Si pasojë e aksidentit ka ndërruar jetë drejtuesi i motomjetit si dhe është dëmtuar pasagjeria në motomjet shtetasja A. Gj, rreth 22 vjeçe, e cila ndodhet në spital nën kujdesin e mjekëve.

Drejtuesi i automjetit shtetasi F. Gj, është shoqëruar në Komisariat për veprime të metejshme proceduriale.

Grupi hetimor vijon punën për përcaktimin e rrethanave të aksidentit.

The post Tiranë, automjeti përplaset me motorrin, vdes drejtuesi, plagoset pasagjerja appeared first on Albeu.com.

Gjithashtu, Rama u shpreh se ky projekt do t’i vijë në ndihmë ministrisë së Shëndetësisë asaj të Brendshme, Agjencisë Kombëtare të Transportit si dhe për eksport.

Rama: “Do t’i shërbejë kalimi në një nivel tjetër sistemi të transportit dhe do të mbulojë edhe një mision tjetër të transportit të mësuesve dhe fëmijëve. Dhe jemi në finalizim të krijimit të një shoqërie aksionere për prodhimin e automjeteve për nevojat e shteti dhe për eksport. Është një projekt shumë i bukur që do të na japë mundësinë të prodhojmë për nevojat e ministrisë së Shëndetësisë, ministrisë së Brendshme, Agjencisë Kombëtare të Transportit dhe patjetër edhe për eksport. Bazuar te eksperienca e një vajze shqiptare, që të gjithë e njihni dhe me të cilën po ndërtojmë këtë proces”.

The post Rama: Po finalizojmë krijimin e një shoqërie aksionere, për prodhimin e automjeteve appeared first on Albeu.com.

Vendimi i Qeverisë kosovare, vjen pasi Serbia vendosi t’i lejoi automjetet me targa RKS – Republika e Kosovës – të lëvizin lirshëm në territorin e saj nga fillimi i kësaj jave.

Qeveria e kryeministrit Albin Kurti, tha se heqja e regjimit të letrës ngjitëse nga ana e saj “është akt i fqinjësisë së mirë dhe vjen pas njohjes së plotë të targave të Republikës së Kosovës nga Serbia”.

Vendimi i saj do të hyjë në fuqi ditën e publikimit në Gazetën Zyrtare.

Për çështjen e lëvizjes së Lirë, Kosova dhe Serbia kishin arritur marrëveshje së pari më 2011, gjatë dialogut të ndërmjetësuar nga Bashkimi Evropian për normalizimin e marrëdhënieve.

Pas tensioneve që shkaktoi çështja e targave, në shtator 2021 u arrit marrëveshja e përkohshme për targat.

Ajo marrëveshje, që kishte për qëllim të ishte në fuqi për gjashtë muaj derisa grupet punuese të Kosovës dhe Serbisë të gjenin një zgjidhje afatgjate, bëri që shoferët me targa të Kosovës dhe me ato të Serbisë, të vendosnin letra ngjitëse në simbolet shtetërore në targa, sa herë që kalonin kufirin e këtyre dy shteteve.

Për disa qytetarët serbë në veri të Kosovës, vendimi i Qeverisë së Serbisë për targa RKS ka qenë i “mirë” e për disa të tjerë “tradhti”.

Presidenti i Serbisë, Aleksandar Vuçiҫ, tha më 31 dhjetor se vendimin për ta lejuar lëvizjen e lirë të automjeteve me targa RKS nëpër Serbinë qendrore, qeveria e tij ka shmangur “grackat dhe rreziqet e mëdha” për vendin.

“Interesi ynë është Ballkani i Hapur dhe liria e lëvizjes, e cila vlen edhe për automjetet. Mendoj se nga ky vendim do të përfitojnë populli serb dhe Serbia në tërësi. Me këtë dhe disa gjëra të tjera kemi shmangur grackat dhe rreziqet e mëdha për Serbisë”, tha Vuçiҫ.

Vendimi i Beogradit u mirëprit nga Bashkimi Evropian, i cili e cilësoi atë si hap pozitiv drejt normalizimit të raporteve mes Kosovës dhe Serbisë.

Për zëvendëskryeministrin e Kosovës, Besnik Bislimi, vendimi i Qeverisë serbe për targat RKS ishte tregues se “të gjitha destabilizimet” që i ka bërë Serbia në lidhje me to ndër vite kanë qenë “të palogjikshme dhe të panevojshme”.

The post Qeveria e Kosovës e heq regjimin e letrës ngjitëse për automjetet me targa serbe appeared first on Albeu.com.

Të dhënat e fundit të INSTAT në Vjetarin Statistikor Rajonal tregojnë se Shqipëria është shteti i Europës që ka më pak automjete në raport me popullsinë, së bashku me Kosovën. Të dhënat për shkallën e motorizimit tregojnë se vendi, në vitin 2019, vendi kishte rreth 190 automjete për 1 mijë banorë, nga 520 automjete që është mesatarja e Bashkimit Europian.

Në nivele të ngjashme me Shqipërinë është edhe Kosova, me rreth 180 automjete për 1 mijë banorë. Nivelin më të lartë të motorizimit në rajon e ka Mali i Zi, me 320 automjete për një mijë banorë, e ndjekur nga Serbia (rreh 300), Bosnjë Hercegovina (270), Maqedonia e Veriut (200). Të dhënat i referohen vitit 2019.

Durrësi, qarku me më shumë automjete

Në qytetin bregdetar të Durrësit është shumë e vështirë që të gjesh parkim, ndërsa trafiku rëndohet më shumë në verë dhe për festat e fundvitit. Qarku i Durrësit mban rekord për numrin më të lartë të automjeteve në raport me popullsinë. Sipas INSTAT, në këtë qark ka 279 automjete për një mijë banorë.

Në vend të dytë është Lezha, me 258 automjete, e ndjekur nga Gjirokastra me 237.

Në kryeqytet, ndonëse është përqendruar gati një e treta e popullsisë, shkalla e motorizimit është e katërta më e lartë, me 230 automjete për një mijë banorë.

Numri i automjeteve në rritje të vazhdueshme

Sipas INSTAT, në vitin 2021, numri gjithsej i mjeteve rrugore me status “aktiv” dhe “të çregjistruar përkohësisht” rezulton 740.669 mjete, nga 676.811 mjete të regjistruara deri në vitin 2020, duke u rritur me 9,4%.

Nga mjetet rrugore sipas llojit, përqindjen më të madhe ndaj numrit gjithsej të mjeteve rrugore e zënë “Autoveturat” (80,1%), “Automjetet për transport të përzier ” (6,7%) dhe “Motor” (5,1%),

Në vitin 2021, numri i autoveturave për pasagjerë për 1.000 banorë është 212 krahasuar me 190 në vitin 2020 duke u rritur me 11%.

Sipas të dhënave të Drejtorisë së Përgjithshme të Shërbimeve të Transportit Rrugor (DPSHTRR), për 10 mujorin 2022 janë regjistruar gjithsej 54 mijë automjete, nga të cilat 44 mijë ishin autovetura.

51% e mjeteve të regjistruara erdhën nga Gjermania e Italia (nga rreth 13-14 mijë secila).

Benz nuk është më i preferuari

Në stokun total të automjeteve në vend, Mercedes Benz vijon të jetë mbizotërues. Sipas të dhënave të tjera të NSTAT, që i referohen fundit të vitit 2021, nNdër markat kryesore të autoveturave që qarkullojnë në vend, dominojnë marka “Mercedez Benz” (18,2%), e ndjekur nga “Volkswagen” (17,5%) dhe “Daimler Chrysler” (10,9%).

Por, preferenca vitet e fundit duket se ka kaluar te mjetet më ekonomike. Sipas të dhënave të DPSHTRR, për 10 mujorin 2022, rreth 23% e automjeteve të regjistruara në vend ishin të markës Volkswagen. Benz Mercedez ka kaluar në vend të dytë, me 17%, e ndjekur nga Audi me 9.4%, Ford me 7.4% dhe Toyota me 7.3%.

Vijojnë të mbizotërojnë automjetet e vjetra, ku 52% e makinave të regjistruara rishtazi në 10 mujorin 2022 janë të vitit të prodhimit midis 2005 dhe 2009./MONITOR

The post Shqipëria ka numrin më të ulët të automjeteve në Europë, në raport me popullsinë, Benzi bie nga “froni”, kush është makina e preferuar appeared first on Albeu.com.

Deri atëherë, kryesisht pjesët e nevojshme riparohen me pjesë më të lira, nuk i kushtohet më rëndësi estetika e llamarinës, por këtu është edhe më e rëndësishmja: çështja e komoditetit në drejtimin e automjetit dhe veçanërisht e besueshmërisë, sepse është më e pakëndshme për të vozitur. një makinë që bën zhurma të çuditshme, rrëshqitje apo konsumon shumë, si dhe fakti që i drejtoheni gjithnjë e më shpesh mekanikut…

Pra, ka ardhur momenti që duhet të vendosni nëse do të vazhdoni të rregulloni makinën apo ta hiqni qafe atë edhe nëse jeni të lidhur sentimentalisht për shkak të shumë viteve të kaluara së bashku, pavarësisht prishjeve gjithnjë e më të shpeshta.

Këtu keni një përmbledhje të shenjave që tregojnë se makina juaj po dështon, si dhe disa këshilla për t’ju ndihmuar të vendosni nëse do ta rregulloni apo kërkoni një të re…

Dridhet kur nisni dhe ndaloni

Duhet ta dini menjëherë – bëhet fjalë për transmetimin, dhe të gjitha riparimet që lidhen me të janë të shtrenjta. Pra, nëse vëreni se makina dridhet gjatë përshpejtimit ose frenimit dhe e gjithë kjo shoqërohet me kërcitje ose zhurma të pazakonta, ndoshta është koha të pranoni se diçka nuk është në rregull dhe të përpiqeni të kërkoni një makinë më të mirë.

Ka korrozion

Shfaqja e ndryshkut është një shenjë paralajmëruese sepse përhapet shpejt dhe sa më shpejt ta riparoni, aq më mirë. Megjithatë, në varësi të madhësisë së zonës së prekur, ai problem shpesh injorohet sepse nuk është një procedurë aq e lirë.

Kimikatet që ata vendosin në rrugë gjatë dimrit hanë bojën dhe llamarinën. Kur shfaqet ndryshku, ai përhapet shumë shpejt. Rrjedhja e ujit gjithashtu ka tendencë të shkaktojë shumë dëme pasi uji që qëndron në vende të fshehura në karrocë shkakton korrozion. Të dy problemet duhet të analizohen tërësisht për të vlerësuar shkallën e dëmit.

Rrjedhja e lëngut

Rritja e kostove

Kur keni blerë SUV-në tuaj turbocharged, për shembull, çmimet e karburantit mund të mos kenë qenë aq të larta sa janë sot. Tani vetëm furnizimi me karburant prish pamjen tuaj financiare dhe prish buxhetin e familjes, kështu që duhet të mendoni nëse ajo makinë është ende opsioni më i mirë për ju ose ndoshta duhet të kërkoni diçka më të kursyer.

Çmimet e riparimit

Përpara se të shpenzoni shumë para për një riparim motori ose një zëvendësim të shtrenjtë të një pjese jetike të makinës, pyesni veten se sa mund ta shisni atë ndërsa është ende në punë dhe nëse mund t’i kombinoni të ardhurat nga shitja me paratë që përndryshe do t’i shpenzonit për riparime për të blerë një makinë më të re dhe më të besueshme.

Lambikë, lambikë…

Shenja më e hershme e një makine të konsumuar shfaqet në kroskot. Të gjitha këto drita të vogla paralajmëruese janë të rëndësishme dhe injorimi i tyre mund të çojë në më shumë probleme. Mos i injoroni! Nëse drita e motorit të kontrollit është e ndezur, duhet ta çoni makinën tuaj te një mekanik sa më shpejt të jetë e mundur. Nëse drita juaj e presionit të vajit ndizet, është më mirë të ndaloni menjëherë. Nëse më shumë drita ndizen gjithnjë e më shpesh, kërkoni një makinë tjetër.

Kilometrazhi dhe garancia

Garancia e fabrikës sjell paqe mendore. Nëse keni blerë një makinë me një garanci të zgjatur, edhe më mirë, por lexoni patjetër shkronjat e imta në garancinë bazë. Për shembull, garancia zgjat pesë vjet, por kontrolloni edhe pas sa kilometrash përfundon. Nëse vozitni shumë dhe i keni bërë ato kilometra në katër vjet, garancia juaj ka skaduar. Pyetja është nëse do të paguani ekstra për një garanci të zgjatur apo do të kërkoni një makinë tjetër.

Tymi nga shkarkimi

Tymi blu nga shkarkimi do të thotë se makina juaj ka nevojë për vaj, dhe nëse duket e bardhë, do të thotë se ka ftohës që hyn në motor dhe nuk është vetëm avullimi i kondensatës në sistemin e shkarkimit. Tymi i zi në pikat e karburantit është shenjë se po djeg shumë karburant, ndaj kontrolloni filtrin e ajrit dhe mund të ketë probleme më serioze.

Kapërcimi i shërbimeve

Lubrifikimi i rregullt i motorit të makinës suaj është çelësi i mirëmbajtjes. Kapërcimi i mirëmbajtjes së rregullt përfundimisht mund të shkaktojë që boshti me gunga e makinës suaj të mos sinkronizohet me pistonët, duke çuar në një tingull “klikimi”, i cili është një shenjë se diçka nuk është në rregull. Kjo do të thotë një avari më e shtrenjtë dhe zakonisht është koha për të filluar kursimin për një motor të ri në atë pikë.

Kuti ingranazhi “e fjetur”.

The post Dhjetë shenja që tregojnë se makinës tuaj po i vjen fundi! appeared first on Albeu.com.

Referuar të dhënave të INSTAT gjatë vitit 2021 në Shqipëri rezultojnë 740.669 mjete, nga 676.811 të tilla në vitin 2020, duke u rritur me 9.4 %.

Afro 64 mijë automjete janë regjistruar për herë të parë në Shqipëri gjatë një viti.

Përqindjen më të madhe të automjeteve në rrugë e zënë autoveturat me 80 %, e ndjekur nga mjetet për transport me 6.7 % dhe motorët me 5.1 %.

35% e automjeteve qarkullojnë në Tiranë. Kryeqyteti regjistron 259 mijë mjete rrugore.

Shqiptarët vijojnë të preferojnë më shumë automjetet me naftë. Deri në Dhjetor të vitit 2021 në 73,6 % të rasteve mjetet në qarkullim kanë qene me lëndë djegëse “Naftë”, e ndjekur nga autoveturat që përdorin lëndë djegëse “Benzinë” me 17,3 %.

E ndërsa mania e shqiptarëve për të blerë automjete nuk ndalet, po ashtu edhe zhurmat e shkaktuara nga përdorimi i borisë dhe jo vetëm vijon të krijojnë ndotje akustike. Edhe pse Kodi Rrugor e përcakton qartë ndalimin e përdorimit të borisë në zonat urbane, në Shqipëri ndodh krejt e kundërta.

The post INSTAT: Në Shqipëri, mbi 740 mijë automjete appeared first on Albeu.com.

Brenda ditës janë raportuar dy makina të përmbysura ku më i fundit është një furgon malli. Fatmirësisht nga këto dy aksidente nuk ka pasur të lënduar.

Shpejtësia e makinave dhe kthesa e fortë mendohet se janë shkaqet kryesore të aksidenteve. Ndërkohë kjo është e disa herë që makinat përmbysen në tunelet e sapo hapura tek ish-dogana.

The post Makina e dytë brenda ditës, përmbyset furgoni në tunelin tek ish-dogana (VIDEO) appeared first on Albeu.com.

Kjo ka shkaktuar panik tek qytetarët përreth, duke qenë se të dy automjetet ndodhen në një pikë karburanti.

The post Të parkuara në një pikë karburanti, digjen dy automjete në Fushë-Krujë appeared first on Albeu.com.