Brenda automjetit dyshohet se kanë qenë të paktën tre persona, ku dy prej të cilëve kanë zbritur nga makina dhe kanë përshkruar rreth 20 metra rrugë në këmbë.

Automjeti ka qenë pa xhama të zinj, teksa dy autorët që kanë zbritur prej saj kanë qenë të maskuar.

Rezulton se vetëm njëri prej tyre ka qëlluar në drejtim të Gjovalin Prendit, i cili në momentin që është ekzekutuar ka qenë në verandën e lokalit, duke shkruar në telefon.

Në brendësi të lokalit në pronësi të tij, ndodheshin dhe 5 persona të tjerë, mes tyre dhe bashkëshortja e 64-vjeçarit.

Atentatorët dyshohet se e kanë mbajtur në vëzhgim Gjovalin Prendin dhe kanë gjetur momentin e përshtatshëm kur ai po futej në lokal.

Gjovalin Prendi, dyshohet të jetë qëlluar nga ana e majtë e lokalit. Kamerat e sigurisë kanë fiksuar momentin kur dy autorët kanë ardhur nga aksi rrugor i vjetër, duke dalë në pjesën anësore të biznesit familjar ku kanë qëlluar Prendin.

Më pas, në një moment është fiksuar nga kamerat automjeti i autorëve, që është larguar pas atentatit drejt urës së Milotit.

Të nesërmen në mëngjes, pranë disa shkurreve në fshatin Fushë-Gjormë të Kurbinit, automjeti i autorëve u gjet i shkrumbuar totalit.

Dyshohet se ekzekutuorët të jenë ndihmuar nga persona të tjerë për t’u larguar nga vendi ku dogjën automjetin.

Automjeti që u përdor në atentat nga autorët rezulton i vjedhur më 13 Mars të këtij viti në Peqin, teksa po ashtu të vjedhura kanë rezultuar edhe targat.

64-vjeçari Gjovalin Prendi, ishte paralajmëruar për t’u vrarë edhe dy herë gjatë vitit 2020, në një sulm me eksploziv dhe një tjetër me plumba, në të njëjtin lokal ku dhe u ekzekutua mbrëmjen e të enjtes.

Më herët, në vitin 2014, Gjovalin Prendit i kishin vrarë edhe nipin, në një atentat pranë urës së Milotit, që Policia deklaronte në atë kohë se kishte si objektiv djalin e dajës së tyre.

Edhe kjo ngjarje nuk është përjashtuar si pistë hetimore, pa çka se hetimet janë fokusuar tek hakmarrja e lidhur me djalin e viktimës, Sidorel Prendi (Roan Brahimi).

Në media është raportuar se vrasja në Lezhë mund të ketë lidhje me atentatin me 4 të plagosur, mes tyre dy fëmijë të mitur, të regjistruar 45 minuta më vonë në Tiranë.

Sipas raportimeve, Policia dyshon se në atentatin e Tiranës, mund të jetë ngatërruar objektivi. Kjo për shkak se, sipas hetuesve, bashkëshortja e Roan Brahimit banon në të njëjtën lagje me të plagosurit në “Rolling Hills”.

Sipas të njëjtave dyshime, autorët që ekzekutuan vjehrrin e saj në Lezhë, kanë dashur të vrisnin edhe bashkëshorten e Roan Brahimit në Tiranë. Por kjo pistë është në kuadrin e dyshimeve dhe nuk është varianti zyrtar i policisë.

The post Atentati ndaj Gjovalin Prendit/ Kjo është makina e vrasësve, u vodh në Peqin më 13 Mars appeared first on Albeu.com.

Shkodër/Informacion paraprak

Rreth orës 07:40, në aksin rrugor Shkodër-Velipojë, ka marrë flakë dhe është djegur një automjet tip “Benz”, në pronësi të shtetasit B. K., 26 vjeç. Zjarri dyshohet të jetë shkaktuar si pasojë e një shkëndije elektrike.

Grupi hetimor po punon për sqarimin e plotë të rrethanave të rastit.

The post Përfshihet nga flakët automjeti në Shkodër, për ҫfarë dyshohet appeared first on Albeu.com.

5 të rinj po udhëtonin nga Halkida për në Ksanthi për të marrë pjesë në seminarin e një fabrike industriale. Në mbrëmje, pasi ishin argëtuar, ata ishin nisur për të shkuar në Nesto, ku të nesërmen do të shkonin në plazh.

Automjeti me targa ZTA – 1004 ka hyrë në sens të kundërt në rrugën Ksanthi – Kavalla dhe në km 11 është përplasur me autobusin me targa AHP – 5909 të kompanisë “Spyros kai Xristos Tasios OE”, i cili për koicidencë transportonte punonjës të fabrikës ku kishin shkuar të rinjtë.

Nga përplasja e fortë, automjeti është ndarë në mes dhe pjesë të tij kanë fluturuar deri në 150 metra larg.

Top Channel bën me dije se si pasojë e aksidentit kanë ndërruar jetë 4 udhëtarë të automjetit, konkretisht drejtuesi i mjetit, shtetasi grek Georgios Oikonomidis 26 vjeç si dhe pasagjerët Diana-Ana-Maria Bobu 28 vjeç nga Rumania, Georgia-Maria Mastori 22 vjeç nga Greqi e Neldian Serjani 27 vjec nga Shqipëria. I plagosur rëndë ka mbetur pasagjeri i pestë i mjetit, Nikolaos Metoxiatis 22 vjeç nga Greqia.

Nga përplasja e fortë janë plagosur lehtë edhe drejtuesi i autobusit dhe 3 pasagjerë mes të cilëve shtetasja shqiptare Pranvera Filja 39 vjeç nga Elbasani.

The post Tragjike në Greqi/ Automjeti futet në sens të kundërt dhe përplaset me autobusin, vdesin 4 të rinj, mes tyre një shqiptar (EMRAT) appeared first on Albeu.com.

Raportohet se si pasojë e përplasjes, automjeti është përfshirë nga flakët.

Fatmirësisht, drejtuesi i mjetit ka dalë nga makina para se mjeti të merrte flakë. Drejtuesi i mjetit është dëmtuar, ndërsa është dërguar në spital për ndihmë mjekësore.

The post Aksident në Vlorë/ Automjeti përfshihet nga flakët, i lënduari dergohet me urgjencë në spital appeared first on Albeu.com.

Sipas informacioneve, automjeti ishte i parkuar dhe është në pronësi të një 35-vjeçari.

Si pasojë e flakëve, ka vetëm dëme materiale në këtë automjet.

Grupi hetimor po punon për të dokumentuar me prova ligjore rrethanat e rastit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

The post Përfshihet nga flakët një automjet në Shkodër appeared first on Albeu.com.

Shoferi i automjetit, identiteti i të cilit akoma nuk dihet, teksa po drejtonte automjetin ka përplasur një efektiv të policisë së Kosovës dhe makinën e patrullës.

Sipas mediave kosovare, incidenti ka ndodhur pasi patrulla i ka bërë me shenjë automjetit të ndalojë për një kontroll, thirrje e cila nuk është respektuar nga shoferi.

Policia ka reaguar ndaj këtij sulmi, duke shtënë me armë zjarri drejt makinës, por ka pasur vetëm dëme materiale.

Sipas policisë, shoferi ka arritur të dalë nga makina dhe është arratisur në këmbë duke vrapuar.

Ndër të tjera, blutë e Kosovës, njoftojnë se ka gjetur 2 kilogramë drogë në makinën me targa serbe.

“Rreth orës 12 e 40 në Suhodoll derisa policia kishte bërë përpjekje për të ndaluar një veturë e cila dyshohej se kishte narkotikë, shoferi i saj ka goditur me veturë policin i cili ishte në këmbë e po ashtu edhe veturën e policisë. Në përpjekje për ta ndaluar sulmin nga vetja, policia ka shtënë me armë zjarri por nuk ka të lënduar”, tha zëvendëskomandanti i Policisë së Kosovës.

The post Automjeti me targa serbe përplas policin kosovar, shoferi arratiset nga vendngjarja appeared first on Albeu.com.

Policia po heton në të dyja pistat, ndërsa kontrollet do të vijojnë si në ujërat e lumit Seman ashtu edhe në zonat përreth, me shpresën për të gjetur automjetin.

Të dielën polumbarët e forcave Renea kërkuan në ujërat e lumit për më shumë se 4 orë, por nuk arritën të gjenin automjetin e apo shenja të mjaftueshme për të çuar në prova konkrete se makina ka rënë në ujë. Për të mundësuar kërkime më të plota u kërkua mbyllja e portave të Gramshit, që sjellin edhe uljen e prurjeve në lumin Seman.

Fakti që telefoni i të riut është ende i fikur e bën edhe më të vështirë për të zbuluar vendndodhjen e tij dhe automjetit të marrë me qira.

Mjeti nuk ka pasur GPS,  ndërsa nga kamerat e sigurisë nuk arrihet të identifikohet qartë lëvizja e 26 vjeçarit. Deri tani nuk është bërë denoncim tjetër dhe kjo shtyn policinë të mendojë se 26 vjeçari mund të udhëtonte i vetëm.

Ndërkohë, janë marrë në pyetje  të njohur të 26 vjeçarit e kontaktet e këtij të fundit për të zbuluar lëvizjet e tij përpara se të humbte gjurmët. /albeu.com

The post Dyshohet se ra në ujërat e lumit Seman, ende mister fati i 26-vjeçarit, çfarë u zbulua nga kamerat e sigurisë appeared first on Albeu.com.

Bode rezulton se prej disa kohësh ndiqte lëvizjet e Papës, duke përdorur një automjet të marrë me qira nga një kompani. Bëhet fjalë për një automjet tip “Benz”, si duket edhe në foton e siguruar nga Gazetari Arsen Rusta.

Bode është shpallur në kërkim që nga data 31 dhjetor pas arrestimit të Alban Velos, i cili dyshohet si organizator i vrasjes së Papës.

Deri më tani nuk ka asnjë gjurmë të Bodes, epse zyrtarisht nga sistemi TIMS rezulton se Bode nuk është larguar nga vendi. Dyshimet janë se ai mund të jetë larguar ilegalisht për t’i shpëtuar policisë. /albeu.com

The post FOTO/ Andrew Bode ende në kërkim, ky është automjeti me të cilin ndiqte Edmond Papën derisa e ekzekutoi appeared first on Albeu.com.