Gazetari Igli Çelmeta bën me dije se autobusi ka përplasur një mjet tjetër, përpara se të përplasej me makinën tip “Porsche”, siç duket edhe nga këndi i videos se publikuar.

“Në këto pamje nuk duket, por urbani para se të godiste mjetin tip “Porsche” ka goditur një mjet tjetër më parë. Dëshmitarët që kanë qenë në urban kanë deklaruar se në momentin e aksidentit, kanë parë shoferin me kokën e ulur. Vetë ai ka deklaruar se vuan nga diabeti, dhe se në atë moment nuk ka qenë koshient dhe nuk mban mend se çfarë ka ndodhur. Siç shihet aty, edhe pse ka goditur mjetin, nuk ndalon por vazhdon lëvizjen duke shkaktuar përplasjet zinxhir”, tha ai.

Ndërkohë sipas shefit të qarkullimit në Tiranë, Taulant Gjoka, në orët në vijim do të ketë një deklaratë nëse do të ketë të arrestuar për këtë aksident, apo do të hetohen në gjendje të lirë.

Gjoka bëri me dije se shoferit të autobusit, përveç testit të alkoolit i është bërë edhe testi i drogës./Albeu.com/

The post “Pasagjerët kanë parë shoferin me kokën ulur”, gazetari: Autobusi i “Go green” u përplas me një mjet tjetër para “Porsche” appeared first on Albeu.com.

Aksidenti i frikshëm ndodhi mbrëmjen e djeshme në afërsi të kinema Agimi, ku autobusi plot me njerëz u përplas me një makinë tip Benz, duke përfunduar më pas të dyja më mes të lumit Lanë.

Shkak i aksidentit dyshohet shpejtësia e lartë e autobusit teksa ishte me pasagjerë.

Pas përplasjes autobusi ka humbur drejtimin dhe ka marrë para Benzin duke përfunduar të dy në Lanë, ndërkohë që ka pasur dhe 5 persona të lënduar, dy pasagjerë të makinës dhe 3 që ishin në autobus.

Kujtojmë që autobusët e Unazës dhe shoferët e tyre janë denoncuar shpesh në media, për shkak se ecin me shpejtësi të lartë, por jo pak herë disa nga drejtuesit e këtyre mjeteve janë kapur edhe me sasi të lartë alkooli, duke vënë në rrezik jo vetëm pasagjerët por edhe qytetarët dhe mjetet e tjera në rrugë.

The post Dje shkaktoi aksident dhe ra në Lanë, autobusi “Go Green” i oligarkut Çausholli ende në lumë (VIDEO) appeared first on Albeu.com.