Gjatë samitit të Ballkanit Perëndimor, që po mbahet në Prishtinë, Kurti tha se në kohën kur Rusia po vazhdon pushtimin e Ukrainës, Serbia ka arritur dy marrëveshje me Moskën, atë për furnizim me gaz edhe për tri vjet, dhe një marrëveshje për koordinim të politikës së jashtme.

“E kemi ditur për një kohë të gjatë se Serbia dëshiron t’i sigurojë të gjitha, edhe armë ruse, edhe investime kineze, fonde evropiane, por edhe tolerancë amerikane. Por, pushtimi rus ka zbuluar diçka të cilës i jemi frikësuar shumë, por nuk e kemi ditur me siguri: ballafaquar me zgjedhje midis demokracisë dhe autokracisë, Beogradi çdo ditë po përçon sinjale të qarta që do ta zgjedhë këtë të fundit”, tha Kurti.

Në maj, Serbia njoftoi se ka arritur marrëveshje për furnizim me gaz rus për tre vjetët e ardhshëm. Beogradi tha se kontrata parasheh blerje të gazit me çmim tri herë më të lirë se gazi i shitur në tregjet evropiane.

Kjo marrëveshje u arrit në kohën kur Rusia nisi ndalimin e dërgesave me gaz për shtetet evropiane, duke rritur çmimet dhe thelluar krizën energjetike.

Ndërkaq, në shtator të këtij viti, Serbia dhe Rusia nënshkruan Planin e Konsultimeve midis ministrive të Jashtme për dy vjetët e ardhshëm.

Serbia tha se marrëveshje të tilla Beogradi dhe Moska kanë që nga viti 1996 dhe ato nënshkruhen çdo dy vjet. Por, arritja e kësaj marrëveshjeje u kritikua nga Bashkimi Evropian dhe Shtetet e Bashkuara, me Brukselin që shprehu shqetësim për “forcimin” e bashkëpunimit Serbi-Rusi.

Kryeministri Kurti tha se Serbia po refuzon që t’i bashkohet Bashkimit Evropian në vendosjen e sanksioneve ndaj Moskës për shkak të agresionit ndaj Ukrainës.

Ai tha se Serbia paraqet “kërcënim” për paqen në rajonin e Ballkanit Perëndimor.

“Po të ishte Rusia demokraci e vërtetë me shumë gjasë nuk do ta sulmonte kurrë Ukrainën. Ngjashëm, po të ishte Serbia demokraci e vërtetë, e jo një shtet me një parti ku opozita nuk ka kurrfarë gjase që të fitojë, nuk do të ishte një kërcënim kaq i madh ndaj paqes afatgjatë në rajonin tonë. Në këtë kuptim, përpjekjet e presidentit [të SHBA-së, Joe] Biden për të promovuar vlera demokratike në gjithë botën mund të shihen si përpjekje për të ruajtur paqen mes kombeve. Në të kundërtën e kësaj, autokratët ia kthejnë shpinën popullit të tyre për ta përqafuar njëri-tjetrin”, tha ai.

Serbia nuk ka vendosur sanksione ndaj Rusisë, por ka mbështetur disa rezoluta në Kombet e Bashkuara që dënojnë Rusinë për pushtimin e Ukrainës.

Në panelin e titulluar: “Rritja e qëndrueshme, prosperiteti dhe stabiliteti në Ballkanin Perëndimor” mori pjesë edhe ambasadori amerikan në Prishtinë, Jeffrey Hovenier, i cili tha se SHBA-ja mbështet Kosovën në rrugën e saj drejt integrimit euro-atlantik.

Duke folur për dialogun midis Kosovës dhe Serbisë, që ndërmjetësohet nga Bashkimi Evropian, Hovenier tha se ky proces duhet të përmbyllet.

“Ne duam që dialogu të përfundojë dhe që Kosova të jetë pjesë e NATO-s”, tha ai.

Ambasadori amerikan tha se duhet të bëhet më shumë punë për rritjen ekonomike, teksa theksoi se Kosova po përballet me sfida në sektorin ekonomik dhe në tërheqjen e investitorëve të huaj./rel

The post Kurti: Serbia po zgjedh autokracinë appeared first on Albeu.com.

“Pikëpamja ime për “Open Ballkan” është shumë e qartë. Është ide e mirë për vendet e rajonit të tregtojnë, por është ide e keqe për ta bërë këtë gjë në një regjim të dizajnuar që të rrisë fuqinë politike të Serbisë. Fuqia ekonomike është fuqi politike. Ekonomitë e rajonit nuk janë të njëjta, Serbia ka ekonominë më të madhe, Serbia bën tregti me një numër shtetesh në rajon, ekonomia e Malit të Zi është 1/14 e vëllimit të ekonomisë serbe, i dini ndarjet politike. Serbia është një autokraci, nuk është demokraci, është duke lëvizur në drejtimin e gabuar”, tha profesori.

Kjo deklaratë u tha në konferenca e 17 ndërkombëtare për ide të reja me temë “Prioritetet e ridefinuara: realitete të reja pas krizës ukrainase” e organizuar nga Universiteti Amerikan Kolexh” Shkup në bashkëpunim me UNHCR-në./tv21

The post Joseph kundër “Open Ballkan”: Serbia është një autokraci, s’është demokraci appeared first on Albeu.com.

Sipas Joe Biden lufta midis demokracisë dhe autokracisë është konflikti që do të përcaktojë kohën në të cilën ne po jetojmë.

Pra, cili sistem funksionon më mirë?

Në autokraci, pushteti është i centralizuar. Udhëheqësit mund t’i përgjigjen shpejt dhe me vendosmëri sfidave. Kina tregoi se autokracitë mund të prodhojnë prosperitet masiv. Autokracia ka fituar më shumë globalisht ndërsa demokracia vazhdon të shënojë rënie.

Në demokraci, nga ana tjetër, pushteti është i decentralizuar, shpesh i polarizuar dhe paralitik. Sistemi politik amerikan është bërë mosbesues dhe jofunksional. Megjithatë, javët e fundit na kanë shpalosur shumë të vërteta. Është e qartë se kur bëhet fjalë për funksionet më të rëndësishme të qeverisë, autokracia ka disa dobësi, raporton abcnews.al

Ky nuk është një rast për triumfalizëm demokratik; është një rast për një vlerësim realist të paaftësisë autoritare dhe ndoshta jostabilitetit.

Cilat janë ato dobësi?

Në demokraci, politikëbërja zakonisht ndodh përpara publikut dhe ka mijëra ekspertë që tregojnë çdo gjë me fakte dhe opinione. Shumë ekonomistë vitin e kaluar thanë se inflacioni nuk do të ishte problem, por Larry Summers dhe të tjerë thanë se do të ishte, dhe rezultoi që ata kishin të drejtë. Ne ende bëjmë gabime, por sistemi mëson.

Shpesh në autokraci, vendimet merren brenda një rrethi të vogël e të mbyllur. Rrjedhat e informacionit shtrembërohet nga fuqia. Askush nuk mund ti thojë udhëheqësit diçka që ai nuk dëshiron ta dëgjojë.

Dështimi i inteligjencës ruse për Ukrainën ka qenë befasues. Vladimir Putin nuk e dinte se çfarë donte populli ukrainas, si do të luftonte apo se si ushtria e tij ishte shkatërruar nga korrupsioni dhe kleptokratët. Njerëzit duan të kenë jetë të pasur dhe të shfrytëzojnë sa më shumë potencialin e tyre. Ata duan të jetë të lirë të shijojnë jetën. Autokracitë kufizojnë lirinë për shkak të rendit, raporton abcnews.al

Shumë nga njerëzit më të mirë dhe më të zgjuar tani po largohen nga Rusia. Njerëzit mbështesin autokracitë duke i shërbyer organizatës, burokracisë. Kjo i bën ata të vetëdijshëm se të tjerët mund të jenë më të pamëshirshëm dhe manipulues, kështu që ata bëhen paranojakë dhe despotikë.

Ata shpesh e personalizojnë pushtetin, kështu që ata janë shteti, dhe shteti janë ata. Ata nuk punësojnë njerëzit më të zgjuar dhe më të mirë. Njerëz të tillë mund të jenë kërcënues. Ata punësojnë njerëz që janë mediokër.

Një demokraci liberale, balancohet nga dashuria për idealet liberale (të cilat janë universale). Me rënien e komunizmit, autoritarizmi humbi një burim të madh të vlerave universale.

“Unë besoj në pasion,” deklaroi Putin vitin e kaluar. Pasioni është një teori e krijuar nga etnologu rus Lev Gumilyov që thotë se çdo komb ka nivelin e tij të energjisë mendore dhe ideologjike, shpirtin e tij ekspansionist.

Ky lloj nacionalizmi i krisur i mashtron njerëzit që të ndjekin ambiciet shumë përtej kapacitetit të tyre.

Udhëheqësit demokratë, të paktën në teori, u shërbejnë zgjedhësve të tyre. Udhëheqësit autokratikë, në praktikë, i shërbejnë regjimit dhe jetëgjatësisë së tyre.

Në një studim që mori në shqyrtim më shumë se 400 diktatorë në 76 vende nga Richard Jong-A-Pin dhe Jochen O. Mierau nxorri në pah se një diferencë prej vetëm një viti në moshën e një diktatori ul rritjen ekonomike të vendit të tij me 0,12%.

Kur ra Bashkimi Sovjetik, mësuam se C.I.A. kishte mbivlerësuar ekonominë sovjetike dhe fuqinë ushtarake sovjetike. Është shumë e vështirë të drejtosh me sukses një shoqëri të madhe përmes pushtetit të centralizuar.

Kur përballemi me autokraci të suksesshme si Kina, duhet të mësojmë të jemi të durueshëm dhe t’i besojmë sistemit tonë liberal demokratik. Kur po përballemi me agresorë perandorakë si Putin, duhet t’i besojmë mënyrave se si po reagojmë tani.

The post Pse dështojnë autokracitë? appeared first on Albeu.com.