Në një intervistë, babai i të riut është shprehur se më të birin ishte shumë i lidhur dhe është i bindur se Aurelio nuk ka pasur konflikte me askënd, ndërsa thotë se djali i thoshte gjithmonë që nuk i bie në qafë askujt.

 “Kam pasur një lidhje shumë të ngushtë me Aurelion, e kam pasur shumë afër, më tregonte gjithçka. Kurrë nuk ka pasur konflikte me asnjë, jam plotësisht i bindur. Unë e di çfarë fëmijë kam pasur, ishte i shkathët. Gjithmonë më thoshte ‘babai, në derën tonë nuk ka për të ardhur kurrë njeri të të thojë që Aurelio me ka rënë në qafë, ta siguroj, por rrugë njeriu nuk i hap’, këtë ma thoshte. Nuk i bie në qafë njëru më thoshte, dhe as nuk ka pse të më bjerë në qafë njëri.

Kujtimet me të janë të pafundme… Kujtime nga më të ndryshme, e ka pas afër gjithmonë. Do bëj gjithçka për ty më thoshte, do të të bëj krenar”. Me punë krahu i kam rritur fëmijët. Nuk e kam penguar për asgjë, më thoshte do dal me shokët, i thoja ‘nuk dua gabime, nuk dua njeri të trokas e të më thotë që djali më bëri këtë’. Jam munduar gjithmonë t’i plotësoj çdo gjë, ishte gjithçka për mua”, tha ai për Euronews Albania.

Babai i 18-vjeçarit ka treguar po ashtu se nga katër autorët e arrestuar për ngjarjen, disa prej tyre kanë tentuar t’i kërkojnë falje, por ai ka refuzuar.

“Nuk i kam pranuar, nuk ma bën zemra”, u shpreh ai, ndërsa shtoi se është në pritje të vendimin të gjykatës për ta, nga e cila ka kërkuar dënim maksimal.

“Unë si prind kërkoj dënim maksimal, djalin tim po e tret dheu, të treten dhe ata atje brenda. Nëse gjykata nuk merr vendim, mbetet të marr unë vendim, pres shtetin…”, tha ai.

The post Vrasja me thikë e Aurelio Dervishit, flet babai i 18-vjeçarit: Nuk i kam falur autorët appeared first on Albeu.com.

Bëhet fjalë për shtetasin Frensi Shehi dhe tre të miturit Bjorni Shehi, Shaqir Hazufi dhe Irhad Ismalaj. Sipas hetimeve të Prokurorisë, shkaku i vrasjes ka qenë xhelozia për një vajzë, e cila ndodhej në automjet me viktimën dhe më parë kishte qenë e dashura e Frensi Shehut.

Personi që ka qëlluar me thikë për vdekje 18-vjeçarin Aurelio Dervishi, sipas hetimeve të organit të drejtësisë ka qenë i mituri Shaqir Hazufi. Katër autorët akuzohen për veprën penale “Vrasje me dashje e kryer në bashkëpunim”.

“Nga hetimet rezultoi e provuar se rreth orës 20:45 pm të 31.03.2024 personat e arrestuar kanë parë duke lëvizur mjetin tip ‘Audi’ me të cilin lëvizte viktima, shtetasi Aurelio Dervishi, me miqtë e tij dhe një vajzë që dyshohet se kishte pasur lidhje me parë më një nga bashkëpunëtorët në vrasje shtetasin Frensi Shehu.

Për shkak të xhelozisë e duke menduar se po qeshnin me të, shtetasi Frensi Shehu i ndoqi nga pas me makinë duke i prerë rrugën. Në grindje e sipër, ai ka kërkuar nga shoku i tij, shtetasi Shaqir Hazufi, të nxjerrë thikën dhe të qëllojë viktimën. Ndërsa bashkëpunëtorët e tjerë janë rrahur me grushte me viktimën dhe shokët e tij.

Nga kryerja e ekspertimit mjeko-ligjor rezultoi se viktima, shtetasi Aurelio Dervishi humbi jetën si pasojë e shokut hemorragjik traumatik nga plaga e marë në kraharor.

Nga analiza e të dhënave të administruara, rezultoi e provuar se nga shtetasit Shaqir Hazufi, Frensi Shehi, Bjorni Shehi dhe Irhad Ismalaj kanë konsumuar elementet e figurës së Veprës Penale ‘Vrasje me dashje e kryer në bashkëpunim’ në dëm të të ndjerit Aurelio Dervishi

Këta persona me dashje, në bashkëpunim me njëri-tjetrin kanë kryer veprime aktive të kundraligjshme që konsistojnë në goditjen me sende të forta dhe me thikë”, – thuhet në njoftimin e Prokurorisë.

The post Vrasja e 18-vjeçarit Aurelio Dervishi në Tiranë/ Prokuroria mbyll hetimet: Shkak xhelozia për një vajzë, ja kush e vrau (Emrat) appeared first on Albeu.com.

Në lidhje me këtë ngjarje të rëndë, i ftuar në emisionin Me zemër të hapur, ka qenë shoku i Aurelios.

Shoku i viktimës tha se është i shokuar nga ngjarja. Ai tha se Aurelion e kishte si vëlla, ndërsa ka shpjeguar edhe dinamikën e asaj që ndodhi.

“Kjo ngjarje na ka tronditur. Aurelio nuk ishte tip që donte të bënte sherre. Unë rrija tek shtëpia e Aurelios. Pak përpara ngjarjes, unë isha me Aurelion, i thashë do iki në punë dhe ika. Pas isha në punë, më mori një shok në celular dhe më tha se kanë goditur Aurelion me thikë.

Ne kishim shoqëri të madhe me njëri-tjetrin. Dy makina e kanë ndaluar mjetin ku ndodhej Aurelio. Aurelio ka zbritur dhe ata e kanë qëlluar. Më kanë thënë se mund ta ketë qëlluar një 15-vjeçar. Fillimisht janë kapur me duar e më pas njëri nga ata djemtë ka nxjerrë thikën dhe e ka qëlluar. Në spital unë dhe shoku im arritëm të parët. Ne po prisnim çfarë do thoshin mjekët, atje na thanë se ka ndërruar jetë”, deklaroi shoku i Aurelios.

The post Vrasja e 18-vjeçarit Aurelio Dervishi/ Shoku i tij rrëfen mes lotësh: Para ngjarjes isha me të… appeared first on Albeu.com.

Ata shprehen se e kishin takuar gjysmë ore para ngjarjes, ku ishte pasagjer në një makinë, ndërsa nuk e kishin vënë re se me kë ishte.

“Aurelio ka qenë djalë shumë i mirë. I qëndronte larg sherrit dhe bënte shumë për shoqërinë

Pasi mbaroi gjimnazin punonte me të atin, bënin punime elektrike. E takuam gjysmë ore para ngjarjes. Ishte pasagjer në një makinë. Ishte i qetë. Nuk e pamë me kë ishte i shoqëruar”, thanë miqtë e viktimës.

18-vjeçari ishte në vendin dhe momentin e gabuar, pasi nuk ishte ai shkaku i sherrit mes të rinjve një natë më parë.

Sipas gazetares Dorjana Bezat, “molla e sherrit” ka qenë një vajzë, e cila dikur ishte lidhur me shokun e viktimës dhe më pas kishte nisur një marrëdhënie me një djalë tjetër.

Dervishi në momentin e përplasjes, ka qenë me personin që kishte konflikt dhe një shokun e tij. Mësohet se ata janë ndeshur në rrugë me agresorët dhe më ps kishte nisur konflikti fizik.

Duke qenë se viktima ishte i fuqishëm fizikisht, kur nuk e kanë mundur me grushte, e kanë goditur me thikë në zemër.

Mësohet se të arrestuarit të dyshuar si autorët e ngjarjes, janë Fensis Shehu, 20-vjeç, dhe tre të mitur të moshës 16- vjeç, 16-vjeç, një 15-vjeç janë nga Farka.

Dyshohet se ishte 15-vjeçari, njëri nga 4 tëarrestuarit  që qëlloi me thikë viktimën. Sipas informacioneve, 16-vjeçarja, e dyshuar si ”molla e sherrit” ishte në makinë me Aurelion që mbeti viktimë.

The post Vrasja e 18-vjeçarit në Tiranë/ Flasin miqtë e tij: I qëndronte larg sherrit, ndihmonte të atin pasi mbaroi gjimnazin appeared first on Albeu.com.

Këtë pasdite, ata përcollën në banesën e fundit birin e vetëm Aurelion 18-vjeç faji i vetëm i të cilit ishte se ndodhej në vendin e gabuar dhe në kohën e gabuar.

Pas një konflikti mes dy grupe të rinjsh për një vajzë, ai u godit me thikë në zemër dhe ndërroi jetë.

E madhe është dhimbja edhe për shokët, të cilët e takuan vetëm pak minuta para krimit.

“Aurelio nuk bënte sherre. Punonte me materiale elektrike me të atin. Bënte shumë për shoqërinë.

E takova 30 minuta para ngjarjes afër vendngjarjes. Ishte në të njëjtën makinë pasagjer. Uli xhamin dhe na përshëndeti”, thanë miqtë e viktimës.

Për ngjarjen policia ka vënë në pranga 4 persona mes tyre 3 të mitur të moshave 15 dhe 16-vjeç.  Frensis Shahu 20- vjeç së bashku me 2 kushërinjtë e tij 16-vjeçarë dhe një 15-vjeçar u konfliktuan rreth orës 22.00 të së dielës pranë rrethit të shkozës me Aurelio Dervishin dhe 2 miqtë e tij pasi në makinë ata kishin një 16 vjeçare që dikur ka qenë e dashura e nje prej shokëve të tyre.

Sherri me grushte u pasua me atë me thika nga dëmtimi i të cilës Aurelio Dervishi ndërroi jetë. Policia dyshon se mjeti prerës u përdor nga 15-vjeçari i nxitur nga shokët më të rritur.

Hetimet po thellohen edhe për persona të tjerë të përfshirë në ngjarje dhe për të kuptuar se kush prej palëve e kërkoi përballjen.

The post Lot dhe dhimbje në Shkozë, 18-vjeçari Aurelio Dervishi përcillet në banesën e fundit, ishte djali i vetëm i familjes appeared first on Albeu.com.

Mësohet  se “molla e sherrit” ka qenë një vajzë, e cila dikur ishte lidhur me shokun e viktimës dhe më pas kishte nisur një marrëdhënie me një djalë tjetër.

Ditën e djeshme, ai ka qenë me personin që ka konflikt dhe një shokun e tij. Mësohet se dy të rinjtë kanë debatuar në rrugë me agresorët dhe ka nisur konflikti fizik.

Autorët kanë goditur me thikë në zemër Aurelio Dervishin. Ai nuk ka mundur t’i bëjë ballë plagëve të rënda dhe për pasojë ka humbur jetën gjatë transportimit për në spital.

Mësohet se të arrestuarit, të dyshuar si autorët e ngjarjes janë nga Farka. Vajza, e dyshuar si ”molla e sherrit” ishte në makinë me viktimën në momentin e ngjarjes.

Njëri prej të arrestuarve, është Fensis Shehu, 20-vjeç.

Ngjarja ndodhi mbrëmjen e sjeshme te Rrethi i Shkozës. Autorët u larguan menjëherë pas krimit për tu arrestuar ditën e sotme.

Policia njoftoi se ka arrestuar Frensis Shehun 20-vjeç dhe tre të mitur, të moshës 16-vjeç, 16-vjeç, një 15-vjeç.

The post Ky është 18-vjeçari Aurelio Dervishi që u vra me thikë appeared first on Albeu.com.