E ardhmja e Aurelien Tchouameni te Real Madridi tashmë duket e qartë, pasi mesfushori francez ka vendosur të mbetet pjesë e klubit madrilen.

Ndonëse javët e fundit u përfol shumë për një largim të mundshëm të tij, si dhe për interesimin e Manchester Unitedit, 26-vjeçari ka marrë një vendim të rëndësishëm për vazhdimin e karrierës.

Sipas asaj që raporton Marca, ai ka arritur marrëveshje me Real Madridin për të zgjatur kontratën e tij dhe për të vazhduar rrugëtimin në “Santiago Bernabeu”.

Kontrata aktuale e Tchouamenit përfundon në vitin 2028, por palët janë dakordësuar që bashkëpunimi të vazhdojë edhe për tre vite të tjera, deri në verën e vitit 2031.

Edhe pse sezoni i fundit i Real Madridit pati luhatje në aspektin kolektiv, në planin personal Tchouameni mbeti një nga figurat më të rëndësishme të skuadrës. Ai vijoi të ishte një lojtar kyç edhe në radhët e kombëtares së Francës.

Spekulimet për të ardhmen e tij u shtuan sidomos pas incidentit me Federico Valverde dhe nisjes së një epoke të re te madrilenët nën drejtimin e Jose Mourinhos.

Megjithatë, mediumi spanjoll thekson se francezi nuk e ka vënë asnjëherë në diskutim dëshirën e tij për të qëndruar te Real Madridi.

Zyrtarizimi i rinovimit pritet të ndodhë shumë shpejt, ndërsa me marrëveshjen e re Tchouameni do të ketë një rol edhe më të rëndësishëm në projektin e ri të klubit.

Po sipas raportit, kontrata e re do t’i sigurojë atij një pagë prej 13 milionë eurosh në sezon, çka konsiderohet si një tjetër tregues i besimit të plotë që klubi ka ndaj tij.

Me këtë lëvizje, Real Madridi garanton vazhdimësinë e një prej pikave më të forta të mesfushës, ndërsa mbetet ende e paqartë se çfarë do të ndodhë me lojtarët e tjerë, e ardhmja e të cilëve vazhdon të jetë në dyshim.

The post Tchouameni mbyll zërat për largim, pranë rinovimit me Real Madridin deri në vitin 2031 appeared first on Albeu.com.

Eduardo Camavinga mund të jetë ndër lojtarët që i japin fund qëndrimit te Real Madridi gjatë verës, nëse klubit i paraqitet një ofertë që vlerësohet e kënaqshme, sipas gazetarit Ramon Alvarez de Mon.

Burimet bëjnë të ditur se drejtuesit e skuadrës madrilene synojnë ta formësojnë mesfushën e sezonit të ardhshëm rreth Jude Bellingham, Aurelien Tchouamenit, Arda Gulerit, Federico Valverdes dhe Bernardo Silvës.

Gjithsesi, një ndarje me Camavingan mund të ndodhë vetëm në rast se vetë futbollisti ndryshon mendim dhe pranon largimin nga Santiago Bernabeu.

Pas një edicioni zhgënjyes 2025/26, francezi nuk shihet më nga Real Madridi si pjesë e paprekshme e projektit. Megjithatë, dëshira e Camavingas mbetet të vazhdojë te klubi dhe të bindë trajnerin Jose Mourinho, duke luftuar për të siguruar një vend në formacion.

Nëse ish-mesfushori i Rennes largohet, atëherë Real Madridi do të krijonte hapësirë për të investuar në afrimin e një mesfushori të ri qendror, përforcim që Mourinho e ka kërkuar prej kohësh.

The post Jose Mourinho vendos mes Gulerit, Tchouamenit, Valverdes dhe Camavingas, njëri mund të hapë rrugë për afrime të reja appeared first on Albeu.com.

Manchester United i ka përcjellë Aurelien Tchouamenit se një kalim i mundshëm nga Real Madridi në “Old Trafford” mund të ndodhë vetëm nëse lojtari pranon të paguhet më pak.

Lajmi është bërë i ditur nga eksperti i merkatos Fabrizio Romano, i cili thekson se ky mesazh u është transmetuar përfaqësuesve të mesfushorit francez. Sipas tij, klubi anglez ende nuk ka marrë miratimin nga Real Madridi për të hyrë në bisedime.

“Manchester United ia ka bërë të qartë kampit të Aurelien Tchouamenit se mënyra e vetme për t’iu bashkuar klubit është të pranojë një pagë ndryshe nga ajo që fiton te Real Madridi”, ka raportuar Romano.

Në këtë moment, Tchouameni fiton afërsisht 300 mijë euro në javë, duke përfshirë bonuset. Nga ana tjetër, United po kërkon të reduktojë shpenzimet për pagat, pasi gjatë kësaj vere nuk arriti të transferojë Elliot Anderson, Sandro Tonali dhe Mateus Fernandes.

Po ashtu, për francezin interesim ka shfaqur edhe Chelsea, ndërsa Manchester United po vlerëson edhe opsione më të lira në treg, si Tyler Adams dhe Sander Berge./

The post Manchester United vendos kusht për Tchouamenin, Romano zbulon detajin e pagës appeared first on Albeu.com.

Aurelien Tchouameni, mesfushori i Real Madridit, ka reaguar për herë të parë lidhur me episodin e ndodhur me Federico Valverden në qendrën stërvitore të klubit në Valdebebas, duke hedhur poshtë pretendimet se e kishte qëlluar me grusht shokun e skuadrës.

Disa ditë pasi foli Valverde, qëndrimin e tij e ka bërë publik edhe mesfushori francez, i cili theksoi se një pjesë e madhe e asaj që është raportuar nuk përputhet me të vërtetën.

“Natyrisht, ndodhën disa gjëra dhe ju i patë e i dëgjuat në media. U ekzagjeruan sepse u bënë lajm dhe kur luan për Real Madridin, kjo krijon një reagim të madh”.

“Në media u thanë shumë gjëra pa kuptim. Lexova se kishte pasur një përleshje dhe se e kisha goditur me grusht… Nuk ishte kështu. Nuk do të hyj në më shumë detaje”, deklaroi Tchouameni.

Incidenti mori vëmendje të madhe mediatike pasi u raportua se Valverde përfundoi në spital dhe iu nënshtrua trajtimit me qepje në kokë, ndërsa klubi ndëshkoi të dy lojtarët me gjobë për shkelje disiplinore.

Tchouameni shtoi se situata është trajtuar brenda klubit dhe se raporti i tij me Valverden është i rregullt.

“Gjëja më e rëndësishme është se klubi ishte në dijeni të asaj që ndodhi. Ka shumë gjëra që ndodhin në dhomën e zhveshjes dhe nuk dalin në media. Jeta vazhdon”.

“Unë dhe Fede kemi një objektiv të përbashkët: të fitojmë trofe me Real Madridin. Nuk ka probleme. Dhe nëse përballemi në Kupën e Botës, secili do të bëjë maksimumin për kombëtaren e tij. Në nivel personal, tani nuk ka asnjë problem me Valverden”, përfundoi ai.

Sipas raportimeve, te Real Madridi kishte më shumë shqetësim për faktin që ngjarja doli në media sesa për vetë përplasjen mes dy futbollistëve./

The post Aurelien Tchouameni flet për incidentin me Fede Valverden dhe mohon ta ketë goditur appeared first on Albeu.com.

Një problem i madh ka goditur Francën përpara ndeshjes me Paraguain në 1/16 e finales së Kupës së Botës 2026, pasi Aurelien Tchouameni pritet të mos luajë për shkak të një dëmtimi në kofshë.

Mesfushori i Real Madridit ka qenë ndër elementët kyç të Didier Deschamps në këtë Botëror, teksa ka nisur si titullar në tri nga katër takimet që skuadra ka zhvilluar deri në këtë pikë.

Sipas asaj që raporton “L’Equipe”, futbollisti 26-vjeçar nuk do të jetë i gatshëm për përballjen ndaj Paraguait, ndërsa në vend të tij në formacion pritet të aktivizohet Manu Kone.

Franca arriti të kalojë në fazën me eliminim direkt pasi e përfundoi grupin I me maksimumin e pikëve, duke i fituar të gjitha tri ndeshjet, përpara se në 1/32 e finales të mposhtte Suedinë me rezultatin e pastër 3-0.

Të shtunën, “Gjelat” do të zbresin në fushë në Filadelfia përballë Paraguait, me synimin për të siguruar një vend në çerekfinalet e Kupës së Botës.

Deri në këtë moment, Federata Franceze e Futbollit ende nuk ka dalë me një reagim zyrtar për raportimet që flasin për mungesën e Tchouamenit.

The post Franca përballet me mungesë të rëndësishme, Tchouameni jashtë ndaj Paraguait për shkak dëmtimi appeared first on Albeu.com.

Sipas raportimeve të ekspertit të transferimeve Fabrizio Romano, Manchester United e ka vendosur mesfushorin e Real Madridit, Aurelien Tchouameni, mes objektivave kryesorë për afatin kalimtar të verës.

Klubi anglez thuhet se është i përgatitur të avancojë për afrimin e reprezentuesit francez, por kjo lëvizje mund të ndodhë vetëm në rast se lojtari pranon të reduktojë kërkesat e tij financiare.

Në “Old Trafford” ekziston shqetësim për koston totale të marrëveshjes, ku përfshihen si shuma e transferimit, ashtu edhe paga e lartë e 26-vjeçarit.

Megjithëse interesimi i “Djajve të Kuq” mbetet i madh, Tchouameni deri më tani nuk ka dhënë sinjale se dëshiron të largohet nga Real Madridi.

Francezi synon të vazhdojë te “Santiago Bernabeu”, përderisa i sigurohet një rol i rëndësishëm në formacionin titullar.

Situata e tij pritet të marrë edhe më shumë vëmendje nëse ai spikat me kombëtaren e Francës në Kupën e Botës, pasi një paraqitje e mirë do t’ia rriste edhe më shumë vlerën në treg.

The post Manchester United synon Tchouamenin, por transferimi varet nga një kusht vendimtar appeared first on Albeu.com.

Drejtuesit madrilenë po analizojnë situatën e deri në shtatë lojtarëve: Raul Asencio, Fran Garcia, Eduardo Camavinga, Aurelien Tchouameni, Franco Mastantuono, Brahim Diaz dhe Gonzalo Garcia.

Edhe pse ende nuk ka një vendim përfundimtar, sektori sportiv i klubit është tashmë i angazhuar në ndërtimin e një skenari të ndërlikuar për këtë afat kalimtar.

Kohët e fundit, Real Madridi ka zhvendosur prioritetet në strategjinë e merkatos. Pas hapave përpara në afrimin e përforcimeve, tani klubi duhet të lirojë hapësira në skuadër përpara se të ndërmarrë lëvizje të tjera.

Situatat e Asencios dhe Fran Garcias duken më të drejtpërdrejta, pasi të dy kanë vlerësim të lartë në treg dhe mund t’i sjellin klubit të ardhura të rëndësishme, pa cenuar strukturën kryesore të ekipit.

Në repartin e mesfushës, tabloja paraqitet më e ndërlikuar. Camavinga dhe Tchouameni mbeten lojtarë të nivelit të lartë, me kontrata afatgjata dhe me peshë të madhe në tregun ndërkombëtar. Pavarësisht kësaj, te Real Madridi ekziston bindja se një largim nga kjo zonë e fushës do të sillte burime shtesë financiare për operacionet e ardhshme gjatë merkatos.

Në listën e futbollistëve që mund të largohen bën pjesë edhe Brahim, megjithëse rasti i tij shihet ndryshe. Ai ka treguar se mund të përshtatet në disa role në sulm, por shtimi i konkurrencës në repartin ofensiv mund t’ia reduktojë hapësirat dhe minutazhin.

Nga ana tjetër, e ardhmja e Gonzalo Garcias do të kushtëzohet nga mënyra se si klubi do ta ndërtojë sulmin. Për të mund të merret një vendim pas përgatitjeve verore, në varësi të asaj nëse do të ketë hapësirë për një sulmues rotacioni.

Për Mastantuonon, alternativa që shihet si më e mundshme është huazimi dhe jo transferimi përfundimtar. Talenti argjentinas ka nevojë për vazhdimësi në lojë dhe Real Madridi nuk synon t’ia ngadalësojë zhvillimin.

Prandaj, si zgjedhja më e arsyeshme konsiderohet kalimi i tij në formë huazimi te një klub ku do të ketë mundësi të luajë rregullisht dhe të marrë më shumë përgjegjësi.

The post Real Madridi shqyrton largimin e shtatë futbollistëve në verën e transferimeve appeared first on Albeu.com.

Mesfushori francez shprehu kritika të forta ndaj raportimeve mediatike, për të cilat tha se një pjesë e madhe e rrëfimit ishte e trilluar.

“Çfarë mësova nga incidenti me Fede Valverden? Siç e kam thënë edhe më parë, e vetmja gjë që më shqetësoi ishin historitë e sajuara”, deklaroi Tchouameni.

Ai theksoi se përballë mënyrës si u trajtua kjo çështje në media, kishte të bënte me diçka jashtë kontrollit të tij.

“Kjo është diçka që nuk mund ta kontrolloj. Mediat shpikin gjëra çdo ditë. Gjëja më e rëndësishme është që ne të vazhdojmë përpara”.

Francezi bëri të ditur gjithashtu se nga kjo situatë ka nxjerrë një mësim me vlerë.

“Problemi nuk është kurrë aq i madh sa e mendon në fillim. Sot flasim për këtë, por pas pak ditësh gjithçka kalon”.

Sipas tij, vëmendja dhe zhurma që krijohet në media është e pashmangshme, por gjithçka kalohet me durim.

“Duhet vetëm t’i kalosh ato dy ose tri ditë kur krijohet shumë bujë rreth një historie”.

Në përfundim, Tchouameni sqaroi se kjo temë tashmë i përket së shkuarës dhe se raporti i tij me Valverden mbetet pa asnjë problem.

“Jam i gatshëm të vazhdoj të punoj me Fede Valverden dhe të jem në krah të tij deri në fund”, përfundoi francezi.

The post Tchouameni flet hapur për incidentin me Valverden dhe mohon zërat e përplasjes appeared first on Albeu.com.

Sipas The Athletic, “Djajtë e Kuq” e shohin këtë si një rast të rrallë për të marrë lojtarin e Real Madridit, në një moment kur skuadra spanjolle po përgatit lëvizje të rëndësishme në përbërje.

Aktualisht, ‘Old Trafford’ konsiderohet si pista më e mundshme për Tchouamenin, ndërsa shifra e transferimit mund të afrohet te 70 milionë euro.

Klubi i Manchester United synon t’i intensifikojë bisedimet në javët në vijim, duke e parë francezin si një element të rëndësishëm për mesfushën, një repart që ka vuajtur nga mungesa e stabilitetit në sezonet e fundit.

Pranimi i ofertave nga ana e Real Madridit për Tchouamenin lidhet me projektin e trajnerit të ri, Jose Mourinho.

Thuhet se portugezi e ka vendosur mesfushorin argjentinas Enzo Fernandez në krye të prioriteteve për të rindërtuar mesin e fushës së madrilenëve.

Megjithatë, kërkesa e lartë financiare për lojtarin e Chelseat, që raportohet rreth 120 milionë euro, e ka shtyrë klubin spanjoll të mendojë shitjen e një prej figurave aktuale për të siguruar buxhetin e nevojshëm.

Duke qenë se Eduardo Camavinga shihet si i paprekshëm dhe Federico Valverde bën pjesë në planet afatgjata, Tchouameni duket kandidati më i mundshëm për t’u larguar nga “Santiago Bernabeu”.

Ndërkohë, Manchester United po kërkon të mbulojë boshllëkun e lënë nga largimi i Casemiros, ndërsa e ardhmja e Manuel Ugartes ende nuk është qartësuar.

Pavarësisht se klubi është afër transferimit të brazilianit Ederson nga Atalanta, drejtuesit mendojnë se skuadrës i duhet edhe një mesfushor me profilin dhe përvojën e Tchouamenit për të marrë më shumë forcë në qendër të fushës.

Opsionet e tjera që ka shqyrtuar United kanë hasur pengesa. Bisedimet për Mateus Fernandes kanë mbetur pezull për shkak të kërkesave të larta financiare, ndërsa Elliot Anderson duket i prirur për një kalim te Manchester City.

Në këtë klimë, Tchouameni shihet si zgjedhja më e përshtatshme për Manchester United.

Francezi vlerësohet për ndërhyrjet në rikuperimin e topit, qetësinë nën presion dhe aftësinë për të menaxhuar ritmin e ndeshjes, cilësi që mund t’i japin skuadrës angleze më shumë ekuilibër dhe garë për trofetë e mëdhenj.

The post Aurelien Tchouameni në orbitën e Manchester United, Real Madrid mund ta lëshojë për një ofertë të madhe appeared first on Albeu.com.

Sipas raportimeve të gazetarit Gianluigi Longari, klubi madrilen nuk e sheh më 25-vjeçarin si të paprekshëm dhe është i hapur të vlerësojë propozime të rëndësishme, në kuadër të një ristrukturimi të mundshëm të mesfushës përpara sezonit të ri.

Ndërkohë, vetë Tchouameni synon të vazhdojë qëndrimin në Santiago Bernabeu dhe të luftojë për një vend në formacionin e Jose Mourinhos.

“Tchouameni dëshiron të qëndrojë, por madrilenët po e konsiderojnë mundësinë e transferimit të tij”, raportohet nga Longari.

Nga ana tjetër, Manchester United ka bërë hapa konkretë për të analizuar mundësinë e transferimit të lojtarit. Klubi anglez mësohet se ka kontaktuar tashmë përfaqësuesit e futbollistit dhe ka zhvilluar biseda fillestare me agjencinë e tij, Excellence Sports Nation.

Synimi i “Djajve të Kuq” është që t’i paraqesin francezit projektin sportiv të klubit dhe të shqyrtojnë kushtet e mundshme të një marrëveshjeje.

Tchouameni u transferua te Real Madridi në vitin 2022 nga Monaco dhe ka pasur një rol të rëndësishëm në mesfushën e skuadrës spanjolle, por konkurrenca e fortë në atë repart dhe planet e reja të klubit mund të ndikojnë në vendimin për të ardhmen e tij.

Tani mbetet për t’u parë nëse Manchester United do të bëjë një ofertë zyrtare që mund ta bindë Real Madridin të heqë dorë nga një prej mesfushorëve të tij më cilësorë.

The post Real Madridi hap derën për shitjen e Aurelien Tchouamenit, Manchester United futet në garë appeared first on Albeu.com.