaluar. Gjithashtu u gjet një këmishë dhe një maskë.

Të alarmuar nga ngjarja, shumë njerëz në lokalet përrreth filluan të iknin pas të shtënave gjë që e bëri më të lehtë arratinë e autorit, edhe pse policia ka kontrolluar zonën deri në orët e para të mëngjesit.

The post Nuk ia “vuri veshin” paralajmërimeve të miqve, si u vra anëtarit i klanit mafioz në Budva appeared first on Albeu.com.